beqiraj

VIDEO | Beqiraj gjen rrjetën, por Xhejms e mposht me spektakël

Sport Ekspres — Wed, 31 Jul 2019 20:13:28 +0000

Xhejms Adeniji ka bërë një ndeshje të shkëlqyer në takimin e luajtur sot mes Shmona dhe Netania, takim i vlefshëm për Toto Cup në Izrale. Për ekipin e Shmona, aktivizohet ish-sulmuesi i Skënderbeut, Xhejms Adeniji, ndërsa për Netanian, Jahmir Hyka dhe Beqiraj.

Shmona fitoi 2-1 këtë sfidë, falë një performance të shkëlqyer nga sulmuesi nigerian. Xhejms asistoi në golin e parë të skuadrës së tij dhe vetëm 7 minuta më vonë, shënoi vetë, duke dribluar dy kundështarë dhe duke mposhtur portierin e Netanias me një gjuajtje me të djathtën në hyrje të zonës.

Në minutën e 75’, Netania do të fitonte një penallti pas një prekje të topit me dorë në zonë dhe Beqiraj mori përsipër për ta ekzekutuar këtë 11-metërsh, duke u treguar i saktë dhe duke vendosur rezultatin final në 2-1.

Beqiraj: Barazimi kënaq të dyja palët, vetëm Kosovën s’doja në grup

Sport Ekspres — Fri, 07 Jun 2019 21:18:03 +0000

Fatos Beqiraj mbajti shiritin e kapitenit për kombëtaren malazeze në takimin e sotëm kundër Kosovës. Në përfundim të takimit që u mbyll me shifra të barabarta 1 – 1, futbollisti nga Peja dha një intervistë të shkurtër për “Supersport”.

“Normalisht që ishte ndjenjë e çuditshme. Kur u hodh short para 1 viti, e vetmja dëshirë ishte të mos ndeshesha me Kosovën. Gjithsesi e kam parë këtë ndeshje vetëm në anën sportive, pasi kam 10 vite që luaj për Malin e Zi. Mungesa e publikut e bëri ndeshje e çuditshme. Gjithsesi mendoj se ky rezultat ishte i drejtë për të dyja ekipet”.

PROBLEMATIKA ME TRAJNERIN – “Gjithçka ndodhi shumë shpejt. Duke parë këtë problem që na doli, mendoj se barazimi duhet t’i kënaqë njerëzit e Federatës këtu në Mal të Zi”.

VIDEO | Katër “tunele” radhazi, e pabesueshme çfarë bën futbollisti shqiptar

Sport Ekspres — Sun, 03 Feb 2019 17:36:53 +0000

Driblimi i kundërshtarit duke ia kaluar topin mes këmbëmëve është një ndër triket më të bukura të futbollit. Shpesh jemi mësuar të shohim Lionel Mesin teksa turpëron kundërshtarët më këtë lloj mënyre.

Megjithatë ajo që ka bërë sulmuesi shqiptar Fatos Beqiraj është krejtësisht e pabesueshme. “Bomberi”, i cili aktivizohet në Izrael me Makabi Netajan, mrekulloi të pranishmit në takimin e djeshëm ndaj Hapoel Ber Shevës.

Futbollisti i lindur në Pejë, realizoi katër “tunele” radhazi brenda katër sekondash, edhe vetë Mesi nuk e ka arritur këtë gjë deri më tani.