Halili ka veçuar se skuadra e tij nuk ka asnjë problem me licencimin dhe për këtë pjesë është më se i bindur. Edhe për pjesën e borxheve numri një i skuadrës 24 herë kampione është mjaft i qartë.

NDESHJA – “Shpresoj që të bëjmë vazhdimisht më të mirën dhe t’i largohemi zonës së rrezikut. Ndeshjet duhet t’i marrim një nga një. Pjesa e parë ishte e tensionuar,  megjithatë vazhdoj të them se ekipi është i plotë. Për sa i përket merkato, kam thënë se skuadra ka mjaft lojtarë të mirë. A ka nevojë për blerje? Mirë është që të ketë sa më shumë, por ndonjëherë blerjet dhe e shqetësojnë skuadrën”.

MERKATOJA – “Trajnerin do iu them me plot gojë, shumë i qetë, që mund të rrijë 100 vjet në klubin e Tiranës, nuk ka asnjë problem për mua. Çdo gjë që ai thotë qëndron, por nuk ka lojtarë shqiptarë në treg. Nuk është e lehtë që të bësh merkato. Problemi është që lojtarët që kemi parë kanë qenë të zënë, pasi te klubi ynë nuk ka lojtar që nuk do të vijë. Nëse një lojtar do të dilte i lirë qoftë nga kampionati jonë apo diku tjetër do e merrnim. Deri tani negociojmë dhe vazhdojmë deri në fund dhe në rast se ka blerje do të merret vesh”.

SHITJA E AKSIONEVE TË BASHKISË – “E keni dëgjuar që bashkia do të shesë aksionet. Për të folur për këtë punë duhet shumë. Do iu thoja që në momentin që aksionet dalin në shitje, kuptohet që do të jetë shumë mirë. Me siguri, do të kemi blerës, ose pronarë të rinj. Do të bëhet shumë mirë për skuadrën, pasi aksionari i ri që mund të vijë paguan dhe ekipi bëhet më i fuqishëm si në anën financiare si në menaxhim”.

SITUATA E AKSIONEVE – “Klubi është shitur. Stema është shitur dhe është e përjetshme, private. Privati ka dy aksioner. Një është Halili dhe një bashkia. Stema është e përjetshme, asetet janë dhënë në përdorim, që të mos merakoset askush. E vetmja gjë që duhet, nëse vijnë aksionerë të rinj, do të jetë diçka shumë e mirë për të gjithë, si për klubin, si për spektatorët. Unë jam i hapur për të bërë gjëra të mira”.

LICENCIMI PËR KUPAT E EUROPËS – “Të jeni të sigurt që nuk do të kemi asnjë problem për liçensimin. Do të plotësojmë të gjitha kushtet që ka qoftë federata shqiptare, qoftë rregullat që ka UEFA për liçensimin. Rëndësi ka të ecim para, pasi këto gjëra rregullohen”.

BORXHET – “Mendoj që na kanë bërë një dëm jashtëzakonisht shumë të madh, si nga ana financiare si nga çdo tjetër. Ju e dini shumë mirë që ne i plotësuam kushtet shkuam në Kupat e Europës, harxhuam 70 mijë euro për atë aktivitet. Bëmë fazë përgatitore dhe luajtëm ndeshjet, por ky ishte kismeti jonë. Shpresoj që gjithë të këqijat t’i ketë marrë viti 2018 që kaloi”.

“Ka nisur procedura e dorëzimit të dokumentacionit. Mbetet relacioni teknik, që përmbyllet nga kolaudimi i punimeve të kryera, çka është një pjesë teknike. Më pas, Bashkia Shkodër pret që të marrë në dorëzim stadiumin”.

“Ne presim që në hapësirat e tjera, të destinuara për t’u përdorur, t’i vëmë në dispozicion për ekipet e shumsportëshit të Vllaznisë, të cilat i ushtrojnë aktivitetin e tyre në pallatin e sportit dhe kanë domosdoshmëri edhe hapësira të tjera, për t’u vënë në shërbim dhe Loro Boriçi mund t’ua japë”, tha kryebashkiakja.

Gjatë viteve të fundit stadiumi “San Paolo” ka përfunduar në një gjendje skandaloze. E gjitha kjo për shkak të konflikteve mes presidentit De Laurentis dhe kryetarit të Bashkisë së Napolit. Ky i fundit nuk ka pranuar kërkesën e De Laurentis për dhurimin e një parcele toke, ku producenti dëshiron të hedhë themelet e stadiumit të ri të Napolit.

Refuzimi i kërkesës bëri që De Laurentis të mos merrem më me mirëmbajtje e stadiumit, diçka që sipas kontratës i takon bashkisë si pronare e godinës. Pas vitesh “harresë”, shkallët e “San Paolo”-s do të marrin një pamje tjetër. Stolat e kuq do të jenë një pjesë e së shkuarës, pasi në vend të tyre do të vendosen stola ngjyrë të kaltërt. Ky rinovim do t’i kushtojë bashkisë 14 milionë euro.