SENDET E NDALUARA
1. Banderola të pa miratuara nga klubi.
2. Sende të forta dhe shishet e qelqit.
3. Materiale piroteknike, si shashka, kapsolla, flakadanë etj.
4. Çadra dhe çakmakë.
5. Lazër.
6. Vuvuzela, bori apo bilbila.
7. Kamera të ndryshme apo aparate që mund të filmojnë ndeshjen.
8. Shkopinjtë e drurit apo hekurit për flamujt.

“Tifo-grupet që kanë banderola do të kontrollohen nga BBS në orën 14:00 tek hyrja e Ambulancës. Në hyrjet e tjera nuk do të lejohen! Dyert e stadiumit do të hapen në 14:30. Në mënyrë që të shmangim radhët e gjata përpara biletarisë, ju bëjmë thirrje të pajiseni sa më parë me biletë dhe të paraqiteni më herët ditën e ndeshjes për të shmangur radhët e gjata dhe pritjet në dyert e stadiumit”, thuhet në komunikatën e BBS.

Ndryshon situata kur ka ndeshje me tension të lartë, kur forcat e rendit pozicionohen edhe në tunelet e stadiumit. E gjitha për të shuar ndonjë incident. Por, tanimë tifozët janë të kontrolluar dhe së fundmi edhe në stadiumin “Niko Dovana” janë montuar kamerat e sigurisë.

BBS SECURITY ka instaluar në stadiumin e Teutës kamerat, teksa në dhomën e sigurisë së stadiumit oficerët e Policisë mund të kontrollojnë gjithçka ndodh. Një ndihmë e madhe për të parandaluar incidentet, por edhe për të identifikuar ata që janë problematikë.

I gjithë perimetri i stadiumit është i mbuluar me kamera, ndërkohë që sigurohen pamjet në çdo hyrje, në ambientet e brendshme të stadiumit, në tribunën kryesore dhe në dy “xhepat” e saj, por edhe në tribunat pas porte dhe përkarshi. E gjitha kjo shihet qartë edhe në videon e mëposhtme që ju sjell “SportEskpres.com”.