Ngjarja në fjalë ka shkaktuar shumë polemika në Gjermani. Shumë ekspertë deklaruan se sistemi “VAR” nuk e bëri punën siç duhet, pasi ndëshkimi i vetëm për Kimish ishte një karton i verdhë.

“Ishte thjesht fat i keq. Unë doja të kapja topin me këmbë dhe Sanço vuri këmbën e tij përpara. Të them të drejtën u mërzita që mora karton të verdhë, s’mund ta imagjinoj pse disa njerëz thonë se duhej të merrja karton të kuq. Kjo do ishte një budallallëk.  Nuk e bëra me dashje”.

Ky është trofeu i gjashtë i Superkupës për klubin e Dortmundit dhe i pari në pesë vitet e fundit. Përvecc motivimit të shtuar në prag të fillimit të Bundesligës, kjo fitore vlen shumë dhe për të vënë në presion kampionët në fuqi.

SUPERKUPA E GJERMANISË

BORUSIA DORTMUND 2 – 0 BAJERN
Shënues: Alkaser 48′, Sanço 69′

https://twitter.com/SportsAfrica4/status/1157738917124292610?s=20

Mançester Siti nuk ka urgjencë për ta shitur, por tashmë e ka të qartë që lojtari dëshiron të shkojë në Mynih, për të luajtur rregullisht, tani që nuk janë më Riberi e Roben.

Pas javësh të tëra ngacmimesh në distancë, tashmë Bajerni del hapur.

Sipas The Mirror, klubi bavarez ka gati 100 milionë euro dhe kanë nisur bisedimet, çka do të thotë se tashmë Siti është gati ta shesë yllin e Gjermanisë.

Trajneri i Milanit, Marko Xhampaolo, hodhi në fushë ekipin me skemën e tij të preferuar 4-3-1-2, ku binin në sy qendërmbrojtësi 19-vjeçar Mateo Gabia dhe djali i Paolo Maldinit, Daniele, i cili luajti në rolin e trekuartistit në mbështetje të dy sulmuesve.

Paraqitje e mirë dhe nga Teo Hernandez. Mbrojtësi francez u shfaq shpeshherë i rrezikshëm me depërtimet nga krahu i majtë, por u detyrua ta braktisë sfidën para kohe për shkak të një dëmtimi të lehtë.

Bajern Mynih 1 – 0 Milan
Shënues: Gorecka 45+3’

Milan: Donaruma, Kalabria, Gabia, Striniç, Hernandez, Bilja, Çalhanoglu, Borini, Maldini, Kastijeho, Piatek. Trajner: M.Xhampaolo

Bajern Mynih: Nojer, Kimish, Pavard, Zyle, Dejvis, Sançes, Toliso, Gorecka, Koman, Arp, Myler. Trajner: N.Kovaç

https://www.youtube.com/watch?v=MqAWjbewrjc

Ka qenë vetë trajneri bavarezëve Niko Kovaç, ai që ka mohuar kategorikisht interesin e Bajernit për 30-vjeçarin: “Jo ai nuk bën pjesë planet e mija. Megjithëse mendoj se është një lojtar cilësorë, tregu ka tjerë futbollistë me kualitete të ngjashme”, tha Kovaç.

Një tjetër temë që kroati diskutoi ishte e ardhmja e Renato Sançez: “Mua më pëlqen si lojtar, është një mesfushor polivalent me karakteristika të ndryshme. Dua ta mbaj dhe për sezoni tjetër i kam shpjeguar arsyet që mori pak minuta vitin e kaluar. Jam i sigurt se kjo do të ndryshojë vitin e ardhshëm”.

Sipas “BILD”, Dajaku do të kryejë ditën e sotme vizitat mjekësore dhe pak orë më vonë marrëveshja do të marrë formë zyrtare. I riu me origjinë shqiptare pritet të aktivizohet me skuadrën rezervë të Bajernit që sezonin e ardhshëm militon në Bundesliga.3.

Shuma që bavarezët paguan për kartonin e 18-vjeçarit raportohet të jetë tek përafërsisht 1.5 milionë euro. Transferimi i Dajakut çon në tre numrin e lojtarëve shqiptarë te Bajerni i Mynihut. Krahas 18-vjeçarit pjesë e Bajernit janë dhe Meritan Shabani dhe Marvin Çuni.

Dajaku debutoi sezonin e kaluar në Bundesligë me Shtutgartin kur ishte vetëm 17 vjeç, ndërsa te grupmoshat ishte lojtari me më shumë gola i një ekipi që shkoi deri në finalen e Bundesligës U19 ku u mundën nga Borusia Dortmund.

Palët janë ende në bisedime dhe për momentin akoma nuk është arritur diçka konkrete. Nëse Dajaku kalon te kampionët e Gjermanisë, do i duhet të marrë minuta me ekipin B, që këtë sezon militon në “Bundesliga.3”.

Dajaku aktivizohet me kombëtaret e grupmoshave të Gjermanisë, por i riu shqiptar i plotëson të gjitha kushtet që në të ardhmen të veshë fanellën e Kosovës ose Shqipërisë.

Në fillim të merkatos, ky transferim dukej thuajse i kryer, me Sane që ishte gati të rikthehej në Gjermani. Por Mançester Siti kërkon 100 milionë euro, para që Bajerni preferon t’i shpenzojë te francezi Dembele.

Sot, Leroi Sane ka dalë në stërvitje me “Qytetarët”, por duket qartë se nuk preferon të qëndrojë në Angli. Me merkaton që çdo ditë po i afrohet fundit, e ardhmja e mëngjarashit mbetet ende e paqartë…

Nejmar është gati i larguar nga Parisi, me lojtarin që i ka vënë veton klubit. Madje nuk pranon as të paraqitet në stërvitje. Ikja e pashmangshme e 27-vjeçarit sjell futjen në merkato për të gjetur zëvendësuesin e tij. Leroi Sane flitet të jetë më i pëlqyeri, sipas medieve franceze.

Paratë që do vijnë nga shitja e Nejmar te Barcelona do të përdoren për të sjellë gjermanin e Sitit. Kështu, Parisi do të kishte muskuj shumë më të mëdha financiarë se Bajerni. E gjithë kjo sjell një problem të madh në Bavari.

Sipas medies së njohur gjermane “Sport Bild”, në listën përfundimtare të bavarezëve janë tre lojtarë: Janik Ferreira-Karrasko, Stivën Bergvejn dhe Hakim  Zijek. Të tre lojtarët janë nën kontratë me klubet respektive, por buxheti i Bajernit është i mjaftueshëm për të blerë kartonin e të paktën dy prej tyre.

Negociatat e Bajernit për Liroi Sane janë mbyllur dhe tani kampionët e Gjermanisë janë të detyruar të shikojnë në treg për alternativa të tjera që vijnë me një çmim më të lirë se sa shumë që Mançester Siti kërkonte për talentin gjerman.

Gjatë merkatos së janarit Bajerni u fut në negociata me Çelsin për kartonin e sulmuesit. Salihamixhiç e ka shprehur në shumë raste simpatinë që ka për 18-vjeçarin. Megjithatë, Çelsi ka bërë rezistencë duke refuzuar ofertat e njëpasnjëshme të Bajernit.

Kontrata e Odoit me londinezët mbaron në fund të sezonit të ardhshëm, pra ekziston dhe mundësia që i riu anglez t’i bashkohet kampionëve të Gjermanisë me kosto  0. Megjithatë, Çelti po përpiqet t’i mbushë mendjen lojtarit për t’i rinovuar, por deri më tani futbollisti anglez nuk ka ndërmarrë asnjë veprim.

“Ambiciet për këtë sezon janë shumë të mëdha. Duam të mbrojmë sërish trofeun e kampionatit dhe Kupën dhe të bëjmë më mirë në Champions”.

BOATENG – “Për sa kohë ai ka një kontratë me Bajernin do të trajtohet si të gjithë të tjerët. Nëse e kam në stërvitje do të përdor nëse e meriton, natyrisht”.

MERKATO – “Po shikojmë në treg, duhet të tregohemi të duruar. Drejtuesit këtë gjë po bëjnë. Kemi humbur dy lojtarë të rëndësishëm si Roben e Riberi dhe duam ti zëvendësojmë”.

JU INTERESON SANE ? “Po, natyrisht. Një lojtari si ai mund ta në ndihmojë shumë”.

TAKTIKA DHE SISTEMI – “Nuk mund të shpik një lloj tjetët futbolli. Në vitin e fundit të Luis van Gal ai filloi të përdorte një sistem, që vazhdon të jetë  baza e Bajernit prej shumë vitesh”.

CHAMPIONS – “Bajerni e ka fituar pesë herë Champions-in, ndërsa vetëm dy herë nga viti 1976 e deri më tani. Nuk është aspak e lehtë. Duam të bëjmë më mirë, por s’mund të dalim garant”.

“Nuk është më një garë midis klubesh. Ne si FC Bajern tani po konkurrojmë me shtete dhe miliarderë. Klubet e Bundesligës do ta kenë gjithmonë e më të vështirë. Lojtarët më të mirë luajnë në Angli dhe Spanjë”.

Numri 1 i klubit foli hapur mbi vështirësitë që ka një kompeticion si Champions League, por pranon se trajneri Niko Kovaç ka për detyrë të mos e përsërisë atë që ndodhi vitin e kaluar ku Bajerni u eliminua në raundin e 1/16-ve nga Liverpuli.

“Ky klub synon Champions-in, por në 119 vite histori kemi fituar vetëm një herë tripletën e trofeve. Ky fakt shpesh harrohet. Gjithsesi ishte një eksperiencë e paharrueshme ai suksesi i viti 2013. Kam idenë se viti pas viti po bëhet akoma më e vështirë. Gjithsesi, Champions-i do mbetet gjithmonë një objektiv që do vendosë për sezonin tonë”.

“Gjatë viteve të fundit kemi shkuar në finale 3 herë, ku njëherë e fituam trofeun e Champions-it, ndërsa thuajse çdo vit jemi në gjysmëfinale. Kovaç e ka për detyrë ta vazhdojë këtë ecuri në Bajernit me këtë skuadër që ka pësuar jo pak ndryshime”.

“Mendoj që trajner duhet të përshtatet me filozofinë e klubit ku punon dhe jo e kundërta. Çdo trajner ka preferencat e tij, por mbi të gjitha duhet të ketë një sistem të Bajernit dhe një sistem të Barcelonës. Sistemi që ne kemi përdorur për vite me radhë na ka garantuar në momente të caktuara futboll spektakolar”.

Megjithatë, mediet gjermane janë të sigurta se Bajerni nuk ka ndërmend ta mbyllë merkaton e kësaj vere pa një përforcim për krahët e sulmit. Sipas “Bild”, fokusi i bavarezëve ka shkuar drejt talentit të PSV-së, Stivën Bergvejn.

Sulmues 21-vjeçar është një ndër talentet më premtues të futbollit holandez dhe është kthyer një pjesë të rregullt të grumbullimeve të kombëtares holandeze. Firma me Bergvejn s’do të jetë aspak e lehtë, pasi për të interesohen klube të shumta në Angli.

Pavarësisht se drejtuesit e bavarezëve kanë kryer disa blerje numri i lojtarëve në dispozicion të Niko Kovaç është më i vogli ndër ekipet e Bundesligës gjermane, por edhe në rangun e Champions League.

Ekipi i parë i Bajernit përbehet nga vetëm 17 lojtarë + 4 portierë. Një studim i kryer ka zbuluar se bavarezët kanë një numër shumë të vogël futbollistësh në krahasim me rivalët Europianë.

Inter, Mançester Siti dhe Real Madrid kanë nga 29 lojtarë (pa përfshirë portierët) në ekipin e parë, ndërsa bashkëkombësit e Dortmundit kanë thuajse dyfishin me 32 lojtarë. Siç duket te Bajerni janë të sigurt se dëmtimet do të jenë të pakta dhe fakti që në skuadër ka shumë lojtarë polivalent si Kimish, Havi Martinez, Lukas Hernandez, Pavard dhe Alaba bën që Kovaç të mos shqetësohet nga ky fakt.

“E kam menduar shumë këtë gjë gjatë javëve të fundit. Siç e dini të gjithë, vendosa të merrja kohë për t’iu informuar mbi vendimin për të ardhmen time pas ndeshjes së fundit me Bajernin. Kam vendosur ta mbyll karrierën time si futbollist profesionist”.

“Ka qenë padyshim vendimi më i vështirë i karrierës sime. Një vendim ku zemra dhe mendja u përplasën me njëra-tjetrën. Kam jetuar 19 vite për këtë pasion timin dhe u përpoqa të merrja ç’mundesha. Dashuria dhe bindja se mund t’ia dalësh u vunë përballë realitetit që është se jo gjithçka është ashtu siç ti mendon. Nuk jam më ai 16-vjeçari që nuk ia kishte idenë se ç’ishte një dëmtim”.

“Për momentin jam në formë dhe i shëndetshëm dhe si një fans i sporteve të ndryshme dua që të mbetem kështu dhe për të ardhmen. Prandaj kam vendosur t’i jap fund përfundimisht, por kjo është rruga e duhur”, tha Roben.

Objektivi i radhës për kampionët e Gjermanisë ishte për të përforcuar repartin e sulmit. Talenti i Lilës Nikolas Pepe dhe Kai Haverc i Leverkuzen ishin lojtarët që u shqyrtuan nga drejtuesit e Bajernit, por nuk ka qenë e shkruar që dy lojtarët të veshin fanellën e Bajernit sezonin tjetër.

Sipas së përditshmes së njohur gjermane “Kicker”, drejtuesit e Bajernit kanë vendosur të tërhiqen nga bisedimet për të dy lojtarët. Afrikani Pepe nuk ka arritur të bindë, ndërsa kërkesat e Leverkuzen për Haverc janë të papërballueshme nga Bajerni.

Fokusi i bavarezëve mbetet te talenti i Çelsit Kalum-Hadson Odoi. Sulmuesi 18-vjeçar është i hapur për një largim nga Çelsi, por pikërisht klubi londinez po bën rezistencë duke refuzuar ofertat e njëpasnjëshme të Bajerni të Mynihut.

Sajti i njohur “footyheadlines.com”, ka zbuluar fotot e dizajnit të ri. Fanellat e reja janë pëlqyer shumë nga tifozët e kampionëve të Gjermanisë, të cilët kanë lënë një “feedback” pozitiv në rrjetet sociale.

Sipas medies shtetërore turke “TRT”, destinacioni final i qendërmbrojtësit është Bajerni i Mynihut. Agjenti i lojtarit ka arritur akordin me kampionët e Gjermanisë pas një takimi me shefin klubit Karl-Hainc Rumenige dhe drejtorin  Hasan Salihamixhiç.

Kabak u transferua te Shtutgarti në muajin janar. Klubi nga jugu i Gjermanisë shpenzoi 10 milionë euro për kartonin e tij, por rënia në Bundesligën  e dytë u ka bërë të mundur klubeve të tjera që të aktivizojnë një kluazolë largimi të vendosur në shifrën e 15 milionë eurove.

Gjithsesi ekipet e tjera gjermane janë gjithmonë të vëmendshëm ndaj lojtarëve që dalin nga akademia bavareze. Ditën e sotme “Bild” ka zbuluar të ardhmen e tri talenteve që do të largohen njëherë e mirë nga Bajerni.

Sulmuesi korean Ujeong Jeong do të veshë sezonin tjetër bluzën e Frajburgut. 19-vjeçari ishte një ndër të preferuarit e Niko Kovaç, por te Bajerni nuk vuajnë hapësirat për të janë shumë të pakta.

Listës së largimeve nuk i ka shpëtuar as qendërmbrojtësi Lars Lukas Mai. Futbollisti gjerman do të transferohet te Nyrnberg. Krahas Mait do të largohet dhe mesfushori 20-vjeçar Adrian Fajn, ky i fundit është huazuar për një vit te Hamburgu. Në ditët në vazhdim pritet të zbulohet e ardhmja mesfushorit shqiptar Meritan Shabani, i cili është një lojtar që i intereson shumë klubeve në Bundesligën e dytë.

Futbollisti 22-vjeçar ka një klauzolë largimi prej 70 milionë eurosh, shumë kjo që mund të aktivizohet nga Bajerni i Mynihut ose Mançester Siti, të dyja ekipet tani po përpiqen të gjejnë akordin financiar me lojtarin.

Megjithatë, sipas “MARCA” gjatë ditëve të fundit interesi për mesfushorin është shtuar me PSG-në dhe Mançester Junajtid që janë futur në garë për lojtarin. Te Atletiko tani u duhet të mendojnë për të gjetur pasuesin e 22-vjeçarit.

https://www.youtube.com/watch?v=juYswp18Nxo

Sipas “Sky Sports” rikthimi i Humels do t’i kushtojë Dortmundit 30 milionë euro pa përfshirë bonuset. Bisedimet janë në fazat finale dhe zyrtarizimi mund të vij brenda ditës së sotme. Fjalën e fundit për këtë transferim e dha trajneri Niko Kovaç.

Largimi i Humels ngre pikëpyetje të mëdha për mbrojtjen e Bajernit, pasi krahas Humels pritet që gjatë kësaj vere të largohet Zherom Boateng, çka do ta linte repartin e qendrës së mbrojtjes katër alternativa: Niklas Zyle, Lukas Hernandez, Benzhamin Pavard dhe Lars Lukas Mai.

Kampionatet kinez ose ai amerikan po e tundojnë “ish”-in e Bajernit, por dëshira e Riberi është që të vazhdojë të kontribuojë në një ekip të madh.

“Dëshira ime është që të luaj edhe dy sezone të tjera. Ku do që të shkoj do paguhem mirë, por ky është një vendim shumë i rëndësishëm që nuk më takon vetëm mua, duhet ta marr bashkërisht me familjen time. Goli i fundit që shënova për Bajernin sikur më ndezi diçka. Pse jo të mos provoj një sfidë tjetër në karrierën time”.

“Kam akoma uri. Mendoj se kam diçka për të dhënë dhe për sa kohë të ndihem kështu do shikoj mundësi për të luajtur në klube të mëdha pasi mundem. Kam eksperiencën e duhur për të bërë diferencën”.

Borxhet e shumta të klubit po bëheshin pengesë për licencimin e skuadrës. Federata gjermane nuk pranoi të bënte përjashtime për Kaizerlautern dhe klubi rrezikonte të dënohej me zbritje dy kategori më poshtë.

Fatmirësisht një emër i madh i futbollit gjerman i ka ardhur në ndihmë klubit në nevojë. Bëhet fjalë për Bajernin e Mynihut. Kampionët e Gjermanisë pranuan të zhvillonin një ndeshje miqësore me Kaizerslautern. Të gjitha të ardhurat nga stadiumi i mbushur plot shkuan në ndihmë të vendasve.

Së fundmi mediet gjermane raportojnë se 750 mijë eurot e arkëtuarat nga biletat e miqësores kanë rezultuar vendimtare në procesin e licencimit, pra Kaizerslautern do të vazhdojë të mbetet pjesë e futbollit profesionist në Bundesligën e tretë.

“Te Bajerni i Mynihut, ata që drejtojnë klubin janë njerëz futbollit. Unë e kam vlerësuar gjithmonë këtë aspekt të strategjisë menaxheriale të atij klubi. Krejt e kundërta ndodh te Mançester Junajtid. Ed Uduard u emërua si administrator i përgjithshëm i klubit. Ai është 0 nga futbolli, në të shkuarën ka punuar si bankier”.

“Nuk është aspak gjë e mirë kur synimi i vetëm i drejtuesve të klubit është aspekti komercial. Nuk kam hatërmbetje për shkarkimin tim. E kuptoj si ka qenë situata. Ata donin Murinjon dhe ai ishte i lirë në atë moment”.

Ashtu si një 20 vite më parë, “Djajtë e Kuq”, dolën sërish fitimtarë. Rastësia e solli që Ole Gunar Solskjaer të shënonte sërish, por kësaj radhe shënoi golin e parë të takimit. Pas norvegjezit radhën për të shënuar e morën Jork, Niki Bat dhe Luis Saha. Qershia mbi tortë ishte goli i fundit i takimti nga Dejvid Bekam, i cili vazhdon të tregojë klasin e tij.

Në bankinë nuk mungoi legjenda e gjallë Sir Aleks Ferguson, i cili duket se e ka marrë veten plotësisht nga operacioni i bërë në tru gjatë vitit të kaluar.

Mançester Junajtid 5-0 Bajern Mynih
Shënues: Solskjaer, Jork, Bat, Saha, Bekam

Ky i fundit ka qenë në diskutim deri para finales së Kupës së Gjermanisë, fituar bindshëm nga Bajerni, sepse asnjë nga drejtuesit e lartë nuk doli ta mbështeste publikisht, edhe pse ka kontratë deri në 2021.

Megjithatë, sot gjatë festimeve për kupën në sheshin Marienplatz presidenti i Bajernit Uli Honës vendosi “pikat mbi i”, duke folur për të ardhmen e Kovaç.

“Nuk ekziston fare si temë diskutimi nëse do jetë apo jo Kovaç në stol edhe sezonin e ardhshëm. Ai do të qëndrojë, 100%, diskutimi për ne ka qenë gjithnjë i mbyllur”.

Hënes ka dhënë një përgjigje edhe në lidhje me Karl-Hainc Rumenige, i cili kohët e fundit ka qenë kritik për trajnerin: “Jemi dakord në vendimet tona, natyrisht që po. Edhe ai është në një linjë me mua. Duhet të jemi shumë të kujdesshëm në lidhje me deklaratat tona dhe koordinimin e tyre, sepse gjithnjë ka interpretime të ndryshme”.

Po Kovaç, a ka pasur probleme me lojtarë të caktuar? Hënes përgënjeshtron prerë: “Përralla! Një skuadër nuk luan futboll aq mirë, po të ketë probleme me trajnerin”.

Geschichte geschrieben. ??

Niko #Kovac ist der erste, der als Spieler und als Trainer das Double gewinnt.#MiaSanMia pic.twitter.com/ObuzMwJnLY

— FC Bayern München (@FCBayern) May 25, 2019

Sipas “Sky Deutschland”, Hames e ka marrë vendimin për të ardhmen e tij. Kolumbiani nuk e ka ndërmend të qëndrojë te Bajerni i Mynihut dhe po shpreson që të gjejë një skuadër tjetër për sezonin e ardhshëm. Drejtorët e Bajernit vazhdojnë të thonë se një vendim finale për Hames Rodrigezin nuk është marrë ende. Klubi gjerman ka të drejtën të sigurojë kartonin e plotë të fantazistit për 42 milionë euro.

Në një intervistë për “BILD”, sulmuesi i Bajernit, Robert Levandovski, u shpreh se i pëlqen kjo strategji. Sipas polakut Bajernit nuk e ka luksin për të marrë talente,.

“Nëse dikush vjen duhet të jetë në gjendje ta na ndihmojë direkt. Nuk kemi kohë të presim dy vite për të zhvilluar një lojtar të caktuar. Kush vjen këtu duhet të rrisë kualitetin e skuadrës. Kemi marrë që tani dy lojtarë shumë të mirë (Pavard dhe Hernandez) dhe jam i sigurt që Bajerni nuk e ka thënë akoma fjalën e fundit përsa i përk”.

“Diskutimi mbi të ardhmen e trajnerit nuk ka rëndësi për ne. Çfarëdo që të ndodhë ne do të bëjmë punën tonë. Tani jemi të fokusuar vetëm te finalja e Kupës”, përfundoi sulmuesi polak

Krahas dyshes së francezëve, Bajerni do të kryejë dhe disa afrime të tjera në repartin e sulmit. Vendet e lëna bosh nga largimi i Frank Riberi dhe Arjen Roben priten të plotësohen.

Në një intervistë për mediet gjermane fill pas kurorëzimit si kampion i Gjermanisë, presidenti i Bajernit, Uli Hënes, zbuloi se buxheti i mbeturi i Bajernit nuk i kalon të 80 milionë eurot.

Kjo deklaratë e numrit 1 të bavarezëve shuan çdo mundësi të ardhjes së Antuan Grizman në Mynih. Fokusi do të mbetet te transferimi i talentit anglez Kalum Hadson-Odoi. Sulmuesi 18-vjeçar nuk u lëshua nga Çelsi gjatë merkatos së janarit, pavarëisht se për të Bajerni ofroi plot 40 milionë euro.

Fanella ka në të disa forma që ngjasojnë me strukturën e jashtme të stadimit më të madh në Gjermani. Uniforma e re do të inaugurohet këtë fundjavë në ndeshjen e fundit të këtij sezoni të Bundesligës ndaj Ajntrahtit të Frankfurtit.

Dëshira e lojtarit thuhet të jetë pikërisht transferimi në “Camp Nou”, por agjenti i tij Mino Raiola, duket se nuk është dakord me klientin e tij. Sipas raportimeve në media, menaxheri i De Ligt prefeton më së shumti një kalim të holandezit te Bajerni i Mynihut, Mançester Junajtid apo Juventusi.

?? De Ligt no duda con el Barça; Mino Raiola, sí
? El agente del central del Ajax prefiere club mucho más rentables economícamente como Bayern, United o Juventushttps://t.co/BTJNzUf7eL por @MigRico pic.twitter.com/3t11sx35IV

— Mundo Deportivo (@mundodeportivo) April 30, 2019

Arsyeja është shumë e thjeshtë. Të tre këto ekipe janë të gatshëm të ofrojnë më shumë se Barcelona, fakt që rrit përfitimet e Raiolas dhe vetë De Ligt.

Megjithëse ishin skuadra dominuese e takimit, bavarezët nuk arritën të zhbllokonin të parët ndeshjen. Sulmuesi brazilian Pereira shënoi golin e parë për ekipin vendas në minutën 48-të. Gnabri çoi shifrat në 1 – 1, ndërsa në  minutat e fundit të takimit i riu i Bajernit Alfoso Dejvis shkaktoi një penallti që nuk u ekzekutua siç duhet nga Leibold.

Numerberg 1 –  1 Bajern Mynih
Shënues: Pereira 48’ / Gnabri 75’

Kampionët e Gjermanisë bënë çmos për ta blerë kartonin e sulmuesit 18-vjeçar gjatë merkatos dimërore, por Çelsi refuzoi çdo ofertë të tyre, madje dhe ofertën finale prej 40 milionë eurosh.

Nënjë intervistë të dhënë së fundmi për mediet gjermane, presidenti i bavarezëve konfirmoi se talenti anglez mbetet në planet e tyre pavarësisht dëmtimit të pësuar së fundmi në tendinin e akilit: “Mendoj se do të vazhdojmë të mendojmë për të, gjithsesi nuk mendoj se ia vlen të flasim më shumë, pasi në këto momente ai ndodhet në sallën e operimit”.

I pyetur në lidhje me interesin për portierin e Shalkes, Aleksander Nybel, Hënes tha: “Ky transferim është diçka në duart e drejtorit sportiv (Salihamixhiç), sepse është një investim nën 25 milionë eurot dhe unë nuk jam përgjegjës për këto transferime”.

Në fillim u duk se do të ishte një ndeshje shumë e thjeshtë për skuadrën e Niko Kovaç, që u shënoi dy gola e parë të takimit me anë të Levandovskit dhe Myler, por më pas Verderi u “zgjua”.

MINUTAT E ÇMENDURA – Milot Rashica ishte protagonist absolut, pasi sulmuesi nga Vushtrria ia ka dalë të asistojë dhe të shënojë, duke bërë që tifozët e Verderit të përjetonin një moment fantastik në minutat 74 e 75.

Fillimisht djaloshi nga Vushtrria ia doli me sukses të pasonte në zonë për Osako, i cili u tregua i saktë dhe e çoi takimin në 2-1. Një minutë më pas vetë Rashica vallëzon në mbrojtjen e Bajernit dhe e dërgon topin në rrjetë, duke barazuar gjithçka në 2-2.

Festa nuk zgjati shumë, pasi pesë minuta më pas u akordua një penallti për Bajernin e Mynihut. Protesta të shumta, por nuk ka dyshime për vendimin e arbitrit. Levandovski tregohet i saktë nga pika e bardhë e 11-metërshit dhe i jep epërsinë Bajernit.

Verder Bremen 2 – 3 Bajern
Shënues: Osako 74’, Rashica 75’ / Levandovski 36’, 80’ (pen) Myler 63’

“Ishte një ndeshje shumë e vështirë për të dyja skuadrat, kushtet ishin në ekstrem. Gjërat shkuan nga zero në 100 shumë shpejt, 25 gradë temperatura, nuk ishte e thjesht. E dinim që duhet të luanim fort kundër Verderit dhe ia dolëm. Kjo ishte humbja e parë e tyre në këtë vit, por jo vetëm kaq, ia dolëm që të mbanin dhe rrjetën e paprekur, që kundër Verderit është një mision thujase i pamundur.

Kartoni i kuq i tyre e bëri disi më të lehtë punën tonë, por dhe fitorja 1-0 besoj se ishte e mjaftueshme. Kemi marrë tri pikë të rëndësishme dhe jam i lumtur që do të festojmë Pashkët në vendin e parë në renditje”, tha Kovaç.

“E dimë të gjithë sa i vështirë është kampionati këtë sezon dhe nëse duam të shpallemi kampionë, duhet të jemi shumë të fokusuar kundër Verderit dhe të marrim maksimumin. Ata janë një skuadër në formë të shkëlqyer.

“Këtë vit, janë të pamposhtur dhe kanë shënuar në çdo ndeshje dhe kjo gjë nuk është rastësi, por tregon që kanë kualitet. Do të jetë një sfidë shumë delikate, sidomos ndeshja e kampionatit. Do të fokusohemi te ky takim fillimisht, më pas do të mendojmë edhe për Kupën”, përfundoi Kovaç.

Synim madhor i klubit legjendar është afrimi i gjithë talenteve gjermane në qarkullim dhe dy më të mëdhenjtë janë sulmuesit Kai Havertz i Leverkusen dhe Timo Werner i Leipzig.

Ky i fundit shihet si pasardhësi natyral i Robert Lewandowskit, ndërkohë që edhe shefi i Leipzig, Oliver Mintzlaff, ka konfirmuar largimin e sulmuesit, i cili ka kontratë deri në 2020: “Timo na ka informuar se nuk dëshiron të rinovojë, ndaj jemi të detyruar ta shesim këtë verë”.

23-vjeçari, 14 gola këtë sezon në Bundesligë dhe tashmë pikë kyçe në kombëtaren gjermane, e ka shprehur me kohë dëshirën e tij për të luajtur në Bavari, por nga ana tjetër paratë kanë shumë rëndësi dhe në verë do të nisë një ankand gjigant.

Sipas Bild, Jürgen Klopp e do sulmuesin te Liverpool, ndërkohë që edhe Paris Saint-Germain e Real Madrid janë shumë të interesuar, pasi kanë nevojë për përforcime urgjente për sezonin e ardhshëm.

Sipas revistës gjermane, ankandi nis nga 40 milionë euro, por është e qartë që në futbollin aktual një shifër e tillë është bërë qesharake, kur bëhet fjalë për lojtarë të këtij niveli.

Sipas asaj që thuhet në mediat gjermane, ka qenë vetë agjenti i 30-vjeçarit, i cili ka pranuar se negociatat për rinovimin e kontratës kanë nisur. Kontrata aktuale që Levandovski ka me Bajernin është e vlefshme deri në vitin 2021.

Një rinovim i mundshëm do ta mbante të lidhur polakun deri në vitin 2024 me bavarezët, çka do e bënte sulmuesin të festonte plot një dekadë te Bajerni. Kujtojmë, Levandovski u mor nga Bajerni me parametra zero verën e vitit 2014 nga Dortmundi.

Kosto e blerjes përfundimtare të 27-vjeçarit është 47 milionë euro dhe tani ka ardhur momenti për të vendosur.

Sipas medies së njohur gjermane “Bild”, dyshja drejtuese e Bajerit, Uli Hënes dhe Karl-Hainc Rumenige nuk ndajnë të njëjtin mendim për të ardhmen e lojtarit. Presidenti Hënes është kundër blerjes së lojtarit, ndërsa drejtori ekzekutiv, Rumenige, është pro.

Hames u shpall lojtari i muajit mars nga faqja zyrtare e Bundesligës pas paraqitjeve fenomenale me baravarezët. Kolumbiani pati një fillim sezoni të dobët, por tani është vënë në “marshin” e duhur dhe po tregon se është i aftë të bëjë diferencën.