“Bullgaria ka ndërruar trajner dhe kjo gjë ka sjell që ata të ndryshojnë sistemim e lojës. Mund të them se nesër do të jetë një ndeshje shumë e vështirë për ne. Gjithmonë e kam thënë se do të vazhdojmë të luajmë me të njëjtën filozofi loje, gjithsesi ne në çdo lojë përpiqemi t’i përshtatemi lojës së kundërshtarit”.

“Pashë ndeshjen me Çekinë. E kam të qartë që s’do ta kemi të lehtë në Sofie. Pritshmëritë e mija s’kanë ndryshuar. Pres që të arrijmë fitoren. E respektoj kundërshtarin. Trajnerin e tyre e njoh mirë pasi ka punuar në Zvicër”.

Edhe Amir Rrahmani ka pasur probleme ende mbetet në dyshim për ndeshjen e sotme, ndërkohë që Dresheviç dhe Ibrahimaj nuk mund të luajnë për shkak se nuk kanë plotësuar ende dokumentacionin. Situata është ndryshe për Florent Hadergjonajn.

“Hadergjonaj  do të jetë i gatshëm që të paraqitet për Kosovën në takimin kundër Malit të Zi dhe është në formë të mirë. Shiriti i kapitenit? Kemi humbur katër kapitenë, por kapiteni nuk është problemi kryesor. Vendos për kapitenin sot”.

MURIÇ – Portieri Arijanet Muriç, ka zgjedhur Kosovën para Malit të Zi dhe Shaland deklaron: “Është speciale, por jo edhe aq. Kemi disa lojtarë që kanë luajtur edhe për Shqipërinë, pastaj për Kosovën dhe anasjelltas. Ka edhe shumë lojtarë kosovarë që kanë lindur në Kosovë, por luajnë për Shqipërinë. Pra nuk është edhe aq speciale”.

ZHEGROVA – Sulmuesi anësor i Bazelit shpesh është në shënjestrën e mediave.  Shaland tregon raportin e tij me sulmuesin. “Me Edonin gjithçka po shkon mirë, do të flas me të për çdo gjë. Ai është një djalë i ri dhe mjaft i guximshëm. Ka një te ardhme të ndritur, nuk ka asgjë për t’u shqetësuar. Është i ri”.

Situata me Hadërgjonajn dhe Tomën – “Hadërgjonaj na kanë thënë të flasim me konsulentin e tij, i cili për momentin nuk dëshiron të flasë me ne. Agjenti i Tomës na ka thënë se lojtari ende nuk ka vendosur dhe se për momentin do të aktivizohet me kombëtaren U21 të Zvicrës”.

LOJTARËT ME DY SHTETËSI – “Kjo është një çështje shumë e nxehtë. Unë kontaktoj lojtarët duke i treguar se jemi të interesuar për ta. Do të isha një idiot nëse nuk do ta bëjë këtë gjë. Aspekti patriotik është shumë i ndjeshëm. Unë nuk vendoj lojtarët nën presion, as agjentët ose prindërit. Nëse dikush zgjedh të përfaqësojë Zvicrën, e kuptoj krejtësisht këtë gjë”.

“Zvicra u kualifikua në Botërorin e Europianin e fundit. Nëse do të isha në vendin e lojtarëve, do të zgjidhja Zvicrën nëse do kisha shanse ideale për t’u përzgjedhur”.

“Kemi një përfaqësuese me potencial. Shumë nga lojtarët tanë nuk luajnë në klube ose kampionate të mëdha, por të gjithë së bashku mund të bëjmë diçka”.

PRESIONI NGA MEDIET – “Në Zvicër media për portretizon si një “hajdut” që marr talentet zvicerane, edhe pse unë nuk vjedh askënd dhe s’kam vendimmarrje në këtë punë. Vendimi u takon lojtarëve, prindërve dhe familjes. Dhe në Kosovë mediet po bëjnë mua se Federatës presion. Lajmet po na vënë shumë në stres. Për shembull nëse dikush na refuzon etiketohet si tradhtar, ndërsa unë jam fajtori për shkak se nuk e parandalova këtë gjë”, përfundoi Shaland.

FILOZOFIA E LOJËS – “Qëllimi im fillestar ishte të luajmë futboll të mirë, pa i pritur rezultatet. Ishim të mendimit se nëse luajmë mirë, kemi shanse për të pasur rezultate. Pas shtatë apo tetë muajsh në takimin e parë që patëm në kampin në Paris, biseduam se si mund të përparojmë. E vendosëm filozofinë e lojës – të luajmë mirë në mbrojtje, të mos pësojmë më 24 gola si në fazën kualifikuese të Botërorit në Rusi. Ideja ka qenë që të krijojmë një ekip për sulm dhe për mbrojtje. Jam i befasuar që kemi pasur këtë sukses shumë herët. Kjo do të thotë që lojtarët kanë bërë një punë shumë të mirë dhe kanë dëshiruar të përparojnë. Për mua ky është çelësi i këtij suksesi”.

MENTALITETI I LOJTARËVE – “Kam punuar në Zvicër me disa lojtarë nga Kosova dhe kam qenë trajner me lojtarë të rinj si Valon Behrami. E di mentalitetin e tyre pasi futbolli është pasion për shumë njerëz të Kosovës. Për mua kjo ishte një arsye për të ardhur këtu, sepse mendoja që në Kosovë kemi lojtarë të mirë dhe  federata do të përparojë. Është mirë të punojmë për futbollit”.

GJUHA SHQIPE – “Me lojtarët e Ekipit Kombëtar të Kosovës mund të flas vetëm: “Po”, “Jo”, “Mirëdita”, pasi gjuha shqipe nuk është një gjuhë e lehtë”.Komunikimi nuk është problem, pasi kemi lojtarë që flasin frëngjisht, gjermanisht dhe anglishtja ime mjafton të shpjegoj se çfarë dua në gjuhën angleze. Lojtarët më kuptojnë në mënyrë perfekte. Gjithsesi, Duhet t’i mësoj këngët shqipe, Festa ka qenë e madhe pas ndeshjes (qesh)”.

NEGOCIATAT E KONTRATËS ME FADIL VOKRRIN – “Isha i përgatitur për intervistën me të, ndoshta kam qenë i pari, i dyti apo i treti, mirëpo ne biseduam për futbollin. Unë i njihja të gjithë lojtarët dhe ai e pa se unë isha i gatshëm për punë, e njoh situatën dhe gjendjen e ekipit të Kosovës. Ai më pas më tha: ‘Në rregull. Për 5 minuta u morëm vesh për kontratën”.

VDEKJA E PAPRITUR – “Ishte shumë emocionuese, sepse para një kohe jo shumë të largët ne ishim miq, pinim verë në mbrëmje, bisedonim për futbollin, ishim të gatshëm që të punonim së bashku Nuk ishte aspak e lehtë, mirëpo tani duhet të vazhdojmë tutje”.

MAQEDONIA DHE EUROPIANI – “Maqedonia është ekip i mirë, por gjithashtu edhe ne e kemi mundësinë për të përparuar. Kemi kohë për t’u bërë gati, 1 vit apo 1 vit e gjysmë. Për ne, fokusi tani është që të punojmë për të përparuar dhe të jemi të gatshëm për këtë lojë” Nuk është mision i pamundur që Kosova të jetë pjesë e Kampionatit Europian, është e mundshme. Nëse Kosova pas 2-3 vitesh mund të marrë pjesë menjëherë në Kampionatin Europian, do të jetë mrekulli për këtë shtet”.

NDËRRIMI I UJKANIT ME MURIÇIN – “Trajneri duhet që të marrë vendime. Vendosa ashtu. Kemi biseduar para lojës me Ujkanin dhe ai është pajtuar. Ai ka respekt dhe e mbështet ekipin. E falënderojë nga këtu pasi që e ka mbështetur Muriçin e ri duke reaguar si kapiten. Muriç ka luajtur shumë mirë ndaj Azerbajxhanit”.

“Më vjen mirë që po shoh një interesim të madh të mediave dhe ky është një tregues për rëndësinë e madhe që ka ndeshja për të dyja ekipet. Do ta kemi një lojë të mirë dhe e dimë se është rrethi i fundit dhe gjasat për fitore janë 50 me 50 për qind. Në Azerbajxhan kemi luajtur baras. Skuadra e Azerbajxhanit është një skuadër e fortë dhe e mirë, prandaj edhe gjasat janë të barabarta.

Azerbajxhani është favorit, pasi që ka shumë më shumë përvojë se sa ne. Por ne hyjmë për fitore dhe jam i bindur se me përkrahjen e tifozëve tanë të zjarrtë do t’ia arrijmë këtij qëllimi. Nuk do ta ndërrojmë filozofinë e lojës. Nesër duhet edhe të rrezikojmë. Edhe nëse humbasim do ta vazhdojmë jetën, por e ritheksoj: unë besoj në fitore”, është shprehur Shaland.

BERISHA – Krah trajnerit ishte i pranishëm në konferencë edhe mesfushori Valon Berisha. Fillimisht ai foli për triumfin me Maltën dhe më pas e kaloi fokusin te takimi me Azerbajxhanin. “Ajo ishte një fitore tejet domethënëse, por jemi të vetëdijshëm  për rëndësinë e ndeshjes së nesërme dhe ne po besojmë në fitore.

Mendoj se edhe pse barazimi na kryen punë, ne si futbollist dhe si ekip nuk duhet të mendojmë për barazim, por duhet të shkojmë për fitore. Në fillim të kësaj gare Azerbajxhani është llogaritur favorit i grupit, madje edhe tani për shkak të përvojës mund të llogaritet i tillë. Por ne jemi lider dhe fitorja ndaj Maltës na ka dhënë kurajë. Luajmë para tifozëve tanë dhe hyjmë për fitore”, ka përfunduar Berisha. Berisha.