“Përshëndetje miqtë e mi! Nga sot nuk jam më pjesë e ekipit të KF TIRONËS, edhe pse dëshira ime ishte shumë e madhe që të qëndroja. Desha të bëj një sqarim në lidhje me ‘sms’-të që më kanë ardhur nga tifozët për largimin tim. As kam tradhtuar as s’do ta bëja kurrë, por drejtuesit nuk më kanë ofruar kontratë që të vazhdonim më tej”, shkruan Greca, i cili nuk kursen fjalët e mira për tifozët dhe tregon pse zgjodhi të transferohet te Gjilani.

“Falënderoj kolegët e mi për aq sa kemi punuar bashkë. Falënderoj edhe tifozët më të mirë në Shqipëri, të cilët më kanë mbështetur në çdo qytet. Falënderoj edhe të gjitha ofertat që kanë ardhur në drejtim timin, si në SHQIPËRI, ashtu edhe në KOSOVË, por ekipi im i ri, SC GJILANI, më ofroi një projekt shumë premtues, ku në krye është TRAJNER MEZANI, i cili më bindi të firmos për këtë ekip”, përfundoi sulmuesi anësor.

Afrimi i fundit vjen nga Tirana dhe është Bedri Greca. 28-vjeçari largohet nga bardheblutë pas dy sezonesh, aty ku shënoi 18 gola, 14 në Kategorinë e Parë dhe katër në Superiore.

“Skifterat” kanë prezantuar sulmuesin e krahut, i cili është blerja e gjashtë e merkatos. Merkato e klubit dardan nuk ka përfunduar ende dhe drejtuesit premtojnë të tjera surpriza për tifozët.

Anësori i majtë është i lirë, pasi kontrata me Tiranën i ka përfunduar. Me bardheblutë nuk ka asnjë marrëveshje për të vijuar bashkëpunimin dhe normalisht ai mirëpret çdo ofertë. Nga Kosova i kanë mbërritur disa, me Gjilanin që po këmbëngul më së shumti.

Trajneri Mezani e njeh atë, pasi e ka pasur nën urdhra te Flamurtari në sezonin 2015-2016. Greca, tashmë 28 vjeç, sezonin e fundit te Tirana ka shënuar 4 gola, 10 më pak se një sezon më parë në Kategorinë e Parë.

Një tjetër proces i rëndësishëm është rinovimi i kontratave. Bedri Greca është një nga lojtarët që tashmë është i lirë. Ende nuk ka bisedime për  nënshkrimin e një marrëveshjeje të re me Tiranën dhe gjasat janë që sulmuesi anësor të largohet.

Cilësitë nuk i mungojnë dhe i ka treguar, por ka pasur edhe momente tensioni që nuk është se u pëlqejnë shumë në kampin bardheblu. SportEkspres.com mëson se Greca ka pasur kontakte nga klube të ndryshme dhe po mendon ta vazhdojë karrierën diku tjetër.

Një opsion për të është edhe transferimi në Kosovë, ku janë të shumtë lojtarët që janë aktivizuar në Superiore. Gjithsesi Greca ka pretendimet e tij në aspektin financiar dhe do të duhet një klub që ia plotëson ato, por sigurisht kërkon të luajë në një klub që luan për objektiva të rëndësishme.

Në kushtet që është Tirana duhen marrë vendime të pjekura. Kontributi i gjithsecilit është i rëndësishëm dhe me shumë mundësi gjithçka do të kalohet me një gjobë. Nuk është hera e parë që ka përplasje në seancat stërvitore të bardhebluve.

Në fakt ky është edhe një tregues i presionit të lartë te futbollistët, që do të duhet të shmangin rënien e Tiranës nga Superiorja. Gjithashtu edhe lojtarët në fjalë, Greca e Goxha, njihen për karakterin e tyre. Të dy janë nga ata që nuk lëshojnë lehtë, por nuk kanë rrugë tjetër veçse të ulin kokën dhe të mendojnë për të dhënë më të mirën për Tiranën. Reagimi i parë ka ardhur përmes rrjeteve sociale, ku mbrojtësi Goxha ka postuar një foto.

Faza e dytë te Tirana ka qenë një “masakër”, pasi 24 herë kampionët e fundit ende nuk kanë fituar. Nga fitorja me Kastriotin janë bërë 8 ndeshje pa marrë pikë të plota dhe këtë fundjavë skuadra kryeqytetase do të përballen sërish me krutanët.

Fitorja është detyrim, ndërkohë që trajneri Mema do të ketë të gatshëm edhe sulmuesin anësor Bedri Greca. Ky i fundit mungoi në derbi për shkak se kishte plotësuat numrin e katër kartonëve të verdhë. Kundër krutanëve pritet titullar.

Edhe Imami e rrezikonte derbin, por nuk u ndëshkua. Blazhevski me tre të verdha prej kohësh as që ishte i grumbulluar, kurse Marvin Turtulli qëndroi në stol gjatë gjithë lojës. Kështu, vetëm Greca do të mungojë për shkak kartonësh.

SEDAT BERISHA – Mbrojësi qendror u mor te Vllaznia këtë verë, por me fanellën e Tiranës ka luajtur vetëm në tre ndeshje në muajin shtator. Po bëhen rreth dy muaj që Berisha nuk luan me bardheblutë. Kjo situatë nuk i shkon për shtat atij, por as 24 herë kampionëve të vendit.

Një ditë më parë ai u dërgua të luante me ekipin e dytë kundër Gramshit, një shenjë që mund të jetë duke u përgatitur largimi i tij. Duke parë që tashmë Hoxhallari po luan në qendër, për Berishën duket sikur nuk ka më hapësira.

Në takimin kundër Skënderbeut ishin në stol dy mbrojtës qendre si Marvin Turtulli dhe Klisman Cake, të cilët trajneri Mema as që i përdori. Sikurse edhe kuptohet, ndërprerja e kontratës me Berishën me marrëveshje do t’u shkonte për shtat palëve. Tirana do kursente, mbrojtësi do gjente një ekip ku të luante.

Ai ka postuar videon nga ndeshja, pikërisht atë me protagonist Grecën, ndërkohë që u ka bërë “tagg” disa prej shokëve të skuadrës. Por veç pjesës së lojtarit të Tiranës që gjuan mbrapsht me shkelm, ai ka modifikuar edhe një video ku shfaqet një kalë duke goditur një persona që tenton të hipë mbi të.

Të qeshura dhe komenti “serioz” i brazilianit Alvesh: “Më e keqja, nuk ishte as faull”. Laver Alla nuk pa gjë, as Ardian Beqiri që ishte pak metra më tej. Ose edhe e kanë parë gjithçka, ku i dihet…