Llapi lë Dritën pa trajner, Trepça e Maganit shpërthen në gola

Sport Ekspres — Wed, 12 Sep 2018 16:08:28 +0000

Ipko Superliga e Kosovës vazhdon garimin, ndërkohë që kampionët e Dritës vijojnë të jenë në krizë. Këtë herë i ka mundur në shtëpi Llapi i drejtuar nga Bilbil Sokoli. 1-2 përfundoi ky takim, që në fund i la gjilanasit edhe pa trajneri, pasi Bekim Isufi ka dhënë dorëheqjen. Sigurisht që klubi nuk mund ta refuzojë,pasi nevojitet një ndryshim.

Flamurtari vijon të kryesojë, duke i habitur të gjithë. Në shtëpi kuqezinjtë nuk kanë falur. Ka qenë Liria e Prizrenit klubi që e ka pësuar këtë herë. Feronikeli duket i rilindur. Largimi i Sulejman Starovës i ka bërë mirë ekipi nga Drenasi.

Rikthimi i Zekerija Ramadanit është shoqëruar me një fitore të thellë në transfertë kundër Ferizajt. Dy gola të shënuar nga Feronikeli për të marrë pikët e plota. Fitorja pritej, nisur edhe nga niveli i kundërshtarit. Trepça ’89 e drejtuar nga Gugash Magani ka shënuar një “mal” me gola kundër KEK-ut. 1-5 ka triumfuar klubi nga Mitrovica, që tanimë duhet të mendojë për ndeshjen e radhës.

Superliga e Kosovës, Java 4

DJE

Ballkani – Prishtina 1 – 1

Shënues: Baftiu / Mankenda

Drenica – Gjilani 0 – 0

SOT

Flamurtari – Liria 3 – 1

Shënues: Shillova 2x, Kuansah / Binishi

Drita – Llapi 1 – 2

Shënues: B.Shabani / Hajdari, Alidema

KEK – Trepça 89 1 – 5

Shënues: Mircevski, Bujcevski, Vitija, Shosha (pen), Velinov / Berisha

Ferizaj – Feronikeli 0 – 2

Shënues: Fazlliu, Karioka

Isufi: Drita u penalizua, pati skenar kundër nesh

Sport Ekspres — Fri, 27 Jul 2018 07:21:42 +0000

Drita u mposht nga Dudelanzh me përmbysje dhe gjilanasit sigurisht që nuk ndihen mirë pas humbjes me rezultatin 2-1 në Luksemburg. Gjithsesi shanset për kualifikim janë të mëdha për skuadrën e drejtuar nga Bekim Isufi.

Kampionët e Kosovës kanë rezerva për gjykimin e bërë nga ana e gjyqtarëve qipriotë. Pretendimet janë për një penallti që nuk ju akordua në pjesën e parë. Trajneri Isufi, pas ndeshjes ka bërë një deklaratë, ku flet për ndeshjen dhe gjykimin.

“Ndeshje e veshtirë në një kohe te nxehtë, por ne e dhamë maksimumin në këtë takim, ku patëm shumë raste shënimi. Edhe kundërshtari pati raste njësoj, por çka vlen të theksohet se gjatë gjithë takimit kemi qenë pre e një skenari të 4 referëve nga Qipro, ku ndikuan plotësisht në rezultat, jo vetëm te akordimi i penalltisë, por gjatë tërë ndeshjes, po ashtu duhet theksuar se as nikoqiri në shume raste nuk pati fairplay ndaj nesh. Ne duhet të mobilizohemi dhe të pregaditemi sa më mire për ndeshjen e radhës, prandaj kësaj here na duhet përkrahja e gjithe simapatizuesve të futbollit të Kosovës e ne veçanti Intelektualëve, që këta djem t’i japin motiv dhe t’i përkrahin në ndeshjen e kthimit”, ka deklaruar trajneri Bekim Isufi.