Benjamin Pavard

Kampioni i botës është i bindur: Do e trashëgojmë zakonin e Bajernit

Sport Ekspres — Mon, 22 Jul 2019 19:01:10 +0000

Bajerni duket se e ka nisur mbarë sezonin e ri. Skuadra e Niko Kovaç ka zhvilluar dy ndeshje të mira ndaj Arsenalit dhe Realit. Me anglezët rezultati nuk i mbështeti ata, por sfida në përgjithësi kishte nuanca të theksuara pozitive. Me Realin ishte një ndeshje e realizuar në të gjitha aspektet.
Ekipi duket se këtë vit po kthehet më solid se ç’ishte. Kështu mendon edhe Benxhamin Pavard. Francezi i ardhur nga Shtutgarti duket se i ka mësuar shpejt parimet e një klubi si kampionët e Gjermanisë. Ka besim se këtë sezon do arrijnë të trashëgojnë atë që i “lanë të parët”.

“Bajerni është një klub shumë i madh. Dihet tashmë se zakoni apo tradita e tyre prej shumë dekadash, është të fitojnë tituj çdo vit. Kam shumë besim se do vazhdojmë ta bëjmë edhe ne. Ekziston një atmosferë shumë e ngrohtë në klub. Në fushë gëzojmë të gjithë. Bashkë do bëjmë maksimumin”, përfundoi kampioni i botës.

Bajerni përforcon mbrojtjen, prezanton kampionin e botës

Sport Ekspres — Tue, 02 Jul 2019 14:40:40 +0000

Akordi ishte arritur prej kohësh, ndërsa zyrtarizimi ka ardhur gjatë ditës së sotme. Bajern Mynih ka prezantuar Benxhamin Pavard, ish-lojtarin e Shtutgartit.

23-vjeçari u shpall kampion bote me Francën verën e kaluar, duke fituar postin e titullarit dhe duke zhvilluar një kompeticion fantastik. Ai aktivizohet në qendër të mbrojtjes, në krah të djathtë dhe në rolin e mesfushorit shkatërrues.

Pavard ka zgjedhur numrin 5 dhe ka firmosur një kontratë 5-vjeçare me kampionët e Gjermanisë, të cilët paguan 35 milionë euro te Shtutgarti për kartonin e tij.

? Willkommen in München, @BenPavard28! ?

Zum Spielershop: https://t.co/ocIe33O9sv #FCBayern #MiaSanMia #ServusBenjamin pic.twitter.com/441Tt6Yzln

— FC Bayern München (@FCBayern) July 2, 2019

Bajerni ka një dëshirë për Pavard, gjithçka zgjidhet të dielën

Sport Ekspres — Tue, 22 Jan 2019 12:54:17 +0000

Bajerni i Mynihut ka siguruar shërbimet e Benxhamin Pavard, duke paguar 35 milionë euro te Shtutgarti. Kampioni i botës me Francën do të zbarkojë në Bavari në fund të sezonit, por kampionët e Gjermanisë ka një dëshirë.

Siç raporton “L’Equipe”, drejtuesit e Bajernit i kanë kërkuar Shtutgarit të marrin Pavard që tani, duke i ofruar 5 milionë euro më shumë.

Pavard në një dyluftim me Levandovskin

Kërkesa është refuzuar, ndërsa të dielën kalendari i ka vënë dy ekipet përballë. Bajerni do të presë Shtutgartin në shtëpi, ndërsa 22-vjeçari është rikuperuar nga dëmtimi që e ka mbajtur gjashtë javë larg fushave.

Palët do të diskutojnë përsëri mes tyre pas ndeshjes, ndërsa mendohet se marrëveshja për ardhjen e parakohshme të mbrojtësit (luan në qendër dhe në krahun e djathtë) në ekipin e Kovaç mund të mbyllet për shifrën totale të 45 milionë eurove.

Pavard mohon akordin: I lumtur për interesimin e Bajernit, por…

Sport Ekspres — Tue, 25 Dec 2018 15:57:47 +0000

Benxhamin Pavard është prej kohësh në monitorimin e Bajernit të Mynihut, që dëshiron të sigurojë shërbimet e mbrojtësit të djathtë të Shtutgartit. 22-vjeçari, i cili bën mirë dhe rolin e qendërmbrojtësit, ka folur për “Le Parisien”, duke folur për interesimin e bavarezëve dhe të ardhmen e tij.

Francezi po bën mirë prej dy sezonesh me ekipin e Shtutgartit, ku ka zhvilluar 48 ndeshje deri më tani. Trajneri Deshamps i besoi një vend titullari në Botërorin e verës dhe anësori i krahut ia shpërbleu besimin, duke zhvilluar një kompeticion fantastik.

Pavard në një dyluftim me Levandovskin

“Nuk kam firmosur me Bajernin. Jam i lumtur për interesimin e një klubi kaq të rëndësishëm, por për momentin jam i përqendruar te Shtutgarti. Nuk mendoj as për merkaton e verës”, sqaron kampioni i botës me Francën dhe një nga zbulimet më të bukura të Botërorit Rusi 2018.