Afrikani ka dhënë një prononcim të sinqertë për “Daily Mail”, aty ku zbulon një sekret të jetës së tij. Dikur u trishtua aq shumë sa tentoi të vriste veten. Ishte vetëm 16 vjeç, por për fat të mirë një mik i shpëtoi jetën.

Më pas ngjarja e tmerrshme e ndodhur me kombëtaren e vendit të tij. Ishte 8 janari i vitit 2010 kur autobusi i kombëtares së Togos u sulmua nga terroristë, ndërkohë që vdiqën tre persona.

Mes tyre edhe Obilale, i cili luante në rolin e portierit. Adebajor e mbyll me një detaj interesant sa i përket Zhoze Murinjos dhe Kristiano Ronaldos, gjatë kohës kur ishte pjesë e Realit të Madridit.

TENTATIVA – “Isha vetëm 16 vjeç dhe luaja me Metzin në Francë, aty ku fitoja rreth 3 mijë sterlina në muaj. Familja ime kishte kërkuar një shtëpi që vlente 500 mijë sterlina. Klubi ishte lodhur me sjelljet e mia. Mbaj mend që isha shtrirë një natë në krevat dhe po mendoja: ‘Çfarë po bëj këtu? Askush nuk është i kënaqur me mua, kështu që pse të jetoj?’

Kisha një farmaci poshtë shtëpisë ku banoja dhe bleva një paketë tabletash. Nuk donin të mi shisnin, por ju thashë që më duhen për bamirësi në Togo. U ngjita lart, bëra përgatitjet dhe isha gati për të pirë gotën. Në atë moment mora në telefon mikun tim më të mirë. Ishte mesi i natës. Ai më shpëtoi jetën. Më tha se kisha shumë motive për të vazhduar përpara dhe insistonte se kisha potencial për të ndryshuar Afrikën.”

FAMILJA – “Kam patur vështirësi me to. Unë dëshiroja me gjithë shpirt t’i ndihmoja, por ata më vunë në një presion të madh. Nuk mund t’ia dilja dot. Kur një familje është e varfër, të gjithë janë të varfër dhe ka shumë solidaritet në mesin e anëtarëve të familjes. Njerëzit e tu janë gati të marrin plumbin për ty. Por kur dikush ia del, atëherë është sikur të futesh në borxh me të gjithë.”

SULMI – “Për 42 minuta kemi dëgjuar vetëm të shtëna nga të gjitha anët. Dëgjoja miqtë e mi duke ulëritur me të madhe, por nuk mund të lëviznim apo të bënim diçka. Si kapiten që isha, ju thashë gjithë lojtarëve që të telefononin familjarët e tyre. Unë i telefonova të dashurës time dhe i thashë: ‘Dëgjo, sepse po largohem’. Ajo ishte shtatzënë dhe më pyeti se ku po ikja. Mblodha veten dhe i thashë: ‘Nëse fëmija do të jetë djalë, quaje Emanuel Jr. Nëse do të jetë vajzë, quaje Emanuela.’ Ajo nuk po kuptonte gjë. I thashë që do e telefonoja më vonë, nëse do të isha gjallë dhe mbylla telefonin.”

REALI – “Një ditë Zhoze Murinjo u tërbua keq me Ronaldon. Kristiano kishte shënuar tre gola, por trajneri i tha: ‘Të gjithë thonë që je lojtari më i mirë në botë, por po luan dobët. Më trego se je me të vërtetë më i miri’. Ronaldo mund të shënonte tre gola, por po kaq rëndësi kishte edhe ajo që nuk kishte arritur të bënte. Ai stërvitej me ne sikur po stërvitej me djemtë e tij. Bënte numra të pabesueshëm. Unë dhe Sergio Ramos ishim ‘mbretërit’ e palestrës, por kur erdhi Kristiano… “

Tribünler kar??t? pic.twitter.com/yScOX3JFLX

— GOLALOOO (@golalooo) May 19, 2019

Pjesa e parë u mbyll me avantazhin e miqve, rezultat i cili i jepte titullin. Gjithsesi, Fatih Terim duket se i kishte karikuar në maksimum të tijtë, të cilët pa u mbushur ende dy minuta gjetën barazimin.

Një perlë e vërtetë e Sofian Feguli, me algjerianin që shënoi me një roveshatë perfekte, duke çuar shifrat në 1-1.

Vendasit nuk u mjaftuan me kaq, teksa u hodhën përsëri në sulm për të gjetur fitoren. Goli më i rëndësishëm i sezonit erdhi në minutën e 64-të, ku autor ishte Henri Onjekuru.

Një sezon fantastik për nigerianin, i cili e finalizon në mënyrën më të mirë të mundshme. Festë e çmendur në shkallët e stadiumin, me Gallatan që rezistoi deri në fund dhe festoi titullin kampion.

Mahmut ve Belhanda tart??t? pic.twitter.com/X31OW3pHM7

— GOLALOOO (@golalooo) May 19, 2019

Pas triumfit në Kupën e Turqisë, “Luanët” e Stambollit festojnë edhe titullin, duke kurorëzuar në mënyrë perfekte këtë sezon.

Në Turqi u duk sezoni i Bashakshehirit, klubit anonim nga Stambolli që para pak vitesh u privatizua me bekimin e presidentit Erdogan dhe krejt papritur nisi investime të frikshme, duke afruar shumë lojtarë të famshëm e më paga të konsiderueshme.

Rritja e Bashakshehirit shkoi kundër rrymës, sepse kampionati turk ka pasur krizë të thellë financiare dhe klubet gjigante kanë ulur ndjeshëm shpenzimet, të detyruar nga borxhet e shumta. Jo më superstarë në fund karriere, por pak lojtarë me emër dhe shumë turq, mundësohet të rinj.

Këtu përfitoi Bashakshehiri, sepse Fenerbahçe është në krizë të thellë dhe Beshiktashi e Gallatasaraj nuk kanë më ekipet e frikshme të viteve të shkuara.

Për muaj të tërë Bashakshehiri mori kreun dhe pati edhe shkëputje të frikshme, aq sa u duk se gara për titull mbaroi pa ardhur pranvera.

Megjithatë, emra si Emre, Arda Turan, Adebajor e Robinjo janë në fund të karrierës dhe nuk kanë rezistuar dot fizikisht. Javët e fundit kanë qenë një torturë e vazhdueshme. Bashakshehiri ka lënë pikë në disa ndeshje rresht dhe nuk ka as entuziazmin e tifozëve nga pas, sepse bëhet fjalë për një klub që më zor i bën bashkë 10 mijë vetë.

Ndërkaq, Luanët e Stambollit, Gallatasaraj, kanë marshuar pa ndalur dhe me fitoren e djeshme 2-0 në derbi kundër Beshiktashit më në fund e kanë kapur rivalin e ri të qytetit.

Një makinë diesel ajo e të madhit Fatih Terim, i cili ka punuar pa zhurmë dhe ka ulur herë entuziazmin e herë depresionin e tifozerisë të jashtëzakonshme që mbështet ekipin edhe në stërvitje.

Tre ndeshje nga fundi, Gallatasaraj i pari për golaverazh më të mirë dhe në horizont është përballja finale, Gallatasaraj-Bashakshehir.

Klubi turk ka arritur marrëveshjen me Robinjon, i cili është larguar nga Sivaspori. 34-vjeçari, i cili ka shënuar 28 gola me kombëtaren e Brazilit, do të luajë pjesën e mbetur të sezonit me ekipin e vendit të parë.

Ka qenë vetë klubi i Bashakshehirit që ka njoftuar marrëveshjen, nëpërmjet një postimi në faqen zyrtare. “Klubi ynë ka arritur marrëveshjen me Sivasporin për transferimin e Robson De Souza (Robinjo)”, shkruhet në deklaratën e klubit, që pret gola nga braziliani i famshëm.

?? “Kulübümüz Robson De Souza (Robinho)’n?n transferi için Demir Grup Sivasspor Kulübü ile anla?maya varm??t?r. Her iki kulübe de hay?rl? olsun.”

Göksel Gümü?da? pic.twitter.com/a7nlFuNmXb

— ?stanbul Ba?ak?ehir (@ibfk2014) December 27, 2018

Megjithatë, për momentin Cikalleshi është në Stamboll dhe ka nisur fazën përgatitore me Istanbul Bashakshehirin.

Klubi kryeqytetas i shkoi pranë titullit sezonin e shkuar dhe tashmë po mendohet për të ardhmen e Cikalleshit, çmimi i të cilit është rritur ndjeshëm, pas muajve të shkëlqyer te Akisari.

Dje Bashakshehiri luajti miqësoren e parë parasezonale, duke mundur 4-1 me përmbysje Triglavin slloven.

Cikalleshi shënoi golin e katërt të skuadrës së tij, në minutën e 83-të, duke treguar se është që tani në superformë, por sulmi i Bashakshehirit është i mbipopulluar, ndaj deri në gusht priten zhvillime.