Sipas asaj që raporton “Mundo Deportivo”, Barcelona është vënë në ndjekje të 24-vjeçarit. Gjithsesi raportohet se Bajerni i Mynihut nuk ka ndërmend të heqë dorë nga Kimish, i cili vlerësohet maksimalisht prej tyre dhe shihet si një element i rëndësishëm për të ardhmen.

Bavarezët duan të përforcohen dhe largimi i një elementi cilësor të formacionit do të ishte një hap pas. Ata madje po projektojnë që gjatë kësaj vere të bëjnë disa afrime “big”, pasi duan të jenë konkurrues edhe në Europë.

Një figurë si presidenti i Bajernit Uli Hënes ka opinionin e tij rreth këtij fenomeni. Gjermani është i mendimit se nuk duhet të shpenzohen shifra të tilla për një futbollist. Gjithashtu, presidenti bavarez e kthen në shaka mënyrën se si vijnë paratë që sheikët investojnë për të përforcuar skuadrat e tyre.

“Miku im Pep më ka treguar çfarë ndodh kur ai dëshiron të blejë ndonjë lojtar që kushton 100 milionë euro. Merr disa video të lojtarit dhe shkon në Katar, të takojë Sheikun.

“Më pas konsumohet një vakt luksoz, shikohen videot dhe Sheiku transferon shumën e nevojshme për blerjen e lojtarit. Ditën tjetër Sheiku hap pak milimetra më shumë rubinetin e gazit dhe i rikuperon paratë menjëherë.

“Jam krenar që në raste të tilla Bajerni nuk vepron kështu, sepse bazohet te fitimet e veta për të blerë lojtarë, jo duke marrë borxh“.

Ndërkohë, Manuel Nojer është stërvitur i diferencuar nga ekipi dhe pritet të rikthehet të premten, siç është shprehur trajneri i Kovaç. Lista e gjatë e dëmtimeve për bavarezët vazhdon me Alaba dhe Gorecka, që pritet të rikthehen të shtunën. Kovaç mbi gjendjen e dy yjeve të tij u shpreh: “Do të duhet të shohim se çfarë do të ndodhë, do mundohemi ta menaxhojmë situatën me shumë kujdes”.

Pavarësisht rikthimeve, ka ende lajme jo pozitive për trajnerin bavarez. Veterani Frenk Riberi po vuan shumë nga dëmtimet e njëpasnjëshme dhe është në dyshim për ndeshjen kundër Borusia M’Gladbah.

Sipas së përditshmes spanjolle “MARCA”, kampionët e Gjermanisë do të finalizojnë blerjen e mbrojtësit Lukas Hernandez nga Atletiko Madrid në ditët në vazhdim. Gjithçka do të kryet para 4 janarit, që është data kur do të fillojë faza përgatitore e Bajernit në Doha të Katarit.

Klauzola e largimit në kontratën e mbrojtësit francez është 80 milionë euro, por marrëveshja pritet të arrihet për një shumë më të vogël. Me ardhjen e Hernandez te Bajerni, numri i lojtarëve të cilët kanë një medalje kampioni bote te Bajerni shkon në gjashtë.

Në daljen për shtyp para takimit ndaj Frajburgut, trajneri kroat foli për gjendjen e skuadrës dhe  i mbylli përfundimisht derën ndërhyrjeve në merkaton e janarit.

PËRMIRËSIMET – “Në aspektin e komunikimit kemi bërë progres të madh, skuadra po i kupton idetë e mia dhe loja e tregon qartë këtë. Gjatë ndeshjeve të fundit kemi luajtur mirë në fazat mbrojtëse dhe sulmuese. Mendoj se njeriu mëson gjëra të reja deri në momentet e fundit të jetës. Në këto pesë muaj kam marrë një eksperiencë shumë të vlefshme.

MERKATO – “Tani për tani, nuk do të bëjmë asgjë. Në verë do të përpiqemi të sjellim në skuadër disa emra të rinj”, përfundoi Kovaç.

Kjo nuk është hera e parë që Shabani është grumbulluar nga tekniku kroat, pasi në javët e shkuara ka qenë në stolin e Bajernit në ndeshjet përballë AEK-ut dhe në takimin e kupës së Gjermanisë kundër Rëdinghauzen.

Në të dyja takimet e mëparshme, Shabani qëndroi në stol përgjatë 90-minutave. Nëse bavarezët do të arrijnë të marrin një epërsi të kënaqshme ndaj Benfikës, nuk do të jetë aspak çudi nëse Kovaç vendos t’i jap pak minuta 19-vjeçarit.

Unsere Aufstellung gegen @SLBenfica. ? #FCBSLB #packmas pic.twitter.com/9kbkj2Cjj5

— FC Bayern München (@FCBayern) November 27, 2018

“Po pësojmë gola nga mungesa e përqendrimit ose prej gabime individuale. Në analizën para ndeshjes së sotme, e diskutuam se kundërshtari do të na rrezikojë me kundërsulme dhe se ata kanë një sulmues shumë të shpejtë. Nuk duhej t’i kishim lënë të pasonin aq lirshëm”, tha trajneri i Bajernit .

“Asnjë trajner në botë nuk mund t’i parandalojë gabimet individuale që bënë disa prej lojtarëve. Nuk e ke di nëse mund të ndihem më i zemëruar se tani”, përfundoi trajneri i Bajernit.

Tanimë sulmuesi nga Bregu i Fildishtë e ka mbyllur me futbollin e luajtur. Stacioni i fundit për të ishin Shtetet e Bashkuara të Amerikës. Urimet për Drogba kanë qenë të shumta dhe së fundmi një e ka surprizuar atë.

Bajerni i Mynihut, edhe pse e pësoi prej tij, nuk mund të mos e urojë sulmuesin: “Ju thyet zemrat tona njëherë, por ne sërish duam t’iu përgëzojmë për karrierën e mrekullueshme. Të gjitha të mirat në të ardhmen, Didie Drogba”.

https://www.facebook.com/fcbayern.en/photos/a.845519478852461/2369985146405879/?type=3&theater

Sipas medieve turke sulmuesi ka rënë dakord të transferohet te kampionët në fuqi të Gallatasarajit në  muajin janar. 30-vjeçari ka rënë dakord për një kontratë (huazim) 6-mujore deri në fund të këtij sezoni.

Largimi i Bafetimbi Gomis ( shënoi 29 gola në edicionin e kaluar ), ka lënë një boshllëk të madh në sulmin e “luanëve të Stambollit” dhe Vagner cilësohet si njeriu kyç për ta zgjidhur këtë problematikë. Mbetet për t’u parë se cila do të jetë përgjigja e drejtuesve të Bajernit në lidhje më këtë interesim të turqve.

“Kemi në ekip shumë lojtarë të mirë, lojtarë që luajnë të gjithë në nivel kombëtaresh. Çdo pozicion te ne është i dubluar. Çdokush do marrë minuta të mjaftueshme përgjatë sezonit. Nuk shikoj ndonjë lojtar që e ka të sigurt formacionin, përveç Manuel Nojerit dhe Robert Levandovskit”, tha qendërmbrojtësi.

Ky sezon nuk ka nisur në mënyrën më ideale për Boateng, i cili i është dashur të përballet me kritikat e vazhdueshme të shtypit gjerman. Së fundmi, Niko Kovaç i ka besuar dyshes së mbrojtjes Humels-Syle duke e lënë të treti në radhë 31-vjeçarin.

22-vjeçari u transferua te ekipi gjerman gjatë merkatos së verës nga kampionati skocez, ku luante për skuadrën e Gllasgou Rejnxhërs. Paraqitjet e skocezit në “Bundesliga.2” me Hamburgun kanë sjellë interesin e shumë klubeve në Gjermani.

Nuk përjashtohet mundësia që Bajerni të blejë kartonin e mbrojtësit në merkaton e janarit dhe më pas ta lërë në huazim deri në fund të sezonit te Hamburgu. Me ardhjen e Bejts te bavarezët, reparti i mbrojtjes do të kompletohej me 4 qendërmbrojtës (Boateng, Humels, Syle, Bejts) që do luftojnë për dy pozicione.

Gazeta e njohur gjermane “Die Tageszeitung” e njohur ndryshe si “TAZ”, mendoi një ide krejt origjinale në lidhje me deklaratat e Rumeniges. Në numrin e së shtunës së gazetës, në krye te tabelës së Bundesligës është vendosur Bajerni i Mynihut edhe pse kampionët në fuqi ndodheshin në vendin e shtatë të renditjes me 13 pikë, katër më pak se kryesuesit e Dortmundit.

Portieri i Bajernit ishte padyshim lojtari më i mirë i ndeshjes. Episodi ku shkëlqeu më së shumti Nojer ishte një goditje dënimi vetëm një minutë para mbylljes së takimit. Specialisti danez Lase Shëne kreu një goditje perfekte që pa topin të përfundonte në trekëndësh. Për fatin e keq të Shënes dhe Ajaksit, Manuel Nojer është Manuel Nojer. Gardiani i Bajernit arriti të priste me majën e gishtave “silurin” e Shënes dhe më pas i ndihmuar dhe nga traversa kontrolloi topin në dy kohë.

NDESHJA – Në ndryshim nga ndeshja me Augsburgun, në këtë takim Kovacc nuk kishte bërë shumë rotacion, duke luajtur më së shumti me lojtarë titullarë. Goli i parë për vendasit erdhi në minutën e 23-të, ku një faull i shkaktuar nga Boateng bëri që arbitri i takimit të akordonte një 11-metërsh, që u ekzekutua në mënyrë perfekte nga Ibesevicc. Pak minuta më vonë do të vinte dhe goli i dytë me autor sllovakun Duda që nuk i la asnjë shans Nojerit me goditjen e fortë pak metra larg portës.

Në pjesën e dytë Bajerni u hodh i gjithi në sulm, por kryeqytetasit arritën që të neutralizonin krejtësisht sulmet e skuadrës bavareze. Në përfundim të takimit Bajerni regjistroi 25 gjuajte, 6 prej tyrë në portë dhe asnjë gol.

Pamjet filmike tregojnë se lojtari ka pësuar një dëmtim në gju. Drejtuesit bavarez i druhen një këputje të ligamenteve të kryqëzuar, dëmtim ky që do ta linte Tolison për të paktën gjashtë muaj jashtë fushave të blerta.

Rezonanca magnetike do të përcaktojë shkallën e vërtetë të dëmtimit për 24-vjeçarin. Me largimin e Vidalit dhe Rudit, kontigjenti i Bajernit në repartin e mesfushës është reduktuar ndjeshëm dhe kjo mungesë e Tolisos pritet të sjellë jo pak probleme për trajnerin Niko Kovaç, aq më shumë që Toliso ishte në superformë, me 5 gola në ndeshjet e fundit.

It doesn't look good at all for Tolisso pic.twitter.com/gh1kdMPK6T

— Bayern & Die Mannschaft (@eMiaSanMia) September 15, 2018

Rudi – “Mund ta konfirmoj se Rudi tani është duke kryer vizitat mjekësore te klubi i Shalkes. Nëse i kalon me sukses, atëherë duhet të gjendet dhe mirëkuptimi për shumën e transfertës. I uroj gjithë të mirat. Ai është një djalë fantastik”

Boateng dhe Bernat – “Nuk e përjashtoj ende largimin e Boateng. Ne nuk mund të pranojmë oferta qesharake, por unë dhe Uli (Hënes) jemi në gatishmëri në çdo moment nëse na vjen një ofertë që i plotëson kërkesat tona. Për të ardhmen e Bernat ende nuk është marrë ndonjë vendim, ai akoma nuk e ndarë mendjen”

Kiliani mori i pari rrugën, ndërkohë që tanimë edhe Sebastian Rudi do të shitet. Për kartonin e tij bavarezët do të përfitojnë 15 milionë. Sipas “Kicker”, Lajpcig është skuadra që po ngulmon më shumë dhe kjo jo pa arsye.

Nagelsman, i cili verën e ardhshme do të marrë drejtimin e “demave”, e kërkon në ekip mesfushorin. Rudi është një nga zbulimet e trajnerit në fjalë te Hofenhajmi, madje i kishte besuar edhe shiritin e kapitenit. Gjithsesi për të ka interes edhe nga Shalke.

Sulmuesi 17-vjeçar luajti rol kyç në të katërt golat e skuadrës së tij, duke shënuar dy gola, si dhe duke asistuar shokët e skuadrës për dy të tjerët. Talenti kanadez do t’i bashkohet Bajernit gjatë merkatos së janarit.

The new @FCBayernEN man ?@AlphonsoDavies #bayern #davies @iMiaSanMia #MiaSanMia pic.twitter.com/DncTuDRsyr

— Ali Alsamaraie (@AliAbabwa__) July 29, 2018

Edhe Murinjo është lodhur duke i shkuar nga pas dhe tashmë po hedh sytë nga një tjetër mesfushor, i cili madje është objektiv i Interit. Bëhet fjalë për lojtarin e Bajernit të Mynihut, Arturo Vidal. Klubi gjerman e ka nxjerrë në shitje mesfushorin dhe Junajtid mund ta bëjë të tijin për 30 milionë euro.

Kjo shumë kërkohet nga Bajerni për shitjen e lojtarit dhe ana financiare nuk është problem për gjigantët anglez, të cilët mund të kënaqin si klubin, ashtu edhe lojtarin me një pagë te majme.

Gjithashtu edhe klubi i Interit kërkon shërbimet e kilianit, i cili ka një pagë vjetore momentalisht prej 7 milionë euro. Por, zikaltrit mund ta joshin me një kontratë 4-vjeçare. Burime të shumta thonë që ka dhe një “po” nga ana e Vidal në adresë të klubit italian, por të shohim nëse do të arrihet një marrëveshje mes dy klubeve.

Arturo Vidal është dëshira e Atletiko Madrid dhe për mënyrën e lojës së spanjollëve, mesfushori kilian është perfekt. Grintë, ego dhe lider, çka i nevojitet skuadrës së Diego Simeones. Gjithsesi bëhet fjalë për një pistë të vështirë, edhe pse Bajerni i Mynihut nuk është se bën shumë llogari me mesfushorin.

Bavarezët do të mirëprisnin një ofertë për Vidalin, por sikurse shkruan “sport1.de”, Atletiko Madrid po mendon të tentojë huazimin me të drejtë blerjeje të mesfushorit, gjë që zor do të pranohet nga ana e kampionëve të Gjermanisë.