baste

Bastexhi i thekur, vëllai i Grizman pasurohet nga fitorja e Ajaksit

Sport Ekspres — Wed, 01 May 2019 16:02:25 +0000

Vëllai i Antuan Grizman, Teo, ka tri pasione në jetë. Vendin e parë e mban Mançester Junajtid, klubi i tij i zemrës. Më pas është përdorimi 24 orë i llogarisë së tij sociale në “tëitter”, ndërsa pasioni i tretë janë bastet sportive.

Fitorja e papritur e Ajaksit në Londër ishte parashikuar me sukses nga vëllai i sulmuesit të Atletiko Madridit, i cili shpërndau në rrjetet sociale një foto të skedës së vendosur nga ai. Francezi kishte vënë bast 760.02 euro për fitoren e Ajaksit, që kuotohej me koeficient 3.4, çka i siguroi atij që një fitim 2,574.07 eurosh.

Teo shpërndan shpesh në llogarinë e tij foto të skedave fituese. Një vit më parë 22-vjeçari fitoi 1058.40 euro teksa parashikoi fitoren e Liverpulit ndaj Mançester Sitit në çerekfinalen e Champions League.

Vuri 140 baste, Pol Skolls “kapet mat” nga Federata

Sport Ekspres — Tue, 16 Apr 2019 16:42:54 +0000

Ish-lojtari i Mançester Junajtid, Pol Skols, është akuzuar nga federata angleze për vendosje të basteve sportive, diçka kjo që del kundër rregullores së vendosur nga institucioni qeverisë i futbollit anglez.

Sipas asaj që kanë mësuar mediet angleze, Skols ka vendosur 140 baste për ndeshje të caktuara futbolli në një periudhë kohore nga gushti i 2015-ës në janar të 2019-ës. Bastet janë ndërprerë pak javë para se Skols të bëhej trajneri i skuadrës së Oldhemit.

Ish-futbollisti ka kohë deri më datë 26 prill për të dhënë shpjegime në lidhje me këtë shkelje të rregullores.

Rasti më i famshëm i kësaj shkelje është ai i mesfushorit Xhoi Barton, i cili u dënua me 13 muaj pezullim nga futbolli për shkak se kishte vendosur 1260 baste sportive.

Afron Premier Liga, bastet po shkojnë për Junajtidin

Sport Ekspres — Fri, 11 Aug 2017 09:52:46 +0000

Premier Liga është tek dera. Pas më shumë se dy muajsh pushim, 20 klubet e kampionatit anglez janë gati të ndezin “motorët”. Natyrisht, nuk mund të jenë jashtë loje dhe kompanitë më të mëdha të bateve, që kanë nisur të përvijojnë ekipet pretendente për të fituar titullin kampion.

Nisur nga një studim i bërë nga mediat britanike, skuadra e drejtuar nga Zhoze Murinjo, Mançester Junajtid shihet si favoriti kryesor për fitimin e titullit në Premier në maj të vitit të ardhshëm.

Për kompanitë e basteve, Mançester Junajtid kuotohet i dyti pas Mançester Sitit të Pep Guardiolës, por nisur nga numri i basteve të vëna, “Djajtë e kuq” shihen nga lojtarët e skedinave si pretendenti numër një për suksesin në Premier. Edhe pse Junajtid është mundur të martën nga Reali i Madridit në finalen e Superkupës së Evropës, kjo nuk i ka lëkundur pozitat e Junajtidit në lidhje me Premier Ligën. Kompanitë e basteve kanë bërë me dije se pjesa më e madhe e basteve janë vënë për suksesin e Mançester Junajtidit, që kuotohet 2.5, pra shton me 150% fitimin mbi shifrën e investuar. Për lojtarët e basteve, pretendenti numër 2 për titullin në Premier është Mançester Siti i Guardiolës, i cili për vetë kompanitë e basteve është favorit absolut me 1.89.

Pas dyshes së Mançesterit, në vendin e tretë vjen Liverpuli, skuadra e tretë për të cilën janë vënë më shumë baste. Ndërkaq, ka rënë shumë popullariteti i Çelsit, teksa tifozët nuk besojnë shumë tek një tjetër mrekulli e ekipit të Kontes. Ndaj bastet për Çelsin kampion janë në vendin e katërt për nga numri.