Kaljari gjen marrëveshjen për Barelën, mesfushori kundërshton

Sport Ekspres — Thu, 10 Jan 2019 08:17:30 +0000

Nikolo Barela është një ndër emrat më të lakuar të merkatos, teksa për talentin italian interesohen një sërë ekipesh, si nga Serie A, po ashtu dhe nga Premier Liga. Çelsi thuhet të jetë ekipi që shihet më pranë 21-vjeçarit, i cili vlerësohet shumë edhe nga trajneri Mauricio Sarri.

Sipas raportimeve të fundit në mediat italiane, drejtuesit e londinezëve kanë gjetur marrëveshjen me klubin nga Sardenja, por Barela duket se nuk është dakord për një lëvizje të tillë. Presidenti i Kaljarit, pasi ka gjetur marrëveshjen me Çelsin, thuhet se po e shtyn lojtarin për një kalim në Angli.

Gjithsesi, momentalisht lojtari nuk është dakord. Tashmë, mbetet për t’u parë në rast se Barela do të ndërmarrë një vendim tjetër. Kujtojmë, mesfushori është një ndër lojtarët më të rëndësishëm të Kaljarit prej dy sezonesh e gjysmë, madje në këtë aktual ka mbaruar dhe shiritin e kapitenit.

Në Itali janë të fiksuar pas Barrelës, zbulohet “megaoferta” e Napolit

Sport Ekspres — Sat, 03 Nov 2018 08:24:21 +0000

Mesfushori i Kaljarit Nikolo Barrela është kthyer në një prej lojtarëve më të kërkuar të kampionatin italian. Në zyrën e klubit nga Sardenja po vijnë oferta nga më të ndryshmet për 21-vjeçarin. Një të tillë e ka zbuluar e përditshmja italiane “Il Mattino”.

Oferta e zbuluar nga gazeta italiane ka ardhur nga klubi i Napolit. Nënkampionët e Italisë kanë ofruar 35 milionë euro dhe kartonin e algjerianit Adam Unas në këmbim të shërbimeve të Barrelës, i cili konsiderohet si një ndër mesfushorët me premtues në Europë.

Kontrata e Barrelës me Kaljarin mbaron në vitin 2022, por është mëse e sigurt që 21-vjeçari është në muajt e tij të fundit në ishullin e Sardenjës. Te Kaljari ndihen komod në këtë situatë, pasi shitja e talentit të mesfushës do t’i garantojë atyre një shumë që ta thyejë rekordin e shitjes se francezit Xhonatan Zebina, i cili u ble 16 vite më parë nga skuadra e Romës për 18 milionë euro.