Durrsaku foli edhe në detaj për sfidën që skuadra e tij fitoi ndaj kampionëve të Shqipërisë. “E kisha thënë që kjo ndeshje do të varej nga motivacioni. Skënderbeu është skuadra më e mirë në Shqipëri. Ne e shfrytëzuam në maksimum mundësinë që na u dha. Do të ishte tjetër “muzikë”, nëse kundërshtari do të luante me titullarët. Sot e kemi merituar fitoren dhe ajo që ka bërë diferencën te Teuta ishte motivimi”, ka vazhduar më tej trajneri i Teutës.

Relaksi duket se ka nisur në mendjen e lojtarëve, por këtë trajneri Begeja nuk e pranon. “Matematika nuk na lejon, Kemi edhe dy ndeshje. Me një rezultat pozitiv, ne do të shpëtojmë nga rënia. Ne prapë do të vazhdojmë punën. Kemi një javë kohë”, ka mbyllur Gentjan Begeja.

“Për mënyrën si shkoi loja, barazimi ishte rezultati më i drejtë, edhe pse patëm 2-3 raste të shkëlqyera në fund. Fillimi ishte jo i mirë, shumë i vështirë për ne, në disa raste Luftëtari mund të shënonte, ndaj nuk kam keqardhje për mungesën e fitores, përtej rasteve që patëm.

“Ne kishim ardhur për rezultat pozitiv, edhe barazimi ishte i tillë ndaj një rivali si Luftëtari. Teuta nuk e ka luksin të luajë hapur, një lojë sulmuese, ndaj duke parë edhe cilësinë e kundërshtarit e kishim planifikuar të tillë ecurinë e lojës. Si shkoi ndeshja, vuajtëm në pjesën e parë dhe më pas u përmirësuam, duke qenë më mirë në pjesën e dytë dhe duke krijuar raste për shënim. Mund të fitonim, mund të humbnim, ndaj jam i kënaqur me një pikë”.

“E kishim rreshtuar skuadrën duke evituar mbulimin një për një, u munduam të dublonim lojtarët në mbulim, por fillimisht nuk ishim mirë, derisa gjetëm ekuilibër dhe skuadra i bëri mirë detyrat”.