Megjithatë, ka qenë vetë trajneri Zidan që ka zbuluar problemin e vërtetë të uellsianit. Në daljen për shtyp pas humbjes ndaj Totenhem, trajneri francez tha: “Ai nuk udhëtoi me ne, pasi nuk kishte gjendjen e duhur fizike. Pas një diskutimi me doktorët, u vendos që gjëja më e mira ishte që ai të qëndronte në Madrid. Për momentin po stërvitet atje i diferencuar. Vendimi u mor në mënyrë të përbashkët nga lojtari, unë dhe stafi mjekësor”, tha Zidan.

Presidenti i Real Madrid ka mbyllur në mënyrë të njëanshme  negociatat me klubin kinez Jiangsu Suning. Investitorët nga lindja e largët ishin të vetmit që u treguan të gatshëm për t’i ofruar 30-vjeçarit një pagë të njëjtë me 20 milionë eurot që ai përfiton aktualisht te Real Madrid.

Vendimi drastik i Perez erdhi pasi pala kineze përdori një taktikë të çuditshme në hapje te negociatave, duke mos ofruar qoftë dhe një qindarkë për kartonin e uellsianit. Ky vendim ka inatosur pamasë lojtarin që është larguar nga grumbullimi i skuadrës, duke refuzuar pjesëmarrjen në turneun “Audi Cup”, ku Real Madrid do ndeshet me Totenhem ditën e nesërme kundër Totenhem.

Atë që nuk e bëjnë dot “gjigantët” e Europës mund ta bëjnë klubet kineze. Një ndër kandidatët favorit është Jiangsu Suning. Përveç raportimeve mediatike, një gjurmë që të çon drejt këtij transferimi janë disa veprime në rrjetin social “Instagram”.

Llogaria e klubit në “Instagram” ka vendosur në listën e ndjekësve  lojtarin uellsian, sikur të mos mjaftonte llogaria e klubit të njëjtën gjë kanë bërë edhe disa futbollistë të ekipit kinez .

KUBO – “Mua më ka dhënë përshtypje shumë të mirë. Jam i sigurt që do bëhet një lojtari i rëndësishëm për Realin. Në stërvitje po e përballon mirë ngarkesën e shtuar. Më duket sikur ka shumë kohë që është pjesë e realit, dhe jo vetëm pak ditë”.

HAKIMI – “Ai do të vazhdojë të luajë dhe vitin tjetër të Dortmundi. Është një lojtar i mirë, ne e dimë këtë gjë, por më e mira për të është të luajë në Gjermani ku mund të marrë minuta”.

Tashmë në “Bernabeu”, duket se ka ardhur koha e spastrimeve dhe lojtarët që janë me valixhe në duar janë të shumtë. Plot 17 emra janë publikuar në mediat spanjolle. Duke nisur që nga Isko e Marselo, e për të përfunduar me emra si Gareth Bejl, Lukas Vaskez apo Mariano Diaz.Lista përmban edhe yje të tjerë si Hames Rodrigez e Mateo Kovaçiç, të cilët sipas gjasave pritet të zgjedhin Serie A për të vijuar karrierën e tyre. Kolumbiani pritet të kalojë te Napoli, ndërsa kroati do të rikthehet te ish-ekipi i tij, Interi.

Lista e 17 lojtarëve që pritet të largohen nga Reali këtë merkato

Isko Alarkon, Gareth Bejl, Marselo, Lukas Vaskez, Mariano Diaz, Hames Rodrigez, Mateo Kovaçiç, Kejlor Navas, Dani Sebajos, Marko Jorente, Naço Fernandez, Hesus Vajeho, Teo Hernandez, Borha Majoral, Raul de Tomas, Luka Zidan, Lukas Silva

Uellsiani e ndoqi gjithë takimin e javës së fundit kundër Betisit nga stoli. “Nuk do e kisha aktivizuar, edhe nëse do të kisha një ndërrim të katërt në dispozicion”, u shpreh trajneri francez pas ndeshjes.

Fjalë që shpjegojnë qartësisht situatën e krijuar. Bejl ka një kontratë me Realin deri në vitin 2022 dhe përfiton një rrogë prej 17 milionë eurosh në sezon.

Lojtari nuk pranoi t’i bashkohej ekipit në përshëndetjen e fundit me tifozët dhe nxitoi drejt dhomave të zhveshjes. Sipas raportimeve të “Radio Estadio”, sulmuesi i krahut nuk është përmbajtur para disa shokëve të ekipit.

“Kam edhe tre vite kontratë me Realin. Nëse duan të më largojnë, le të më paguajnë nga 17 milionë në vit. Përndryshe qëndroj këtu, edhe vetëm duke luajtur golf“, thekson Garet Bejl.

Shifra e 101 milionë eurove dhemb akoma në Santiago Bernabeu dhe Reali ka vendosur ta shesë. Paga e tij prej 17 milionë eurosh në sezon konsiderohet e pajustifikueshme dhe përbën problem. Bejl është lojtari më i paguar i “Los galacticos”. Lojtarë si Ramos, Kros apo Kasemiro kanë një pagë shumë më të ulët se ai edhe pse impakti i tyre në lojë ka qenë jetik për Realin.

Në Madrid shpresojnë ta shesin atë me një çmim që i afrohet 100 milionë eurove. Megjithatë kjo duket e pamundur, pasi që nga viti i kaluar kur e kërkonte Mançester Junajtid nuk ka pasur asnjë interes tjetër për të. Vlera e tij në merkato është ulur në 80 milionë euro. Shumë larg nga Mesi (160) apo Grizman (150).

Uellsiani po zhvillon sezonin e gjashtë dhe ndoshta të fundit me “Los Blancos”. Gjatë kësaj kohe ai ka shënuar 102 gola në 227 ndeshje dhe ka fituar 14 trofe. Për të ka interesim nga Anglia dhe drejtuesit e Realit i kanë vendosur çmimin e kartonit. Siç raporton “AS”, Bejl kushton 130 milionë euro.

Problem mbetet paga e lartë, pasi lojtari ofensiv përfiton 15 milionë euro neto në sezon. Mançester Junajtid dhe Totenhemi janë ndër klubet që pëlqejnë britanikun dhe Reali po tenton të përfitojë nga kjo situatë.

Në këto dy ekipe luajnë dy nga objektivat kryesorë të Realit: Pol Pogba dhe Kristian Eriken. Drejtuesit e kampionëve të trefishtë të Europës janë gati të përfshijnë Bejlin në tratativat e transferimit të njërit prej tyre në Madrid. Megjithatë, pritet nisja e merkatos së verës për të mësuar më saktësisht të ardhmen e Garet Bejl.

Sulmuesi uellsian shfrytëzoi më së miri harkimin e Odriozolës dhe u dha avantazhin të tijve. Me kalimin e minutave Hueska mori kontrollin e lojës, por pa arritur të konkretizojë rastet e shumta për shënim.

Çështja Isko, edhe pse e zbutur vazhdon të jetë problem.  Kasemiro dhe Kros mungon për shkak dëmtimesh, por përsëri nuk pati vend për fantazimin spanjoll, pasi Solari i besoi Jorentos dhe Sebajos.

Rreth dy muaj kanë mjaftuar për ta kuptuar se gjithçka është e kotë dhe Bejl nuk ka të ardhme në Madrid.
Shifrat janë për të vënë duart në kokë: uellsiani nuk shënon prej 550 minutash në La Liga, që prej 1 shtatorit.

Plot 9 ore e 10 minuta në fushë pa shënuar, një rekord negativ që flet qartë për krizën e Bejl, i cili ka ecur paralel me krizën e Realit, pa bere asgjë ndryshe nga të tjerët dhe duke treguar se nuk është lojtar që bën diferencën dhe merr përsipër të nxjerrë ekipin nga momentet e vështira.
Trajneri i ri Solari tha të premten se priste që Bejl të tregonte cilësitë e tij në çdo ndeshje, por “shkundja” e tij ishte e kotë.

Ndaj Vajadolidit Bejl luajti 71 minuta, ishte një fantazmë në fushë dhe bëri shumë gabime në pasim, ndaj Solari e ndërroi dhe uellsiani nuk i dha as dorën kur doli. Ndërkohë, nga Bernabeu vërshoi një shi fishkëllimash, sinjal i qartë se tifozët nuk presin me asnjë ringjallje nga Bejl.

Ky test miqësor tregoi se edhe pa Kristiano Ronaldon, Reali mbetet një ekip për t’u pasur frikë nga çdo skuadër. Karim Benzema, Gareth Bejl dhe Borja Majoral shënuan për spanjollët, ndërsa për Milani gjeti për herë të parë rrugën e rrjetës, blerja e merkatos së verës, Gonzalo Higuain.

Goli i Benzemas

Goli Higuainit

Gol i Bejlit

Goli i Majoralit

Gareth Bejl është lojtari, i cili e ka mirëpritur këtë lajm. Uellsiani po ashtu si Ronaldo pak muaj më parë, deklaroi se do të shikonte për ndonjë klub ku të kishte më shumë minuta, por dorëheqja e Zinedin Zidanit dhe transferimi i Ronaldos te “Zonja e Vjetër” ka bërë që sulmuesi mëngjarash të ndryshojë mendje përsa i përket të ardhmes së tij në Spanjë.

Sipas lajme nga mediet spanjolle, Bejl është rikthyer në bisedime për një kontratë të re, prej së cilës do të përfitojë një rritje rroge të konsiderueshme, ndërsa vet trajneri i ri i “Los Blancos”, Hulien Lopetegui ka shprehur disa herë vlerësimin e madh që ka për futbollistin 28-vjeçar.

Madje, duket se “Djajtë e kuq” kanë bërë një ofertë prej 105 milionë eurosh për të firmosur me uellsianin, të cilin e kërkojnë edhe disa klube kineze, por ai nuk ka ndërmend të largohet nga Evropa, aty ku luhet futbolli më cilësor.

Reali vështirë se do të hiqte dorë nga Bejl, por fakti që Asensio po shpërthen nga ndeshja në ndeshje mund ta lehtësojë largimin e ish-yllit të Totenhemit. Në këto momente, trajneri Zinedin Zidan këmbëngul për Bejlin, edhe pse ka pasur protesta në “Bernabéu” ndaj tij, por Junajtid do të vazhdojë të këmbëngulë dhe nuk përjashton që të ketë një bisedë me Florentino Perezin për të mbyllur operacionin, pasi ata kuptojnë se oferta ekonomike mund t’i bindë drejtuesit e Real Madridit. Pra, Bejl mund të jetë goditja e madhe e verës!

Pëlqehet dhe Deni Roz – Sakaq, Mançesteri është vënë në lëvizje edhe për mbrojtësin e Totenhamit, Deni Roz. Megjithatë, “Djajtë e kuq” kanë lënë të kuptohet se këtë vit do të jetë e vështirë të arrijnë te ai, por po përpiqen të mbyllin gjithçka për verën e ardhshme.