Gjithsesi, ky i fundit duhet të kënaqet me një tjetër “trofe”. Luis Suarez është “dështaku” më i madh i këtij sezoni në La Liga për sa i përket rasteve të humbura. Plot 31 raste të humbura nga uruguajani, i cili është i shkëputur ndjeshëm nga Karim Benzema.

Sulmuesi i Realit ka shpërdoruar plot 18 raste, ndërkohë që podiumin e plotëson Rodrigo i Valencias me 17 raste. Leo Mesi është i nënti në këtë renditje, me 13 raste të humbura.

Leganes zhbllokoi takimin në limitet pjesës së parë, ndërsa “Los Blancos” rikthyen baraspeshën me anë të sulmuesit francez, Karim Benzema, pak minuta pas fillimit të fraksionit të dytë të lojës.

Reali qëndron në vendin e tretë me 61 pikë, katër më pak se Atletiko e vendit të dytë dhe nëntë më shumë se Sevija të katërt.

Leganes 1 – 1 Real Madrid
Shënues: Silva 54’ / Benzema 81’

Drejtuesit e Real Madrid po përgatiten për revolucionin e merkatos së verës. Emrat e preferuar të Zinedin Zidan tashmë dihen nga të gjithë. Hazard dhe Pogba janë më të përfolurit, por ende nuk ka dalë një emër përsa i përket majës së sulmit.

Vitin e kaluar Perez bëri çmos për të transferuar në Madrid Robert Levandovskin. Polaku tashmë duket një histori e mbyllur, pasi Bajerni s’ka ndërmend ta lëshojë madje, po përgatitet një kontratë rinovimi.

Zgjidhja për këtë repart nuk ndodhet gjetkë në Europë, por në grupin aktual të Realit. Bëhet fjalë për francezin Karim Benzema, i cili po kalon një formë të shkëlqyer. Sulmuesi i  lindur në Lion po zhvillon sezoni ne 10-të me fanellën “Los Blancos”.

Këtë edicion Benzema ka shënuar 26 gola në të gjitha kompeticionet, ndërsa vitin e kaluar ai gjeti në total vetëm 12 herë rrugën e rrjetës. Sulmuesi 31-vjeçar ia kalon edhe Kristiano Ronaldos, i cili deri më tani ka shënuar dy gola më pak se ish-kolegu i tij.

Kjo formë e shkëlqyer po bind trajneri Zidan dhe presidentin Perez për t’ia besuar edhe për një sezon majën e sulmit Benzemasë.

Ishte Karim Benzema ai që shpëtoi Realin nga një figurë e shëmtuar, duke siguruar një fitore morali, sepse loja ishte mjaft zhgënjyese për Los Blancos. Në një stadium me më pak se 50 mijë tifozë, tmerrësisht pak për kampionët e Europës, Zinedin Zidan u detyrua të hidhte në fushë shumë rezerva, përfshirë djalin e tij Luka, për shkak të mungesave.

Ndeshja nisi menjëherë me gol, ku ishin miqtë të cilët kaluan në avantazh pas vetëm tre minutash lojë. Pas një krosimi nga e djathta, ishte sulmuesi Kuço i cili me goditjen e tij nuk i dha asnjë mundësi portierit Luka Zidan.

Reali arriti të reagonte në minutën e 25-të, ku pas një këmbëngulje të Brahim Diaz e Benzema, ishte Isko ai i cili shtyu topin në rrjetë, për të vënë baraspeshën. Formë e shkëlqyer për Iskon, i ringjallur nga Zidan.

Pjesa e dytë nisi mirë për “Los Blancos”, të cilët kompletuan përmbysjen me atë të Dani Sebajos, i cili shfrytëzoi në maksimum një pasim me kokë të Karim Benzemasë. Francezi për herë të dytë në karrierë jep asist në 3 ndeshje rresht me Realin: për herë të parë e kishte bërë në 2013.

Gjithsesi, Hueska nuk e humbi besimin dhe tentoi të barazonte shifrat. Në minutën e 74-t miqtë shënuan golin e dytë, duke heshtur stadiumin. Eçeita ishte autor i golit, i cili shënoi në zhvillimet e një goditje standarte.

Në fund ndeshja u hap totalisht dhe Reali e kërkoi me dëshpërim golin, që doli në minutën e fundit, sepse Benzema shpiku një trajektore fantastike, duke shënuar golin e fitores, i 14-ti personal në Primera këtë sezon.

Në gjysmë orën e parë të ndeshjes një Real i shthurur mund të pësonte më shumë se një gol, por dy herë VAR anuloi golat vendas, ndërsa në minutën e 12-të Ruben Alkaraz çoi në parking një penallti.

Në minutën e 29-të erdhi goli i Vajadolidit, me Tuhamin që bëri të niste festa vendase, por Varane 5 minuta më vonë zgjoi Realin.

Në pjesën e dytë Reali ishte superior dhe mbi të gjitha gjeti Benzema, i cili në minutat 51 e 59 shënoi 2 gola që e ngjitin në kuotën 22 këtë sezon.

Gjithçka e thjeshtë më pas dhe Luka Modriç 5 minuta para fundit të ndeshjes shtoi edhe një gol, me madrilenët që të paktën duken të sigurt në vendin e tretë në La Liga. Gjithsesi, para golit të fundit Kasemiro mori një karton të kuq që e pezullon për ndeshjen e ardhshme dhe konfirmon formën e tij të dobët.

Mesfushori brazilian, i intervistuar nga mediat spanjolle, ka bërë një rezyme të ndeshjes duke vënë në dukje edhe gabimet që skuadra e tij bëri. ”Ne humbëm disa raste të pastra, por lojtarët tanë kryesorë po bëjnë një sezon mjaft të mirë, veçanërisht Benzema. Ai po zhvillon sezonin më të mirë të karrierës”

I pyetur për Vinisius, Kasemiro u shpreh se nuk është e drejtë të flasim vetëm për të. “Ai është një lojtar i guximshëm, kurajoz dhe nuk i frikësohet askujt. Vinisius ka një nivel spektakolar për moshën qe është”, shprehet braziliani, duke u munduar kështu edhe të largojë presionin nga ylli brazilian.

Gazetarët më pas kanë prekur edhe çështjen e mungesës së Ronaldos, por Kasemiro e mbylli shkurt, ku tha se nuk mund të flasë për një lojtar që nuk është më lojtar i Realit të Madridit. “Nuk flas për dikë që nuk është pjesë e Realit”, u shpreh prerazi mesfushori.

Tani Reali e gjen veten nëntë pikë larg kryesuesve të Barcelonës, diferencë e konsiderueshme, por  madrilenët kanë një ndeshje direkte me katalanasit në “Santiago Bernabeu”.

Goli i shënuar dje kundër Ajaksit të Amsterdamit ishte i 60-ti për Benzemanë në Champions League. Francezi bëhet lojtari i katërt në histori që arrin shënon këtë numër golash në kompeticionin më prestigjioz të futbollit europian.

Tre lojtarët e vetëm që lënë mbrapa 31-vjeçarin janë Raul (71), Mesi (106) dhe Kristiano Ronaldo (121). Mesi dhe Ronaldo janë të paarritshëm, por francezi i ka të gjithë shanset për ta ulur spanjollin Raul Gonzales nga vendi i tretë në “podiumin” e golashënuesve të Champions League.

“Insistoj se kemi ekipin më të mirë në botë dhe dhe trofetë që kemi fituar kanë ardhur prej kësaj arsyeje. Ne nuk kemi ndërmend të shpenzojmë për hir të shpenzuarit. Ju jap një shembull, unë për vite më radhë kam dëgjuar nga media të ndryshme se ne jemi në kërkim të një sulmuesi pykë. Kjo nuk ka qenë kurrë e vërtetë, pasi kemi në skuadër Karim Benzemanë, që është sulmuesin më i mirë në botë”.

“Gjithsesi po mendojmë dhe për të ardhmen. Kemi blerë tre lojtarë të rinj, që do të jenë protagonistët e së nesërmes si Vinisjus dhe Rodrigo, ky i fundit ishte një ndër kandidatët për të fituar trofeun “Kopa” (Çmim që i jepet lojtarit më të mirë në nën moshën 21-vjeçare, fituesi i vitit të kaluar ishte Kilian Mbape)”, përfundoi Perez

“Më duhet të përgëzoj ekipin për mënyrën se si luajtën, mbi të gjitha mbrojtjen, që nuk pësoi gol. Rrezikuam në fillim, por pas çerek orëshit të parë e morëm veten. E kishim përgatitur ndeshjen ndryshe, por na u desh të ndryshonim”.

Dibala? – “Ai së bashku me Bonuçin kanë luajtur më shumë ndeshje nga të gjithë. Sot luajti mirë. Ndonjëherë mund të ulesh dhe në stol thjesht për të bërë një ndryshim. Bentakur duhet të përmirësohet. Mesfushorët duhet të bëjnë 5-6 gola secili”.

Dibala njeriu ideal përkrah Ronaldos? – “Paulo luan gjithmonë të njëjtin rol. Ronaldo është më ndryshe, kërkon më shumë fizik afër. Dibala dhe Ronaldo mund të luajnë bashkë. Në rast se përqendrohesh te statistikat, Ronaldo dhe Benzema luajtën bashkë për 10 vite në Madrid. Statistikat nuk tregojnë asgjë”, përfundoi Alegri.

BENZEMA – “Më vjen keq për ata që e zbuluan Benzeman vetëm gjatë javës së kaluar. Ai ka qenë për vite me radhë dhe mbetet një lojtari shumë i talentuar. Ai është në një formë të shkëlqyer (5 gola në tre ndeshje te fundit) dhe jemi shumë të lumtur për këtë”

 “RINGJALLJA” E REALIT – “Meritat i takojnë lojtarëve. Ishin ata që u futën në fushë dhe u morën ndeshjen me seriozitetin maksimal nga fillimi deri në fund. Treguan vendosmëri, shpirt luftarak dhe klas”.

BEJL NË STOL ? – “Natyrisht lojtarët që vijnë prej dëmtimet u duhet pak kohë për të kapur ritmin e të tjerëve, kjo është diçka që dihet nga të gjithë. Do të dëshiroja që të kisha mundësinë të fusja më shumë lojtarë, pasi kam shumë talente në skuadër dhe të gjithë duan të tregojnë veten”

Vendimtar Karim Benzema, i cili shënoi në minutat 4 e 45, me golin e dytë që ishte mjaft i bukur. Me tyre dy gola të tjerë, sepse Sergio Ramos shënoi sërish dhe Leo Baptistao shkurtoi përkohësisht në 1-2. Për Ramos 50 gola me kokë në karrierën me Realin, një ecuri rekord.

Në pjesën e dytë tabloja nuk ndryshoi, edhe pse doli pikërisht Ramos për dëmtim, me mbrojtësin veteran që për herë të parë në këtë kampionat nuk luan 90 minuta.

Në minutën e 64-t Vinicius ia la vendin të rikthyerit nga dëmtimi Geret Bejl dhe uellsiani gjeti golin vetëm 3 minuta më vonë, me një manovrim të bukur brenda zone, pas një aksioni të bukur nga Benzema, në kombimin me Lukas.

Në minutën e 72-të Varan doli me karton të kuq për faull si lojtari i fundit dhe Espanjoli gjeti edhe një gol me Rosales në minutën e 81-të, por vetëm kaq.

Fitore e çmuar për Realin, që shpreson të kapë formën maksimale për ndeshjet e Champions League muajin e ardhshëm, sepse tashmë titulli duket mision i pamundur dhe vendi i tretë apo i katërt mund të arrihen pa shumë probleme.

Benzema së shpejti do të mbushë 31-vjeç dhe shanset që ai të veshë sërish fanellën e dy herë kampionëve të botës janë thuajse inekzistente. Këtë e pranon vetë kreu i federatës francez Noel Le Gret, i cili foli së fundmi në lidhje me të ardhmen e sulmuesit në kombëtaren e francës.

“Nuk kam asgjë kundër Benzemasë, por edhe nëse telashet ligjore zgjidhen mendoj se ai a ka mbyllur me kombëtaren franceze, kanë kaluar tri vite nga aktivizimi i tij i fundit me përfaqësuesen, shto këtu dhe faktin që ai nuk po ka një ecuri të mirë këto muajt e fundit”, tha presidenti i presidenti i federatës franceze.

Prej katër takimesh, Real Madrid nuk e gjen rrugën e rrjetës. Shumë vetë i janë vërsulur Benzemasë, por problemi nuk qëndron vetëm te francezi, pasi dhe lojtarë të tjerë Bejl, Asensio dhe Modriç, nuk po kalojnë një moment të mirë.

Ndërkohë, librat e statistikave kanë nxjerrë një të dhënë të frikshme mbi ecurinë e tanishme të Realit. Nuk ndodhte prej 33 vitesh që “Los Blancos” të mos shënonin në katër ndeshje radhazi. Situata është e zymtë, por ka mjaftueshëm kohë për të bërë kthesën.

Gjithsesi, duhet përmendur se këtë edicion Benzema është shumë më i përgjegjshëm se një edicion më parë, ndoshta dhe për faktin se nuk është më në hijen e portugezit.

Për të shënuar 4 gola, Benzemasë i është dashur që ta godasë vetëm 5 herë portën e kundërshtarëve. Një edicion më parë ju deshën plot 19 ndeshje për të arritur të njëjtën shifër golash.

ÇELËSI I SUKSESIT ? – “Besimi i palëkundur te filozofia ime e futbollit dhe përçimi i kësaj filozofie te lojtarët e mi, pavarësisht kundërshtarit që kemi përballë”

HUMBJA NDAJ JUVENTUSIT – “ Ndodhi për shkak se kujtuam se gjithçka kishte mbaruar pas ndeshjes së parë. Kjo është e bukura e futbollit, edhe në nivelet më të larta. Duhet që gjithmonë të jesh i përqendruar në maksimum te plani i lojës, pavarësisht avantazhit që mund të kesh para takimit”.

BENZEMA? – “Ai është një lojtar shumë i rëndësishëm, i cili na ndihmonte të mbanim ekuilibrin gjatë fazave sulmuese. Një ndër ato futbollistë që punon vetëm skuadrën, duke ndihmuar shokët e ekipit në të gjithë aksionet tona”

Karim Benzema shënoi 2 gola, ndërsa shënuan edhe Geret Bejl e Sergio Ramos, ndërsa për miqtë shënoi barazimin provizor Guido Karijo, duke mposhtur debutuesin Tibo Kurtua në pjesën e parë.

Fitorja e ngjit skuadrën e Lopetegit në krye, me 9 pikë, ndërsa Barcelona do të luajë nesër.

Bejl shënoi për të shtatën ndeshje rresht në kampionat, duke gjetur golin me një gjuajtje fluturimthi në minutën e 17-të, kur gaboi edhe portieri Kuejar në grushtim.

Leganes barazoi nga pika e bardhë në minutën e 24-t, pasi Kasemiro ndali me faull Erason. Gjithsesi, në pjesën e dytë Reali rinisi ofensivën dhe Benzema shënoi 3 minuta pas startit, edhe pse u desh pak kohë, pasi u përdor VAR për ta quajtur golin të rregullt, që u anulua fillimisht për faull të francezit.

Sërish Benzema siguroi fitoren, ndërsa në minutën e 66-të Sergio Ramos nga pika e bardhë nuk gaboi, për të vulosur fitoren.

Të gjendur para kësaj situate në Madrid, po mundohen që të paktën të sigurojnë një sulmues rezervë cilësor, pasi francezi Benzema ka një raport shumë të shpeshtë me dëmtimet sidomos ato me tërheqjet muskulore, diçka kjo që përkeqësohet me kalimin e ditëve.

Sipas medies kolumbiane “OndaCero”, përfaqësuesit e Realit kanë pasur kontakte me Monakon për të afruar në ekip sulmuesin Radamel Falkao. 32-vjeçari shihet si një zgjidhje afatshkurtër derisa në treg të dalë një lojtari i një kalibri Botëror. Te Monako janë gati për ta lëshuar kolumbianin, për t’i hapur rrugë sulmuesve të rinj, Pelegri dhe Syla.

Për një dekadë problemi ishte i zgjidhur, por tani e tutje trajneri i ri Lopetegi duhet të vendosë vetë, ose të lejojë lojtarët të vendosin, por alternativa e dytë nuk është e lehtë për t’u realizuar.

Statistikat janë interesante: në epokën Ronaldo vetëm tre futbollistë kanë goditur penallti me shumë se një herë. Sergio Ramos ka rekordin, me 7 penallti, por vetëm 5 prej tyre i ka shënuar.

Plotësisht të saktë dy emra të tjerë të rëndësishëm të Los Blancos, Benzema e Geret Bejl, të cilët kanë gjuajtur dhe shënuar tre penallti. Pikërisht këta të dy janë kandidatë seriozë për të gjuajtur penalltitë tani e tutje, por edhe Ramos mund ta kërkojë vetë përgjegjësinë.

Ky test miqësor tregoi se edhe pa Kristiano Ronaldon, Reali mbetet një ekip për t’u pasur frikë nga çdo skuadër. Karim Benzema, Gareth Bejl dhe Borja Majoral shënuan për spanjollët, ndërsa për Milani gjeti për herë të parë rrugën e rrjetës, blerja e merkatos së verës, Gonzalo Higuain.

Goli i Benzemas

Goli Higuainit

Gol i Bejlit

Goli i Majoralit

Nuk ka vonuar shumë dhe kanë ardhur reagimet e para në lidhje mbi këtë lajm me vetë lojtarin dhe menaxherin e tij që kanë dhënë versionin e tyre. Karim Benzema ka zgjedhur një mënyrë jo të zakontë për të reaguar pas lajmit se e ardhmja e tij mund të jetë Seria A. Sulmuesi francez përmes një postimi në “Instastory” ka përgënjeshtruar lajmin e Di Marcios.

Lojtari i Real Madridit jo vetëm që përgënjeshtron lajmin, por thumbon dhe gazetarin e njohur italian: “Di Marzio, duhet të ndryshosh zanat, gënjeshtar”.

Edhe menaxheri i Benzemasë, Karim Xhaziri, ka reaguar me ironi ndaj lajmit të përhapur nga Xhanluka Di Marcio, duke postuar disa fytyra të qeshura poshtë lajmit.

? Karim Benzema est d’accord pour rejoindre le Milan AC !

Le club milanais doit désormais s’entendre sur les termes d’un contrat avec le joueur, et sur l’indemnité de transfert au Real Madrid.
(@DiMarzio) pic.twitter.com/ARrCYvVzcs

— Actu Foot (@ActuFoot_) July 20, 2018

Megjithatë, Di Marcio këmbëngul se lajmi i takimit me drejtuesit e Milanit është i vërtetë dhe ia ka konfirmuar edhe ndërmjetësi Ludovik Fatizo: “Po, është e vërtetë që jam takuar me drejtuesit e Milanit, së bashku me përfaqësuesit e Benzemasë. Nuk mund të shtoj asgjë tjetër”.

#Benzema, c’è la conferma dell’intermediario: “É vero, ho incontrato il #Milan” https://t.co/gGUoV5PvGE

— Gianluca Di Marzio (@DiMarzio) July 21, 2018

Sulmuesi francez është objektiv real i “Djallit”, që të hënën ka pritur në Milanelo përfaqësuesit e sulmuesit francez.

Mirabeli e Gatuzo po mundohen ta mbyllin këtë operacion, aq sa Gianluca Di Marzio raporton se trajneri kuqezi ka folur në telefon me Benzemanë, i cili ka dhënë OK për transferimin te Milani, nëse i ruhet paga prej 9 milionë eurosh që merr në Madrid dhe i ofrohet kontratë 4-vjeçare.

Natyrisht, duhet llogaritur edhe Reali, por Benzema ka marrëdhënie të shkëlqyera me Florentino Perez dhe çmimi i kartonit të tij mund të mos jetë shumë i lartë.

Përjashtimi nga kombëtarja i ka dhembur shumë 30-vjeçarit, por gjithsesi ai nuk mund të harronte të uronte shokët e tij për suksesin historik që ata sapo arritën në tokën Ruse. “Urime djema” ishte mesazhi i shkurtër që ai shpërndau në rrjetet sociale.

Felicitation les gars!!! Well done. World champs ????

A post shared by Karim Benzema (@karimbenzema) on Jul 15, 2018 at 10:14am PDT

Ndërkohë, sipas medieve spanjolle sulmuesi mund të mungojë nga katër deri në gjashtë javë. Lajmi i mirë, megjithatë, është se në fushë do të jetë Kristiano Ronaldo, sepse pezullimi që ka aktualisht nuk vlen për ndeshjet evropiane.

“Zizuja ka pasur një ndikim të madh në fitimin e trofeve. Për mua, personalisht, nuk ka pasur aq shumë ndikim, sepse njihemi prej kohësh dhe më ka këshilluar gjithmonë. Me të kam fituar vetëbesim. Ai është i durueshëm, i qetë dhe di të japë këshilla të mira. Gjithashtu është shumë i rëndësishëm në dhomat e zhveshjes me fjalët e tij. Ai flet shumë me lojtarët. Ne jemi të vëmendshëm ndaj tij. Ai padiskutim që është një shembull i suksesit për të gjithë, si lojtar ose si trajner. Mund të jesh me fat një herë, por jo gjithmonë. Trofetë me të nuk i kemi fituar me fat në kohën e fundit”, – ka deklaruar francezi.