Batshuayi

Monçi hidhet në sulm, ja dy objektivat e Romës për merkaton e dimrit

Sport Ekspres — Sun, 30 Dec 2018 20:27:26 +0000

Dy fitoret e fundit në kampionat kanë qetësuar disi situatën te Roma. Verdhekuqtë ndodhen vetëm dy pikë larg vendit të katërt, por në klub e dinë mirë se këtë sezon, sigurimi i një bilete në Champions, do të jetë mision shumë i vështirë.

Për të ndihmuar skuadrën në pesë muajt e ardhshëm, presidenti Palota dhe drejtori sportiv Monçi po përgatiten për sjellë në kryeqytetin italian dy përforcime për trajneri Euzebio Di Franncesko.

Lojtari më i përfolur është mesfushori Julian Vaigl, i cili te Dortmund nuk po gjen më minuta dhe kalimi në Itali do të ishte një lëvizje e mirëpritur nga lojtari, opsione të tjera për mesfushën janë Samaseku i Salcburgut dhe Pulgar i Bolonjës.

Përforcime do të ketë edhe në sulm, ku Roma po negocion me Çelsin për të marrë në huazim deri në fund të sezonit, sulmuesin belg Miçi Batshuaji, i cili vjen pas eksperience zhgënjyese te Valencia.

Autogol dhe batuta, Batshuaj “masakron” Fil Xhons

Sport Ekspres — Thu, 13 Dec 2018 20:18:30 +0000

Mbrëmja e së mërkurës në Champions prodhoi rezultate surprizë, si fitorja e bujshme e CSKA-së së Moskës në Bernabeu, por edhe humor, me situata komike si ajo që prodhoi autogoli i Fil Xhons në Valencia. Ishte autogoli i parë pas shumë vitesh në Champions për Mançester Junajtid dhe i fundit që kishte shënuar autogol ishte pikërisht Fil Xhons.

Phil Jones – own goal.

This is 100% Romero’s fault. A keeper who likes to come off the line has to read two things: (1) the speed of the ball and (2) if their defender will reach it.

Romero misread both of them. pic.twitter.com/TCqrRqN76p

— AMKFootball (@AMKFootball) December 12, 2018

Pas ndeshjes nisën batutat dhe protagonistë ishin mbrojtësi anglez dhe sulmuesi i Valencias Miçi Batshuaj, me të cilin pati Xhons pati një duel pa fund gjatë ndeshjes. Batshuaj ndikoi, me presingun e tij në kufijtë e faullit, që Xhons të gabonte me pasimin që u shndërrua në autogol.

Gafë apo gabim normal, debati është i hapur, rëndësi ka të harrohet gjithçka dhe të shihet përpara, duke u munduar të nxirren mësimet e duhura.

Glad you like guys… but can we talk about Phil Jones face first ? ? #anotherone https://t.co/dLUjQw5Uh8

— Michy Batshuayi (@mbatshuayi) December 12, 2018

Megjithatë, pikërisht Batshuaji nuk i është ndarë Xhonsit, duke e tallur me një postim në Twitter në përgjigje të një postimi , ku vë në lojë shprehinë në fytyrën e Xhons, i cili në Angli është shpesh objekt humori për mimikat e fytyrës: “Më bëhet qejfi që u kanë pëlqyer këpucët e mia, djema, por a flasim fillimisht për fytyrën e Fil Xhons?”.

Rekordi unikal i sulmuesit të Valencias!

Sport Ekspres — Thu, 27 Sep 2018 11:44:09 +0000

Valencia, merkaton e verës që lamë pas nuk ishte dhe aq aktive sa merkatot e mëparshme, por gjithsesi kishte disa hyrje-dalje në ekip. Një ndër largimet që ra në sy ishte ai i Simone Zazas, i cili nuk kishte bërë keq në sezonet që ishte aktivizuar me ekipin spanjoll.

Gjithesi ishte pikërisht transferimi i Miçi Batshuaji nga skuadra e Çelsit në formën e huazimit, i cili gëzoi tifozët ne “Mestalla”. Belgu pati një gjysmë sezoni impresionues me Borusian e Dortmundit, pasi u huazua përsëri nga Çelsi në muajin janar.

Sulmuesi mbrëmjen e kaluar ka shënuar dhe golin e tij të parë me fanellën e Valencias. Pavarësisht se skuadra e tij u ndal në barazim, Batshuaji ka një motiv për të festuar.
25-vjeçari mbrëmjen e kaluar ka thyer një rekord. Është lojtari i parë për shekullin e 21-të që arrin të shënojë në Premier Ligë, Ligue 1, Bundesligë dhe La Liga. Sulmuesi njihet për të kaluarën e tij me fanellën e Olimpikut të Marsejës ku dhe ra në sy të Çelsit, të cilët e transferuan verën e vitit 2016 në Londër për shumën e 40 milionë eurove.