Një rast i tillë ka ndodhur në Itali në futbollin e femrave. Luhej ndeshja midis Fiorentinës dhe Barit dhe ekipi vendas fitoi një penallti. Tatiana Boneti, lojtarja e ekipit nga Firence, godet traversën, topi rikthehet përsëri te ajo që shënon gol, pasi e prek topin dhe dy herë të tjera. Gol i rregullt për arbitrin festa nis në ekipin e Fiorentinës.

Por, gjykatësi sportiv ka vendosur të përsëritet ndeshja. Goli i shënuar është i parregullt dhe arbitri ka bërë një gabim teknik. Rregulli është i qartë: nëse topi i goditur rikthehet përsëri në lojë, çdo lojtar tjetër mund ta prekë atë, përveç autorit (autores) së penalltisë. Kështu që nuk vlen asgjë, Fiorentina-Bari do të nisë dhe njëherë nga fillimi…

Skuadra që shpalli falimentimin para disa muajsh, e ka nisur gjithçka nga fillimi në Serie D. Tifozët e Barit i kanë qëndruar pranë skuadrës në këto momente të vështirë, duke shfaqur një interes të pazakontë në tërheqjen e aboneve sezonale.

Fotot e radhëve e gjata për tërheqjen e aboneve kanë bërë xhiron e internetit në sajtet italiane. Mendohet se vetëm ditën e parë janë shitur 1500 abone sezonale. Bari e fitoi ndeshjen e parë, duke mundur 3-0 në transfertë Mesinën. Këtë të dielë në stadiumin “San Nicola” do të vijë skuadra e Sankataldeses, një takim ku pritet me doemoes fitorja për të respektuar pëkushtimin e madh të fansave.

“Disa kohë më parë më ofruan Barin, që tashmë është pronë e De Laurentis, i cili synon të ndërtojë polin e madh të jugut. E diskutova për disa ditë më djalin tim ofertën, por vendosëm të tërhiqeshim nga ky propozim. Jo vetëm për shkak të largësisë së madhe me Puljan, sepse nuk ishte ajo vështirësia më e madhe.

Hoqa dorë dhe refuzova ofertën, sepse e di mirë se cilët do të ishin hapat e parë pas marrjes së klubit. Për shembull: do të ishte e mundur të mos tundoheshe nga ideja e blerjes së një kampioni brazilian, ose uruguaian? Do të përfundonim duke shpenzuar më shumë para se sa buxheti i parashikuar i klubit”, zbulon Morati për “Il Giornale”.

Emri i fundit që përflitet si kandidaturë për stolin e ekipit jugor është Leonardo Menikini. Ky i fundit njihet edhe në vendin tonë, sepse ka patur një eksperiencë të shkurtër me Tiranën.

Në vitin 2005, 65-vjeçari u ul në stolin e bardhebluve, por pas disa problemeve me drejtuesit, ai u largua, duke e lënë Tiranën në vendin e dytë.

Sipas “Sky Sports”, në zyrën e kryebashkiakut të Barit kanë ardhur 11 oferta. Por, një detaj mjaft interesant është fakti se disa prej ofertave kanë ardhur nga presidentë të skuadrave që militojnë në Serie A, si Antonio De Laurentis i Napolit, Klaudio Lotito i Lacios, Enriko Preciozi i Xhenoas, si dhe Urbano Kairo i Torinos.

Qëllimi i krerëve të klubeve është i qartë. Ata duan ta përdorin Barin si një skuadër të dytë ku mund të dërgojnë lojtarët që nuk kanë hapësira në ekipet e para, si dhe kalojnë në Serie A elementët që spikasin te Bari. Por, fillimisht duhet që Federata italiane e futbollit t’i lejojë presidentëve të drejtën e pronësisë së më shumë se një klubi.

Sot skuadra puljeze mposhti 4-1 Çitadelën në shtëpi dhe vendimtar ishte edhe mesfushori ynë Migjen Basha. Një pikë kyçe në formacionin e drejtuar nga Fabio Groso, Basha shënoi një gol të bukur me kokë në minutën e 20-të, duke barazuar shifrat në 1-1, sepse Çitadela e kishte nisur ndeshjen me gol që në minutën e dytë.

Në pjesën e dytë nisi “furtuna” bareze, sepse Improta në minutën e 48-të, Galano në të 68-tën dhe sërish Basha në të 77-tën me një gjuajtje nga distanca siguruan fitoren spektakolare.

Është dygolëshi i parë në karrierë për mesfushorin 30-vjeçar, i cili këtë sezon ka gjetur një ritëm perfekt, duke u bërë mjaft i rëndësishëm edhe në kombëtaren shqiptare.