Basriu

Basriu nuk ndahet nga Kosova, firmos me klubin e ri

Sport Ekspres — Wed, 26 Jun 2019 19:55:56 +0000

Skuadra e Dukagjinit ka nisur punën për sezonin e ri. Përforcimi i parë i klubit nga Komuna e Klinës është mbrojtësi elbasanas Elton Basriu. Sezonin e kaluar 31-vjeçari ishte pjesë e Trepçës 89.

Basriu aktivizohet prej dy vitesh në divizionin elitë të Kosovës. Para eksperiencës në Mitrovicë, mbrojtësi luajti për një sezon te Liria e Prizrenit në kohën kur trajneri i kësaj skuadre ishte Bledi Shkëmbi.

Liria prezanton edhe afrimin e fundit nga Shqipëria

Sport Ekspres — Wed, 12 Jul 2017 18:57:18 +0000

Trajneri i Lirisë së Prizrenit, Bledi Shkëmbi, vazhdon të afrojë lojtarë nga Superiorja, të cilët i njeh mirë dhe po i bind të bëhen pjesë e një projekti ambicioz.

Ish-kapiteni i Skënderbeut ka afruar edhe mbrojtësin Elton Basriu, i cili ka është prezantuar sot, si kishim njoftuar që dje.

https://sportekspres.com/zyrtare-edhe-basriu-le-shqiperine-per-superligen-e-kosoves/

Mbrojtësi nga Elbasani ka goxha eksperiencë në Superiore dhe në Kategorinë e Parë, ndërsa në sezonin e fundit ishte titullar te Kamza, duke dhënë një kontribut të madh për ngjitjen në Superiore.

Më parë, edhe Jetmir Sefa, Endri Vrapi, Kristi Kote e Artur Magani kanë pranuar ofertën e Lirisë dhe janë prezantuar.

‘Jam i lumtur për arritjen e marrëveshjes. Pres të ambientohem dhe të jap më të mirën’, ka thënë mbrojtësi për faqen zyrtare të Lirisë, që sot nisi stërvitjen.

Zyrtare, edhe Basriu lë Shqipërinë për Superligën e Kosovës

Sport Ekspres — Tue, 11 Jul 2017 12:49:02 +0000

Liria e Prizrenit vazhdon të bëjë pazar në Shqipëri. Trajneri debutues Bledi Shkëmbi duket se kërkon të afrojë sa më shumë lojtarë nga Superiorja, të cilët i njeh më mirë se ata që gjen te Liria, ndërkohë që nuk e njeh tregun kosovar.

Për këtë arsye, ish-kapiteni i Skënderbeut ka piketuar edhe mbrojtësin Elton Basriu, i cili ka firmosur sot dhe Sport Ekspres mëson se do të prezantohet nesër.

Më parë, edhe Jetmir Sefa, Endri Vrapi, Kristi Kote e Artur Magani kanë pranuar ofertën e Lirisë dhe janë prezantuar.

Vazhdon “eksodi”, edhe Basriu shkon në Kosovë

Sport Ekspres — Mon, 10 Jul 2017 09:54:30 +0000

Liria e Prizrenit duket se do të kthehet në një miks shqiptarësh nga Kosova e Shqipëria, me një ndarje thuajse përgjysmë.

Trajneri debutues Bledi Shkëmbi duket se kërkon të afrojë sa më shumë lojtarë ga Superiorja apo Kategoria e Parë, të cilët i njeh më mirë se ata që gjen te Liria, ndërkohë që nuk e njeh tregun kosovar.

Për këtë arsye, ish-kapiteni i Skënderbeut ka piketuar edhe mbrojtësin Elton Basriu, mëson “Sport Ekspres”.

Tani ka ardhur thirrja nga Shkëmbi dhe Basriu do të tentojë aventurën e parë jashtë kampionateve të Shqipërisë.

Më parë, edhe Jetmir Sefa, Endri Vrapi e Artur Magani kanë pranuar ofertën e Lirisë.