Barzagli

Dibala me shokë befasojnë Barzalin për ditëlindje, plas gallata për moshën

Sport Ekspres — Wed, 08 May 2019 18:24:21 +0000

Andrea Barzali, një nga shtyllat e Juventusit dhe Italisë në shekullin e ri, ka mbushur 38 vjeç sot.

Veterani italian është befasuar nga shokët e tij të ekipit, sepse kur ka shkuar në dhomat e zhveshjes ka gjetur zbukurime, tullumbace dhe një tortë për ditëlindje.

Dibala ka pasur idenë për festën surprizë, ndërsa ka plasur gallata, sepse në vend të numrit 43, te qirinjtë e tortës dhe te tullumbacet ishte formuar numri 43, duke i shtuar 5 vite moshës së Barzalit.

View this post on Instagram

Tanti auguri @andreabarzagli15 ? sei il numero 1. Ti abbiamo organizzato la festa come bambini di 5 anni ?, tutto questo è perché ti vogliamo bene amico! ????

A post shared by Paulo Dybala (@paulodybala) on May 8, 2019 at 6:44am PDT

“Je numri 1. Të organizuam festën si fëmijët 5 vjeç, sepse të duam shumë, miku ynë!”, shkruan Dibala në Instagram.

Komentet kanë vërshuar në lidhje me numrin 43, pasi shumë tifozë kanë bërë humor, duke u kujtuar juventinëve që edhe klubi ngatërronin numrin e titujve kampionë (2 i janë hequr Juves nga Federata Italiane).

Tetë vite pa BBC për Juventusin, Kaseres kërkon rekordin!

Sport Ekspres — Sat, 02 Feb 2019 13:40:49 +0000

Juventusi pret Parmën sonte në mbrëmje dhe djemtë e Alegrit do të bëjnë maksimumin për t’u rikthyer te fitorja. Humbja e thellë kundër Atalantës nuk është pritur mirë nga tifozët dhe bardhezinjtë e dinë që mënyra më e mirë për të lënë pas krahëve eliminimin në Kupën e Italisë është sigurimi i tre pikëve përballë ekipit emilian.

Alegri ka probleme të shumta në mbrojtje, pasi mungojnë Barzalji, Bonuçi dhe Kielini. Kapiteni ishte i fundit që u dëmtua, ndërsa bardhezinjtë do të luajnë për herë të parë pa treshen BBC që nga viti 2011!

Dyshja e qendrës së mbrojtjes do të formohet nga Rugani dhe Kaseres. Uruguaiani është gati të nisë aventurën e tretë me Juventusin. Në dy “debutimet” e para ai ka shënuar gjithmonë dhe sot do të provojë të ndalojë Zhervinjon dhe të gjejë rrjetën për të tretën herë.

Nga ana tjetër është rikthyer Mario Manxhukiç, i cili ka lënë pas krahëve dëmtimin dhe është gati të rikthehet në fushën e blertë.

Barzali: Jemi ekip i ndërtuar për të fituar çdo trofe!

Sport Ekspres — Tue, 16 Oct 2018 20:04:47 +0000

Andrea Barzali u bashkua me Juventusin në vitin 2011 për vetëm 300 mijë euro, nga gjermanët e Volfsburg. 30 vjeçar në atë kohë, Barzali u pa si një transferim i pakuptimtë, pasi shihej si një lojtar që po e mbyllte me futbollin. Gjithsesi me kohën italiani i tregoi të gjithve që ishte një ndër më të rëndësishmit për Juventusin në arritjen e 7 titujve radhazi në Serinë A.

Mbrojtësi veteran këtë sezon ka më pak mundësi aktivizimi, pasi Bonuçi është rikthyer përsëri te Juventus, si dhe në stol gjithashtu është dhe Benatia e Rugani. 37-vjeçari ka folur në lidhje me ekipin dhe objektivat e Juventus këtë sezon, teksa nuk nguron të deklarojë se Champions tani është një objektiv që duhet përmbushur nga ana e bardhezinjve.

“Nisja e sezonit ka qenë fantastike dhe kemi bërë ndeshje shumë të mira. Nuk është e lehtë t’i fitosh të gjitha ndeshjet. Ky ekip është ndërtuar për të synuar fitimin e çdo trofeu këtë sezon. Në letër është Juvja më e fortë që unë kam luajtur ndonjëherë. Është ekipi më i kompletuar, duke i shtuar këtu që kemi dhe Kristiano Ronaldon tani në ekip. Championsi është një objektiv që duhet të përmbushet”, përfundoi mbrojtësi veteran.