VIDEO / I theu kyçin Rafinjës, Belarabi reagon pas “stuhisë” së kritikave

Sport Ekspres — Mon, 17 Sep 2018 09:07:03 +0000

Sulmuesi anësor i Bajer Leverkuzenit, Karim Belarabi, është përfshirë në një “stuhi” kritikash pas ndërhyrjes makabër që 28-vjeçari kreu ndaj mbrojtësit të Bajernit, Rafinja. Braziliani ka pësuar një ndrydhje në një prej ligamenteve të kyçit, një dëmtim ky që do ta mbajë të paktën një muaj larg fushave të blerta.

Mbas përfundimit të takimit, Uli Hënes, foli me tone shumë të ashpra, duke deklaruar se ajo ndërhyrje duhej të procedohej penalisht, ndërsa trajneri Niko Kovaç tha se ajo ndërhyrje nuk meritonte vetëm një të kuq, por dy të tillë. Kritika të shumta erdhën dhe nga analistët e gazetarë.

Belarabi ka thyer heshtjen me anë të një postimi në rrjetin social “Instagram”, ku i ka kërkuar falje Rafinjës.

“Dua t’i kërkoj falje Rafinjës dhe skuadrës sime Bajer Leverkuzenit për faullin e panevojshëm. Nuk ishte e paramenduar. Të uroj shërim sa më të shpejtë”, shkroi gjermano-ganezi

https://twitter.com/5amuelinho/status/1040997325131341824

Tronditet Leverkuzeni, sulmuesi i kombëtares bie pa ndjenja!

Sport Ekspres — Wed, 25 Jul 2018 14:54:32 +0000

Skuadra e Bajer Leverkuzenit ka përjetuar disa momente të forta ankthi gjatë ndeshjes miqësore ndaj ekipit të Vupertalit, pasi sulmuesi Karim Belarabi ka humbur ndjenjat.

Gjjthçka ka ndodhur menjëherë pas përfundimit të pjesës së parë. Sulmuesi 28-vjeçar u dërgua menjëherë në spital, por farmirësisht mjekët kanë shuar çdo shqetësim duke konfirmuar se futbollisti gjerman ka pësuar një gjendje të fikti si pasojë e lodhjes së tepërt.

Klubi i “aspirinave” ka qetësuar fansat me anë të një njoftimi në rrjetet sociale, ku theksohet se gjendja e futbollistit është drejt stabilizimit.

Karim is doing well and has received the all-clear from the medical staff, but will remain in the hospital overnight for observation.

Thanks again for your concern and all of your well wishes! ?

— Bayer 04 Leverkusen (@bayer04_en) July 24, 2018