Beckenbauer

Bekenbauer: Mbiemri im nuk ka aspak rëndësi

Sport Ekspres — Fri, 03 May 2019 19:57:55 +0000

Franc Bekenbauer, një nga futbollistët më të mirë të histortisë së Gjermanisë dhe Bajernit të Mynihut ka një trashëgimtar futbollist në familje. Luka Bekenbauer është nipi i tij, që së fundmi stërvitet me ekipin e parë të Hanoverit. 18-vjeçari nuk e ka aspak problem se i duhet të mbajë presionin një mbiemri të madh në shpinë.

Ai shprehet se nuk ndjen aspak trysni. Gjyshin e tij e sheh si frymezim, por Luka ka synimet e tij. ”Nuk ndiej asnjë presion. Gjyshi im është një frymëzim në karrierën time, por jam koshient që nuk e arrij dot atë çka ai ka bërë. Kam objektivat e mia. Dëshira ime e parë është që të luaj në Bundesligë. Shokët e stërvitjes më thërrasin më shaka ‘Kaiser’. Megjithatë unë jam Luka dhe jo Franci”, perfundoi djaloshi.

Legjenda e Bajernit del kundër Kovaç: Klubi të mendojë një plan të ri

Sport Ekspres — Tue, 26 Mar 2019 09:23:11 +0000

Bajerni i Mynihut u rikthyer në vend të parë të Bundesligës pas më shumë se katër muajsh ndjekje të përjavshme ndaj rivalëve të Borusia Dortmundi. Rikthimi në vend të parë bëri që shumë nga kritikët e kroatit të mbyllnin gojën, por ka ende nga që nuk besojnë te 47-vjeçari.

Një ndër to është legjenda e Bajernit të Mynihut dhe Gjermanisë, Franc Bekenbauer, i i cili ka kritikuar kroatin në një intervistë për “Sky Sports”.

Sipas ish-mbrojtësit, Kovaç ende nuk e ka treguar se është i aftë të bëjë diferencën të Bajerni i Mynihut dhe në fund sugjeron që drejtuesit të mendojnë për plan të ri në fund të sezonit.

“Ka një ndryshim shumë të madh midis të qenit trajneri i Bajernit dhe skuadrave të tjera të Bundesligës. Nuk e di a do t’ia dalë Kovaç dhe nëse ai është njeriu i duhur për të çuar Bajernin përpara. Kur sezoni drejtuesve duhet të mendojnë për një plan të ri, kjo nuk do të ishte diçka e keqe”, tha Bekenbauer.

Perandori i parë dhe i vetëm, Bekenbauer mbush 72 vjeç

Sport Ekspres — Mon, 11 Sep 2017 12:39:15 +0000

Një ndër futbollistët më të mëdhenj të të gjitha kohërave, Franc Bekenbauer, feston sot ditëlindjen e 72-të. Lindur më 11 shtator 1945 në Mynih, Bekenbauer e nisi te Mynih 1860 dhe më pas kaloi te klubi i dytë i qytetit në atë kohë, Bajerni, ku u bë futbollisti më i madh gjerman, përveçse mbrojtësi më i madh i gjthë kohërave te Bajerni. Një lider i vërtetë, përtej aftësive si futbollist, ndaj Bekenbauer meritoi nofkën Der Kaiser (“Perandori”), lidhur edhe me emrin e tij Franc, që kujtonte Perandorët e mëdhenj të Austrisë.

Bekenbauer, i konsideruar si kapiteni më i madh në historinë e futbollit, ka luajtur 103 ndeshje për Gjermaninë, duke marrë pjesë në 3 Kupa Bote, ndërsa është i vetmi, së bashku me Mario Zagallon e Brazilit, që ka fituar Botërorin si futbollist dhe si trajner (1974 e 1990).

Si futbollist, Bekenbauer bëri të famshëm rolin e “liberos”, duke avancuar përpara me topin në këmbë dhe duke nisur sulmet e skuadrës së tij. Kjo bëri që Bekenbauer të konsiderohej nga ekspertët e futbollit si mbrojtësi më i kompletuar në historinë e futbollit. Bekenbauer fitoi edhe Euro 1972, sërish si kapiten, ndërsa u tërhoq nga kombëtarja në vitin 1977, në moshën 31-vjeçare.

Në nivel klubi, Bekenbauer luajti thuajse vetëm për Bajernin, duke fituar tre Kupa Kampionesh rresht në periudhën 1974-1976, ndërsa fitoi edhe Kupën e Kupave në vitin 1977, para se të shkonte te Nju Jork Kozmos në Amerikë (në një ekip me Pelen, ëndrra e Kaiserit, 3 tituj kampionë në 4 vite) dhe të luante më pas edhe për një vit me Hamburgun në Bundesligë, ku sërish fitoi titullin.

Dy herë Futbollisti i Vitit, tashmë Bekenbauer është President i përjetshëm i Bajernit të Mynihut.

Kanë hyrë në histori disa nga batutat e tij: “Krujf ishte lojtar më i mirë, por unë isha kampion bote”, “Për të pasur sukses si futbollist, trajner e drejtues, duhet shumë disiplinë, pak fat dhe të lindësh në vendin e duhur, në momentin e duhur”, “Jam njerëzor, jo magjistar. Nëse kërkoni një të tillë, shkoni në cirk”, “Fitorja 7-1 e Gjermanisë ndaj Brazilit nuk duhet të ndodhë më kurrë në një gjysmëfinale Botërori. Edhe si gjerman, ishte e sikletshme ta shihje”, “Pas humbjes ndaj RDGJ-së në Botërorin 1974, ia shtruam me birra, cigare dhe muhabet. Kjo gjë na ndihmoi”.