Bayen

Klop kthehet në makth për Bajernin, Liverpuli futet në garë për talentin 18-vjeçar

Sport Ekspres — Sat, 23 Mar 2019 10:15:52 +0000

Kalum Hudson-Odoi kërkohet prej muajsh me ngulm nga Bajernit i Mynihut. Talenti i Çelsit nuk i janë besuar shumë minuta nga trajneri Mauricio Sarri, diçka që ka sjellë dhe refuzimet e njëpasnjëshme të kërkesave për rinovim kontrate.

Kontrata aktuale e Hudson-Odoi mbaron në verën e 2020-ës, pra nëse Çelsi dëshiron ta shesë për një shumë të kënaqshme, shansi i vetëm është merkato e verës, që është më pak se tre muaj larg.

Së fundmi krahas Bajernit, mediet angleze po raportojnë se për sulmuesin e ri interesohet dhe Liverpuli. Sipas “Liverpool Echo”, insistimin më të madh për 18-vjeçarin po e bën trajneri Jyrgen Klop, i cili është impresionuar nga paraqitjet e futbollisti me origjinë nga Gana.

Hadson-Odoi nën hapat e Sanços, “gjiganti” gjerman e ka bindur

Sport Ekspres — Sun, 27 Jan 2019 09:07:37 +0000

Talenti anglez Kalum Hadson-Odoi u ka bërë të qartë drejtuesve të Çelsit se nuk e shikon të ardhmen e tij në Angli. Bajerni i Mynihut po bën çmos për ta blerë kartoni e lojtarit dhe për këtë ka marrë miratimin e plotë të adoleshentit.

Sipas “The Guardian”, ditën e djeshme 18-vjeçari u ka dorëzuar drejtuesve të Çelsit një kërkesë për transferim, duke ua bërë të ditur se përpjekjet e tyre për të rinovuar kontratën që mbaron në qershorin e 2020-ës janë të kota.

Para pak javësh Bajerni ofroi 35 milionë euro për kartonin e sulmuesit 18-vjeçar, por kjo ofertë u refuzua nga Çelsi. Megjithatë, vendimi i fundit i lojtarit rrit ndjeshëm shanset e bavarezëve për ta bërë të tyrin talentin anglez.

Gjermania është kthyer në një kampionat tërheqës për talentët anglez. Shembulli më i mirë është Xhejdon Sanço, i cili u largua nga Mançester Siti për shkak të minutave të pakta. Tani te Dortmundi, 18-vjeçari është kthyer në një nga lojtarët më të kërkuar në planet.

LAJMI I FUNDIT/ Barcelona shokon Interin, Vidal vishet “Blaugrana”

Sport Ekspres — Thu, 02 Aug 2018 15:44:56 +0000

Barcelona ka bërë jo pak armiq në futbollin italian. Pas përfundimit të transferimit të Malkomit, i cili iu “rrëmbye” Romës në momentin e fundit, tani të njëjtin fat duket e ka pësuar dhe skuadra e Interit. Zikaltrit ishin shumë pranë firmës me mesfushorin e Bajernit Arturo Vidal, por vonesat në negociatat me Bajernin janë shfrytëzuar mjaft mirë nga drejtuesit e katalanasve, të cilët i kanë ofruar bavarezëve një ofertë shumë herë më të mirë.

Lajmi për transferimin e kilianit te Barcelona po transmetohet nga të gjithë mediet spanjolle, të cilat citojnë se burimi i informacionit vjen drejtpërdrejt nga zyrat e klubit të Bajernit. Operacioni për të sjellë Vidalin i ka kushtuar kampionëve të Spanjës 30 milionë euro, ndërsa oferta maksimale e Interit ishte 22 milionë €, madje këto do të paguheshin në fund të sezonit të ardhshëm për t’iu shmangur dënime të UEFA-s për shkelje të rregullave të “Financial Fair-Play”.

Mesfushori 31-vjeçar shihet si zëvendësuesi ideal i brazilianit Paulinjo, i cili u largua gjatë kësaj merkatoje drejt kampionatit kinez pas një transferimi që pa të derdheshin në arkat e Barcelonës plot 50 milionë €.