DITËT E PARA TE TIRANA – “Të them të drejtën u ambientova shumë shpejt. Më duket sikur kam kohë te ky ekip. Disa prej çunave i kam dhe shokë jashtë fushe. I falënderoj të gjithë për mbështetjen që më kanë dhënë”, thotë fillimisht mesfushori.

MERKATO –  “Mendoj se të gjitha blerjet janë të goditura. Janë blerjet më të mira të mundshme përsa i përket kampionatit shqiptar. Kam shumë besim te lojtarët që kanë ardhur. Të gjithë duhet të japim maksimumin për të çuar Tiranën atje ku e meriton. Shpresojmë t’ia arrijmë”.

Keni festuar në derbi kur ishin pjesë e Partizanit, po nëse shënoni me Tiranën do festoni?

“Ma kanë bërë dhe një herë tjetër këtë pyetje. Të jem i sinqertë nga këtu, mund të mendoj shumë gjëra, por në fushë të tjera gjëra i ndjen, sepse janë emocionet ato që të shtyjnë shumë gjëra që nuk i ke menduar. Gjithsesi unë shpresoj të shënojmë njëherë, më pas për të festuar e zgjedhim vetë”.

RAPORTI ME TIFOZËT –“Që të më duan tifozët, unë e kam shumë të thjeshtë, pasi më duhet të jap maksimumin për fanellën e Tiranës.  – Druajtje për derbin? Jo nuk druhem aspak. Unë njihem si karakter që mezi i pres këto ndeshje.

MERKATO – “Me emra duket mirë për momentin, por disa lojtarë nuk më duken të vlefshëm për Tiranën. Nga lojtarët që janë marrë, më duken si afrime për plotësuar rreshtat, vetëm Batha ma ka mbushur mendjen”.

BATHA NË AKADEMI – “Ka qenë lojtar shumë i mirë në akademi. I ka humbur disa nga vlerat e dikurshme, shënonte shumë gola dhe luante si organizator. Më pas kur filloi të luante te Besa, Teuta dhe Partizan, ai ka luajtur në role të tjera dhe ka ndryshuar si lojtar”.

PADREJTËSI – “Duhet të ishte me kohë te Tirana. U bë një padrejtësi me dhe të. Kur ishte trajner Rubio, ai e pëlqente shumë, por më pas disa pseudo-trajner që erdhën te Tirana nuk e vlerësuan siç duhet”.

“Nuk ka pse t’u vijë keq tifozëve. Batha ka qenë për dy vite pjesë e Tiranës. S’duhet të harrojmë se futbolli tani është kthyer në një profesion”.

PËRFORCIMET –“Mbrojtja nuk më pëlqen, duhen dy ose tre mbrojtës. Edhe në mesfushë duhen ndërhyrje. Në Sulm do jetë mirë po të jetë Ngo, por ai i vetëm nuk e plotëson dot të gjithë repartin”.

Deri më tani, po përflitet për tre skuadra që janë të interesuara për shërbimet e tij. Teuta, Tirana dhe Kukësi do të rivalizojnë për të siguruar kartonin e futbollistit, raporton “Ora News“. Batha ka luajtur 30 ndeshje në kampionat sezonin që sapo u mbyll, duke shënuar 4 gola.

Mbetet për t’u parë se me kë skuadër do të nënshkruajë mesfushori 27-vjeçar. Përveç Bathës, nga Flamurtari duket se do të largohet dhe braziliani Elton Kale, tjetër futbollist për të cilin Teuta ka shfaqur interes.

Megjithatë, paralelisht me punën në fushë, trajneri Ernest Gjoka dhe drejtori sportiv Nderim Nexhipi po punojnë edhe për merkaton, sepse emrat në tryezë janë të shumtë, si zakonisht te Kukësi.

Presidenti Safet Gjici po ashtu është shumë aktiv, duke u marrë personalisht me shumë çështje, ndër të cilat edhe e ardhmja e sulmuesit Rexhinaldo. Afrikani, autor i 11 golave në Superiore dhe 4 golave në kupë, ka qenë lojtari më pozitiv në repartin e avancuar të Kukësit dhe Gjoka e dëshiron me çdo kusht në ekip për të ardhmen.

Për këtë arsye, Gjici ka gjetur marrëveshjen për ta mbajtur shënuesin më të mirë të ekipit edhe për një vit, ndërkohë që së shpejti pritet edhe zyrtarizimi i marrëveshjes me njoftim nga klubi.

Gjoka ka kërkuar që sulmi të mos preket, të paktën për kupat e Europës, pasi nuk mund të bëhen ndryshime të shumta. Në mbrojtje do të ketë lëvizje sidomos në krahë, por në qendër pritet të konfirmohen Cuculi, Teqja e Shameti, me këtë të fundit që ishte shumë pranë largimit, por një bisedë me presidentin Gjici mund ta konfirmojë, duke ndryshuar kushtet financiare të kontratës.

Edhe në mesfushën e Kukësit priten ndryshime, sepse do të ketë largime, por për momentin nuk është kontaktuar asnjë futbollist në Superiore, me drejtuesit e Kukësit që mohojnë prerë edhe thashethemet për marrëveshje me Idriz Bathën, i cili në verë do të jetë futbollist i lirë.

TITULLI I PARTIZANIT DHE LARGIMI – “Nuk është se kam ndonjë pendesë. Futbolli është i tillë. Sikur do të më kishte pëlqyer të dilja kampion kur isha pjesë e Partizanit, por nuk kam pishman asnjë gjë. Partizani e meritoi dhe unë i uroj të gjithë atyre që janë pjesë e klubit të Partizanit, sidomos tifozëve, pasi ata e kanë merituar më shumë, ata kanë vuajtur më shumë me Partizanin në këto vite. Ishte një punë e gjatë, që nuk do vononte edhe kaq shkoi shumë. Partizani i kishte ngritur themelet dhe titullin e meritoi”.

TIRANA – “Unë mendoj që duhet të luhej me tifozë. Akoma më bukur kur ndeshje është me presion, nëse nuk ka presion ndeshje brenda është e kotë që e luan. Diferencat janë shumë të vogla, të gjitha ekipet janë aty aty. Përderisa Tirana është në atë pozicion, tregon se diçka nuk ka funksionuar dhe e meriton atë vend. Unë mendoj se grupin e kanë. Aty brenda ka shumë lojtarë që mund të bëjnë diferencën. Thjesht mendoj se aty duhet të çohet dikush, dy ose tre lojtarë ata që e ndjejnë më shumë, që ta shkundin ekipin, pasi është një gjendje që nuk e meriton një ekip si Tirana. Pa ja ulur vlerat Kastriotit që ka treguar se është një nga ekipet më të mira të momentit, Tirana mbetet Tirana dhe duhet ta fitonte këtë ndeshje me çdo mënyrë”.

FITORJA NDAJ LAÇIT DHE GOLI – “Nuk më bie shumë rasti që të kërcej në zonë e të bëj golat në kokë, por dyluftimet ajrore në mesfushë i kam një ndër pikat e mia të forta. Ç’është e vërteta prisja një ndeshje shumë të vështirë me Laçin, me atë që pamë në fushën e lojës, nuk ishte një ndeshje e vështirësisë shumë të lartë. Laçi mbetet një ekip shumë i vështirë për t’u mundur, kanë një trajner si Starova që është shumë i vështirë për t’u thyer”, përfundoi Batha.

Futbollisti i skuadrës vlonjate u shpreh i kënaqur me fitoren e sotme, ndërsa shpjegoi dhe arsyen e formës së mirë që po kalon gjatë javëve të fundit.

“Është një kampionat me shumë pak diferenca. Jam shumë i kënaqur për fitoren, por jo për lojën. Gjithsesi, Tirana është një skuadër e mirë”.

MOTIVIM EKSTRA NDAJ TIRANËS? – “Nuk ka lidhje se luaj kundër Tiranës. Të them të drejtën po stërvitem mirë në Vlorë. Ambienti është shumë i qetë dhe trajneri po bën një punë të mirë. Fanella e kundërshtarit të motivon që ta mundësh, sidomos kur është një fanellë e rëndë”.

VUAJTJET NË PJESËN E DYTË – “Minutat e fundit po na plaste zemra, pasi e vuajtëm. Nuk jemi në kampionat anglez që të vuajmë kaq shumë. Me pak eksperiencë e menaxhon situatën.

SUKAJ DHE NDËRHYRJA “KUNG FU” – “Unë nuk bëj ndërhyrje ‘Kung Fu’, asnjëri nga ne. Me Sukajn folëm pak dhe tha që rrëshqiti. Ai tha se donte të shkonte te topi, por kishte humbur ekuilibrin dhe nuk e ka kuptuar pse ndërhyri ashtu.

PAGAT? – “Për situatën e pagave më mirë të pyesni presidentin”, përfundoi Batha duke qeshur.

MOTIVIMI – “Mbi të gjitha është pasioni për futbollin. Të gjithë njerëzit edhe në një kalçeto të thjeshtë kanë dëshirë të fitojnë. Të gjithë jemi me shpresën se gjërat do të bëhen më mirë. Të gjithë duhet të japim maksimumin. Është e vërtetë që më mungon ajo ndjesia e të qenit pretendent, gjithsesi ta them me plot bindje që erdha të punoj me këta çuna që kam këtu. Janë djem e shokë të mrekullueshëm”

E ARDHMJA – “Kjo duhet parë, nëse ekipi do të formatohet dhe nëse presidenti ka dëshirë të krijojë një ekip pretendent”.

ECURIA E PARTIZANIT – “Më besoni që jam shumë i kënaqur që Partizani është në vend të parë. Në fakt do të doja të ishte Flamurtari në vend të parë, sigurisht. Gjithsesi nuk është hera e parë që Partizani është në vend të parë, ka qenë dhe kur kam luajtur unë, por jo kaq gjatë dhe me këtë diferencë”.

PROBLEMET – “Ne shpresojmë që çdo gjë të rregullohet. Në momentin që ne zgjedhim që të luajmë duhet të japim 100%-shin tonë”

RRAPAJ – “Rrapaj është një ndër talentet më të mëdhenj që ka Shqipëria në grupmoshën e tij. Unë jam një fans i çmendur i aktivizimit të lojtarëve të mirë. Ai po mëson dita ditës duke luajtur me ne”, përfundoi Batha.

Atmosfera duket e mirë në kampion e 24-herë kampionëve të vendit, dhe kjo fitore ka bërë që lojtarët të shkojnë të qetë me pushime. Gjithsesi, Imami ka menduar që të lëshojë një batutë në profilin e tij në “Instagram”, duke vënë në lojë mesfushorin e Flamurtarit, Idriz Bathën.

Në një foto ku veç Imamit e Bathës janë edhe Koliçi e Alla, lojtari kryeqytetas shkruan: “Tre kampionë dhe njëri që e tentoi deri në javën e parafundit”. Normalisht një ngacmim mes shokësh, pasi kujtojmë që dy edicione më parë Alla, Imami dhe Koliçi dolën kampion me Kukësin, ndërsa Partizani ishte kandidat deri një javë para fundit të kampionatit.

Idriz Batha, Meti Useini dhe Artim Pollozhani janë mungesa të sigurta ndaj bardhezinjve. Të tre këto futbollistë u ndëshkuan në harkun kohor të 4 minutave ndaj Kastriotit, duke plotësuar kështu numrin e kartonëve të verdhë. Andi Koçi  nuk u krusye aspka në ndeshjen e djeshme, duke dhënë plot 11 kartonë të verdhë për të dyja ekipet.

Një problem shumë i madh për Ilir Dajën që do i duhet të plotësojë një gropë të madhe në mesfushën e skuadrës së tij. Si Batha, ashtu edhe Useini dhe Pollozhani janë lojtarë me shumë eksperiencë, ndaj mungesa e tyre është një “hall” më vete.

“Më e rëndësishme për mua është fitorja. Është ndeshje e bukur që të luash ndaj skuadrës ku je formuar si futbollist dhe ke kaluar një periudhë të madhe të karrierës. Uroj që të bëhet ndeshje e bukur dhe të gëzojmë tifozët me një paraqitje dinjitoze”.

“Ashtu si unë edhe Kotobelli një do të jetë me statusin e një ‘ish’-i dhe ndeshje të tilla janë normale pasi lojtarët lëvizin shpesh. Është e bukur të luash në një ndeshje me shumë tifozët dhe një ndeshje që pritet kaq shumë. Uroj që t’ua shpërblejmë atyre që do ta ndjekin ndeshjen me një lojë sa më të bukur”.

“Ndeshje të tilla nuk kanë presion, por mobilizim., ne luajë vetëm për të fituar. Nuk ka asnjë lloj rruge tjetër”.

Diçka jo pozitive, duke ditur se kampionati është në një moment mjaft delikat dhe një pakënaqësi në skuadër do të ishte një problem më vetë. Flamurtari ka bërë mirë deri më tani, pasi ndodhet në garë për një nga vendet që të çojnë në Europë.

Batha këtë edicion ka luajtur në 11 ndeshje, 10 prej të cilave pa humbur asnjë minutë. 26-vjeçari e ka gjetur dhe një herë rrugën e rrjetës, në përballjen me Kastriotin.

Daja ishte i lumtur për suksesin, por dhe për lojën e zhvilluar megjithatë gëzimit të tij është akoma dhe më i madh, pasi sheh që për ndeshjen e radhës të ketë një skuadër akoma dhe më të kompletuar. Idriz Batha dhe Emiljano Musta do të jenë gati për ndeshjen e javës së ardhshme kundër Luftëtarit.

Batha u dënua nga pamjet filmike, disi në mënyrë absurde, pa e gjykuar veprimin që bëri në ndeshjen me Teutën. Mesfushori u pezullua në një mënyrë të paprecedentë më parë, pasi u morën pamjet filmike në konsideratë, por sërish në mënyrë të parregullt, kjo për shkak se gjithçka ndodhi para syve të gjyqtarit. Në anën tjetër Musta mundoi në këtë sfidë, për shkak se kishte plotësua numrin e kartonëve të verdhë. Të dy këto lojtarë janë elementë të rëndësishëm të skuadrës kuqezi dhe në ndeshjen e radhës pritet që të jenë titullar.

E padëgjuar, Disiplina hedh poshtë vendimin e arbitrit që ishte vetëm pak metra larg aksionit nën akuzë.

Qartësisht, Disiplina e FSHF-së nuk e ka idenë nga shumë gjëra dhe ndoshta e bën këtë punë për qejf, pa pagesë, se nuk shpjegohet ndryshe që të jepen kaq shumë vendime komike gjatë një sezoni dhe askush mos t’u thotë gjë.

Që të mos ofendohen Disiplinuesit e FSHF-së e të mos na hedhin në gjyq, duke ndjekur modelin e shtetit tonë që nuk të lejon më të kritikosh dhe ta mbyll gojën me gjobat e gjykatës, po japim vetëm një shembull injorance dhe paaftësie totale nga ky Komisioni ynë.

Të shtunën, pak orë para Flamurtari-Teuta, u luajt Kamza-Tirana. Sulmuesi i Tiranës, Sentamu, goditi me bërryl një mbrojtës se Kamzës. Ndoshta arbitri nuk e pa mirë dhe u mjaftua me karton të verdhë, por Supersport ishte aty për atë punë dhe e transmetoi nja 23 herë videon e bërrylin të qëllimshëm të Sentamut.

Ndoshta Disiplina e ka pasur mendjen në Vlorë, por ja ku e kanë videon, t’ia hedhin një sy, mos ndoshta ndoshta edhe ky është paksa gjest antisportiv?

Mos ndoshta atë provën televizive duhet ta përdorin edhe në ndeshje të tjera, apo vetëm në Vlorë i kanë sytë, se atje ka tension? Po atë tensionin, mos e prodhojmë arbitrat e paaftë, që anulojnë gola pa i parë fare apo nuk i japin karton Bathës kur duhet dhe e dënojnë para ndeshjes kundër Kukësit? Gojët e liga thonë që dënimi i Bathës është bërë me qëllim, por larg qoftë të dyshojmë te ndershmëria e ligjvënësve të futbollit tonë. Tani presim edhe në pezullim me provë televizive e mbyllje stadiumi, por do bëjmë si të bëjmë, do i shohim ndeshjet në televizor..

“E dinim që do ishte e vështirë për ne, aq më shumë që Tirana luan mirë, përtej renditjes. Jam i lumtur për pikët, ato ishin primare. E vërtetë, vuajtëm në pjesën e parë, Tirana ishte superiore në mesin e fushës, por në pjesën e dytë ndryshuar disa gjëra dhe u përmirësuam, duke gjetur golin dhe duke e merituar fitoren”.

“Sfidë e veçantë me Tiranën? Jo, nuk është ndjesi e njëjtë në fakt. Kam qenë shumë mirë te Partizani, tani jam te Flamurtari dhe jam i kënaqur”.

Lajmi është dhënë nga klubi grek, që me një komunikatë të shkurtër në faqen e vet zyrtare u kë dhënë fund gjithë hamendësimeve, duke qenë se Batha nuk kishte firmosur ende.

“Mesfushori 26-vjeçar Idriz Batha, i cili ka qenë pjesë e klubit më popullor në Shqipëri, Partizanit, ka pranuar propozimin e klubit. Të hënën ai do të jetë në Larisa për kontrollet mjekësore dhe më pas do të firmosë kontratë 3-vjeçare”.

Partizani po merr rezultate pozitive me ardhjen e trajnerit Klevis Dalipi, në krye të stolit. Elbasanasi ka sjellë qetësinë në skuadër dhe po i merr maksimumin futbollistëve të tij. Ai në deklaratat e tij për media ka vendosur theksin te lojtarët e tij dhe sidomos te senatorët që po e ndihmojnë dhe e ndjekin me imtësi. Elbasanasi është shprehur se kapiteni Batha, mesfushori Lorenc Trashi, apo dhe futbollistë të tjerë si Progni, Hoxha dhe pjesa tjetër e ekipit e ndjek. Në fakt, raporti i shëndoshë i Dalipit dhe Bathës nuk vihet në diskutim. Ky i fundit është në një moment delikat të karrierës së tij, pasi kontrata me Partizanin mbaron në fund të sezonit dhe kapiteni praktikisht del si lojtar i lirë. 28-vjeçari luan prej 4 vitesh te skuadra e Partizanit dhe atij i është besuar shiriti i kapitenit pas problemeve që portieri Alban Hoxha pati me ekipin. Përplasja e tij me Moxhin bëri që shiriti të kalonte te mesfushori shtatshkurtër në fillimin e këtij sezoni.

NEGOCIATAT – Burime të besueshme pranë klubit të Partizanit bëjnë me dije se kapiteni Batha dhe drejtuesit e klubit kanë nisur diskutimet për rinovimin e kontratës. Dëshira e të dy palëve është që të rinovojnë, por tregu është gjithmonë kërkesë-ofertë dhe kështu që palët duhet të bien dakord për anën e tyre financiare. Kapiteni nuk është ndër më të paguarit te skuadra e “demave”, pasi kur ka firmosur në nëntorin e vitit 2015 ka hedhur firmën në kontratë për 3500 euro. Bathën nuk e ngroh më kjo shifër dhe kërkon rritje rroge dhe para në dorë. Partizani kërkon që të ulë sa më shumë pretendimet e lojtarit dhe në fund të firmosë në kushtet më të favorshme për klubin. Momentalisht, gjithçka mbetet në kufijtë e negociatave dhe palët mundohen si e si të kapin njëra-tjetrën me qëllim uljen e pretendimeve të secilës palë.

BATHA – Futbollisti pretendon se klubi duhet të plotësojë kushtet e tij, pasi ka dhe skuadra të tjera që e duan. Trajneri Shpëtim Duro mund ta mirëpresë në Vlorë dhe Flamurtari nuk e ka aspak problem të plotësojë kërkesat e mesfushorit 28-vjeçar. Bregdetarët e kanë bërë dhe me lojtarë të tjerë që nuk kanë qenë të “sprovuar” në Superiore, lërë pastaj për Bathën që ka vite që luan në nivele të larta. Kapiteni nuk dëshiron që të largohet nga klubi i kuq, por kërkon që të përfitojë më shumë në aspektin financiar.

PARTIZANI – Skuadra e kuqe kërkon që t’i ulë sa më shumë pretendimet e kapitenit, Idriz Batha. Drejtuesit e kuq po e “kërcënojnë” futbollistin me merkaton e verës dhe me idenë se mesfusha mund t’i nënshtrohet një revolucioni total. Largimet e janarit mund të “justifikojnë” fjalët e klubit dhe për lëvizjet e mundshme të verës. Të kuqtë janë të mërzitur për faktin se nuk kanë fituar dhe duan që vitin e ardhshëm të kthehen te trofetë.

“U kërkoj publikisht falje tifozëve tanë, pasi i kemi zhgënjyer me rezultatet e arritura në këto ndeshje. Atyre u detyrohemi më shumë se kaq. Pa tifozët nuk mund të vazhdojmë përpara. Nuk ka më kohë për të qarë më pikët e lëna, tani duhet të mblidhemi të gjithë si një zinxhir bashkë lojtarë, drejtues, tifozë për të vazhduar përpara pasi jemi Partizani dhe duhet të shfaqemi siç ka bërë ndër vite ky emër i madh”.

ZËRAT PËR KLANE BRENDA EKIPIT – “Lidhur me zërat që qarkullojnë se brenda në skuadër janë krijuar grupe, dua të them se kjo është një shpifje që bëhet ndaj Partizanit, në skuadër nuk ka grupe, është vetëm një grup ai për të mirën e Partizanit dhe kaq, nuk ka grupe mes lojtarëve të rinj e të vjetër por ka vetëm një ekip”.

PËRGJEGJËSIT – “Përgjegjës për këtë situatë jemi të gjithë ne, lojtarët, stafi. Nuk mund të drejtosh gishtin tek individë dhe t’i ngarkosh me përgjegjësi, jemi të gjithë fajtorë për këtë fillim negativ. Në këtë moment na kanë munguar rezultatet, pasi ekipi po stërvitet mirë, në skuadër ka harmoni dhe si trajneri, ashtu edhe ne lojtarët, kemi një bashkëpunim mjaft pozitiv, e them me bindje se rezultat do të vijnë”.

ÇFARË NUK SHKON – “Ekipi është, lojtarët janë, cilësia nuk mungon, por që nuk duhet bërë dramë, janë vetëm 3 ndeshje dhe ne duhet të vazhdojmë të shohim takimet e radhës. Ndodh që në momente të ndryshme të sezonit çdo ekip mund të kaloj edhe ngërçe të ndryshme,por  po të marrim shembull shumë ekipe mjaft të njohura në Europë i kalojnë këto momente. Nuk duhet ta ulim kokën, janë në lojë edhe 33 ndeshje të tjera ndaj duhet të shohim përpara dhe mendoj se do të arrijmë atje ku duam të shkojmë.

KRAHASIMI ME PARTIZANIN E SË SHKUARËS – “Çdo trajner ka metodat e veta të punës dhe modul loje. Dua të them se edhe Juliano po përshtatet me ne dhe me kampionatin dita ditës gjithashtu edhe lojtarët që janë afruar. Kam shumë besim se që këtë javë do të bëjmë kthesën e duhur. Jam i bindur që ky Partizan do të shkoj drejt objektivave që kemi ne si skuadër”.

SULMI NUK SHËNON – “Futbolli është i paparashikueshëm. Në ndeshjet e ardhshme sulmuesit mund të shpërthejnë dhe të gjejnë golat. Nuk mendoj se është faji i Çanit apo Sukajt, por e përmenda edhe më parë faji është i të gjithëve, të gjithë duhet të punomë më shumë për të arritur te goli”.

MBROJTJA ÇALON – “Nuk mund të them që skuadra po çalon në repartin mbrojtës, mendoj se çdo repart dhe çdo lojtar ka nevojë të përmirësohet më shumë, jo vetëm mbrojtja, por edhe mesfusha e sulmi”.

Nuk mund të mos mbetet çështje dite situata me shiritin e kapitenit, që është dorëzuar nga Alban Hoxha: “Së pari, jam i kënaqur që Hoxha rikthehet në skuadër. Së dyti, kapiten do të jetë Batha, që do të thotë se do të luajë nesër”.

Edhe sulmi është një rebus, pasi nuk dihet ende gjendja fizike e Çanit: “Nuk e kam vendosur ende cili do ta nisë nga minuta e parë, Çani apo Sukaj”.

Do të mungojë për dëmtim Fejzullahi: “më vjen keq, është një lojtar i rëndësishëm për ne. Megjithatë, kam alternativa cilësore në dispozicion”.

Një batutë për merkaton dhe emrin e Jasir Asanit, i diskutuar shumë ditët e fundit: “E njoh si lojtar, kemi studiuar shumë lojtarë, por nuk mund të flas për ata që nuk i kemi në skuadër”.