Sigurisht nuk do shumë mend për të kuptuar që një dietë e tillë është shumë e vështirë për të ndjekur nga një futbollist, për faktin  e thjeshtë se produktet e mishit dhe bulmetit janë të domosdoshme për të plotësuar nevojat kalorike dhe nuitricionale.

Megjithatë, ka disa që ia dalin duke pavarësisht vështirësive të mëdha. Emrat që bien më shumë në sy janë atë të futbollistit të Arsenalit Hektor Bejerin dhe sulmuesit të Bajern Mynihut, Serzh Gnabri.

Problemi më i madh për atletët që zgjedhin këtë lloj diete është plotësimi i  sasisë së duhur të proteinave, që për një atlet profesionist është tejet e lartë. Për të sqaruar këtë enigmë ka ndërhyrë kuzhinieri i Bajernit, Alfons Shubek, i cili shpjegoi se si është dieta që Gnabri ndjek tani: “Serzh (Gnabri) është kthyer në një vegan prej disa javësh. Po mbikëqyrim me kujdes për të bërë të sigurt se po ushqehet siç duhet. Si një atlet profesionist që shpenzon shumë energji ai duhet të marrë me patjetër kaloritë e duhura, është shumë e rëndësishme që të konsumojë ushqime me bazë të lartë proteine. Më kryesoret për të janë thjerrëzat dhe fasulet.

Pas dy sezoneve fantastike, Belerin ishte një nga lojtarët më të rëndësishëm te Arsenali dhe trajneri Arsen Venger i dha një besim të jashtëzakonshëm. Gjithsesi, dëmtimet e shumta i kanë ndërprerë hovin mbrojtësit spanjoll dhe karriera e tij ka mbetur në vend.

Edhe këtë sezon, Belerin e nisi në mënyrën më të mirë të mundshme, pasi Unai Emeri i dha lirinë e duhur në fushë, duke bërë që Belerin të ishte më aktiv në repartin e avancuar dhe është autor i disa asisteve në Premier Ligë. Por dy dëmtime të njëpasnjëshme brenda një periudhë të shkurtër, bënë që Belerin të largohej sërish nga fushat, kësaj radhe për plot 9 muaj, duke humbur këtë sezon dhe fillimin e atij

Klubi i Arsenali konfirmoi në faqen zyrtare se Belerin do të operohet dhe do të mungojë 6-9 muaj. Poshtë këtij njoftimi, kanë bashkëngjitur dhe një video, ku mbrojtësi ka shpjeguar të gjitha momentet e “errëta” që ka kaluar te “Topçinjtë” e Londrës.

Belerin e ka humbur përfundimisht sezonin, pasi ka pësuar një këputja të ligamentit të kryqëzuar të gjurit, një dëmtim ky ndër më të rëndit në sport, pasi periudha e riaftësimit varion nga 6 muaj në një vit.

Në mungesë të Belerin, trajneri i Arsenalit Unai Emeri do i duhet t’ia besojë atë pozicion, zviceranit Stefan Lishtajner, ndërsa një opsion tjetër është dhe i riu Einsli Majntlan-Najls.