Bayer Leverkusen

“Do jemi surpriza e sezonit”, talenti i Leverkuzenit i mbyll derën Bajernit

Sport Ekspres — Thu, 25 Jul 2019 07:01:35 +0000

Bajer Leverkuseni ka arritur të seleksionojë disa nga talentet më të mirë të momentit, duke ndërtuar një skuadër mjaft simpatike. Këtë verë kanë bërë plot gjashtë blerjë për ta forcuar edhe më shumë skuadrën. Xhonatan Tah është një “gurët e çmuar” në dispozicion të skuadrës së “aspirinave”.
23-vjeçari gjerman është një nga qendërmbrojtësit më të mirë të Bundesligës dhe drejt tij kanë ardhur oferta nga shumë klube të mëdha, mes tyre Bajerni. Në një intervistë për mediet vendase ai i shpreh besnikërinë klubit të tij dhe deklaron se do të jenë surpriza e Bundesligas.

“Jam shumë i gëzuar që jam kthyer të stërvitem me djemtë. Pushimet më sollën më të fortë dhe gati për të startuar. Për prurjet e reja kam dëgjuar vetëm fjalë të mira. Jemi forcuar dhe jam i bindur se sezonin e ri do të bëjmë mjaft surpriza”, deklaroi Tah.

Ndodh edhe kështu, talenti gjerman “refuzon” Barçën dhe Liverpulin

Sport Ekspres — Sat, 20 Jul 2019 12:56:17 +0000

Nuk ndodh shpesh që një lojtar të “refuzojë” interesimin e skuadrave të mëdha, por një gjerman mund të bëjë. Kei Haverc është vetëm 20 vjeçcilësohet si shpresa e madhe e futbollit gjerman, sezonin e kaluar shënoi 20 gola dhe dhuroi 7 asiste në 42 ndeshjet me Bajer Leverkuzenin, ndërkohë që numëron edhe tre ndeshje me kombëtaren.

Bild raporton se Barcelona e monitoron prej kohësh shtatlartin ofensiv dhe është gati të arrijë një akord me të dhe “aspirinat”. Edhe Klop synon ta transferojë në Anfield, por Kei mendon ndryshe.

Ai dëshiron të qëndrojë edhe një vit te Leverkuzeni për t’u rritur dhe përmirësuar akoma më shumë. “Një ditë do vendos edhe unë për të ardhmen time, por tani. Nuk e di nëse do të shkoj te Bajerni apo jashtë shtetit. Opsionet janë të shumta, por më të mirën nuk mund ta di në këto momente”, përfundon Kei Haverc.

Lojtari ka zgjedhur të qëndrojë edhe një vit me ekipin aktual (kontrata i përfundon pas tre vitesh), ndërsa Leverkuzeni kërkon të paktën 100 milionë euro për kartonin e tij.

Roma gjen zëvendësuesin e “Faraonit”, vjen nga Gjermania

Sport Ekspres — Mon, 08 Jul 2019 20:59:21 +0000

Roma i ka hapur punë vetes me largimin e El Sharauit. “Faraoni” u largua drejt Kinës për te skuadra e Shangai Shenua për shifrën e 20 milionë eurove, që u derdhën në llogarinë e klubit verdhekuq. Gjithsesi, Romës do i duhet t’i hedhë direkt në veprim ato para.
Klubi italian duhet të gjejë një zëvendësues për El Sharauin. Drejtuesit e kanë paraprirë dhe kanë një emër. Leon Beili është djaloshi që kërkojnë italianët për të ploësuar sulmin. Xhamajkani është treguar i jashtëzakonshëm këtë sezon me Bajer Leverkusen, duke shfaqur interesin e disa klubeve.

Përveç parave të fituara nga shitja e El Sharauit, Palotës do i duhet të shtojë milionë të tjerë për të bërë të mundur sjelljen e 21-vjeçarit në “Olimpico”. Leverkusen kërkon jo më pak se 40 milionë euro. Roma nuk dorëzohet dhe qëndron akoma në garë.

Odegard lë përsëri Realin, norvegjezi me ekip të ri!

Sport Ekspres — Thu, 20 Jun 2019 12:38:38 +0000

Martin Odegard padyshim është një ndër emrat më të njohur në futboll, pasi shihet si një prej lojtarëve më premtues. Norvegjezi u mor me bujë nga Reali në vitin 2015, kohë kur Odegard numëronte vetëm 16 vjeç.

Tashmë, mesfushori i avancuar është pjekur si lojtar dhe diçka të tillë e konfirmoi sezoni fantastik me Vitesen në Holandë. Odegard është gati për kapërcimin e madh dhe duket se destinacioni i radhës do të jetë Bajer Leverkuzeni.

Lajmi është raportuar nga mediat gjermane, të cilat e konsiderojnë të kryer transferimin e 20-vjeçarit në Bundesligë. Ende nuk janë bërë me dije shifrat, por diçka duket e sigurt, Odegard do të lërë Realin për Leverkuzenin.

Bajerni magnet, kërkon të “thithë” talentin e Leverkusen

Sport Ekspres — Wed, 05 Jun 2019 20:29:34 +0000

Kai Haverc është objektivi i Bajern për të zëvendësuar Arjen Roben. Holandezi largohet këtë verë dhe ylli i Bajer Leverkusen është i duhuri për ta zëvendësuar. 19-vjeçari ka treguar se është e ardhmja e futbollit gjerman me 17 golat dhe 3 asistet e këtij sezoni në Bundesligë.

Nga ana e tij Leverkuseni ka bërë të ditur se Haverc nuk është në shitje gjatë kësaj vere. Ata duan të përfitojnë edhe të paktën një sezon tjetër nga shërbimet e tij. Megjithatë, madhështia që gëzon një klub si Bajerni i Mynihut do e bindte yllin gjerman të “arratisej” që tani nga skuadra e aspirinave. Bavarezët kanë treguar se janë një magnet i vërtetë për futbollistët e skuadrave vendase.

VIDEO | Leverkusen cinik, likuidon Dyseldorfin dhe ngjitet i pesti

Sport Ekspres — Sun, 17 Feb 2019 19:12:37 +0000

Bajer Leverkusen ka konfirmuar momentin e mirë në kampionat, teksa ka triumfuar pastër 2-0 ndaj Dyseldorfit në shtëpi. “Aspirinat” kanë marrë fitoren e katërt radhazi në Bundesligë dhe tashmë ndodhen në vendin e pestë me pesë pikë diferencë nga Lajpcigu i vendit të katërt.

Për sa i përket ndeshjes së luajtur, Kai Havertz zhbllokoi rezultatin në minutën e 18-të, duke çuar në pushim ekipin e tij në avantazh. Fraksioni i dytë nisi me të njëjtën muzikë dhe në minutën e 66-të, Leon Bejli siguroi gjithçka dhe mbylli takimin në shifrat 2-0.

Javën e ardhshme, Leverkusen do të udhëtojë drejt Dortmundit për të luajtur një transfertë delikate përballë kryesuesve të kampionatit. Nga ana tjetër, Dyseldorfi do të presë në shtëpi vendin e fundit të Nurenbergut.

Bundesliga | Java 22
Bajer Leverkusen – Fortuna Dyseldorf 2-0
Shënues: Havertz 18′, Bejli 66′

Arsenali hedh sytë nga Bundesliga, gati oferta për talentin gjerman

Sport Ekspres — Sat, 16 Feb 2019 08:49:49 +0000

Arsenali po kërkon për zëvendësuesin e Mesut Ozil dhe klubi anglez ka një preferencë. Ai quhet Kei Haverc, organizatori i talentuar i Bajer Leverkuzenit.

19-vjeçari numëron 8 gola të shënuar dhe dy asiste të dhënë këtë sezon në kampionat, ndërkohë që ka zhvilluar dhe dy ndeshje me kombëtaren e Hoakim Lëvit.

“Topçinjtë” po përgatisin një ofertë për klubin gjerman, por gara për shërbimet e Haverc nuk do të jetë aspak e thjeshtë, pasi ai pëlqehet dhe nga klube të tjera të mëdha.

Kontrata e lojtarit me “aspirinat” përfundon në verën e vitit 2022, ndërsa ky mund të jetë sezoni i fundit i tij në Bundesligë.

VIDEO | Rashica vendimtar për Verderin, Gladbahu “shuplakë” Leverkusenit

Sport Ekspres — Sat, 19 Jan 2019 16:25:21 +0000

Janë luajtur më shumë se gjysma e ndeshjeve të vlefshme për javën e 18-të të Bundesligës. Në ndeshjet e luajtura pasditen e sotme, kryefjalë ishte goli i Milot Rashicës, i cili e ka nisur vitin e ri në mënyrën më të mirë të mundshme, duke i dhënë fitoren ekipit të tij me shifrat minimale 0-1.

Ndërkhë, sfida që kishte vëmendjen më të madhe në Gjermani, ishte ajo midis Bajer Leverkusenit dhe Gladbahut, e cila përfundoi njësoj si Verderi në shifrat 0-1. Ishte Alesan Plea, i cili shënoi në minutën e 37-të, duke e mbyllur pjesën e parë dhe gjithë takimin në favor të miqve.

Në sfidat e tjera, Ajntrahti i Frankfurtit tregoi forcën duke kaluar Frajburgun pastër 3-1. Mainci dhe Dyseldorfi , nga ana tjetër arritë fitore mjaft të rëndësishme në transfertë, teksa triumfuan respektivisht ndaj Shtutgartit, me shifrat 2-3 dhe Augsburgut 1-2 .

Bundesliga | Java e 18-të

Augsburg – Dyseldorf 1-2

Shënues: Shmid 64′ / Duksh 45’, Raman 90′

Bajer Leverkusen – Borusia Mynshengladbah 0-1

Shënues: Plea 37’

Ajntraht Frankfurt – Frajburg 3-1

Shënues: Haler 36’, Rebiç 40’, Joviç 45′ / Petersen 69′

Hanover – Verder Bremen 0-1

Shënues: Rashica 33’

Shtutgart – Mainc 2-3

Shënues: Gonzalez 83′ Kempf 85′ / Askasibar 22’(aut.), Mateta 28’, Hak 72′

Prezantimi ndryshe, Boz: Kam gabuar te Dortmundi, Leverkuzeni plot talente

Sport Ekspres — Sat, 05 Jan 2019 08:16:02 +0000

Piter Boz ka nisur punën zyrtarisht si trajner i Bajer Leverkuzenit. 55-vjeçari është prezantuar përpara mediave, duke thënë fjalët e para si trajner i Leverkuzenit. Ai tregohet i sinqertë, pranon gabimet e bëra me Borusian e Dortmundit, ndërsa është i qartë për të ardhmen dhe aventurën e re.

Holandezi vlerëson kualitetin e ekipit dhe është gati të bëjë mirë me ekipin, që renditet në vendin e nëntë me 24 pikë të grumbulluara. Boz drejtoi gjatë sezonit të kaluar verdhezinjtë e Dortmundit, aty ku u shkarkua me datë 10 dhjetor të vitit 2017.

“Dëshiroja të rikthehesha, puna ime nuk kishte mbaruar dhe e kisha këtë ndjesi. Këtu nuk duhet të bëj gabimet që bëra te Dortmundi. Kam bërë gabime, por kjo quhet eksperiencë. Tani dua të shikoj përpara, e di se çfarë duhet të bëj dhe si do e bëj. Kontingjenti i lojtarëve është plot talente si: Haverc, Brandt, Beili, gjigantë të vegjël me potencial të madh. Kam në duar një skuadër të mirë, pa dyshim”, përfundon trajneri i ri i “aspirinave”.

Leverkuzen shkarkon trajnerin, stoli i besohet “ish”-it të Dortmundit

Sport Ekspres — Sun, 23 Dec 2018 16:20:47 +0000

Bajer Leverkuzen pati një fillim zhgënjyes të kampionatit, por në dy ndeshjet e fundit “aspirinat” morën 6 pikë, duke mundur Shalken dhe Hertën e Berlinit. Megjithatë, kjo nuk ka mjaftuar për të kënaqur drejtuesit e skuadrës, të cilët njoftuan ditën e sotme shkarkimin e trajnerit Hajko Herlish.

Gjermani do të zëvendësohet nga ish-trajneri i Borusias së Dortmundit dhe Ajaksit Peter Boz. Trajner holandez ka firmosur një kontratë për një vit e gjysmë.

Për momentin Leverkuzen renditet në vendin e nëntë me 21 pikë, shtatë pikë larg Lajpcigut të vendit të katërt.

Herzlich Willkommen bei #Bayer04, Peter Bosz!

Alle Infos: https://t.co/U5Eb0utx6C pic.twitter.com/nq6IgxObAG

— Bayer 04 Leverkusen (@bayer04fussball) December 23, 2018

Leverkuzen e Shalke tregojnë “dhëmbët”, Lajpcig fitore me vuajtje

Sport Ekspres — Sat, 22 Dec 2018 16:25:32 +0000

Janë mbyllur shumica e ndeshjeve të vlefshme për javën e 17-të dhe të fundit të fazës së parë në Bundesligë. Bajer Leverkuzen arriti një sukses mjaft të rëndësishëm 3-1, në një sfidë delikate ndaj Hertës së Berlinit, ku Kai Havertz ishte njeriu i ndeshjes me një dygolësh.

Lajpcigu po ashtu arriti një fitore, e cila ishte mjaft e vuajtur, për mënyrën se si shkoi takimi. Pjesa e parë u mbyll në avantazh të dyfishtë për vendasit, por në fraksionin e dytë miqtë e Verder Bremenit, shënuan dy herë brenda dhjetë minutave dhe barazuan gjithçka. Diego Deme më pas, ishte heroi takimit, pasi shënoi vetëm dy minuta përpara fundit të kohës së rregullt, duke i dhënë fitoren ekipit të tij.

Nga ana tjetër, Shalke 04, duket se po rikthehet nga ndeshja në ndeshje, pasi triumfoi në transfertë ndaj Shtutgartit me shifrat 1-3. Frajburg dhe Dyseldorf fituan në transfertë 0-1, respektivisht ndaj Nurenbergut dhe Hanoverit, duke i zhytur këto të fundit akoma më shumë në fundin e tabelës.

Bajer Leverkuzen 3-1 Herta Berlin
Shënues: Foland 6’, Havertz 23’, 49’ / Torunariga 26’

Hanover 96 0-1 Dyseldorf
Shënues: Fink 90+2’

Nurenberg 0-1 Frajburg
Shënues: Gulde 19’

Lajpcig 3-2 Verder Bremen
Shënues: Klosterman 22’, Verner 44’, Deme 88’ / Kruze 67’ Sargent 77’

Shtutgart 1-3 Shalke 04
Shënues: Gonzalez 76’ / Skrybski 10’, Sane 70’, Katuçu 78’

Havertz refuzon Barcelonën, Gjermania shihet si e vetmja alternativë

Sport Ekspres — Fri, 14 Dec 2018 12:26:18 +0000

Kai Havertz është një ndër talentet më premtues të futbollit. Gjermani, i cili aktivizohet me Bajer Leverkusen po mahnit me paraqitjet e tij dhe kërkohet nga ekipet më të mëdha të Evropës. Klubi që shihet më pranë talentit është Bajerni i Mynihut, por nuk përjashtohet dhe ndonjë transferim jashtë Gjermanisë.

Talenti 19-vjeçar, siç raportohet nga spanjollja “Mundo Deportivo”, po ndiqet me imtësi dhe nga ekipi i Barcelonës. Katalanasit kanë kohë që janë në kërkim të një mesfushori, duke parë dhe moshën e Buskets, apo ndoshta dhe të Rakitiç, kështu Havertz shihet si zëvendësuesi ideal, sidomos për Rakitic, pasi gjermani kërkon të luajë pak i avancuar në mesin e fushës.

Gjithsesi, në lidhje me këto lajme, e përditshmja spanjolle zbulon se 19-vjeçari i Leverkusen, kërkon vetëm Bajernin e Mynihut dhe duket se nuk është i interesuar për pistat jashtë Gjermanisë. Havertz duket se preferon Bajernin, pavarësisht se kërkohet nga një ekip, si Barcelona.