Tashmë Xhampaolo do të marrë drejtimin e Milanit dhe Berluskoni e aprovon zgjedhjen e klubit, duke folur për prezantimin e librit të Arrigo Sakit, “Kupa e Të pavdekëshmve”.

“Mallëngjehem kur kujtoj ato momente, më mungon shumë Milani. Xhampaolo është një trajner i zoti, që do lojën e bukur, ka mentalitet sulmues dhe është gjëja e parë që një skuadër duhet të bëjë për të fituar. Ndoshta zgjedhja për t’i besuar stolin vjen nga këshillat që i kam dhënë presidentit aktual Skaroni: i kam dhënë shumë këshilla”, shprehet Berluskoni, i cili vijon të mendojë se është i zoti edhe si trajner.

“Kam në plan t’i kërkoj presidentit të Milanit që të kem mundësi të takohem me Xhampaolon. Besoj se mund t’i jap disa këshilla të mira. Do më mjaftonte të shihja skuadrën me mentalitet ofensiv, sepse këtë vit kam parë shumë pak goditje drejt portës dhe më vjen keq.

“Gatuzo? E dua shumë si njeri dhe si futbollist, si trajner patëm ndonjë debat, nuk ishim dakord për modulet e lojës”.

Berluskoni foli edhe për Antonio Konten, që do të drejtojë Interin: “Do isha i kënaqur po të merrte Milanin, por edhe Xhampaolo do funksionojë shumë mirë, për mendimin tim. Para se të largohesha nga drejtimi i Milanit, e menduam edhe Konten për stolin”.

Shpesh ish-presidenti i Milanit vjedh vëmendjen e mediave, pasi njihet për deklaratat dhe karakterin e tij. Së fundmi, pas shkarkimit të Alegrit nga Juventusi, nisën të përfliteshin lajme sikur Berluskoni ishte interesuar për trajnerin nga Livorno, që ky i fundit të merrte drejtimin e Monzës.

Gjithsesi, në një prenoncim për “Sky Sport”, Berluskoni ka deklaruar se nuk është diçka e vërtetë. Gjithashtu, ai foli dhe mbi futbollin e sotshëm, ku deklaroi se nuk është më i bukur dhe nuk e tërheq më.

ALEGRI TE MONZA – “Jo, nuk e besoj. Nuk kam dëgjuar të flitet për këtë çështje. Monza ka një trajner që ka dalë nga një shkollë si ajo e Milanit dhe po bën një punë mjaft të mirë.”

MONZA DHE FUTBOLLI – “Duam të bëjmë një skuadër  të mirë dhe të kemi sukses. Mbi të gjitha një ekip që ka lojë të ndryshme nga të tjerët, me djem të edukuar, pa mjekër dhe pa tatuazhe e vathë. Futbolli i sotëm në Itali nuk më tërheq më. Ka ekipe të mbushur me lojtarë të huaj. Futbolli është kthyer në një lojë force. Nuk është më i bukur.”

Pas përfundimit të sezonit të rregullt, duk u renditur në vendin e pestë, Monza pati avantazhin e fushës kundër Sudtirolit, avantazh i madh për faktin se renditja më e mirë e lejonte Monzën të kualifikohej edhe me barazim.

Ashtu ndodhi, sepse përfundoi 3-3, por çfarë emocionesh! Monza shkoi shpejt në avantazh 2-0, por Në minutat 37 e 54 Sudtiroli shënoi 2 gola dhe rihapi gjithçka.

Në fund drama: Monza humbi penallti në minutën e 80-të, Sudtiroli shënoi në minutën e 82-të dhe në Monza pllakosi zia. Megjithatë, në minutën e 88-të Armelino bëri të plaste festa, sepse u gjend i lirë në zonë dhe me kokë nuk fali, duke barazuar.

Monza kalon në turin e ardhshëm, Seria B është dy fitore larg!

Siç ka raportuar “calciomercato.com”, ekipi i Monzës mund të bëjë një përforcim mjaft të bujshëm në merkaton e verës. Është pikërisht, Rikardo Montolivo, i cili momentalisht aktivizohet tek Milan, por prej kohësh mesfushori nuk është një alternativë për Gatuzon. Përflitet se Berluskoni dhe Galiani mund të kërkojnë një ribashkim me 33-vjeçarin, i cili ka qenë pjesë e Milanit dhe në kohën kur president ishte Berluskoni.

Mesfushori italian përfiton plot 3 milionë euro në sezon momentalisht te Milan dhe largimi i tij do të lehtësonte shumë klubin kuqezi për sa i përket arkave të klubit. Kontrata e Montolivos përfundon në korrikun e vitit të ardhshëm dhe italiani do të transferohej te Monza me parametra zero. Gjithsesi një rol të rëndësishëm këtu do të luajë dhe ngjitja në Serinë B e këtyre të fundit.

Berluskoni dhe Galiani nuk do të jenë të vetëm, por do të kenë rreth 70% të aksioneve. Pjesa tjetër i mbetet presidentit aktual Nikola Kolombo, i cili nuk dëshiron të largohet plotësisht nga klubi. Gjithsesi kjo nuk është pengesë, duke pasur parasysh faktin që palët njihen mes tyre.

Kolombo është i ati i Feliçe Kolombos, i cili ka qenë pjesë e Milanit në periudhën 1977-1980. Mbetet vetëm për t’u zyrtarizuar marrëveshja, pasi gjithçka duket e përfunduar dhe brenda muajit do të vijë edhe njoftimi përfundimtar. Gjithçka është çështje procedurash për momentin.

Me bisedimet po merret një tjetër personazh i njohur i botës kuqezi, Adriano Galiani, i cili ka qenë numri 2 i Milanit dhe njeriu me i besuar i Berluskonit në botën e futbollit. Galiani e ka nisur karrierën pikërisht te Monza, ndaj për të është edhe një çështje zemre.

Nëse realizohet kalimi i pronësisë, Monza do të kishte të njëjtën skemë si te Milani, me Berluskonin aksionar maxhorance dhe Galianin administrator i deleguar.

Monza ka vite në krizë të thellë për sa i përket futbollit dhe shpesh ka qenë në vështirësi financiare, ndaj kontakti me përfaqësuesit e Berluskonit ka qenë i mirëpritur dhe pronarët aktualë duan ta shesin klubin, duke mbajtur një pakice aksionesh.

“Bëj gjithmonë tifozllëk për Milanin, por kur e shoh të luajë me një skemë krejt të gabuar, më kapin dhimbjet e stomakut”, deklaron ish-bosi kuqezi, i cili ka folur për Radio Capital dhe sërish jep mendimin si trajner, duke kritikuar tashmë edhe Xhenaro Gatuzon.

Në Itali ka ende shumë pikëpyetje mbi mënyrën si u shit klubi kuqezi, por Berluskoni shpjegon: “Është një futboll me ‘dollarë nafte’, nuk ishte e mundur të qëndronim në nivele të larta. Shpenzimet për klubin ishin bërë të papërballueshme, ndaj bëra një zgjedhje të dhimbshme, por të nevojshme”.

“Milani mbetet pjesë e zemrës sime, më dhemb kur e shoh të ecë keq dhe në këtë moment skuadra po paraqitet dobët. Nuk e kam kuptuar merkaton e klubit, nuk mund të ndryshohen 11 lojtarë.  Shpenzim kolosal, por nuk u afrua asnjë superlojtar. Nuk e doja fare Montelën, doja Brokin, por e ndërruan trajnerin kur unë isha i sëmurë rëndë në spital. Tani shoh lojtarët më teknikë në skuadër, Suso e Bonaventura, të luajnë shumë pak, ndërkohë që tentohet skema e zakonshme, kros nga krahët për qendrën dhe asgjë tjetër.

“Bonuçi kapiten? I është dhënë shiriti kapitenit një lojtari që ka qenë për vite të tëra flamur i Juventusit. Ndërkohë, ne kemi Montolivon, shiriti i duhej dhënë atij”.