Kjo nuk është eksperienca e parë e tij në një bankinë. Më parë 45-vjeçari ka drejtuar të rinjtë dhe skuadrën e parë të Milanit. Bolonja dhe Venecia janë dy eksperiencat e tjera të Pipos. Deri tani nuk ka provuar se ka aftësi të mëdha në stol dhe Benevento mund të jetë çelsi për të ndezur yllin e tij.

45-vjeçari është nga ata persona që nuk ia dalin të qëndrojnë gjatë larg futbollit. Inzagi është zgjedhja e parë e Beneventos për stolin. Klubi italian garon në Serie B dhe synon rikthimin në Serie A.

Sezonin e fundit ishin pranë, por Çitadela i eliminoi në ndeshjet “play-off”. Sipas raportimeve të mediave italiane, Superpipon e pret një ofertë dy-vjeçare. Merkaton do e bëjë vetë trajneri, i cili do të zgjedhë lojtarët e duhur për të synuar kalimin e Beneventos një kategori më lart. Më parë Filipo Inzagi ka drejtuar Milanin, Venecian dhe Bolonjën.

Një person si ai nuk mund të qëndrojë shumë gjatë larg fushave dhe oferta e parë ka ardhur. E kërkon Benevento për të synuar rikthimin në Serie A. Klubi italian ishte pranë rikthimit këtë sezon, por dështoi në ndeshjet play-off përballë Çitadelës.

Mediat italiane flasin për nisje negociatash, ndërsa zyrtarizimi i marrëveshjes mund të vijë shumë shpejt. Ky do të ishte ekipi i katërt që trajnon ish-sulmuesi unik i Milanit të madh, pas kuqezinjve, Venecias dhe Bolonjës.

Serinë e golave e hapi kapiteni Ikardi, i cili u tregua i saktë nga pika e bardhë e penalltisë në minutën e 3’. Vetëm katër minuta më vonë, Kandreva dyfishoi.

Dalbert në fundin e pjesës së parë do të shënonte dhe golin e tretë për Interin, që e mbylli fraksionin e parë në avantazh të trefishtë. E dyta nisi me gol, pasi në minutën e 48’, shënoi Lautaro Martinez. Roberto Insinje do të shënonte golin e parë për Beneventon 10 minuta më pas, por Lautaro ndëshkoi sërish miqtë në minutën e 66’.

Në të 74’, Benevento do të shënonte sërish me anë të Bandineli, ndërsa në fund të sfidës, Kaandreva vendosi rezultatin final, 6-2.

Kupa e Italisë, 1/8-at

Inter – Benevento  6-2
Ikardi 3’, Kandreva 7’ 90’, Dalbert 45’, Lautaro 48’ 66’ / Insinje 58’, Bandineli 74’

Të shumtë janë ata që kanë shprehur mendimin e tyre, ndërsa për situatën e krijuar ka folur dhe kryetari i Bashkisë së Beneventos, Klemente Mastela. Zikaltrit do të luajnë pa tifozë ndeshjet kundër Beneventos për Kupën e Italisë (13 janar) dhe Sasuolos në kampionat (19 janar). Mastela ka folur për ndeshjen e ekipit të qytetit të tij kundër Interit, duke hedhur një propozim interesant.

“Siç e dini, ndeshja duhet të zhvillohet me dyer të mbyllura për shkak të skualifikimit të fushës së Interit, si pasojë e koreve raciste. Një vendim që, për fat të keq, penalizoi dhe tifozët e Beneventos, të cilët, nuk duhet ta harrojmë, janë vlerësuar nga të gjithë gjatë sezonit të kaluar kur morëm pjesë në Serie A për pasionin dhe sportivitetin e tyre. Për të shmangur përkeqësimin e raporteve midis veriut dhe jugut dhe për të krijuar një vizion më njerëzor të futbollit, kërkoj që ta zhvillojmë atë ndeshje në stadiumin tonë”, përfundon i pari i qytetit të Beneventos.

Kjo ndeshje ka vënë përballë tyre dy vëllezërit Riçi, më saktë dy binjakë. Të dy kanë lindur në 27 maj të vitit 1994, Mateo luan me Specian në rolin e mesfushorit, ndërsa Federiko luan me Beneventon, në po të njëjtin rol. Si mund të ndodhte ndryshe? Janë binjakë!

Mateo, i vogli, le ta quajmë kështu pasi është vetëm 3 cm më i shkurtër së Federiko, shënoi në minutën e 24, duke dyfishuar rezultatin për Specian, që kishte shënuar më parë golin e avantazhit. Por, Federiko mendon ndryshe. Ai shënon golin e Beneventos dy minuta përpara fundit të pjesës së parë, duke iu përgjigjur me të njëjtën monedhë gjysmës tjetër të tij.

Në fund, Specia gjeti dhe golin e tretë, duke fituar takimin, por Mateo dhe Federiko kanë shijuar një pasdite të paharrueshme. Kësaj radhe fitoi Mateo, por të dy kanë gëzuar brenda vetes golat e njëri-tjetrit. Një gjë historike për futbollin italian, pasi është hera e parë që dy binjakë shënojnë gol brenda të njëjtës ndeshje, si kundërshtarë.

Dy binjakët Riçi kishin shënuar dhe më parë në të njëjtën ditë. Ishte 21 janari i këtij viti, Mateo aktivizohej me Salernitanën dhe Federiko me Krotonen. Mateo shënonte golin e fitore 3-2 për Salernitanën kundër Venecias, ndërsa Federiko shënonte në ndeshjen Verona-Krotone.

Tashmë mbetet të vijë dita për të luajtur të dy bashkë me të njëjtin ekip dhe për të realizuar të dy së bashku në të njëjtën ndeshje. Nëse nuk ndodh, asnjë problem. Binjakët Mateo dhe Federiko janë pjesë e historisë së futbollit italian me rekordin e vendosur sot.

Sivjet, Benevento merr pjesë në Serinë B dhe qëllimi i klubit është të rikthehet në elite. Ajo çfarë të bën përshtypje, është fakti që ekipi do të ketë më shumë tifozë sivjet, se sa kishte në Serinë A. 7763 abonime numëronte Benevento vitin e kaluar kur përballej me më të mirët, ndërsa këtë vit do të ketë më shumë.

Shifra e vjetshme është kaluar dhe për momentin, klubi numëron 7900 abonime. Ky numër mund të rritet, sepse fushata e abonimeve akoma nuk është mbyllur dhe do të vazhdojë deri me 25 gusht.

Paraqitje mjaft e mirë edhe nga Strakosha (nota 6,5), si gjithnjë një garanci në portë, edhe pse shfaqi pak pasiguri në golin e pësuar, por evitoi një gol në fillim të pjesës së dytë dhe u tregua shumë i saktë edhe në goditjet e dënimit ekzekutuar nga Birsa.

Ndërkaq, Bolonja mundi keqas 3-0 Beneventon, që i kishte fituar dy ndeshjet e fundit. Gjimshiti e Memushaj ishin titullarë dhe dhanë sa mundën, duke u vlerësuar me notën 6, që nuk është aspak keq. Në vend të fundit, Benevento humbet terren, sepse Krotone fitoi pastër në Verona 3-0, ndërsa Arlind Ajeti qëndroi në stol gjatë gjithë ndeshjes.

Me një komunikatë zyrtare, Benevento ka njoftuar marrjen e mbrojtësit shqiptar në huazim për një vit nga Atalanta.

Në këtë mënyrë, pas Armando Sadikut edhe Gjimshiti sistemohet, në Serinë A, aty ku ëndërronte Sadiku.

Dje Benevento nuk e përfshiu në listën e lojtarëve që do të nisnin sot grumbullimin, por sot Gjimshiti është prezantuar në Benevento, para nisjes së ekipit për në Romë, për të vazhduar më pas rrugëtimin për në veri, pasi faza përgatitore do të zhvillohet në Sestola e Bruniko.

STARTING SEASON 2017/18 https://t.co/dN2DBSPHNG

— Benevento Calcio (@bncalcio) July 8, 2017

Për mbrojtësin tonë bëhet fjalë për huazim një-vjeçar me të drejtë blerjeje. Pas 35 ndeshjesh sezonin e shkuar në Serinë B, është rasti i madh i qendërmbrojtësit, i cili kërkon të luajë rregullisht, për të treguar sa vlen.

E ngjitur në Serinë A verën e shkuar, vetëm një vit pas ngjitjes në Lega Pro 1, Benevento korr frytet e punës së shkëlqyer të zhvilluar në dy vitet e fundit.

Pas vitesh të tëra vuajtje dhe qëndrimi në kategoritë e ulëta, tashmë Benevento do të përballet me më të mëdhenjtë. Sido që të shkojë, do të jetë një festë e përjavshme, ashtu si në Krotone.

Sot Benevento fitoi 1-0 në finalen e kthimit kundër Karpit (0-0 vajtja), me një gol nga sulmuesi George Pushkash, 21 vjeç, i huazuar nga Interi dhe autor i 7 golave këtë sezon.

Në fakt, heroi i Beneventos ka qenë një tjetër këtë sezon, sepse Çeravolo u afrua verën e shkuar nga Ternana dhe ka shënuar 21 gola në 43 ndeshje, por puna e shkëlqyer e klubit duket edhe te përforcimet e tjera të suksesshme, si mesfushori Çibsah, i huazuar nga Sasuolo, mbrojtësi Venuti, huazuar nga Fiorentina, portieri Kranjo, huazuar nga Kaliari, mbrojtësi Kamporeze, marrë nga Empoli, dhe sulmuesi Falko, huazuar nga Bolonja.

Trajner? Marko Baroni, 53 vjeç, trajner i të rinjve të Juventusit në sezonin 2012-2013, ndërsa më pas te Virtus Lançano, Peskara e Novara, deri te kryevepra e karrierës.

E' storiA. Il #Benevento raggiunge per la prima volta nella sua storia la massima serie. Complimenti alla società sannita! ??? pic.twitter.com/x38Z1oAmvb

— Lega B (@Lega_B) June 8, 2017