Në fund të takimit, Balaj foli për mediet austriake ku zbuloi se në përshtatjen me kampionatin austriak po e ndihmon Hamdi Salihi, një sulmues ky që ka lënë gjurmë në futbollin e atjeshëm. Trajner Nestor El Maestro nuk i kurseu komplimentet për “bomberin” e rij, ndërsa shpjegoi se Balaj mund të kishte çuar shifrat në 2 – 0, po të mos kishte qenë për gjendjen jo të mirë fizike, diçka e pritshme kjo pasi Balaj vjen nga më shumë se dy muaj pa stërvitje.

“Ndeshja e parë, goli i parë, tre pikë. Ishte një fillim shumë i mirë, por mund të kisha bërë akoma dhe më mirë, gjithsesi gjëja më e rëndësishme është që morëm tri pikët. Sot mora përshtypjet e para mbi futbollin austriak. Nuk dija shumë mbi kampionatin, por Hamdi Salihi më ka dhënë disa këshilla dhe informacione mbi klubin dhe futbollin në vendin tuaj. Ai ka shënuar shumë gola këtu dhe të njëjtë gjë dua të bëj dhe unë”, tha Balaj pas ndeshjes

“Skuadra ime bëri një paraqitje shumë të mirë. Ishte një ndeshje e luftuar dhe këto fitore vlejnë shumë. Jam shumë i kënaqur me Balajn, është një sulmues dhe e bëri punën e tij. Pati një rast të shkëlqyer për të çuar rezultatin në 2 – 0, por nuk është ende në formën e duhur dhe u lodh shpejt”, tha trajneri i Shturm Grac.

Një kundërsulm i shpejt i skuadrës së Grac dhe një asist perfekt i Filip Huspek bënë që Balaj ta kishte të lehtë realizimin e këtij goli kundër vendasve të Volfsberger.

“Asnjëherë nuk është e lehtë të gjesh sulmues cilësor. Jam mëse i gëzuar që arritëm të bindnim Bekim Balajn për të ardhur te Shturm Grac. Është absolutisht një sulmues i një niveli të lartë. Krahas fizikut dhe atleticizimit, ai është një lojtar që vrapon shumë dhe i fortë në lojën në ajër”, tha drejtori sportiv Gynter Kraisl

“Shturm Grac është një klub tradite i Austrisë me fansa të zjarrtë. Kjo është diçka që më pëlqen. Tani e rëndësishme është që të integrohem sa më shpejt me pjesën tjetër të grupit. Mezi pres të filloj seancën e parë stërvitore”, tha Balaj

“Trajneri Nestor El Maestro vlerësoi sulmuesin shqiptar duke veçuar karakteristikat e tij fizike dhe eksperiencën e 28-vjeçarit. “Bekimi është një sulmues i fuqishëm,i cili me gjatësinë e tij na bën akoma më të fortë në lojën në ajër. Ka eksperiencë të shumtë në arenën ndërkombëtare që me siguri do të nevojë në ndihmë”.

Bundesliga austriake është kampionati i gjashtë i huaj në karrierën e 28-vjeçarit që më parë ka luajtur në Turqi, Çeki, Poloni, Kroaci Rusi. Balaj do të jetë gati për ta ndihmuar skuadrën e re në takimin hapës të Bundesligës, këtë të diel ndaj Sankt Pëlten.

Transferimi i Balajt tek ekipi austriak u krye me kosto 0 pasi kontrata e sulmuesit me klubin çeçen Ahmat mbaroi në fund të këtij sezoni.

“Nuk duhet ta shohim ndeshjen si lojë individuale, nuk është tenis. Siç punoj unë për skuadrën, edhe skuadra duhet të punojë për mua dhe të më mbështesë.  Si ta godas unë portën me kokë, po nuk erdhi krosi? Ne bëjmë maksimumin, jemi Shqipëria dhe nuk dominojnë e krijojmë shumë raste. Jemi të gjithë të vetëdijshëm për mënyrën tonë të lojës.

“E vumë Islandën në vështirësi, nuk dolën rrjedhshëm në aksion. Na rrezikuan vetëm në goditje standarde. Në përgjithësi luajtëm mirë, por humbëm. Duhet të dërgonim topin në rrjetë, vetëm ashtu fitohet. Na shënuan me vetëm një rast. Nëse krahasojmë nivelin e Islandës, ata me një rast shënuan. Ne kishim raste, e kishim më shumë në kontroll lojës. Është gjë për t’u vlerësuar”.

“Unë me Sokolin (Cikalleshi) kemi luajtur edhe me moshat, po ashtu edhe te Tirana. Në kombëtare nuk ka ndodhur kjo. Është hera e parë që luajmë në kombëtare. Duhet të bëjmë akoma më mirë dhe të ndihmojmë njëri-tjetrin të shënojmë dhe jo vetëm të ndihmojmë skuadrën prapa. Shpresoj të luajmë edhe në vazhdimësi bashkë dhe të shënojmë”.

28-vjeçari komenton edhe skemën 3-5-2, me të cilët pritet ta vendosë trajneri italian ekipin në transfertën skandinave. Ndryshim i madh, pasi rikthehemi pas shumë vitesh të luajmë me dy sulmues.

SITUATA – “Çdo gjë po shkon mirë dhe po përgatitemi seriozisht. Stërvitja ka qenë intensive dhe përqendrimi ka qenë maksimal, që në këto dy ndeshje të arrijmë formën maksimale.”

REJA – “Gjërat ndryshojnë sepse është një trajner i ri dhe metodë e re të punuari. Në çdo ekip ndodh kjo gjë. E rëndësishme është që jemi të gjithë të lumtur, ndihemi të lumtur dhe të gjithë po punojmë maksimalisht.”

SKEMA 3-5-2 – “Është hedhur si opsion, por nuk është vetëm ky modul loje. Po shohim opsione të ndryshme dhe trajneri po bën provat e veta. E rëndësishme është që të jemi gati dhe çfarëdolloj skeme për ne nuk ka rëndësi. Në rast se ne japim më të mirën tonë, çdo rezultat është i mundshëm.”

SULMI – “Kombëtarja ka luajtur prej vitesh me një sulmues. Sigurisht që me dy do të jetë më mirë për sulmuesit, pasi bashkëpunimi do të jetë më i madh. E rëndësishmja është që kushdo që luan, si me 1 sulmues si me 2, është që do të jepet maksimumi.”

OBJEKTIVI – “Jemi këtu për interes të përbashkët. Jemi këtu që Shqipëria të arrijë maksimumin në këto dy ndeshje. Ardhja e lojtarëve si Cikalleshi i bën mirë ekipit dhe do ndihmojë akoma më shumë në arritjen e objektivave.”

Rinovimi mbetet ende një opsion në tavolinë, por një deklaratë e fundit e liderit çeçen, Ramazan Kadirov, ul ndjeshëm gjasat që dy shqiptarët të vazhdojnë të jenë pjesë e ekipit të tij.

Në një prononcim për mediet ruse, Kadirov tha:  “Klubet ruse duhet të besojnë më shumë te futbollistët vendas dhe të ndalojnë së paguari shuma më të mëdha për lojtarë të huaj. Është një çmenduri që një vend me 150 milionë banorë nuk mund prodhojë lojtarë“.

Skuadra e Ahmat Groznit ka 12 lojtarë të huaj. Pas deklaratave të Kadirov pritet që ky numër të reduktohet. Shqiptari tjetër i Ahmat, Bernard Berisha, ndodhet në një pozitë ndryshe nga Balaj dhe Roshi, pasi kontrata e tij përfundon në verën e 2020-ës.

Vendimtare fitorja e parë e Astrat, që triumfoi në transfertë 1-3. Sot u mbyll gjithçka 2-2 dhe Llullaku ishte në fushë 90 minuta. Shokët e tij arritën të shënonin dy herë në pjesën e parë, duke e bërë më të lehtë kualifikimin. Gjithsesi Kluzhi reagoi dhe barazoi, por nuk mundi dot të bënte mrekullinë.

Në Rusinë e largët, BBR arriti t’i jepte goditjen e radhës Krasnodarit, që këtë sezon tentoi titullin kampion. Sot u ndal në transfertë nga Ahmat Grozni me rezultatin 1-1. Odise Roshi dhe Berndard Berisha e nisën nga fillimi. Në të 66’ anësori nga Peja la fushën e blertë dhe në vend të tij u aktivizua Bekim Balaj. Shtatë minuta më pas doli edhe Roshi.

Sot ka festuar qendërmbrojtësi Herdi Prenga. Ish-futbollisti i Inter Zapreshiç ishte titullar në sfidën që Riga fitoi në shtëpi 1-0 ndaj FK Liepaja. Humbja ndaj kryesuesve të RFS një javë më parë është lënë pas.

Shkodrani shënoi fillimisht javën e shkuar në ndeshjen ndaj Spartakut të Moskës dhe tashmë shënon përsëri. Goli i tretë radhazi në ndeshjen e tretë që luan për Balajn.

Pasditen e sotme, 28-vjeçari ka kontribuar në fitoren e Ahmat Groznit, në transfertë ndaj Orenburgut. Balaj shënoi golin e tretë, duke çuar shifrat në 1-3. Pas një pasimi të Ravanelit, sulmuesi u gjet i lirë në zonë dhe shënoi përballë portierit.

Ky është goli i dytë i Balajt në kampionat, ndërkohë që lajmi tjetër i mirë është grumbullim i Odise Roshit. Fieraku e ka nisur nga stoli këtë sfidë, ashtu si Besart Berisha. Ahmat Grozni-Lokomotiv Moska ka nisur prej orës 14:30.

Mungesa e festës? Të them të drejtën golat i përjetoj në bazë të emocioneve. Në atë moment nuk kisha shumë. Normalisht e doja shumë, pasi më mungonte prej kohësh. Uroj të shënoj sa më shumë në të ardhmen.

Të gjithë lojtarët shfrytëzojnë minutat që u jep trajneri. U mundova të jap më të mirën në ato minuta.

Nuk jam i kënaqur me aq sa kam shënuar me Shqipërinë. Jam sulmues dhe detyra është të shënoj. Golat janë ndihmë për kombëtaren.”

“Sigurisht ne vazhdojmë punën, kemi një ndeshje shumë të rëndësishme përpara. Vijmë pas një humbjeje dhe ndoshta është detyrim fitorja kundër Andorrës. Po punojmë të përqendruar në maksimum për këtë ndeshje”, deklaroi Balaj fillimisht.

KU ÇALOI SKUADRA – “Ishte ndeshja e parë dhe luanim në shtëpi, ndaj e dinim rëndësinë e kësaj ndeshjeje për ne. Mund të them që mbështetja ishte e madhe dhe gjej rastin t’i falënderoj tifozët. Sigurisht më vjen keq që nuk i shpërblyem dot me një fitore. E thashë, është vetëm ndeshja e parë. Rrugëtimi është shumë i gjatë dhe na duhet mbështetja e tifozëve dhe i të gjithëve, që të arrijmë objektivat që kemi në këto kualifikuese. Humbje në ndeshjen e parë, por dëshira ishte e madhe për të bërë mirë. Pjesën e parë ndoshta luajtëm edhe më mirë se turqit, por rastet që na u dhanë nuk arritëm t’i finalizonim. U dënuam në një moment që ishte më shumë gabim i yni, se meritë e kundërshtarit. Pastaj ndeshja pati histori tjetër”.

MUNGESA  E GRINTËS – “Grinta dhe lufta sportive na ka karakterizuar si ekip. Nuk mund të them se nuk kishte dëshirë, dëshira ishte e madhe dhe nuk arritëm ta shfaqnim. Ajo ndoshta na penalizoi. Goli i dytë i tyre u shënua shumë shpejt dhe ndoshta ndikoi edhe të besimi i skuadrës pastaj”.

FITORJA ME ANDORRËN – “Kishim besim edhe para ndeshjes me Turqinë. Ndeshja me Andorrën është detyrim për ne. Obligim nuk do të thotë që është e lehtë për ne, por do të shkojmë atje dhe do bëjmë çdo gjë për të marrë rezultat pozitiv në atë ndeshje”.

SITUATA NË KUALIFIKUESE – “Tani llogaritë bëhen me pikë. Nuk ka rëndësi historia, si i kemi nisur më përpara fushatat kualifikuese, sepse po të shohim historinë, ndoshta i bie që të themi që më mirë që humbëm, se nuk kemi mundësi të kualifikohemi. Megjithatë, një herë jemi kualifikuar. Llogaritë bëhen me pikë dhe normal që lënia e pikëve na penalizoi. Rrugëtimi është i gjatë dhe ky ekip ka treguar që edhe në ndeshje direkte kundër Turqisë kemi fituar atje. Pretendojmë të fitojmë atje dhe ndaj ekipeve të tjera që kemi në grup”.

“Rezultati 2-0 të lë një shije të keqe. Nuk donim t’i fillonim kështu eliminatoret. Bëmë një pjesë të parë të mirë, por pësuam një gol, që më shumë e dhuruam. Në pjesën e parë bëmë një lojë më të mirë se Turqia. Krijuam volum, sigurisht të vjen keq për atë gabim”.

“Kontakti ishte shumë i lehtë nuk ishte për penallti.  Topi u largua në sekondën e fundit dhe nuk bëra një goditje të pastër. Ndoshta me ato mundësitë që na u dhanë duhet të kishim shënuar dhe rezultati do të ishte tjetër”, tha Balaj.

Për Egzon Binakun foli vetë trajner Panuçi në konferencën për shtyp të ditës së djeshme. Mbrojtësi i majtë ka një problem në pulpë dhe ndjen dhimbje. Mbetet për t’u përcaktuar nëse mund të jetë opsion për ndeshjen me Turqinë.

Andi Lila gjithashtu ka nj problem muskulor. Lojtari polivalent i Pas Janinës me shumë mundësi do të lërë grumbullimin. Gjithsesi mjekët po tentojnë që ta rikuperojnë dhe gjithçka është pezull për momentin.

Bekim Balaj është lojtari tjetër që shqetëson Panuçin. Shkodrani ka pasur një kontraktim në ndeshjen e fundit të Ahmat Grozni dhe ende ka shqetësime. Deri të premten do të bëhet maksimumi që sulmuesi të rikuperohet plotësisht dhe të jetë alternativë për stafin teknik.

Në minutën e 56-të ekipi i Ahmatit fitoi të drejtën e një 11-metërshi dhe te pika e bardhë u vu pikërisht Bekim Balaj. 28-vjeçari u tregua i saktë, duke festuar kështu golin e parë në kampionat për këtë sezon.

Një lajm mjaft i mirë edhe për kombëtaren tonë, pasi në prag janë ndeshjet kualifikuese për Euro 2020, ku do të përballemi me Turqinë dhe Andorrën.

Gjithsesi, në minutën e fundit të kohësh shtesë, vendasit e Kazanit gjetën rrugën e rrjetës me anë të Sagitov, por nuk pati kohë për festë, pasi arbitri e anuloi golin me justifikimin se topi kishte kaluar vijën fundore dhe akordoi një goditje nga këndi.

Pamjet filmike tregojnë se topi nuk kishte kaluar krejtësisht vijën dhe goli duhej të ishte konsideruar i rregullt , por drejtësia u vë në vend gjithsesi. Në goditjen e këndit që ishte dhe aksioni i fundit i takimit, Kazan shënon përsëri me anë të Sagitov dhe i gjithë stoli i skuadrës kalon nga ankthi në ekstazë. Natyrisht arbitri s’kishte si të prishte festën për herë të dytë.

Krahas përballjes së nesërme, dy lojtarët e kombëtares sonë do të kenë mundësi të aktivizohen dhe në dy takime të tjera para shpalljes së listës së Panuçit për ndeshjet e kualifikuese të “Euro 2020” kundër Turqisë dhe Andorrës, që do të zhvillohen më datë 22 dhe 25 mars.

Balaj ka qenë një ndër lojtarët më të grumbulluar nga Panuçi dhe me shumë gjasa ftesa për sulmuesin shkodran nuk do të mungojë as kësaj radhe.

Ndërkohë, situata me Roshin është krejt ndryshe. Mesfushori fierak ka pak javë që është kthyer në stërvitje të plotë me grupin pas një dëmtimi që e la jashtë fushave prej më shumë se pesë muajsh. Këto javë do të jenë vendimtare për të parë nëse 27-vjeçari do t’ia dalë të rikthehet në radarin e kombëtares.

Pjesa e parë u mbyll me rezultatin 2-0 për Suonin, ndërsa sulmuesi i kombëtares ka shkurtuar shifrat në minutën e 68-të. Shkodrani ka shfrytëzuar një kros të bukur dhe me kokë ka tundur rrjetën e portierit korean.

Pas një minute kundërshtarët kanë mbetur me një lojtar më pak, por Akhmati nuk ka arritur të gjejë golin e barazimit, duke e humbur këtë miqësore.

“Kemi bërë shumë ndeshje me Francën, shpresoj të bëjmë ndonjë surprizë. Për vendin e parë është çështje e zgjidhur. Lufta bëhet për vendin e dytë dhe janë tre ekipe që e pretendojnë. Me Turqinë i matëm forcat vonë, është kundërshtar i përballueshëm me ne. Islanda ka treguar rritje dhe është kundërshtar serioz, por nuk është i pakalueshëm”, tha shkodrani për “Supersport”.

Më pas ai foli edhe për Kosovën: “Po komentonim me Berishën dhe i thashë që Kosovës i buzëqeshi fati i fillestarit (qesh). Është i favorshëm për ta. Ata do kenë mundësinë të kenë një përballje reale. Kemi luajtur me Kosovën, është histori tjetër. Mundësitë janë reale edhe me këtë grup”.

Enis Gavazaj e ndoqi përsëri ndeshjen nga stoli i Jeniseit, që regjistron ndeshjen e dytë pa humbje, pas fitores së javës së kaluar kundër Dinamos së Moskës në transfertë.

Nga stoli i nisën ndeshjen dhe Bekim Balaj me Benard Berishën, ndërsa Roshi vazhdon të jetë i dëmtuar. Anësori ofensiv i Kosovës u fut në fushë në minutën e 70, menjëherë pas golit të avantazhit të Akhmatit, që shënoi me anë të Mohamadit.

Vendasit fituan një penallti 9 minuta përpara fundit të ndeshjes, të cilën e ktheu në gol Kiçin. Një minutë më pas u fut në fushë dhe Bekim Balaj, por minutat ishin të pakta për sulmuesin shkodran dhe ndeshja nuk pati më gola.

Jenisei renditet në vendin e fundit me 10 pikë, ndërsa Akhmat Grozni renditet në vendin e dhjetë me 20 pikë të grumbulluara.

Kamer Qaka u aktivizua për 90 minuta në takimin që Poli Iashi fitoi 1-2 me përmbysje ndaj Astras. Mesfushori u ndëshkua me karton të verdhë në minutën e 83-të, ndërkohë që ekipi i tij luajti prej minutës së 41-të me një lojtar më pak. Llullaku mundoi për Astrën.

Sokol Cikalleshi po merr minuta te Gëztepe, por sërish nuk ka shënuar. Sulmuesi kavajas zbriti në fushë për ekipin e tij në minutën e 63-të, kur ndeshja ishte 2-0 në favor të Erzurum. Skuadra e sulmuesit shqiptar realizoi në shtesë, por doli pa pikë nga kjo transfertë.

Vedat Muriqi është ai që ka shënuar në Superligën turke, madje Bashakshehirit kryesues. Rizespori u mund 2-1 dhe sulmuesi i Kosovës realizoi me një goditje brenda zonës pas një aksioni të bukur të skuadrës së tij. Ujkani vijon të qëndrojë në stol për skuadrën turke.

?Vedat Muriqi’nin skoru 2-1’e getiren golü: pic.twitter.com/gEhUAIUFSA

— CanliSkor.com (@CanliSkor) November 10, 2018

Llullaku me penallti shënoi në minutën e 14-të, ndërkohë që dhjetë minuta më pas Kordos shënoi në portën e tij dhe pjesa e parë u mbyll me rezultatin 3-2. Çerek ore nga fundi i lojës Llullaku gjeti sërish rrugën e rrjetës për Astran, duke e dërguar ndeshjen në shtesë.

Sepse në të 99’ shënoi autogol dhe me rezultatin 3-4 Astra u kualifikua në fazën çerekfinale të Kupës së Rumanisë. Ndryshe nga Llullaku, në Rusi Bekim Balaj dhe Enis Gavazaj janë eliminuar nga Kupa.

Ish-lojtari i Skënderbeut e ndoqi nga stoli ndeshjen kundër Lokomotivës së Moskës. Jenisej u mposht me rezultatin 4-1 dhe doli nga gara në kupë. Balaj për Ahmat Grozni luajti 90 minuta dhe në fund doli i mposhtur. Arsenal Tula arriti të shënojë dy herë në portën e skuadrës së shkodranit dhe kaloi në çerekfinale.

Ai u aktivizua për Ahmat Grozni në minutën e 82-të kundër Dinamos së Moskës. Ndeshja u mbyll në barazim pa gola dhe sulmuesi i kombëtares nuk e ndihmoi dot skuadrën e tij të fitonte në shtëpi. Sindrit Guri, tjetër sulmues në orbitën kuqezi, nuk luajti asnjë minutë të shtunën me Ostenden.

Albasete fitoi me përmbysje dje ndaj Ekstremadura dhe nuk pati nevojë për kontributin e Rei Manajt. Sulmuesi lushnjar e ndoqi të gjithë takimin nga stoli. Edhe Eros Grezda nuk mori asnjë minutë në ndeshjen gjysmëfinale të Kupës, që Rejnxhërs e humbi me Aberdenin 1-0.

Edhe për Xhakomo Vrionin nuk kishte minuta të premten. Sulmuesi, i cili debutoi me Izraelin, nuk mori në asnjë minutë në ndeshjen që Venecia barazoi në transfetë me Palermon. Uzuni është nga ata që po luan rregullisht me Lokomotivën. Edhe këtë javë ishte titullar në fitoren 4-0 që mori skuadra kroate. Por as beratasi nuk shënoi këtë herë.

Bernard Berisha u ndëshkua me karton të verdhë në minutën e 55-të, ndërsa vendasit nuk arritën të fitonin ndeshjen dhe renditen në vendin e nëntë në Premier Ligën e Rusisë në kuotën e 13-të pikëve.

Në ndeshjen tjetër mes Jeniseit dhe Spartakut të Moskës, Enis Gavazaj u aktivizua vetëm në minutën e fundit të ndeshjes. Ekipi i lojtarit të kombëtares u mposht me rezultatin 2-3 në shtëpi nga Spartaku i Moskës dhe vazhdon të qëndrojë në vendin e fundit në renditje, me vetëm pesë pikë pas 10-të javëve të para.

Koha e rregullt e takimit kishte përfunduar ne barazim 2-2 dhe Balaj e kaloi ekipin e tij në avantazh, por që nuk u ruajt. Një gol në shtesë 15-minutëshit të dy të shtesës bëri që rezultati të shkonte në 3-3 dhe më pas ekipi që kaloi më tej u vendos pas gjuajtjes së penalltive.

Aty lojtarët e Ahmat u treguan më të saktë, duke shënuar katër herë.Berisha realizoi penalltinë e parë për skuadrën ruse, ndërkohë sulmuesi i kombëtares u tregua i saktë në të tretën.

Kundërshtari gaboi në dy penallti dhe skuadra e shkodranit dhe Bernard Berishës u kualifikuan në turin tjetër. Balaj kështu ka festuar dyfish. Goli i shënuar erdhi pas plot 493 ditësh shterpësie, por nuk duhet harruar se sulmuesi ka kaluar edhe një dëmtim që e ka penalizuar.

Gjithsesi tanimë ai duhet të mendojë të rikuperohet. Operimi në ligament ka shkuar mirë dhe momentalisht ndodhet në Romë. Dje mori një lajm të mirë, pasi ekipi i tij fitoi në transfertë kundër Lokomotivës së Moskës, ndërkohë që diçka e bukur i la ndodhur sot.

Bernard Berisha dhe Bekim Balaj e kanë surprizuar mesfushorin, teksa kanë zbarkuar në kryeqytetin e Italisë. E gjithë kjo për të takuar Roshit, i cili nuk ka ngurruar të shkrepë një foto dhe ta ndajë me fansat së bashku me emocionet e përjetuara.

https://www.instagram.com/p/Bn0e8RdHo1F/?utm_source=ig_share_sheet&igshid=8cr68lbyu4iv

MIQËSORET – “Miqësoret ishin për të parë skuadrën, ku u panë lojtarë të rinj. Rezultatet nuk ishin të mira, por trajneri ka bërë zgjedhje të tjera. Janë kthyer lojtarët me eksperiencë. E njohim lojën e njeri-tjetrit dhe mund të them që jemi gati për dy ndeshjet e radhës. Kemi bërë lojëra të mira përpara. Nuk duhemi gjykuar nga ato dy ndeshje miqësore. Është momenti për të parë fytyrën e vërtetë dhe këto dy ndeshje janë prova e vërtetë.”

FORMA – “Kam luajtur disa ndeshje në Rusi dhe ndihem mirë. Shpresoj të jem pjesë e formacionit. Normalisht të gjithë kemi peshë në kombëtare, por kushdo që luan do të japë më të mirën. Rivaliteti ka qenë gjithmonë i lartë. Jemi lojtarët më të mirë për momentin dhe mbetet për t’u parë në fushë. Më pas është trajneri që vendos, por ne do japim më të mirën.”

SULMI ME DY – “Dy sulmues nuk i shohim të luajmë bashkë prej kohësh, pse jo këtë herë. A përshtateni me Gurin? Varet nga loja. Nëse luajmë nga krahët me krosa, do ishte mirë për ekipin, pasi do kishte dy pika referimi.”

IZRAELI – “Jemi përballur me Izraelin. Edhe ata nuk flasin me siguri, pasi e kanë parë forcën tonë. Të gjithë ekipet duan vendin e parë, edhe Skocia. Për ne është me rëndësi të harmonizohemi. Mungesa e Sadikut dhe e Roshit dihet dhe uroj të kthehen sa më shpejt”, përfundon shkodrani i sulmit të Shqipërisë.

Odise Roshi nuk u aktivizua për shkak dëmtimi, madje do të mungojë për një kohë të gjatë. Vecc tij, as për sulmuesin Bekim Balaj nuk pati hapësira. Shkodrani ishte në stol dhe po priste momentin e tij, tanimë i duhet të presë ndeshjen e radhës.

I vetmi shqiptar në fushë ishte Bernard Berisha, ish-mesfushori i Skënderbeu dhe Besës së Kavajës. Anësori po luan rregullisht me Ahmat Grozni, që nuk e ka nisur si duhet kampionatin. Në pesë ndeshja kanë grumbulluar vetëm 4 pikë, pasi janë mundur tre herë dhe kanë regjistruar nga një fitore dhe një barazim.

Ivanov shënoi në minutën e 39-të për Ahmat Grozni dhe pjesa e parë u mbyll 0-1. Balaj e Roshi, titullarë, u ndëshkuan me kartonë të verdhë, ashtu si Berisha në pjesën e dytë. Arsenali nga minuta e 41-të luajti me një lojtar më pak.

Edhe pse ndodhi kështu, Xhorxheviç dhe Balajt, për pesë minuta (53′ dhe 58′) shënuan dy gola dhe nxorën duarbosh Ahmat Groznin e shqiptarëve. Sulmuesi shkodran u zëvendësua në minutën e 56-të, kurse Berisha në të 68′. Roshi qëndroi në fushë deri në fund të takimit, që u mbyll me rezultatin 3-1 në favor të Arsenal Tula. Lesovoi në shtesë realizoi edhe golin që u preu shpresat lojtarëve të Ahmat Grozni.

Armando Sadiku është në shitje. Mediat spanjolle e kanë bërë me dije prej kohësh. Levante e ka blerë 1.5 milionë euro nga Legia e Varshavës, ndërkohë që për të janë ofruar 700 mijë euro nga turqit e Rizespor. Duhet rritur edhe pak oferta për të përmbyllur gjithçka.

Sokol Cikalleshi është në dorë të Osmanlispor. Sulmuesi 27-vjeçar ka edhe dy vite kontratë. Në Turqi nuk është se nuk ka para dhe për të siguruar rikthimin në Superligë sa më shpejt, nuk përjashtohet mundësia që kavajasi të bllokohet.

Sindrit Guri është nga ata lojtarë që nuk mendon për të ardhmen e tij, pasi sapo është transferuar në Belgjikë tek Ostende. Për Manajn situata është tjetër. Getafe, Leganes, Selta Vigo dhe Albasete në Spanjë interesohen për të. Në Itali Parma është lakuar më parë. I duhet të luajë edhe atij dhe pret të mësojë të ardhmen, sikurse edhe shokët e tjerë të kombëtares.