Me anë të një postimi në rrjetet sociale, Ramadani ka falënderuar ish-klubin e tij dhe tifozët gjirokastritë për atë periudhë që ai i cilëson si vitet më të bukura të karrierës së tij si futbollist.

Nuk di nga t’ia nis më parë dhe tani po e kuptoj sa e vështir është të flasësh për këtë moment. Erdhi momenti që t’i them mirupafshim Gjirokastrës dhe Luftëtarit . I jam shumë mirënjohës Gjirokastrës dhe Luftëtarit për gjithë këto vite që kaluam bashkë, vitet më të bukura të karrierës sime. Përveç anës sportive i jam shumë mirënjohës Gjirokastrës pasi aty kam njohur shok dhe miq që do i kem gjithë jetën. Jam shumë i lumtur që isha pjesë e këtij Luftëtari që fitoi zemrat e shumë sportdashësve jo vetëm në Gjirokastër por dhe në qytetet e tjera te Shqiperis. Nuk gjej fjalë që ti falënderoj nga i pari tek i fundit të gjithë ato që na mbështeten gjatë këtyre viteve të mrekullueshme për mua dhe për Luftëtarin. Falënderoj të gjithë punëtoret e klubit nga i pari tek i fundit, të gjithë stafet teknike që punuam bashkë, falënderoj presidentin Tavo që më dha mundësin të isha pjesë e Luftetarit, tifozët dhe sportdashësit e mrekullueshëm dhe model te Gjirokastrës që na mbështetën ne çdo hap tonin. Një falënderim të madh dhe të veçantë kam për te gjithë futbollistët qe ishin pjesë e Luftëtarit përgjatë këtyre viteve qe unë isha pjesë e tij. Shumë faleminderit familja e madhe bluzi. Respekt pafund për ju dhe Luftëtarit ishalla ta shohim ti kthehet ditëve të tij më të bukura. Mirupafshim

Behar Ramadani, i cili ishte pjesë e Luftëtarit të Gjirokastrës katër sezonet e fundit, është rikthyer në Shkodër pas 6 vitesh. 29-vjeçari ka thënë fjalët e para për faqen zyrtare të klubit.

Ai nuk e fsheh kënaqësinë e madhe që do të kontribuojë për ekipin e zemrës, ndërsa nuk harron edhe vitet e bukura të kaluara me bluzinjtë e gurtë. Ramadani është gati për aventurën e re, teksa Vllaznia siguron një përforcim të rëndësishëm.

“Normalisht gjithmonë rikthimet janë të bukura, aq më tepër kur kthehem tek këto ngjyra me të cilat jam rritur. Tashmë nuk ka më kohë për fjalë, çdo gjë duhet t’ia lëmë kohës dhe t’i futemi punës dhe të mundohemi për të dhënë më të mirën për këtë fanellë dhe për qytetin.

Ndoshta ka qenë edhe çështje fati që nuk kam luajtur shumë në Shkodër. Tek Luftëtari ka qenë shtëpia ime e dytë, e kam kaluar shumë mirë, atje kam kaluar vitet më të bukura të karrierës time i kam kaluar në atë qytet të mrekullueshëm. Sa i takon Vllaznisë vërtetë që kam dhënë shumë pak për të, kështu erdhën rrethanat por shpresoj që këtë vit të jap më tepër dhe të arrijmë ato objektiva që ka klubi.

Tek Vllaznia shoh që ka ndryshime, ka ardhur trajner i ri, po vijnë lojtarë të rinj dhe ajo që mund të them unë është se do të jap maksimumin tim. Sa u takon tifozëve, ata jo këtë vit por historikisht kanë treguar se i kanë dhënë tonin futbollit shqiptar dhe ato gjithmonë kanë kërkuar me pasë një Vllaznia sa më të mirë, konkurrente për titull dhe jo më për pjesët e tjera të kampionatit”,  është shprehur Ramadani për faqen zyrtare të klubit.

Një “gardian” si Enea Koliçi jep garanci absoluten në portë. Veliu dhe Turtulli janë një dyshe interesante për qendrën e mbrojtjes, ndërsa Gocaj dhe Kotobelli në krah janë lojtarë të sprovuar prej vitesh në ato role.

Mesfusha treshe me Jonuzin, Hilën dhe Behar Ramadanin është një trinom i kompletuar. Në krahë të sulmit Ngo dhe Fili garantojnë asiste të shumtë për shkodranin Sukaj, i cili tregoi te Flamurtari se në Superiore është i aftë të bëjë diferencën.

Sibora quhet bukuroshja me të cilën 29-vjeçari ka vendosur të kalojë jetën. Gëzimi, muzika dhe kërcimi e vallet e shumta shoqëruan dasmën e ish-lojtarit të Luftëtarit.

Ramadani e mbylli me bluzinjtë pas katër viteve në Gjirokastër. Kontrata e tij përfundoi, tani është një lojtar i lirë dhe pret ofertën e duhur për të vijuar karrierën e tij.

“Është e vërtetë ka qenë një sezon shumë i vështirë, por shyqyr zotit e rikuperuam këtë në pjesën tjetër të kampionatit. Është normale që tifozët janë zhgënjyer pasi vinim nga një sezon i mirë, nuk donim që të ndodhte kështu, por të paktën siguruam mbijetesën”.

“Është e vërtetë që shumë lojtarëve u mbaron kontrata. Në çdo merkato ka lëvizje. Edhe mua më përfundon kontrata tani. U jam shumë mirënjohës për çdo gjë që më kanë dhënë. Do të ulem me presidentin dhe do të bisedojmë për të ardhmen”.

“Çdo lojtar kërkon që rrisë nivelin e tij dhe të luajë në ekip që përfaqësohet në Kupat e Europës, që të tregojë veten”.

POZICIONIMI I ALEKSIT – “Aleksi ka shumë ndeshje që luan në atë pozicion (mesfushor para mbrojtjes), që pas dëmtimit të Ramadanit. Ka qenë ekuilibrus i skuadrës sonë, na ndihmon si në fazën mbrojtëse, por edhe atë sulmuese. Të them të drejtën na ka munguar disi ajo çfarë Aleksi  i jep skuadrës në fazën sulmuese”.

BARAZIMI NDAJ TIRANËS – “Në fillim kërkova më shumë se ç’duhet, por ma kishte imponuar skuadra me ndeshjet që kishte kryer më përpara. Prej kësaj mu krijua përshtypja se skuadra do të ishte më kreative në sulm”.

Elbasanasi ndërkohë duhet të bëjë llogaritë pa një prej titullarëve të rëndësishëm. Mbrojtësi grek Koconis u ndëshkua me karton të verdhë në ndeshjen me Laçin dhe për të ishte i katërti. Kështu, ai humbet ndeshjen me Flamurtarin dhe do të jetë i gatshëm për trajnerin Ahmataj në sfidën me Tiranën në shtëpi.

Gjatë këtyre ditëve do të shihet edhe gjendja e kapitenit Behar Ramadani, i cili edhe ndaj kurbinasve mungoi për shkak dëmtimi. Shkodrani vijon fazën e rikuperimit dhe në Gjirokastër mezi e presin rikthimin e tij, pasi është një nga lojtarët më të rëndësishëm në kampin bluzi.

Futbollisti shkodran bën një ironi mbi aludimet që kanë qarkulluar në rrjete sociale se midis ekipit të tyre dhe Partizanit ka pasur aleancë për kalimin e kupës.

“Na e lan dhe kampionatin, se Kupën po e po”, thotë Ramadani. Mbylljen e bën fieraku Aleksi, i cili vendos të imitojë frazën e Patris Evras: “Ju duam shumë. I love this game”.

GJENDJA TE LUFTËTARI – “Kemi pasur shumë firo këtë periudhë. Na kanë ikur lojtarë shumë të rëndësishëm si Rroca e Shkurtaj, mungesa e të cilëve do ndihet shumë, të paktën deri kur klubi të sjellë ato afrime që na janë premtuar”.

INTERES NGA KLUBET E TJERA ? – “Është normale që në periudhë merkatoje të ketë interes. Për mua janë interesuar disa klube në Superiore, por edhe nga kampionate afër Shqipërisë. Biseduam me drejtuesit, por nuk u bë i mundur transferimi. Në fund të sezonit do të ulemi e do të diskutojmë për të ardhmen”.

MBIJETESA – “Besoj se këtë vit do të jetë një luftuar shumë e fortë. Jemi katër ekipe që luftojmë. Ndoshta vetëm Tirana mund të veçohet, pasi është një ekip më i kompletuar”.

PRITSHMËRITË NË FILLIM TË SEZONIT – “U nisëm për të bërë gjëra të mëdha si në sezonin e kaluar. Faji u takon të gjithëve. Kurrë nuk e kisha menduar se do të ishim në këtë gjendje”.

Vlonjati i bluzinjve duhet t’i bëjë llogaritë pa mbrojtësin Mërgim Neziri në këto dy ndeshje. Lojtari i linjës së majtë ka pësuar një dëmtim dhe sipas asaj që raporton Supersport pritet të nisë përgatitjet në fund të kësaj jave.

Në kampionat kundër krutanëve mungesë e sigurt është Behar Ramadani. Shkodrani ka plotësuar numrin e kartonëve të verdhë dhe duhet të qëndrojë pushim. Ndaj Laçit javën e dytë ai do të jetë i gatshëm për Mezanin.

Përgjithësisht ata që marrin të verdhë janë mesfushorët e qendrës. Bruno Arrabal i Kamzës dhe Julian Shehi i Kamzës janë ndëshkuar nga shtatë herë. Nga një më pak kanë marrë Ardit Hila, Asion Daja, Albano Aleksi dhe Olsi Teqja. Të katër këta futbollistë kanë tipare mbrojtëse.

janë disa lojtarët që janë ndëshkuar nga pesë herë dhe njeri prej tyre është sulmues anësor. Flasim për Bedri Grecën e Tiranës, i cili shquhet për lojën e fortë. Sigurisht pritet që lojtarë si Sefgjini, Rapa, Siljanovksi, Useini e Batha gjithashtu të ndëshkohen shpesh me të verdhë.

Të tjerë lojtarë që mund të largohen janë mbrojtësi Xhekson dhe kapiteni Behar Ramadani. Për këtë të fundit sipas “Supersport” interesohet Tirana, kurse për brazilianin Partizani. Largimi i tyre sigurisht që do të dobësonte Luftëtarin. Dhe në fakt bluzinjtë janë të vendosur për t’i mos i lëshuar.

Por te Luftëtari mendojnë edhe për të bërë afrime. Erjon Vucaj është objektivi dhe kërkohet për të zëvendësuar Eduart Rrocën. Fantazisti shkodran është pjesë e Dritës, klub me të cilin është nën kontratë deri në muajin qershor.

Ndërkohë presidenti Grigor Tavo dhe drejtuesit e tjerë po punojnë për të bërë një lëvizje në sulm, konkretisht po synohet një lojtar që luan në Superligën greke. Në kampin bluzi tregohen të rezervuar për emrin, por pretendohet të merret një lojtar që ta zëvendësojë denjësisht Shkurtajn.

Gjirokastritët janë mundur nga Kastrioti, Laçi dhe Flamurtari në tre ndeshjet e para të kampionatit. Në këtë mënyrë ata renditen në vendin e fundit klasifikim.

“Nuk ka justifikime për rezultatet, por nuk di të jap një përgjigje të saktë se pse nuk kemi marrë akoma pikë. Janë disa gjëra që kanë ndikuar. Largimet na kanë prishur punë. Afrimet janë cilësorë, por duan kohë të ambientohen. Kemi pasur edhe mungesë fati, pasi kemi luajtur futboll. Disa gabime individuale tonat, si në mbrojtje ku kemi pësuar golat, por edhe para kemi gabuar. Nuk kemi realizuar”, ka thënë mes të tjerash lojtari i Luftëtarit në “RTSH Sport”.

Gjithsesi optimizmi nuk mungon: “Pavarësisht rezultateve, kjo na ka bërë të ulim kokën e të rregullojmë gabimet. Po përmirësohemi, kemi treguar gjatë ndeshjeve se jemi në rritje. Nuk mund të jemi të gëzuar, pasi nuk kemi marrë pikë në tre ndeshje. Të gjithë duhet të japim maksimumin për të dalë nga kjo situatë”.

Në fundjavë Luftëtari luan në transfertë kundër Tiranës, klub që gjithashtu ka hasur vështirësi në tre javët e para. “Ndeshja me Tiranën është shumë e rëndësishme, si të gjitha në fakt, pasi nuk ka ndeshje jo të rëndësishme. kjo ka shumë rëndësi, pasi nëse marrim rezultat pozitiv do thyenim atë akullim që presim ta thyejmë javë pas jave. Besoj se ekipi është gati”, përfundoi Behar Ramadani.