Beloti

VIDEO | Budallallëku i Kesit fundos Milanin, Torino në avantazh

Sport Ekspres — Sun, 28 Apr 2019 19:55:46 +0000

Torino ka marrë avantazhin kundër Milanit falë një penalltie të ekzekutuar nga Andrea Beloti, i cili nuk gaboi duke shënuar ndaj ish-skuadrës së tij.

Një shtyrje e Kesit ndaj argjentinasit Berenger u bë shkak që arbitri Guida të akordonte 11-metërshin për ekipin “Granata”. Konsulta me sistemin “VAR” nuk la asnjë vend për dyshim. Pak minuta më vonë Berenger bëhet sërish protagonist duke shënuar golin e dytë për vendasit

Mançini i ka “alergji” pykat, merr përforcime nga… Serie B

Sport Ekspres — Wed, 07 Nov 2018 17:29:15 +0000

Kombëtarja italiane pret më 17 nëntor në “San Siro”, Portugalinë. Kampionët në fuqi të Europës vijnë në Milano me “petkun” e kryesuesit të grupit, pasi kanë marrë pikë të plota në dy përballjet e mëparshme ndaj Polonisë e Italisë.

Sipas së përditshmes sportive italiane “Corriere Dello Sport”, në listën që do të publikohet në ditët në vijim nga Mançini nuk do të jenë emrat e Andrea Belotit e Patrik Kutrones. Mesa duket trajneri i kombëtares italiane ka ndërmend të luajë përsëri më Federiko Bernardeskin e Juventusit në majë të sulmit, ashtu siç bëri në ndeshjen ndaj Polonisë.

Ndërkohë, do të ketë dhe një lojtar të grumbulluar nga Serie B. Mesfushori i talentuar i Breshias, Sandro Tonali, do të marrë ftesën e parë në përfaqësuesen “axurre”. Talenti 18-vjeçar është një ndër zbulimet e këtij viti në divizioni e dytë të futbollit italian dhe për të ka pasur interes të madh nga disa klube të Serie A.

Napoli kërkon sulmues në Torino

Sport Ekspres — Sat, 11 Aug 2018 14:38:25 +0000

Napoli edhe këtë edicion ka pretendime madhore, por do e ketë akoma dhe më të vështirë se vjet që të përballet me skuadrën e Juventusit së Roaldos. Gjithsesi, skuadra e Elseid Hysajt nuk do dorëzohet dhe drejtuesit po bëjnë çmos për të përforcuar skuadrën,

Tekniku Ançletoi i kishte kërkuar presidentin që të nisë tratativat për sulmuesin e Torinos, Andrea Beloti, por oferta e parë duket se është refuzuar. Napoli i kishte ofruar skuadrës torineze një shumë prej 30 milion eurosh si dhe sulmuesin Roberto Inglese, i cili vlerësohet me një shifër afro 20 milion eruosh, por përgjigja ka qenë e prerë.

Siç raportohet nga mediat italiane, Torino dëshiron 60 milion euro në dorë për lojtarin në fjalë. Edhe pse duket e vështirë nuk është çudi që De Laurentis të bëjë ndonjë sforco dhe ta shohim 24-vjeçarin tek nënkampionët e Italisë. Beloti ka realizuar 49 gola në tre edicionet e fundit me Torinon!