barella

Zyrtare: Interi bën goditjen e madhe në mesfushë

Sport Ekspres — Fri, 12 Jul 2019 19:19:35 +0000

Interi zyrtarizon goditjen e radhës në merkato dhe tashmë Nikolo Barella është zikaltër.

“I vendosur, ambicioz. Që sot edhe zikaltër”, shkruan Inter në faqen zyrtare, ndërkohë që mesfushori i Italisë ka kryer kontrollet mjekësore.

? | ANNUNCIO

Determinato, ambizioso

E da oggi Nicolò #Barella è anche nerazzurro ???#WelcomeNicolò ?? #NotForEveryone #FCIM pic.twitter.com/A8LNtHNdMt

— Inter (@Inter) July 12, 2019

Shifra totale që përfiton Kaliari është 45 milionë euro: 12 milionë për huazimin, 25 blerja e detyruar, si dhe një seri bonusesh që arrihen lehtësisht, duke e çuar shifrën në 45 milionë, por mund të shkojë edhe 50 milionë me disa arritje të vështira.

Vetë mesfushori ka firmosur për 5 vite do të marrë 2,5 milionë euro në sezon.

E kryer: Interi blen mesfushorin e kombëtares italiane

Sport Ekspres — Thu, 11 Jul 2019 18:08:16 +0000

Pas javësh të tëra bisedimesh, më në fund Interi ia ka dalë mbanë të bëjë goditjen e madhe që kërkonte në mesfushë, sepse mesfushori Nikolo Barela është zikaltër.

Lajmi konfirmohet nga Sky Sport, që raporton se klubi zikaltër ka gjetur marrëveshjen me Kaliarin, për një shifër totale që shkon diku te 45 milionë euro, plus bonuse, mes huazimit dhe blerjes së detyruar pas një viti.

? #UltimOra #Inter
? È fatta per #Barella: 45 milioni + bonus
? Operazione in prestito con obbligo di riscatto#SkyCalciomercato pic.twitter.com/R8dEWyOJzv

— skysport (@SkySport) July 11, 2019

Kaliari kishte kohë që këmbëngulte për të marrë shifrën që donte, sepse edhe Milani e më pas Roma u futën në garë, por vendosi vetë me dushk i kombëtares italiane, i cili donte Interin.

22-vjeçari vjen nga një sezon i shkëlqyer dhe është tashmë titullar edhe tek Italia, ndërsa Interi e sheh si pasuesin e Raxha Naingolan, i nxjerrë në shitje.

Interi e ka seriozisht, ofertë e majme për të ardhmen e Italisë!

Sport Ekspres — Mon, 17 Jun 2019 08:49:36 +0000

Interi ka treguar që për sezonin e ri ka ambicie të mëdha, teksa emërimi i Antonio Kontes në krye të stolit është një tregues i qartë.

Bepe Marota nga ana tjetër ka nisur të mendojë për merkaton dhe një ndër objektivat kryesorë është padyshim Nikolo Barela. Mesfushori kërkohet me ngulm nga zikaltrit, dhe sipas raportimeve nga “Sky Sport”, oferta e Interit për klubin nga Sardenja është 40 milionë euro plus 10 të tjera bonus.

Bonusi do të aktivizohet vetëm në rast se Interi do të triumfonte në Serie A ose në Champions League. Këtu është dhe i vetmi ngërç, pasi Kaljari kërkon në pjatë menjëherë 50 milionë euro. Gjithsesi, avantazhi i Interit është se Barela dëshiron një kalim vetëm tek ata dhe nuk është i interesuar për t’u bashkuar me Milanin, apo me ndonjë klub tjetër jashtë Italisë.

Junajtid gjen zëvendësuesin e Pogba, “Djajtë e Kuq” sytë te talenti italian

Sport Ekspres — Thu, 02 May 2019 10:51:06 +0000

Mançester Junajtid ka nisur të mendojë për merkaton e verës, teksa Pol Pogba dhe Ander Herrera sipas gjasave do të lënë “Old Traford” për t’u transferuar respektivisht në Madrid e Paris.

Për këtë arsye, drejtuesit e “Red Devils” kanë nisur të mendojnë për përforcime në mesin e fushës. Objektivi i parë duket se është zbuluar dhe do të vëzhgohet këtë fundjavë. Bëhet fjalë për Nikolo Barelën, mesfushorin e talentuar të Kaljarit.
Në fundjavë Kaljari do të luajë në transfertë ndaj Napolit dhe skautë të Junajtid do të jenë të pranishëm për të vëzhguar 22-vjeçarin, i cili është kërkuar me ngulm dhe nga Liverpuli në merkaton e janarit. Barela vlerësohet së paku 40 milionë euro.

Një italian për mesfushën, Arsenali bën gati 50 milionë euro

Sport Ekspres — Sun, 03 Mar 2019 08:32:56 +0000

Skuadra e Arsenalit duket se do të qëndrojë të bëjë merkato në Serie A, pas afrimit me bujë të mesfushorit Torreira nga Sampdoria. Tashmë, “Topçinjtë” interesohen për një tjetër mesfushor në kampionatin italian.

Bëhet fjalë për yllin e Kaljarit, Nikolo Barela. 22-vjeçari është i lidhur ngushtë me një kalim te Napoli, por skuadra londineze ka përgatitur një ofertë shumë më të mirë se se ajo e napolitanëve. Sipas mediave britanike, “Topçinjtë” janë gati të paguajnë 50 milionë euro për shërbimet e tij.

Barela është dëshira e parë e Monçit, drejtorit sportiv të Romës që pritet të shkojë te Arsenali pa mbaruar sezoni aktual. Pritet për t’u parë sesi do të veprohet me këtë transferim, por për Barelan, interesimi mbetet i madh.