Me largimin e Mançinit pritet që hapësirat e Berat Gjimshitit të shtohen akoma më shumë. Qendërmbrojtësi shqiptar e pati mjaft të vështirë të zinte një vend në formacionin titullar gjatë sezonit të kaluar, duke qëndruar në stol një periudhë, por me kalimin e kohës 26-vjeçari ia doli të bindte teknikun Gasperini me paraqitjet e tij.

Pikërisht për këtë të fundit, trajneri Edi Reja u pyet në konferencë, me këtë të fundit që sqaroi se Gjimshiti do të kryente një operacion, pasi vuante nga një dëmtim.

 

View this post on Instagram

 

OP done ?? time for recovery now ??? ???

A post shared by Djimsiti Gjimshiti Berat (@djimsitiberat) on May 29, 2019 at 1:21am PDT

Operacioni duket se ka shkuar me sukses për gjigantin e mbrojtjes tonë, i cili ka postuar ditën e sotme dhe një foto në llogarinë e tij në “Instagram”, ku ka shkruar se operacioni është kryer me sukses dhe se tani është koha për t’u rikuperuar.

Gjimshiti duhej ta bënte ndërhyrjen prej kohësh, por mbrojtësi ka sakrifikuar për Atalantën e tij, pasi bergamaskët vuanin nga shumë mungesa në prapavijë.

Gasperini do të jetë ai që do e shijojë suksesin e arritur. Sipas “Sky Sports”, 61-vjeçari e ka marrë këtë vendim pas nje takimi në zyrat e klubit me presidentin Perkazi. Për të interesohej klubi i Romës, që duket se nuk do t’i besojë Ranierit sezonin e ardhshëm.

Megjithatë, ai nuk e ka konsideruar mundësinë e marrjes së klubit roman, por ka zgjedhur të vazhdojë ëndrrën, që po përjetojnë bergamaskët.  Në këtë vendim përfiton edhe Gjimshiti, i cili ka qenë një lojtar stabël në formacion. Një ndryshim trajneri do të komplikonte situatën për legjionarin.

Në kuadër të takimit, “Sky Sport” ka bërë me dije formacionet e mundshme, me të dyja ekipet që luajnë gati-gati me të njëjtin modul. Atalanta e Gasperinit vjen me 3-4-1-2 e zakonshëm, ku Gomez është në mbështetje të dyshes Iliçiç-Zapata në sulm.

Në portë pritet të jetë Golini, ndërsa treshja e mbrojtjes përbëhet nga Gjimshiti-Mazielo-Palomino. Nga krahët luajnë Kastanje dhe Hateboer, ndërsa De Run dhe Froiler mbulojnë qendrën e mesit të fushës.
Nga krahu tjetër, Lacio i Simone Inzagit luan me 3-5-2 të pastër, ku në majën e sulmit luajnë Korrea e Imobile. Në katërkëndësh është portieri i kombëtares Tomas Strakosha, ndërsa përpara tij në mbrojtje janë Luiz Felipe, Açerbi e Bastos.

Nga krahët luajnë Romulo e Luliç, ndërsa në qendër Parolo e Lukas Leiva. Luis Alberto do të jetë pak më i avancuar, teksa shpesh do të kalojë edhe në mbështetje të dy sulmuesve.

ATALANTA (3-4-1-2): Gollini; Mazielo, Palomino, Gjimshiti; Hateboer, De Run, Froiler, Kastanje; Gomez; Iliçiç, Zapata

LAZIO (3-5-2): Strakosha; Luiz Felipe, Açerbi, Bastos; Romulo, Parolo, Lukas Leiva, Luis Alberto, Luliç; Korrea, Imobile

Thomas Strakosha do të jetë gardiani i bardhekaltërve, ndërsa terk Atalanta pritet ta nisë nga fillimi Berat Gjimshiti. Mbrojtësi po kalon një formë shumë të mirë. Kundër Xhenoas dhuroi asistin e golit të dytë, ndërsa Gasperini e ka provuar edhe si mesfushor i majtë.

26-vjeçari pritet të luajë si titullar në mbrojtjen me tre, ndërsa Etrit Berisha e ka humbur postin e titullarit që prej muajit mars. Atalanta nuk e fiton këtë trofe që prej 56 vitesh dhe do të kërkojë ta ngrejë në qiell për herë të dytë në histori, ndërsa Lacio do provojë ta veshë kupën bardhekaltër për herë të shtatë.

Trepikësh i artë për ekipin bergamask, që triumfoi në fushën e Sasuolos si pasojë e punimeve që do të kryhen në stadiumin e saj. 2-1 fituan vendasit me golat e Barrou dhe Kastanje, ndërkohë që Berat Gjimshiti dhuroi asistin e golit të dytë.

Dy gola të shënuar brenda shtatë minutash i kanë dhënë avantazhin e dyfishtë ekipit bergamask dhe parakalimin e Interit, që ka për të zhvilluar ndeshjen kundër Kievos.

20-vjeçari Barrou shënoi golin e parë në minutën e parë të pjesës së dytë. Sulmuesi nga Gambia mori një asist perfekt nga holandezi De Run dhe dërgoi topin në rrjetë.

Shtatë minuta më vonë, Atalanta dyfishoi shifrat. Berat Gjimshiti u bë protagonist me asistin e dhuruar për Kastanje, i cili nuk gaboi nga afër portës dhe dërgoi topin në rrjetë.

Xhenoa reagoi dhe shkurtoi rezultatin një minutë përpara fundit të ndeshjes. “Veterani” Pandev gjeti rrugën e rrjetës pas një aksioni shumë të bukur të miqve. Koha ishte e pakët për të tentuar më shumë dhe Atalanta hodhi një tjetër hap të sigurt drejt kualifikimit në Champions.

65 pikë numëron ekipi i Gjimshitit dhe Berishës, që renditet dy pikë supër Interit dhe gjashtë sipër Milanit, me dy ekipet milaneze që kanë për të luajtur një ndeshje më shumë.

Ekipi bergamask fitoi 2-1 me përmbysje (ndeshja e parë kishte dalë në barazim 3-3) dhe u kualifikua në finalen e madhe kundër Lacios. Atalanta tregoi edhe njëherë potencialin e saj. Futboll i bukur, presing asfiksues dhe rezultate. Gasperini ka formuar një ekip fantastik që po i zbavit të gjithë me stilin dhe mënyrën e lojës.

Vlera e kartonit të pothuajse gjithë lojtarëve është rritur ndjeshëm dhe sot mbrojtësi i kombëtares kuqezi vlen shumë. 26-vjeçari erdhi me parametra zero nga ekipi zvicerian i Zyrihut në vitin 2016.

Disa huazime te Avelino në Serinë B dhe Benevento në Serinë A bënë që Gjimshiti të merrte minuta, eksperiencë dhe të përshtatej me mekanizmat e veçantë të futbolli italian.

Në verën e kaluar u rikthye tek Atalanta përkohësisht. Berati punoi fort priti momentin e tij dhe nuk zhgënjeu. Ishte kthyer për t’u huazuar përsëri, por lojtari bindi dhe trajneri Gasperini vendosi ta mbajë në ekip.

Paraqitjet e mirë e kthejnë mbrojtësin, i cili ka shënuar një gol në kampionat kundër Interit, në një nga zbulimet e bukura të sezonit fantastik të Atalantës. Ekipi ku bën pjesë edhe Etrit Berisha ka siguruar finalen e Kupës dhe po lufton fort për një vend në Champions.

Sa kushton Gjimshiti sot? Plot 20 milionë euro. Diçka e mirë për të, Atalantën dhe kombëtaren kuqezi, që ka fituar një mbrojtës të madh në prapavijë.

Gjimshiti dhe Berisha pas fitores së djeshme kanë mundësi reale për të luajtur në eventimentin më prestigjoz për klube në Evropë. Tifozët e zjarrtë bergamaskë nuk kishin sesi të mos e festonin këtë. Pas kësaj fitoreje, atmosfera e tyre ka qenë e mrekullueshme. Mijëra tifoze janë grumbulluar në rrugët e qytetit për të festuar fitoren. Këngët në kor, fishekzjarret dhe tymueset e bëjnë atmosferën të prekë kulmin.

 

View this post on Instagram

 

Atalanta fans welcoming their players at Bergamo Airport after their important win over Napoli yesterday!?? – @curvanordbergamo #atalantabc #bergamo #atalanta #ladea #napoli #bergamaschi #italia #ultras #ultrasliberi #acab #1312 #amf #nopyronoparty #corteo #calcio #againstmodernfootball #tifosi #tifo #ultrastifo #stadium #ultrasmentality #sostienilacurva #matchday #awaydays #football #casual #supporters #fans #sport #hooligan

A post shared by ULTRAS | AMF | 1312 (@ultrasbible) on Apr 23, 2019 at 5:24am PDT

Ëndrra e madhe është kualifikimi në Champions Ligë dhe diferenca me Milanin e vendit të katërt është gjashtë pikë. Gara është e fortë, por djemtë e Gasperinit do të japin gjithçka për objektivin e madh.

Drejtuesit e klubit kanë arritur të bëjnë një punë pozitive, pasi kontratat e kontingjentit aktual janë afatgjata. Mario Pashaliç është e vetmja çështje për t’u zgjidhur në fund të sezonit. Kartonin e mesfushorit e zotëron Çelsi dhe Atalanta do të vendosë në fund, nëse do të investojë për shërbimet e 24-vjeçarit.

Sa i përket lojtarëve të kombëtares tonë, Berisha dhe Gjimshiti duhet të qëndrojnë të qetë. Portierit i përfundon kontrata në verën e vitit 2021, ndërsa mbrojtësit një vit më pas. Për t’u zgjidhur mbeten rinovimet e tetë lojtarëve, të cilëve u përfundon kontrata në vitin 2020, ku bien në sy emra të rëndësishëm si: Zapata, Iliçiç, Toloi, Gosens dhe Hatebër, të gjithë titullarë të ekipit.

LISTA E LOJTARËVE SIPAS VITIT QË I PËRFUNDOJNË KONTRATAT

2019- Pashaliç

2020-Rosi, Palomino, Toloi, Kastanje, Gosens, Hatebër, Iliçiç, Zapata

2021-Berisha, Masielo, De Run

2022-Reca, Gjimshiti, Frojler, Pesina, Gomez

2023-Golini, Mançini, Ibanez, Varnier, Barrou

Gjithsesi sot do të vendoset përfundimisht nëse Gjimshiti do të grumbullohet për ndeshjen me Milanin, që zhvillohet nesër prej orës 20:30. Trajneri Gasperini duhet të jetë i përgatitur për të gjetur zëvendësuesin e futbollistit të kombëtares sonë.

Mbrojtësi 25-vjeçar kohët e fundit po luan rregullisht me Atalantën dhe është kthyer në një nga lojtarët më të rëndësishëm të skuadrës nga Bergamo. Ai numëron 11 ndeshje në Serie A këtë sezon dhe nëntë prej tyre i ka nisur si titullar. Gjimshiti ka arritur të shënojë edhe një gol në fitoren 4-1 që Atalanta regjistroi kundër Interit në muajin nëntor.

Në mediat italiane i është bërë jehonë e madhe fitores së Atalantës, teksa Gjimshiti ishte një ndër më të vlerësuarit e takimit. Mbrojtësi 25-vjeçar është cilësuar si një gjigant i vërtetë në qendrën e mbrojtjes, duke lënë gati totalisht në hije Kristiano Ronaldon.

Sipas një prej mediave të klubit të Atalantës, “Bergamo Post”, Gjimshiti vlerësohet me notën 9 në këtë takim. Ndërkohë, Etrit Berisha, nuk është se ka pasur shumë punë në këtë takim dhe është vlerësuar me notën 6.5, ku paraqitja e tij është vlerësuar si e kënaqshme.

24-vjeçari ka zhvilluar 11-të ndeshje si titullar këtë sezon më Atalantën dhe ka shënuar një gol në Serie A kundër Interit. Pikërisht zikaltrit po interesohen për të, ashtu si dhe gjermanët e Shalkes. Milos Malenoviç, agjenti i Gjimshitit, vlerëson rritjen e performancës së tij në prononcimin e dhënë për “TMW” dhe fton dy klubet e interesuara të investojnë për shërbimet e shqiptarit.

“Kam dëgjuar për interesimin e Interit dhe Shalke 04, por nuk e di ku e kanë marrë këtë informacion. Nëse marrim parasysh faktin se si po luan me Atalantën, unë do t’i investoja 10 milionë euro për të blerë atë. Jam i lumtur për përmirësimet e mëdha që ka treguar Gjimshiti. Rritja e tij është një tjetër demonstrim i punës së madhe që po bën Atalanta dhe nuk kam asgjë tjetër për të shtuar”, përfundon agjenti i qendërmbrojtësit.

Bëhet fjalë për një qendërmbrojtës, Roxher Ibanjez, i cili u ble nga Fluminense. Për mbrojtësin brazilian u shpenzuan 4 milionë euro. 20-vjeçari, shihet si një ndër talentet më premtues në Brazil dhe tashmë kërcënon pozitat e mbrojtësit të kombëtares sonë, Berat Gjimshitit.

“Është një aventurë e re për mua dhe një mundësi e mirë për karrierën time, kështu që shpresoj të jap më të mirën për ekipin. Mendoj se mund të përshtatem shumë shpejt. Kam parë dhe qytetin dhe më pëlqen shumë.”

Roger #Ibañez è ???! ????

? Guarda la sua prima intervista da giocatore #Atalanta!
? https://t.co/hAVE41np9D#GoAtalantaGo ??? pic.twitter.com/5UKYRXZ7sQ

— Atalanta B.C. (@Atalanta_BC) January 29, 2019

Golat e shënuar me Albaseten, gjashtë deri më tani, kanë tërhequr vëmendjen dhe sipas asaj që raporton Gianluca Di Marzio, më shumë se një herë vëzhgues të Valencias dhe Selivjes e kanë parë sulmuesin e kombëtares sonë. Nga Gjermani po e vëzhgojnë me kujdes hanoveri dhe Shtutgarti, çka bën që tanimë Manaj ta shtojë një marsh dhe të hedhë hapin e madh.

GJIMSHITI – Qendërmbrojtësi u kërkua këtë verë nga Beshiktashi, por Atalanta është bindur për cilësitë e tij dhe i ka ofruar kontratën e re. Raportohet nga “nau.ch” se 25-vjeçari ka arritur marrëveshjen dhe ka nënshkruar kontratën e re që do të jetë e vlefshme deri në verën e vitit 2022.

Qendërmbrojtësi i kombëtares dilte lojtar i lirë në qershor, por skuadra nga Bergamo nuk dëshironte të hiqte dorë nga shërbimet e tij. Në shoqërinë e Milos Malenovic, Gjimshiti ka firmosur. Vjet ai bëri një sezon të mirë me Beneventon në Serie A, ndërkohë që në të shkuarën ka luajtur në B me Avelinon.

Huazimi i ka shërbyer ish-lojtarit të Zyrihut për t’u rritur dhe tashmë Atalanta mendon ta ketë pjesë të projektit të rëndësishme të projektit të tij Gjimshitin. Kontrata e re është sinjali i duhur për besimin që klubi dhe trajneri Gasperini kanë te qendërmbrojtësi i kombëtares.

Etrit Berisha nuk ishte i grumbulluar në këtë takim, duke u lënë pushim nga trajneri, Xhan Piero Gasperini. Ndërkohë, Berat Gjimshiti ishte titullar për 90 minuta, ku bëri një paraqitje të kënaqshme. Në minutën e 81-të gjithashtu, mbrojtësi i kombëtares sonë u ndëshkua me kartonin e verdhë.

Pikërisht, shtatë minuta pas ndëshkimit të Gjimshitit, ishte Duvan Zapata, i cili shënoi golin e avantazhit. Më pas, në shtesë autori ishte i njëjti, teksa sulmuesi kolumbian hipotekoi kualifikimin për ekipin e tij, ku në raundin tjetër e pret Juventusi.

Lajmet e para në lidhje me këtë transferim raportonin se Atalatanta nuk kishte ndërmend ta lëshonte pa 2 milionë euro, por sipas medieve turke, klubi nga Bergamo i ka ulur ndjeshëm kërkesat për kartonin e qendërmbrojtësit të kombëtares sonë.

Sipas së përditshmes turke “Takvim”, drejtuesit e Atalantës janë të gatshëm ta lëshojnë lojtarin për 400 mijë euro. Gjimshiti u transferua në Itali tre vite më parë nga Zyrihu dhe në total ka luajtur 11 ndeshje në me Atalantën, ndërsa dy sezone i ka kaluar në huazim. Fillimisht te Avelino në Serie B, e më pas te Benevento në Serie A.

“Il Messaggero” raporton se Igli Tare po tenton ta afrojë Hysajn te Lacio, ku do të bashkohej me lojtarin tjetër të kombëtares, Tomas Strakoshën. Në fakt nuk është hera e parë që emri i mbrojtësit të djathtë lidhet me skuadrën laciale, madje edhe para transferimit të Napolit pati një duel për shërbimet e tij.

Atëherë Sarri arriti të bindte De Laurentis, i cili pagoi 6 milionë euro tek Empoli për kartonin e tij. Sot Hysaj vlen shumë më shumë dhe duket i papërballueshëm për Lacion e Lotitos.

BERAT GJIMSHITI – Qendërmbrojtësi mund të ndryshojë kampionat që tani, pasi së fundmi ka shprehur interesim për të klubi turk i Fenerbahçes. Të gjendur në vështirësi dhe në rrezik për të rënë nga Superliga turke, verdhezinjtë do të bëjnë merkato.

Së fundmi ka pasur një takim në Milano dhe në tryezë është vënë edhe emri i Berat Gjimshitit, i cili është nën kontratë me Atalantën. Mbetet për t’u parë se si do të zgjidhet çështja e kontratës. Me siguri klubi italian do t’i vërë çmimin mbrojtësit dhe nuk do e lirë të ikë falas.

Gjimshiti ka shënuar një autogol në minutën e dytë të sfidës, teksa ka dërguar topin në rrjetën e tij në mënyrë të pavullnetshme. Berisha i gjendur i papërgatitur nuk ka mundur të reagojë për të evituar golin.
https://twitter.com/NicoSchira/status/1077928713583509506

Tashmë mediat italiane bëjnë me dije se mbrojtësi i kombëtares shqiptare është rikuperuar dhe mund të llogaritet për takimin e radhës me Lacion. Veç tij, edhe Iliçiç e ka shlyer pezullimin dhe Atalanta do të jetë më e plotë.

Një derbi edhe mes shqiptareve, pasi sikurse dihet te skuadra romake janë Thomas Strakosha, Valon Berisha dhe Riza Durmishi. Takimi Atalanta-Lacio do të luhet ditën e hënë prej orës 20:30. Dy portierët e kombëtares e sigurt që do e nisin ndeshjen nga fillimi.

Ai uli kokën, punoi fort, u tregua i përulur dhe i duruar, ndërsa sot është një pikë e fortë e mbrojtjes së Atalantës. Në fitoren e thellë kundër Interit erdhi dhe goli për Gjimshitin, i cili ka folur për “Corriere dello Sport”. Vështirësitë e verës, momenti i mirë, rikthimi te rezultatet pozitive, kërkesat e Gasperinit dhe momenti aktual. Ekipi ku luan dhe Etrit Berisha ndodhet në vendin e 8 në renditje dhe zona Champions është vetëm 4 pikë larg.

ATALANTA – “Sezonin nuk e nisëm mirë, por isha i bindur që do të riktheheshim të rezultatet pozitive. Kemi luajtur gjithmonë shumë mirë, jemi stërvitur me intensitet të lartë dhe nuk jemi dorëzuar kurrë.”

FITORJA ME INTERIN – “Çdo herë që zbres në fushë, e bëj me shpresën për të dhënë më të mirën. Luajta mirë kundër Interit, por merita duhet të ndahet me ekipin. Nëse arrita të ndalja Ikardin, ndodhi dhe në sajë të shokëve, të cilët kufizuan furnizimin me topa të argjentinasit.”

KONKURENCA – “Në janar kthehet Varnier dhe ka shumë konkurrencë në mbrojtje. Por, për mua nuk është problem, përkundrazi, është një stimul për të gjithë për t’u përmirësuar, për të mbajtur lart përqendrimin dhe për të dhënë gjithmonë maksimumin.”

QËNDRIMI – “U thirra për përgatitoren e Rovetës, kur kisha propozime nga skuadra të tjera. U kënaqa sepse gjithmonë kam dashur të luaja shanset e mia në Bergamo dhe të tregoja vlerat e mia. Kur u bëra përfundimisht pjesë e kontingjentit, Gasperini thjeshtë më kërkoi të stërvitesha fort. Kam mësuar shumë taktikisht nga trajneri. Gasperini është një trajner, i cili fokusohet te mbrojtja dhe kërkon shumë presing. Kisha nevojë për pak kohë për t’u përshtatur. Përgjithësisht, Italia ka nivel më të lartë taktik se Zvicra.”

Ndryshe situata për Berat Gjimshitin. Mbrojtësi u dëmtua gjatë grumbullimit me kombëtaren dhe nuk ishte as në ndeshje kundër Uellsit. Ai ka një problem në kofshë dhe është në dyshim për këtë ndeshjes. Gjithsesi ai do ta nisë nga stoli edhe nëse rikuperohet në kohë.

Gjimshiti u paraqit mjaft mirë në takimin e fundit me Interin, madje edhe arriti që të shënojë golin e tretë kundër zikaltërve. Tek Empoli është Frederik Veseli, i cili do të jetë në stol të takimin kundër Atalantës të dielën.

Përballja me Skocinë ka lënë pasoja te futbollistët kuqezi. Mërgim Mavraj për shkak të kartonit të kuq nuk mund të luajë në ndeshjen me Uellsin, ndërkohë që janë dëmtuar tre të tjerë. Berat Gjimshiti dhe Egzon Binaku, titullarë ndaj Skocisë, nuk do të jenë.

Gjithashtu për shkak dëmtimi edhe Emanuele Ndoj e ka humbur takimin me Uellsin dhe ka lënë grumbullimin, ashtu si shokët e tjerë të skuadrës. Kështu Panuçi duhet të sajojë mbrojtjen. Me shumë mundësi do të jetë Veseli ai që do të pozicionohet në të majtë, pasi nuk ka alternativa të tjera. Më parë është larguar edhe Ermir Lenjani.

Paraqitja e Gjimshitit ka qenë e mirë dhe sikurse thuhet në mediat italiane rinovimi është pranë. Në verë mbrojtësit i përfundon kontrata dhe tek Atalanta duan që futbollisti i kombëtares shqiptare të mbetet nën urdhrat e Gasperinit.

Lojtari 25-vjeçar ka debutuar në Serie A që në vitin 2016, ndërkohë që më pas u huazua tek Avelino (35 ndeshje, asnjëherë i zëvendësuar) në Serie B dhe vjet u aktivizua në elitën e futbollit italian me Beneventon. Edhe aty i luajti 30 ndeshje të plota.

Sivjet tek Atalanta e nisi si titullar në tre ndeshjet e para. Më pas pati një pauzë, për të ardhur te ndeshja e fundit kundër Interit. Tanimë për Gjimshitin është gati kontrata e re dhe i takon atij të vendosë se ku dëshiron të luajë sezonin e ri futbollistik.

GOLI I PARË NË SERIE A – “Është një moment i bukur personalisht, nuk di të them nëse është më i miri. Gjithmonë vij për maksimumin, pak rëndësi ka nëse shënoj gol apo jo”.

EKIP MEMEC– “Pyetja është për Izraelin, bëmë një ndeshje të mirë dhe nuk e merituam humbjen. Nuk patëm fat. Te goli i parë ishim si në akull, erdhi shumë shpejt. Nuk e pritëm që portieri të gjuante aq larg. Gabuam të gjithë, gjë që ndodh”.

AUTOGOLI ME SKOCINË – “Nuk ishte autogol kur godet dikush në portë. Nuk e di a do luaj apo do shënoj. Vendos trajneri. Nëse jam në fushë provoj të jap më të mirën. Fillimisht duhet të mbroj, pastaj nëse kam mundësinë të shënoj, pse jo”.

IKARDI – “Është e vështirë t’i markosh gjithë sulmuesit, jo vetëm Ikardin. Ka sulmues shumë të mirë në Itali dhe në kombëtare. Është psikologjike që do të japësh maksimumin e të mos e lejosh të shënosh sulmuesin kundërshtar”.

MUNGESA E CANËS – “Mungon, por duhet të shohim përpara. Futbolli është diçka që ecën shpejt. Nuk duhet të shohim pas, por gjithkush të japë më të mirën”.

MBROJTJA ME TRE – “Luajtëm me Jordaninë, kemi disa lojtarë që kanë luajtur me atë sistem. Nuk mendoj se do jetë problem. Trajneri është ai që vendos”.

PROBLEMI I SHQIPRISË – “Mbrojtja bëhet me gjithë ekipin, jo me tre apo katër. Gabimet ishin personale me Izraelin dhe na kushtoi”.

ÇFARË DUHET NDRYSHUAR – “Me Skocinë është një ndeshje e vështirë. Ata luajtën më mirë atje, tani luajmë në Shqipëri dhe kemi rastin të tregojmë vlerat tona. Në fund do arrijmë atë që duam, po luajtëm si skuadër. E dimë se jemi të fortë, po luajtëm të bashkuar”.

MESAZHI – “Tifozët na kanë mbështetur, edhe në Skoci ishin. Shpresojmë të jenë dhe të na mbështesin edhe ndaj Skocisë”.

Por jo vetëm portieri do të jetë titullar. Edhe Berat Gjimshiti do ta nisë nga minuta e parë kundër Interit. Mbrojtësi qendror kishte luajtur titullar në tre ndeshjet e para të kampionatit dhe prej kohësh “ngrohte” stolin. Aktivizimi i tij gëzon edhe trajnerin Panuçi.

Po të dielën, titullar në takimin Sasuolo-Lacio (ora 18:00) do të jetë Thomas Strakosha. Portieri i kombëtares është titullar i padiskutueshëm te skuadra kryeqytetase. Një ditë më parë ai bëri paraqitje mjaft të mirë në Europa League, në ndeshjen që Lacio e fitoi 2-1 kundër Marsejës.

Klubi që interesohet për të është Frozinone. Italianët synojnë qëndrimin në Serinë A dhe për këtë duhet të përmirësohen në prapavijë. Vetëm Kievo e vendit të fundit ka pësuar më shumë deri më tani, 26 gola, dy më shumë se skuadra e drejtuar nga Moreno Longo.

Gjimshitit i përfundon kontrata me Atalantën në verë dhe duke parë se nuk pa luan, për të zgjidhja më e mirë do të ishte të largohej diku ku mund të aktivizohet. Një vit më parë luajti rregullisht te Benevento dhe Frozinone do ia mundësonte diçka të tillë.

Frederik Veseli ndërkohë nuk është rikuperuar ende, duke e humbur mundësinë të përballet me Juventusin nesër prej orës 18:00. Empoli i tij ka një përballje shumë të vështirë me bardhezinjtë në shtëpi. Mbrojtësi i kombëtares do ta ndjekë nga tribuna Ronaldon&Co.

Elseid Hysaj pushoi në mesjavë në ndeshjen kundër PSG-së, ndërkohë që është programuar titullar për ndeshjen e së dielës në kampionat ndaj Romës (ora 20:30). Shkodrani do të luajë në të majtë të mbrojtjes, pozicion që e ka mbuluar javët e fundit.

I paprekshëm Thomas Strakosha. Portieri i kombëtares do të presë të hënën për të luajtur. Lacio ka një përballje të vështirë me Interin në shtëpi. Ky takim nis prej orës 20:00, ndërkohë që veç Strakoshës titullar pritet edhe Valon Berisha.

Mbrojtësi i djathtë do të jetë titullar kundër Fiorentinës, në një ndeshje që zhvillohet prej orës 18:00. Një ditë më pas, në të njëjtin orar, luhet Empoli-Lacio. Nuk do të ketë një derbi shqiptarësh nga fillimi.

Thomas Strakosha mbetet numri një te Lacio, ndërkohë Veseli duhet të presë për të luajtur titullar me skuadrën e tij. Edhe pse i preferuar nga Panuçi në kombëtare, në Itali situata për mbrojtësin nuk është e mirë.

Të hënë është radha e Atalantës, që luan në transfertë kundër Spal. Në mbrëmje, pres orës 20:30, nis kjo përballje, të cilën Berat Gjimshiti dhe Etrit Berisha janë të detyruar ta ndjekin nga pankina në fillim, pasi Gasperini ka planifikuar të tjerë futbollistë në vend të tyre.

Kontrata me Atalantën i skadon në verën e vitit të ardhshëm dhe drejtuesit po mendojnë për rinovimin me qendërmbrojtësin. Gjimshiti, i cili përfiton 300 mijë euro në sezon, refuzoi disa oferta gjatë verës.

Ai dëshironte të qëndronte tek Atalanta dhe të luante në Europa League, por eliminimi i shpejtë nga kompeticioni europian, do të detyrojë klubin të bëjë disa largime, sepse skuadra është e mbipopulluar.

Megjithatë, ai gëzon besimin e Gasperinit dhe drejtuesit po monitorojnë paraqitjet e tij. Nëse vazhdon të luajë dhe të zhvillojë ndeshje të mira, drejtuesit do të ulen për të diskutuar mbi rinovimin e kontratës dhe diçka e tillë do të ndodhë përpara hapjes së merkatos së janarit.

Skuadra e Gasperinit dominoi takimin, por në fund rëndësi kanë golat dhe sulmuesit e Atalantës, ashtu si ndeshjen e parë shpërdoruan shumë mundësi para portës së danezëve. Në goditjet e 11-metërshave, në mënyrë ironike gabuan kapiteni i ekipit, Alehandro “Papu” Gomez dhe ish-lojtari i Kopenhagen, Andreas Kornelius.

Në dështimin e Atalantës nuk pati minuta për dyshen shqiptare të berkamaskëve, Berat Gjimshiti dhe Etrit Berisha. Mbrojtësi dhe portieri i kombëtares tonë i panë 120 minutat e takimit nga stoli i rezervave.

Trajneri Gasperini as këtë herë nuk do t’ia besojë portën Etrit Berishës. Mediet italiane raportojnë se titullar pritet të jetë Golini. Por ka lajme të mira përsa i përket Berat Gjimshitit. I lënë në stol në ndeshjen e Europës, lojtari i kombëtares sonë planifikohet të zbresë nga minuta e parë në fushë.

Në sfidën e parë të kampionatit bëri mirë dhe pati vlerësime të shumta për ta. Duket se Gasperini do t’i besojë shpesh këtë sezon Gjimshitit, i cili vjet në Seria A ishte pjesë e Beneventos dhe luajti rregullisht si titullar.

FORMACIONET E MUNDSHME
ROMA (4-3-3): Olsen; Florenzi, Manolas, Fazio, Kolarov; Kristante, De Rosi, Pastore; Under, Dzeko, El Sharaui.

ATALANTA (3-4-3): Golini; Toloi, Gjimshiti, Masielo; Hatebur, De Ron, Freuler, Gosens; Pasalicc, Barrou, Gomez.

Mbrojtës ka komentuar verën, që e ka parë atë me “valixhe në duar” për shumë kohë. “Ishin mundësitë për të ikur, por më pas me menaxherin tim dhe drejtuesit i vlerësuam gjërat me qetësi dhe vendosa të qëndroj tek Atalanta. Në dy vitet e huazimit jam rritur shumë, por ky vit mund të jetë vendimtari për mua. Kjo pasi me z. Gasperini mund të bëj atë kërcimin e madh në cilësi”.

Gjimshiti thkeson se ka qëndruar tek Atalanta për të treguar vlerat e tij. Ndaj Frozinones ishte titullar ditën e djeshme dhe bëri një paraqitje shumë të mirë: “Këtu ka mbrojtës që kanë bërë mirë për dy vite dhe unë po përiqem të mësoj sa më shumë të jetë e mundur. Jam i kënaqur me atë që kam bërë deri më tani, por kam qëndruar në ekip sepse dua të tregoj vlerat e mira. Është një moment i mirë për ekipin dhe duhet të vazhdojmë kështu”.

Atalanta do të luajë kundër Kopenhagen në Europa League dhe Gjimshiti tregon objektivin: “Duam të shkojmë në grupet e Europa League. Po punojmë shumë dhe ndeshje si këto me Frozinonen, ku fitojmë duke krijuar shumë mundësi shënimi, na ndihmojnë të gjejmë besimin e duhur”.

Atalanta shpreson që 29-vjeçarit të pranojë kërkesën nga francezët e Lilës, në të kundërt, Berishës mund t’i mbeten vetëm ndeshjet e Kupës së Italisë. Në fushë nga minuta e parë e nis dhe Berat Gjimishiti, por edhe te ky aktivizim dyshohet se fshihen lojërat e merkatos.

Për qendërmbrojtësin ka pasur interes nga kampionati rus, por skuadra në fjalë ende nuk është e bindur për lojtarin dhe një performancë e mirë ditën e sotme mund të mbyllë kapakun çdo gjëje.

#AtalantaFrosinone il nostro XI: #Gollini #Toloi #Djimsiti #Masiello #Hateboer #deRoon #Freuler #Gosens #Pašali? #Barrow #PapuGomez#GoAtalantaGo ???

— Atalanta B.C. (@Atalanta_BC) August 20, 2018

Raportohet se oferta për Zazën shkon në 14 milionë euro. Por sikurse është bërë e modës, pagesa do të bëhet në dy këste. Sampdoria fillimisht do të derdhë në arkat e Valencias 2 milionë euro, kurse verën e ardhshme edhe 12 milionë të tjera.

Zaza vetë e mirëpret një rikthim në elitën e futbollit italian, ku ka spikatur më së shumti te Sasuolo. Sampdoria ndërkohë po pret një përgjigje për mbrojtësin Berat Gjimshiti.

Dje ai ishte titullar me Atalantan në ndeshjen e luajtur në Europa League. Gasperini tani duhet të vendosë përfundimisht nëse do e mbajë mbrojtësin në ekip apo do kërkohet të sistemohet diku tjetër. Sampdoria e pret.

Takimi i sotëm që skuadra nga Bergamo luan kundër Hapoel Haifa është vendimtar për të ardhmen e Gjimshitit. Sipas specialistit të merkatos, Xhanluka Di Marzios, sfida me izraelitët është testi për lojtarin e kombëtares.

Sampdoria i ka intensifikuar bisedimet për transferimin e Gjimshitit, pasi e ka t nevojshme të afrojë një mbrojtës. Nga ana tjetër edhe Atalanta duhet t’i bëjë llogaritë. Paraqitja e mbrojtësit në Europa League do vendosë të ardhmen e tij.