Kuqezinjtë janë mposhtur me rezultatin 73 – 51 nga Bjellorusia. Vizitorët bjellorusë dominuan në secilën periodë në takimin e zhvilluar në sallën e “Feti Borova”.

Përfaqësuesja e Kosovës nuk ia ka dalë të fitojë në transfertë ndaj Luksemburgut. Të zotët e shtëpisë mposhtën “dardanët” me rezultatin  88:80 (23:21, 24:25, 19:18, 22:16).

Kjo është hera e dytë radhazi që spanjollet shpallen kampione të Europës dhe e katërta herë në histori. Ndërkohë, finalja është kthyer në makth për francezët të cilat kanë arritur në ndeshjen e fundit të kompeticionet në katërt turnetë  e fundit, por në katërta rastet kanë dalë nga parketi me kokën ulur.

Janis është 2.11m i gjatë dhe plot 110 kg, një atlet i përkryer për të luajtur lojën më të ndjekur në Amerikë. Janis ka lindur në Greqi, me 6 dhjetor 1994. Familja e tij, nigeriane, ishte refugjate në tokën helene. Janis qëndroi 18 vite në Greqi, për t’u transferuar më pas në Amerikë dhe për të ndjekur ëndrrën e tij. Shtypi amerikan e cilëson prej disa vitesh si një pasues të denjë të Lebron James, është vetëm 24 vjeç dhe e ardhmja duket se do të flasë vetëm për të.

Në sezonin 2013/14, basketbollisti i talentuar iu bashkua skuadrës amerikane, Milwaukee Bucks dhe që nga ai sezon, ka qenë një ndër lojtarët më të mirë në NBA. Shumë tifozë i kanë vënë nofkën “Vrasësi i Heshtur”, pasi Janis asnjëherë nuk është ekspozuar para mediave. Por vitet e fundit, nuk ka mundur t’i shpëtojë vëmendjes së madhe, pasi loja e tij në parket ka qenë për t’u admiruar.

Këtë sezon, “Greek Freak” luajti 72 ndeshje, një mesatare pikësh 27.7 për ndeshje, 12.5 topa në tabelë dhe 5.9 asiste. Këto statistika bënë që të vlerësohet me çmimin MVP (lojtari më i vlefshëm) dhe shumë skuadra të njohura te NBA janë vënë pas tij.

Sh.K.B.Tirana është tashmë në finale, sepse ka fituar edhe ndeshjen e dytë ndaj Vllaznisë, 108-59 në Shkodër, ashtu si pritej. Tepër i madh hendeku mes dy skuadrave, ndaj tashmë vajzat e drejtuara nga Borova presin finalen dhe ndoshta një derbi.

Flamurtari mundi 65-49 Sh.B.Tiranën në gjysmëfinalen tjetër, duke barazuar 1-1 serinë e ndeshjeve dhe duke ndezur garën, sepse të premten në Tiranë do të vendoset gjithçka.

Blokotehna bëhet skuadra e dytë nga Maqedonia e Veriut që fiton këtë vend. Pavarësisht humbjes, Teuta meriton duartrokitjet e të gjithë publikut shqiptar, pasi është skuadra e parë nga vendi ynë që kualifikohet në finalen e këtij turneu. Pavarësisht problemeve të shumta të basketbollit shqiptar, ekipi durrsak kreu një paraqitje dinjitoze që do të mbahet mend gjatë.

Gjysmëfinalja, ndeshje përcaktuese e vendit të tretë dhe finalja e këtij turneu u zhvilluan për herë të parë në Tiranë.

Finalja e Ligës Ballkanike
Teuta 68 – 82 Blokotehna

Vajza që ka denoncuar ngjarjen është një ish-komshie e Kristaps dhe ka të njëjtën moshë. Ngjarja ka ndodhur pak para dëmtimit të lojtarit. Ky i fundit ka ftuar vajzën për një gotë në shtëpinë e tij luksoze dhe pastaj ka përdorur forcën për të kryer marrëdhënie seksuale me të.

Gjatë kësaj kohe, vajza ka heshtur për shkak se ka pranuar 68 mijë dollarë nga letonezi. Ps më shumë se një viti, ajo ka vendosur të denoncojë ngjarjen në polici. Klubi i Dallas ka publikuar një komunikatë, aty ku nuk pranon të komentojë incidentit e ndodhur për shkak të hetimeve të autoriteteve federale.

Megjithatë, ajo që ka bërë bujë dhe që ka shkaktuar shumë polemika në SHBA është ngjarja e ndodhur në ndeshjen Utah Jazz-Oklahoma City Thunder. Miqtë fituan me rezultatin 89-98, me Russell Westbrook (23 pikë, 8 asiste, 11 rikuperime), i cili ishte në lartësinë e duhur. 30-vjeçari pati problem me publikun vendas gjatë gjithë ndeshjes. Një gjë e tillë i kishte ndodhur dhe gjatë prillit të kaluar në ndeshjet “play-off”.

Një moment Westbrooke nuk duroi më dhe iu kthye një tifozi, i cili po e ofendonte lojtarin papushim. “Ti mendon se unë po luaj, por të betohem në Zot që t’i thyej kockat, ty dhe gruas tënde”. Një kërcënim i tillë është kapur në video nga Eric Woodyard, një gazetar i “Desert News”. Ky i fundit ka postuar videon në rrjetet sociale, aty ku kanë shpërthyer polemikat e shumta.

Basketbollisti është mbrojtur, duke shpjeguar me detaje incidetin e ndodhur. Numri 0 pretendon se është ofenduar me shprehje raciste dhe nuk mund të toleronte diçka të tillë.

“Kam marrë fyerje raciste dhe nuk mund t’i pranoj ato. Natyrisht që të gjithë komentojnë në bazë të videos së publikuar, por nuk shihet se si nisi e gjitha kjo. Një djalë i ri dhe gruaja e tij m’u drejtuan me fjalët: ‘qëndro i gjunjëzuar, ashtu siç je mësuar gjithmonë’. Nga këndvështrimi im, ky është një koment që ka doza racizmi dhe përbuzje. Në Utah ka shumë tifozë pasionantë, të cilët vijnë shohin ndeshjen dhe zbaviten, por ka edhe nga ata që vijnë vetëm për të më ofenduar mua dhe familjen time.”

“Kam bërë gjithçka mirë për shumë vite, pa krijuar asnjë problem me askënd. I kam qëndruar larg problemeve dhe nuk kam patur asnjë problem me tifozët në 11 vite në NBA. Kam marrë kritika pafund, por nuk jam i gatshëm të pranoj ofendime personale plot përbuzje dhe urrejtje. Nëse do të ndodhem përsëri në një situatë të tillë, nuk do të hezitoj të them të njëjtat gjëra. Nuk do të merrem kurrë me një grua dhe nuk do të ngre kurrë dorë kundrejt saj, por në momentin kur burri i saj po më ofendonte, ajo nisi të përsëriste të njëjtat gjëra.”

Tifozi i përfshirë në këtë çështje quhet Shane Keisel dhe ai mohon që të ketë ofenduar lojtarin e Oklahomës. Edhe klubi i Utah Jazz ka reaguar për ngjarjen, duke thënë që po heton atë çfarë ka ndodhur, ndërsa bën thirrje për një klimë më të mirë midis lojtarëve dhe tifozëve.

NBA DHE EUROPA – “Këtu (në NBA) është më e lehtë të shënosh krahasuar me Europën dhe kjo s’do mend. Në Europë fusha është më e vogël dhe nuk përdoret rregulli i 3 sekondave. Prandaj them se është më e lehtë të shënosh në Amerikë”.

Lebron James tha se do të dëshironte t’u kishte në skuadër. Si u ndjetë kur e dëgjuat këtë ? – “E mbaj mend atë intervistë. Ishte diçka speciale për mua. Së pari ishte speciale të luaja kundër tij, ndërsa fjalët e mëpasshme të  Lebronit e bënë akoma më speciale atë ditë”.

Mungesa e një ftese në skuadrën “All-Star” – “Doja të isha pjesë dhe u zhgënjeva shumë kur më thanë se nuk kishte vend për mua. Rëndësi kanë njerëzit që votuan për mua. U impresionova dhe kjo është ajo çka ka më shumë rëndësi për mua. Ndoshta vitin tjetër”.

Skuadra turke dominoi në çerekun e parë, duke regjistruar një rezultatin 16:26, por në çerekun e dytë dhe të tretë Prishtina mori epërsinë duke fituar të parin me rezultat 22:16 dhe të dytin 20:18. Në çerekun e katërt, të zotët e shtëpisë regjistruan rezultatin  23:18 .

Belgu Khalid Bukishu ishte lojtari që regjistroi më shumë pikë. Basketbollisti 208 centimetra i gjatë shënoi 16 pikë dhe regjistroi 5 asiste dhe 2 marrje topi. Ndeshje të mirë bën dhe Dardan Berisha dhe amerikani Kajli Anderson, të dy me nga 15 pikë secili.

Prishtina zuri vendin e  tretë në tabelën përfundimtare të grupit I, por klubit nga Kosova i vjen në ndihmë rregulli i “humbësve me fat” (lucky loser) i vendosur nga FIBA, për shkak të refuzimit të disa klubeve të “Champions League” për të kaluar në fazën 1/16-ave të “FIBA Europe Cup”.

BASKETBOLL, KUPA E SHQIPËRISË – ½ FINALE

Femra
Ora 11:00 | SH.K.B.T.F – SHBTF
Ora 13:00 | Vllaznia-Flamurtari

Meshkuj
Ora 16:00 | Partizani-Teuta
Ora 19:00 | Tirana-Goga Basket

https://www.facebook.com/blinibilet/photos/a.525207267849351/761647147538694/?type=3&theater

Ndeshjet do të zhvillohen me sistem eliminimi, të gjitha në Tiranë, në “Feti Borova”, nga 1 shkurt deri më 2 shkurt.

FEMRAT – Për femra Flamurtari do të përballet me Vllazninë (1 shkurt, ora 10:00), sfidë që sheh qartësisht favorite vlonjatet, pretendentet e zakonshme për titull e kupë.

Ndërkaq, po atë ditë, dy orë më pas, do të zhvillohet derbi i ri i basketbollit të femrave, mes dy ekipeve me emrin absurd Tirana dhe ca shkronja përpara.

Finalja do të zhvillohet më 2 shkurt, në orën 16:00.

MESHKUJT – Pasditja e 1 shkurtit do të rezervohet për gjysmëfinalet e meshkujve, sepse Partizani do të ndeshet me Teutën (ora 16:00) dhe Tirana me Goga Basket (19:00).

Finalja do të zhvillohet më 2 shkurt, ora 19:00.

Shokët e ekipit nuk u besuan syve kur panë se çfarë bëri kolegu, ndërsa vetë “protagonisti” nuk u duk se e vrau shumë mendjen. Ku i dihet, ndoshta koshi ishte një dhuratë krishtlindje për ekipin kundërshtar, të cilët fituan takimin me rezultatin e përgjithshëm 57 – 51.

Krahas ekipit të futbollit, sivjet kanë shkëlqyer dhe djemtë e basketbollit, të cilët u shpallën kampionë europe, duke fituar përballë Fenerbahçes me rezultatin 85-80 në finalen e “EuroLeague” dhe dërguar kupën në Madrid për herë të dhjetë.

Florentino Perez, presidenti i klubit ka bërë një urim për rastin e Krishtlindjes, ku nënvizon dhe rekordin historik të klubit të tij.

“Për herë të parë në 116 vite histori të klubit dhe për herë të parë absolute në historinë e sportit, Reali i Madridit është kampion Europe si në futboll, ashtu dhe në basketboll. Gëzuar Krishtlindjen dhe kalofshi festa të gëzuara. Hala Madrid”, komenton Perez në foton e postuar ku janë bashkë lojtarë të ekipit të futbollit dhe basketbollit.

 

View this post on Instagram

 

??? #HalaMadrid Merry Christmas! | ¡Feliz Navidad! – Florentino Pérez: “For the first time in our 116 years of history and for the first time in the history of sports, Real Madrid are European champions in football and basketball in the same season.” – Florentino Pérez: “Por primera vez en nuestros 116 años de historia y por primera vez en la historia del deporte, el Real Madrid ha sido campeón de Europa en fútbol y en baloncesto en una misma temporada.” – ? @RealMadrid ? @RealMadridBasket

A post shared by Real Madrid C.F. (@realmadrid) on Dec 24, 2018 at 6:01am PST

Vlonjatet kanë nisur të marshojnë dhe sot fituan 83-75 brenda në Tiranë, duke ndalur vrapin e kryesuesve. Vajzat bardheblu patën fituar sfidën e parë në Vlorë, por tashmë llogaritë janë barazuar dhe duket qartë se dueli do të vijojë deri në fund, edhe për titull.

Basketboll Femra

Java e 10-të

Renditja: Sh.K.B.Tirana 19 pikë, Flamurtari 17, Sh.B.Tirana 17, Vllaznia 15, Studenti 12, Elbasani 10.

Flamurtari merr kështu një pozicion si vendi i tretë, duke synuar minimalisht që deri në fund të sezonit të rregullt të renditet në vend të dytë. Ndeshja nuk ka pasur shumë histori, pasi Flamurtari e ka dominuar nga fillimi deri ne fund takimin. Pjesa e parë është mbyllur me shifrat 49-33, ndërsa dominimi i skuadrës vlonjate ka vijuar edhe gjate pjesës së dytë.

Flamurtari ka tentuar vazhdimisht ta thellojë rezultatin dhe ia ka arritur qëllimit, duke fituar në fund me plot 33 pike diferencë. Deri në përfundim të sezonit të rregullt, Flamurtari pritet të bëjë sërish përforcime në skuadër, ndërsa pritet edhe rikthimi i Myrtos, por edhe Plasës, për të synuar deri në fund titullin kampion.

Ndërkaq, edhe pas javës së nëntë marshon Sh.K.B.Tirana, e pandalshme këtë sezon, duke kryesuar renditjen me 18 pikë të plota. Vajzat ardheblu fituan me lehtësi 96-73 në Elbasan, ndeshje që ishte e thjeshtë për kryeqytetaset.

Fiton edhe ekipi i Sh.B.Tiranës, që mundi 93-45 Studentin në derbin kryeqytetas, një sfidë që u dominua dhe fitua pa shumë probleme nga basketbollistet e “një prej Tiranave”.

Kategoria e Parë Femra, java e 9-të

Elbasani – Sh.K.B.Tirana, 73-96

Sh.B.Tirana – Studenti, 93-45

Flamurtari – Vllaznia, 95-62

Renditja: Sh.K.B.Tirana 18 pikë (9/0), Sh.B.Tirana 15 pikë (6/3), Flamurtari 15 pikë (6/3), Vllaznia 14 pikë (5/4), Studenti 10 pikë (1/8), Elbasani 9 pikë (0/9).

Në Vlorë të shtunën u luajt një ndeshje inati, sepse Flamurtari priste Sh.B.Tiranën, klubin e formuar këtë sezon dhe që është futur direkt në elitë, kundër çdo rregulli e logjike.

Flamurtari fitoi 67-62, një hakmarrje e vogël për trajnerin Viron Toska, i cili ka kohë që polemizon me federatën për shkeljet në basketboll.

Vijon të befasojë Vllaznia, që mundi pa probleme 88-69 Elbasanin në Shkodër, duke marrë vendin e dytë në renditje.

Basketboll Femra, Kategoria e Parë

Java e 7-të

Të premten

Sh.K.B. Tirana – Studenti                90-56

Të shtunën, 24 nëntor

Flamurtari – Sh.B.Tirana                  67-62

Vllaznia – Elbasani                           88-69

RENDITJA

Sh.K.B. Tirana 14 pikë (7/0), Vllaznia 12 pikë (5/2), Flamurtari 11 pikë (4/3), Sh.B.Tirana 11 pikë (4/3), Studenti 8 pikë (1/6), Elbasani 7 pikë (0/7)

Tirana e bën në periodën e tretë të takimit,duke u shkëputur deri në 10 pikë, kur rezultati regjistrohej në shifrat 54-44 për ekipin bardheblu. Por Flamurtari nuk ka nder mend te barazohet dhe 10 minutat e treta mbyllen me një avantazh te lehte te Tiranes, me dy pikë. Perioda e katërt dhe e fundit është e gjitha për t’u shijuar dhe takimi është mjaft i luftuar nga te dyja skuadrat. Tirana kërkon të shkëputet,por fundi i takimit regjistron shifrat e barabarta 68-68 dhe duhen pese minutat shtesë.

Tirana tregon qetësi, ndërsa Flamurtari luan shume mire,por gabon para koshit. Dhe ne fund është skuadra nga kryeqyteti qe shpallet fituese ne rezultatin  79-82. Flamurtari merr humbjen e trete ne kampionat, ndërsa Tirana kryeson kampionatin.

Sh.B.Tirana “marshon” – Të premten në mbrëmje Sh.B.Tirana mori përkohësisht kreun e renditjes, duke fituar 83-54 ndaj Vllaznisë, në një sfidë të dominuar nga vajzat nga kryeqyteti. Java e pestë nisi të mërkurën me fitoren e parë sezonale të Studentit, që mundi 84-56 Elbasanin.

Basketboll – Femra

Kategoria e Parë, java 5

Studenti – Elbasani                          84-56

Sh.B.Tirana – Vllaznia                     83-54

Flamurtari – Sh.K.B.Tirana            79-82

RENDITJA

Sh.K.B.Tirana 10 pikë (5/0), Sh.B.Tirana 9 pikë (4/1), Vllaznia 8 pikë (3/2), Flamurtari 7 pikë (2/3), Studenti 6 pikë (1/4), Elbasani 5 pikë (0/5).

Teuta në basketboll për meshkuj nuk di të ndalet. Pasi ka fituar në mesjavë me Akademik Bulteks 99’ në Ligën Ballkanike, durrsakët fitojnë dhe derbin me Goga Basket, i pari në të gjithë historinë e basketbollit të qytetit bregdetar. Interesimi ka qenë i jashtëzakonshëm me tifozeritë e të dy skuadrave, që kanë mbushur plot Pallatin e Sportit “Ramazan Njala”. Madje ka dhe rivalitet e ekuilibër, aq sa perioda e parë ka përfunduar në barazim, 23-23.

Në të dytën ka një hap më shumë Teuta, e cila ka fituar 20-15 dhe në pushim ka kryesuar 43-38. Goga Basket nuk ndalet, përkundrazi kërkon përmbysjen. 21-21 e treta, që e mban avantazhin e Teutës në pesë pikë diferencë, 64-59. Në të katërtën ka dhe incidente, që ka ardhur në një faull nga Grifin Rame ndaj Hysenagollit.

Gjyqtarët e kanë cilësuar antisportiv faullin e amerikanit, por mes të dyve ka dhe një luftë “gjelash”. Dhe kaq mjafton që të vijnë dhe lojtarë nga bankina, por vetëm ndërhyrja e palëve qetëson situatën. Megjithatë janë ndëshkuar me teknik Hysenagolli e Hamati, por dhe Rame. Ndërkohë për braktisje të zonës së stolit dhe përfshirje në incidente janë ndëshkuar me teknik përjashtimi Thano e Isaku të Goga Basket, si dhe Beqo e Troja të Teutës. Goga Basket është afruar deri në dy pikë, por megjithatë Teuta e ka fituar periodën e katërt 26-21 dhe në përfundim 90-80 për Teutën, e cila tashmë të martën do të luajë përballë Bashkimit të Prizrenit në Ligën Ballkanike.

Ndërkohë, për femra Flamurtari ka mundur Studentin, 71-46. Në kategorinë e parë për meshkuj, Elbasani ka fituar ndaj Apolonisë, 79-67. Për femra, gjithnjë në kategorinë e parë, Skënderbeu ka fituar ndaj Partizanit, 64-53, kurse Apolonia ka mundur Kamza Basket, 70-38. Java do të mbyllet me derbin Partizani-Tirana.

Aiton e mbylli ndeshjen me 18 pikë dhe gjashtë asiste, ndërsa skuadra e tij fitoi me rezultatit 121-100. Slloveni Luka Donçiç, i cili ndodhej në krahun tjetër të fushës shënoi dhe pikë në këtë takim.

Mo Bamba ishte një ndër debutuesit që impresionuan publikun. I futur në lojë nga stoli për skuadrën e “Orlando Magic”, Mamba që ishte zgjedhja e gjashtë e draftit, arriti të shënonte 13 pikë ndaj “Miami Heat”, si dhe kreu një përformancë të mirë në fazën mbrojtëse.

Basketbollisti më i mirë i ndeshjeve të para, ka qenë padyshim Entoni Dejvis, i cili regjistroi 32 pikë, tetë asiste dhe tri bllokime në fitoren 131-112 të “Neë Orleans Pelican” ndaj “Houston Rockets”.

Rezultatet e ditës së mërkurë

Milwaukee Bucks 113-112 Charlotte Hornets

Detroit Pistons 103-100 Brooklyn Nets

Indiana Pacers 111-83 Memphis Grizzlies

Orlando Magic 104-101 Miami Heat

New York Knicks 126-107 Atlanta Hawks

Toronto Raptors 116-104 Cleveland Cavaliers

New Orleans Pelicans 131-112 Houston Rockets

San Antonio Spurs 112-108 Minnesota Timberwolves

Utah Jazz 123-117 Sacramento Kings

Denver Nuggets 107-98 Los Angeles Clippers

Phoenix Suns 121-100 Dallas Mavericks

Na qenka themeluar një ekip, nuk dihet kur e si, por është emërtuar Ekipi i Shoqatës Tirana Basketboll Femra. Domethënë, ekipi legjendar Tirana do të ketë një klon, por me ndonjë shtojcë sa për sy e faqe!

Së pari, nuk ekziston në asnjë vend e në asnjë sport që një klub të marrë emrin e një ekipi tjetër. Si mund të regjistrohet në futboll FC Milan përveç AC Milan, apo VL Flamurtari, përkrah FC Flamurtari? Pra, absurdi i parë është pranimi i një klubi me emër identik me një tjetër dhe këtu federata është fajtore.

Së dyti, dhe këtu sërish situata është qesharake, kjo Tirana e re fringo shkon direkt e në Superiore, domethënë në elitën e basketbollit të femrave. E pse? Kush ia jep të drejtën të djegë etapat dhe të mos luajë fare në Kategorinë e Dytë? Federata Shqiptare nuk merr parasysh asnjë rregullore e asnjë parim, qoftë edhe etik, duke deklaruar se “duhej të luhej një Tur Paraeliminator, por u tërhoq Skënderbeu dhe në këtë mënyrë Ekipi i Shoqatës Tirana Basketboll Femra i bashkohet automatikisht Grupit A”.

Automatikisht, a thua se ekipe si Apolonia, Partizani, Kamza e të tjera si këto janë “të njerkës”, që luajnë në kategorinë e dytë, që në fakt sipas FSHB qenka grupi B i Kategorisë 1!

Dhe pastaj thonë “pse nuk zhvillohen sportet në Shqipëri?”.

Një dominim ky absolut i SHBA-ve, që e fitojnë për të tretin edicion radhazi këtë turne dhe nuk njohin humbje që prej vitit 2006, ku në 12 vite kanë fituar 22 ndeshje.  Lojtarja më e dalluar e takimit ishte Britni Grinër me 15 pikë.

Ndeshja u zhvillua në pallatin e rinisë dhe sporteve në Prishtinë në një atmosferë të zjarrtë të tifozërisë vendase. Miqtë fituan periodën e parë më rezultatin (19-20), ndërsa Prishtina reagoi në periodën e dytë, duke e mbyllur atë me rezultatin (26-14) dhe shkoi në pushim me avantazhin e 13-të pikëve (46-33).

Prishtina vazhdoi lojën e mirë duke fituar dhe dy periodat e tjera dhe e mbylli ndeshjen me 20 pikë avantazh (84-64). Fitore e rëndësishme për Prishtinën, që do të zhvillojë ndeshjen e kthimit në Holandë pas dy ditësh.

I fundit ka reaguar dhe Leo Mesi, i cili ka shkruar në rrjetet sociale për bashkëkombësin e tij: “Faleminderit Manu Xhinobili që na bërë të shijojmë kaq shumë basketbollin. Ky sport nuk do të jetë më njësoj pa ty. Të uroj fat për të ardhmen.”

Ylli i Barcelonës ka patur prej kohësh një admirim për mjeshtrin e basketbollit dhe në vitin 2013, Mesi u shprehte me fjalë fantastike për Xhinobilin.

“Di që shumë basketbollistë mbajnë veshur bluzën me numër 10 për të më nderuar mua dhe kjo është diçka tepër speciale. Të marrësh lëvdata nga yje si: Lebron Xhejms, Kevin Durant, dhe Kobi Brajant është një gjë e bukur, por askush nuk bëri atë që bëri Manu. Mbas Kupës së Amerikës 2011, ai më mbështeti shumë dhe më qëndroi afër. Isha shumë krenar kur dëgjova një gazetar që thoshte: Manu Xhinobili është Leo Mesi i basketbollit, por në fakt ai duhet të thoshte të kundërtën; Unë jam Manu Xhinobili i futbollit”, fliste Leo Mesi për basketbollistin argjentinas.

https://www.youtube.com/watch?v=wZRducHYars

“Kam dëgjuar disa kritika kundrejt Xhejms, por nëse dikush më do mua, do dhe fitoret e ekipit. Gjaku im është verdhevjollcë dhe nuk njoh ngjyra të tjera. Nuk ka sens krahasimi midis meje dhe Xhejms. Çdokush që luan basketboll dëshiron të fitojë kampionate dhe kjo gjë vlen dhe për të gjithë lojtarët dhe drejtuesit e Lejkërs. Ky është motivi i të gjithëve që luajnë dhe Xhejms nuk do të zgjidhte Lejkërs, nëse nuk do dëshironte të fitonte. Kush është skeptik kundrejt tij, do të ndryshojë mendje shumë shpejt”, komenton Brajant gjatë një programi televiziv ku ishte i ftuar.

“Rikthim në fushë? Mundësitë për t’u rikthyer janë shumë afër zeros. Kur u tërhoqa, të gjitha deklaruan që do të rikthehesha, sepse nuk do arrija të bëja diçka tjetër. Sfida ime mbasi e mbylla me basketbollin ka qenë që t’u tregoja të gjithëve, që nuk isha një person i aftë për të bërë vetëm një gjë në jetën time. Nuk do të rikthehem më të luaj, me të vërtetë”, përfundon 40-vjeçari, Kobi Brajant.

Quhet Oliver Roks, është 12 vjeç dhe është mbi dy metra i gjatë. E vështirë të mos merresh me basketboll me këtë gjatësi dhe nuk mund të ndodhte ndryshe me Roks. Trupi i tij është “çmendur” dhe është i sigurtë fakti që djaloshi do të zgjatet akoma dhe më shumë. Një fenomen me vete…

Ai është i papërmbajtshëm dhe ndeshjet me moshatarët e vet kthehen shpesh herë në “qesharake”. Askush nuk e ndalon dot, ndërsa Roks nuk ka nevojë fare të kërcejë, por thjesht të ngrejë dorën dhe shënojë kosh. Ai është i talentuar në goditjet nga distanca dhe e ardhmja e tij është e ndritur.

Gjithçka nisi me epërsinë e Kosovës, që e mbylli gjysmën e parë të lojës 39-30. Në dy periodat e fundit u ruajt epërsia dhe në fund 18-vjeçarët e drejtuar nga Ibrahim Karabegu kishin të gjitha të drejtat e botës kalimin në finale. Historike!

Erhan Sholla, kapiteni i Kosovës, shkëlqeu me 15 pikë, ndërkohë që pati edhe mbështetjen e Rilind Krasniqit (14 pikë), Leon Nezirit (13 pikë) dhe Rron Ukajt me 12 pikë.

Gjithsesi akoma nuk ka mbaruar asgjë, pasi sot prej orës 19:300 luhet finalja me Qipron dhe transmetohet drejtpërdrejt në Supersport. Kosova do mundohet të shfrytëzojë mbështetjen e publikut për të fituar titullin Kampion Europe në Divizionin C.

Qipro ka qenë në grup me Kosovën dhe i ka mundur, por sërish besohet te fitorja. Edhe Irlanda ishte favorite për të kaluar në finale, por në fund u mposht.