Berluskoni: Vuajtje të shoh Milanin në këtë gjendje, por unë nuk ndërhyj

Sport Ekspres — Sat, 27 Oct 2018 12:58:50 +0000

Silvio Berluskoni është një prej presidentëve më të suksesshëm që ka pasur Milani. Ish-numri një i kuqezinjve nuk ka qëndruar në heshtje, por ka preferuar që të komentojë situatën ku ndodhet skuadra e tij e zemrës. Berluskoni ka theksuar se ai i ndjek të gjithë ndeshjet e Milanit dhe se ndjen keqardhje për situatën ku ndodhet.

Po ashtu ish-presidenti vënë dukje faktin se ai nuk e mendon që të rikthehet sërish, për t’i dhënë një dorë skuadrës edhe në këto pozita ku ndodhet. Nw njw prononcim pwr Sportmediaset.it, presidenti aktual i Monzws theksoi:

“Unë e ndjek si një tifoz Milanin në çdo ndeshje, por jam mjaft i zhgënjyer. Është e dhimbshme dhe vuajtje të shohësh Milanin në këtë gjendje. Shoh një skuadër që nuk është aspak efikase, me sulmuesit që prodh9ojnë pak dhe nuk janë produktiv, pasi nuk po kalojnë një moment të mirë. Gjithçka varet nga forma e lojtarëve dhe unë shpresoj që kjo situatë të ndryshojë shpejt. E ardhmja e Gatuzos? Është diçka që i takon shoqërisë dhe unë nuk preferoj që të ndërhyj”.

Projekti Monza, Berluskoni vendos rregullat: S’ka mjekra e tatuazhe

Sport Ekspres — Fri, 05 Oct 2018 19:07:18 +0000

Silvio Berluskoni ka folur për herë të parë në lidhje mbi klubin e tij më të ri, Monzën. Miliarderi italian është që prej javës së kaluar pronari i vetëm i klubit që militon në Serie C. Në një event në Milano, 82-vjeçari nuk i kurseu batutat mbi këtë projekt të ri.

“Do të jetë një skuadër e re e përbërë krejtësisht nga italianë. Të gjithë djemtë do të kenë modele flokësh të zakonshme, e kemi gjetur një berber që the se është i gatshëm t’i qethë falas. S’do të lejohen as mjekrat e as tatuazhet dhe as përdorimi i vethëve”, tha “kavalieri” me shaka.

Merkaton e Monzës së re, nuk kishte si të mos ta bënte miku i ngushtë i ish-kryeministrit italian, Adriano Galiani, i cili momentalisht ka kryer vetëm një afrim.