basketball

“E kalova testin e drogës falë trajnerit tim dhe një… penisi fallco!”

Sport Ekspres — Fri, 26 Jul 2019 20:44:39 +0000

Lamar Odom ka qenë pjesë e ekipeve si Los Anxhelos Lejkërs, Majemi Hits, Dallas Maveriks dhe Los Anxhelos Klipers në NBA. 39-vjeçari është shpallur dy herë kampion me Lejkërsat, ndërsa në Lojërat Olimpike Athinë 2004 ishte pjesë e kombëtares amerikane të basketbollit.

Gëzimi i madh i grumbullimit me “Dream Team” u kthye menjëherë në makth kur mësoi se i duhej të kalonte një test anti-doping. Odom kishte tymosur lëndë narkotike gjatë gjithë verës dhe testi do e nxirrte shumë keq.

“Darkness of Light”, ndryshe errësira e dritës quhet libri i tij i kujtimeve, aty ku ka zbuluar dhe këtë fakt gati të pabesueshëm. Ish-basketbollisti veproi shpejt, u ndihmua nga trajneri i tij dhe testi doli me sukses.

“Lumturia e grumbullimit me 12 lojtarët më të mirë amerikanë u kthye shpejt në makth. Më thanë që duhej të kaloja testin e drogës përpara se të merrja pjesë në Lojërat Olimpike. S’kisha shans për ta kaluar, sepse kisha tymosur gjithë verës. Testi zhvillohej pas pak ditësh dhe unë nisa punën në internet. Filluam kërkimin e penisëve fallco.

Pamë opsione të ndryshme dhe në fund porositëm një penis të zi të madh. Porosia vinte një ditë më pas. I kërkova trajnerit të bënte urinën në rezervën që mbante penisin, që fshihej në testikuj. Kur duhej ta bëja unë, kalova atë të trajnerit me kujdes nëpërmjet një vrime. Për fat askush nuk kuptoi gjë dhe testi im doli negativ. Ishte urina e trajnerit dhe penisi fallco ata që më shpëtuan.“

Debutuesit shkëlqejnë në “NBA”, Ejton mund i vetëm “Rockets”

Sport Ekspres — Thu, 18 Oct 2018 08:27:11 +0000

Shumë ndër zgjedhjet e para të draftit të 2018-ës bënë debutimet e tyre këtë të mërkurë në majën e basketbollit botëror “NBA”. Ai që spikati më shumë Deandre Aiton i “Phoenix Suns”, që ishte zgjedhja e parë e draftit. Aiton debutoi ndaj “Dallas Mavericks”.

Aiton e mbylli ndeshjen me 18 pikë dhe gjashtë asiste, ndërsa skuadra e tij fitoi me rezultatit 121-100. Slloveni Luka Donçiç, i cili ndodhej në krahun tjetër të fushës shënoi dhe pikë në këtë takim.

Mo Bamba ishte një ndër debutuesit që impresionuan publikun. I futur në lojë nga stoli për skuadrën e “Orlando Magic”, Mamba që ishte zgjedhja e gjashtë e draftit, arriti të shënonte 13 pikë ndaj “Miami Heat”, si dhe kreu një përformancë të mirë në fazën mbrojtëse.

Basketbollisti më i mirë i ndeshjeve të para, ka qenë padyshim Entoni Dejvis, i cili regjistroi 32 pikë, tetë asiste dhe tri bllokime në fitoren 131-112 të “Neë Orleans Pelican” ndaj “Houston Rockets”.

Rezultatet e ditës së mërkurë

Milwaukee Bucks 113-112 Charlotte Hornets

Detroit Pistons 103-100 Brooklyn Nets

Indiana Pacers 111-83 Memphis Grizzlies

Orlando Magic 104-101 Miami Heat

New York Knicks 126-107 Atlanta Hawks

Toronto Raptors 116-104 Cleveland Cavaliers

New Orleans Pelicans 131-112 Houston Rockets

San Antonio Spurs 112-108 Minnesota Timberwolves

Utah Jazz 123-117 Sacramento Kings

Denver Nuggets 107-98 Los Angeles Clippers

Phoenix Suns 121-100 Dallas Mavericks

Vazhdon hegjemonia e SHBA-ve, kampione bote për të tretën herë radhazi

Sport Ekspres — Sun, 30 Sep 2018 23:02:32 +0000

Përfaqësuesja e Shteteve të Bashkuara të Amerikës në basketbollin e femrave ka arritur një tjetër triumf historik. Vajzat amerikane janë shpallur për të dhjetën fitues të Botërorit të basketbollit, duke mundur Australinë me rezultatin 73 – 56.

Një dominim ky absolut i SHBA-ve, që e fitojnë për të tretin edicion radhazi këtë turne dhe nuk njohin humbje që prej vitit 2006, ku në 12 vite kanë fituar 22 ndeshje. Lojtarja më e dalluar e takimit ishte Britni Grinër me 15 pikë.