ZGJEDHJA E KONTES – “E kemi ndjerë së bashku me pjesën tjetër të shoqërisë, që në këtë moment historik kishim nevojë për një trajner si Antonio Konte. Nuk kishim asnjë dyshim, ishte zgjedhja e parë dhe e vetme. Është një trajner fitues dhe një nga më të mirët në botë. E njohim mirë. Kam punuar me të më parë dhe kjo na i lehtësoi tratativat. Kemi një projekt ambicioz dhe duam ta rikthejmë Interin fitues”.

REBELËT – “Kemi të drejtën t’i zgjedhim protagonistët e këtij projekti dhe vlerat e tij. Na duhet impenjim, respekt, kulturë pune dhe mentalitet fitues, vetëm kështu mund të arrihen objektivat. Kemi vendosur së bashku me drejtuesit klubit dhe trajnerin që Naingolan dhe Ikardi nuk shkojnë me idetë dhe projektin tonë. Bëmë një zgjedhje kurajoze, të sigurt se po vendosim për të mirën e klubit, pa treguar mungesë respekti ndaj dy profesionistëve”.

“Ikardi? Nëse do të qëndrojë me ne, në fund të merkatos do të flasim drejtpërdrejt me të. Jemi optimistë që mund të gjejmë zgjidhjen më të mirë për të gjithë. Juventusi? E përjashtoj, pasi nuk janë kushtet. Vullneti i lojtarit bën diferencën, por nga sot te Juventusi nuk i shohin as hijen. Shkëmbimi me Dibala është një utopi. I di cilësitë e Paulos dhe më duket e vështirë që diçka e tillë mund të ndodhë. Gjithsesi merkato është e hapur”.

MERKATO – “Barela? Çdo klub ka të drejtë t’i vendosë çmimin lojtarëve të vet. Blerësi më pas ka të drejtë të mbrojë veten. Xheko? Ai është një objektiv, madje ka shprehur edhe vlerësimin e tij për Interin. E njëjta gjë ka ndodhur edhe me Barelën”.

“Lukaku? Po punojmë, por nuk duhet të harrojmë që kemi edhe bilanc për të respektuar. Idetë i kemi të qarta dhe duam ta kompletojmë ekipin që tani, por nuk kemi pse nxitohemi”, është shprehur mes të tjerash Marota gjatë konferencës për shtyp.

GODIN – “Jam i lumtur, jemi në negociata të avancuara për Godin dhe ishte bukur ta shihje të shënonte një natë më parë.”

IKARDI – “Nuk e dimë kur do të rikthehet Ikardi, por ju të medias duhet të dini më shumë se sa ne. Po presim për të dhe nuk kam asgjë tjetër për të shtuar, pasi i kam thënë shumë herë. Shpresojmë që të rikthehet sa më shpejt të jetë e mundur.”

KLUBI – “Puna imë është që të njoh klubin sa më shumë. Nuk isha i shqetësuar kur e mora punën përsipër dhe nuk jam as tani. Duhet të kemi motivi për t’u rikthyer te sukeseset. Klubi është i pari. Për shembull, një klub në Kopenhagen ka të shkruar: ‘Asgjë mbi klubin’. Na duhet të ecim me të njëjtën moto.”

Drejtori i klubit nga Milano është pyetur mbi takimin që pati me Spaletin si dhe për fatet e teknikut në pankinën e Interit. Gjithashtu, Marota foli dhe për fërshëllimat e tifozëve si dhe për Mauro Ikardin e Raxha Naingolan.

DISKUTIMI PAS NDESHJES ME TRAJNERIN – “Natyrisht që pati një diskutim pas ndeshjes, që është normal si për çdo ndeshje tjetër, si në humbje si në fitore. Nuk ka asgjë.”

VENDIMI MBI SPALETIN – “Nuk është aspak e vërtetë se ndeshja ndaj Parmës do të jetë deçizive për fatet e Spaletit. Nëse në një anë e dimë që Interi po kalon një moment të vështirë, në anën tjetër, dua të them që pozitat e Spaletit janë solide. Kanë ngelur dhe 16 ndeshje dhe jemi në vendin e tretë. Forma jonë ka ardhur në rënie kohët e fundit, por jemi një klub i madh, kemi një skuadër të mirë dhe një trajner shumë të aftë.”

FËRSHËLLIMAT E TIFOZËVE – “Fërshëllimat janë një shenjë dashurie kur gjërat nuk shkojnë mirë. Na duhet ta kuptojmë mentalitetin e tifozëve. Është një moment i vështirë për ne. Nuk duhet të harrojmë, që shumica e lojtarëve janë të rinj dhe kanë vend për përmirësim.”

IKARDI – “Është një lojtar i mirë që jep gjithmonë më të mirën. Gjithashtu dhe ai është i ri dhe mund të përmirësohet, kështu që nuk duhet t’i vëmë fajin atij. Kritikat duhet të jenë për të gjithë në këtë moment të vështirë, pasi të gjithë janë fajtorë, në rast se flasim për fajin.

NAINGOLAN – “Pati disa vështirësi në ambientim, pasi nuk ka qenë në formën që ka treguar vitet e fundit. Ai mund dhe duhet të bëjë më shumë, por ai është në dijeni të situatës. Ai po punon me Spaletin dhe ja  i sigurt që profesionalizmi i tij do ta ndihmojë të rikthehet akoma më i fortë.”

Tekniku i Interit, është kryefjala e ditëve të fundit në ambientin e klubit nga Milano, teksa eleminimi nga Champions nuk është pritur fare mirë nga presidenti Zhang dhe sidomos nga tifozët. Marota shprehu hapur besimin e tij për Spaletin dhe theksoi që italiani është një trajner i shkëlqyer.

“Spaleti është një trajner ekselent. Ai ka nevojë të punojë i qetë dhe është detyra jonë ta mbështesim gjithë kohën. Nuk është e thjeshtë të arrish rezultatet që Interi kërkon të arrijë, por është detyr e jona që të synojmë objektiva madhorë. Ai duhet të punojë i qetë, sepse klubi është në dispozicion të tij”, përfundoi fjalët e tij Marota.

Sot pasdite në klubin zikaltër do të prezantohet Bepe Marota, si administratori i deleguar i Interit për pjesën sportive ndërsa Alesandro Antonelo mbetet për pjesën financiare. Dje, Stevan Zhang në një mbledhje të gjatë në kampin zikaltër, sqaroi pozitat e Marotas. Ajo që nuk është kapërdirë akoma nga Zhang është eliminimi i parakohshëm nga Champions.

Një ndër lojtarët që kërkon Marota është Sergej Milinkoviç-Saviç  i Lacios dhe për sa i përket të rinjve, synohet Sandro Toneli i Breshias. Merkato po vjen dhe  Marotan e pret një punë e vështirë. Ajo që është kuptuar nga deklaratat e presidencës zikaltër është se objektivat janë të qarta : të jenë mes katër më të mirave.

Lidhur me këtë çështje ka folur, drejtori ekzekutiv i Interit, Alesandro Antonelo, i cili është shprehur se, Marota është i mirëpritur në klub, por ende asgjë nuk mund të thuhet e sigurt, pasi ende nuk është firmosur asgjë.

“Marota tek Interi? Gjithmonë e kam thënë, kemi një projekt që po vjen në rritje. Çdokush që mund të japë një kontribut dhe të na ndihmojë të arrijmë objektivat tona është i mirëpritur. Marota është një drejtor i madh, por në këtë pikë ne vetëm mund të presim. Ai është i rëndësishëm, por asgjë nuk mund të thuhet pa pasur firmë”, ka përfunduar CEO zikaltër.