Sfida nisi më mirë për Torinon, që në minutën e 17-të pati një mundësi të shkëlqyer për të kaluar në avantazh, por Andrea Beloti u tregua i pasaktë nga pika e bardhë e penalltisë.

Dhjetë minuta më vonë, ishin miqtë nga Sasuolo, të cilët kaluan në avantazh me anë të Burabias. Ky i fundit shënoi me një goditje të bukur nga jashtë zone, duke mposhtur portierin Sirigu.

Gjithsesi, autori i golit, Mehdi Burabia bëri një gafë të madhe, teksa në festën e golit hoqi fanellën, duke u ndëshkuar me kartonin e dytë të verdhë dhe duke lënë ekipin e tij në inferioritet numerik.

Torino arriti të përfitonte vetëm në pjesën e dytë, më saktë në minutën e 56-të, kur De Silvestri asistoi për Belotin, i cili këtë herë nuk gaboi duke vënë baraspeshën.

Vendasit e shtuan presionin, por ata që shënuan ishin miqtë. Sasuolo befasoi torinezët në minutën e 71-të, ku ishte Pol Lirola, i cili realizoi një gol të mrekullueshëm me finte.

Spektakli nuk u mbyll me aq, pasi dhjetë minuta më vonë, “Demat” reaguan përsëri me anë të Simone Zazas. Sulmuesi u lirua bukur në zonë dhe i vetëm përballë Konsilit e ndali topin në rrjetë.

Dy minuta më vonë ishte Andrea Beloti, i cili dhuroi spektakël, duke shënuar me roveshatë një gol të pabesueshëm. Tri pikë për Torinon, që tashmë kalon Romën në renditje, si për të konfirmuar një sezon fantastik.

Një ndeshje e fortë, plot duele të ashpra, por pa shumë raste për shënim. Pjesa e parë ishte e vakët, ndërsa Torino u fut me një marsh më shumë në 45 minutat e dyta. Për të zhbllokuar sfidën mendoi Andrea Beloti, i cili shënoi golin e fitores në minutën e 76-të.

Kapiteni mori një top nga Zaza dhe lëshoi një të djathtë të pakapshme për Sorrentinon. Gol shumë i bukur i Belotit dhe Torino në avantazh. Ky ishte goli i tetë në kampionat për 25-vjeçarin, ndërsa Torino shënoi dhe dy herë të tjera në minutat shtesë.

Rinkon dyfishoi shifrat në minutën e dytë shtesë, ndërsa pati momente feste dhe për Simone Zazën, i cili gjeti golin dy minuta më vonë. Ekipi i Maxarrit po kalon një formë shumë të mirë dhe Interi i vendit të katërt është vetëm 6 pikë larg. Nga ana tjetër Kievo vazhdon të renditet në vendin e fundit me 10 pikë dhe është shumë afër rrëzimit nga kategoria.

Torino-Kievo 3-0
(Beloti 76’, Rinkon 90+2′, Zaza 90+4′)

Sipas së përditshmes sportive italiane “Corriere Dello Sport”, në listën që do të publikohet në ditët në vijim nga Mançini nuk do të jenë emrat e Andrea Belotit e Patrik Kutrones. Mesa duket trajneri i kombëtares italiane ka ndërmend të luajë përsëri më Federiko Bernardeskin e Juventusit në majë të sulmit, ashtu siç bëri në ndeshjen ndaj Polonisë.

Ndërkohë, do të ketë dhe një lojtar të grumbulluar nga Serie B. Mesfushori i talentuar i Breshias, Sandro Tonali, do të marrë ftesën e parë në përfaqësuesen “axurre”. Talenti 18-vjeçar është një ndër zbulimet e këtij viti në divizioni e dytë të futbollit italian dhe për të ka pasur interes të madh nga disa klube të Serie A.

Bosi i Torinos i ka lëshuar një mesazh të qartë Milanit, që ka kohë që tenton të marrë yllin e Serisë A.

“Beloti vlen 100 milionë euro, por vetëm për klubet e huaja. Në Itali vlen më shumë.

“Nuk dua ta shes dhe nuk ka nevojë ta takoj, paktet tona janë të qarta.

“E do Milani? Nuk ka bërë asnjë ofertë, edhe po e bëri do mendohem mirë. Beloti është fenomen, ndoshta një vit tjetër te Torino i bën mirë para Kupës së Botës.

” Po më kërkoi vetë të largohet? Atëherë do të bisedojmë, natyrisht, edhe pse ka kontrata që duhen respektuar”.

Torino kërkon 100 milionë dhe nuk bën asnjë lëshim, por në të vërtetë klubi torinez po bëhet gati për shitjen e yllit të vet.

Kjo vërtetohet edhe nga fakti se Torino ka prezantuar sot fanellën e sezonit 2017-2018, duke përzgjedhur Lianko, Sirigu, Moreti e Iago Falké si imazhi, por jo Belotin.

Çelsi ka paratë për një sulmues klasi, Milani ka OK nga Beloti, i cili nuk dëshiron të largohet nga Italia dhe është entuziast për një bashkim me Bonuçin me shokë, që kanë zgjedhur ngjyrat kuqezi. Milani ofron 40-45 milionë euro, plus Paletën dhe Niangun, por shifra totale me këta të dy nuk i kalon 65 milionë eurot, ndaj Torino reziston, për momentin.

Ndërkaq, në garë është futur edhe Milani, që kërkon një emër të madh për sulmin dhe nëse nuk arrin të blejë Moratan nga Reali, do të tentojë gjithçka për gjithçka me Torinon.

Sipas La Stampa, klubi kuqezi është gati të ofrojë të paktën 60 milionë euro, duke shtuar edhe një nga Lapadula, Niang ose Bertolaçi.

Presidenti i Torinos për momentin nuk jep asnjë përgjigje dhe do të presë me qetësi, me shpresën e një ankandi, sepse kërkon 100 milionë, por kjo shifër është absurde dhe asnjë klub nuk ka ndërmend as t’i afrohet, përtej spekulimeve mediatike.