Bastien Toma

VIDEO | Goli më i bukur i muajit, Zvicra zgjedh perlën e shqiptarit!

Sport Ekspres — Mon, 17 Dec 2018 12:02:05 +0000

Goli më i mirë i muajit nëntor në kampionatin zviceran të futbollit është vjen nga një shqiptar. Bastien Toma luan me ekipin e Sionit, është 19 vjeç dhe aktivizohet në rolin e mesfushorit. Me datë 25 nëntor Sioni fitoi kundër Tunit në shtëpi me rezultatin 2-1.

Ndeshja po shkonte drejt barazimit 1-1 (Pajtim Kasami kishte shënuar më parë për Sionin), ndërsa Toma vendosi t’i jepte fitoren ekipit të tij në minutën e 82-të.

Mesfushori shkatërrues lëshoi një të djathtë potente dhe topi përfundoi në trekëndësh, duke shënuar një gol të jashtëzakonshëm. Goli i lojtarit të Zvicrës U21 është përzgjedhur si më i bukuri i muajit nëntor sipas mediave të vendit helvetik.

https://www.facebook.com/teleclubsport/videos/vb.209020055781001/322075558391479/?type=2&theater

VIDEO / Goli i Lenjanit bën xhiron e botës, por vëmendja shkon për asistin fenomenal

Sport Ekspres — Tue, 09 Oct 2018 08:14:55 +0000

Emir Lenjani shënoi golin e parë në takimin midis Ksamaksit dhe Sionit. Goli i mbrojtësit të kombëtares shqiptare ka bërë xhiron e botës, por jo për shkak të finalizimit të mëngjarashit. E veçanta e këtij goli është asisti perfekt i mesfushorit të talentuar Bastien Toma.

Mesfushori 19-vjeçar nxori jashtë loje pesë lojtar të Ksamaksit, duke vertikalizuar një top fantastik që gjeti Lenjanin të vetëm me portierin e skuadrës vendase. Toma është me origjinë nga Kosova dhe për momentin aktivizohet me kombëtaren U21 të Zvicrës.

Zviceranët tremben, Blick: Shqipëri-Kosovë, duel për talentin tonë

Sport Ekspres — Thu, 16 Aug 2018 15:18:52 +0000

Bastien Toma është 19 vjeç dhe luan me ekipin e Sionit në elitën e futbollit zviceran. Djaloshi me origjinë nga Kosova debutoi tetorin e kaluar në ndeshjen përballë Zyrihut, që u mbyll në barazim 1-1. Sot, Toma është një nga pikat më të forta të Sionit, luan çdo ndeshje dhe shihet si e ardhmja e futbollit helvetik. Diçka e tillë ka ngjallur interesin e Shqipërisë dhe Kosovës, që po tentojnë të bindin mesfushorin të kontribuojë për përfaqësueset respektive.

Sezonin e kaluar, Toma u zgjodh lojtari më i mirë i ekipit nga votimet e tifozëve dhe sponsorëve të ekipit. Në Zvicër e shohin si pasuesin e Gelson Fernandez, i cili e nisi karrierën tek Sioni, ndërsa sot aktivizohet tek Eintrahti i Frankfurit dhe numëron 67 ndeshje me Zvicrën.

“Toma numëron 25 ndeshje me ne dhe konsiderohet si një talent i madh, i cili po ecën nën gjurmët e Fernandez”, shkruan klubi i Sionit për Bastien Tomën.

Nëse ai vendos të zgjedhë Shqipërinë ose Kosovën, Zvicra do të humbiste një lojtar me potencial të madh, sepse: “Shqipëria dhe Kosova po tentojnë të “vjedhin” talentin tonë”, shkruan gazeta Bild e vendit helvetik. Toma ka luajtur me moshat e Zvicrës U-17 dhe U-19, ndërsa tashmë ka një garë treshe për shërbimet e tij. Shqipëria, Kosova dhe Zvicra e duan, por në fund vendos lojtari.