Barela

Jo vetëm Sensi, Interi i Kontes siguron firmën e yllit italian

Sport Ekspres — Thu, 04 Jul 2019 15:58:14 +0000

Interi i kësaj vere duke më ambicioz se kurrë këto vite të fundit. Pas firmave të njëpasnjëshme të Lazaro, Sensi e Godin, zikaltrit duket se kanë siguruar shërbimet e Nikolo Barela. Talenti i Kaljarit pritet të jetë blerja më e madhe e bërë deri tani nga Marota në Milano.
Këtë lajm e konfirmon rivali direkt i zikaltërve për shërbimet e Barelës, Petraki. Drejtori sportiv i Romës ishte në bisedime e sipër për të bindur mesfushorin të vijë në kryeqytet, por i gjithë mundi nuk ja ka vlejtur. Dëshira për të qenë pjesë e Interit, klubi që bën edhe tifo, ka dalë mbi gjithçka.

“Nikolo nuk do luajë me Romën. Ai do jetë pjesë e Interit, me Antonio Konten. Gara është e mbyllur tashmë”, u shpreh Petraki. Blerja e një ylli si Barela do të shtonte edhe më shumë cilësinë e mesfushës së Interit. Me ardhjen e 22-vjeçarit dhe me blerjen e një sulmuesi qendre, Interi është gati të luftojë për t’iu afruar sa më shumë Juventusit.

Inter-Barela, në fundjavë vendoset gjithçka!

Sport Ekspres — Thu, 13 Jun 2019 21:58:33 +0000

Inter dhe Kaljari do të takohen këtë fundjavë për të vazhduar bisedimet për mesfushorin Nikolo Barela, sipas “Gazzetta dello Sport”. Barela ka gjetur gjuhën e përbashkët me Interin, pasi ka rënë dakord me kushtet personale të kontratë, por Kaljari mbetet e vendosur në kërkesën fillestare, që është 50 milionë euro.

Nëse Bepe Marota nuk takohet me Tomaso Xhiulinin gjatë fundjavës, ky takim do të zhvillohet në fillim të javës së ardhshme, por Inter duhet t’i përshpejtojë negociatat për të shmangur surpriza të pakëndshme.

PSG mund të bëjë një ofertë faraonike për lojtarin, duke i dhënë Kaljarit 50 milionë euro dhe një kontratë më të pasur për Barelën. Interi i ka ofruar Kaljarit 35 milionë euro plus bonuse, ofertë që është refuzuar. Zikaltërit mbeten favoritët për të siguruar 22-vjeçarin, edhe pse interesimi i PSG-së po rritet.

VIDEO | Barela nxjerr “nokaut” kapësin e topave, historia ka një fund të lumtur

Sport Ekspres — Sat, 08 Jun 2019 20:04:29 +0000

Nikolo Barrela u bë protagonist i një ngjarjeje të çuditshme në takimin e sotëm midis Greqëisë dhe Italisë në Athinë. Në nerva e sipër mesfushori italian shkelmon fort topin që më pas përplaset në fytyrën e një prej kapësve të topave që ndodhej shumë pranë futbollistit.

Menjëherë sapo shikon vogëlushin që bie në tokë, Barrela kapërcen tabelat e reklamave për të parë gjendjen e djalit. Fatmirësisht gjithçka ishte në rregull dhe pas një përqafimi Barela rikthehet në fushë.

Il mio capitano pic.twitter.com/93TFIuyUOf

— rowstock (@rowstock09) June 8, 2019

Interi lëviz, akord paraprak me dy futbollistë për 70 mln euro

Sport Ekspres — Thu, 30 May 2019 14:41:58 +0000

Duke parë ardhjen e Kontes te Interi, skuadra zikaltër ka nisur punën që t’i plotësojë kërkesat trajnerit të ri. Sipas mediave italiane, dëshira e madhe e Kontes është mesfushori i talentuar, Nikolo Barela. Futbollisti i Kaljarit ka bërë një sezon shumë të mirë, duke tërhequr vëmendjen e disa ekipeve të mëdha.

Interi ka nisur menjëherë punën për të bindur skuadrën e Kaljarit, teksa drejtori ekzekutiv i Interit, Xhuzepe Marota, ka takuar presidentin e Kaljarit, Tomasi Guilini. Gjithashtu, flitet se klubet kanë rënë dakord për një shumë që kap 45 milionë eurot.

I njëjti burim, deklaron se përveç Barelës, Interi ka arritur një akord paraprak dhe me yllin e PSV-së, Stiven Bergujin. Për holandezin, do të paguhen plot 25 milionë euro.

Nikolo Barela

Kaljari gjen marrëveshjen për Barelën, mesfushori kundërshton

Sport Ekspres — Thu, 10 Jan 2019 08:17:30 +0000

Nikolo Barela është një ndër emrat më të lakuar të merkatos, teksa për talentin italian interesohen një sërë ekipesh, si nga Serie A, po ashtu dhe nga Premier Liga. Çelsi thuhet të jetë ekipi që shihet më pranë 21-vjeçarit, i cili vlerësohet shumë edhe nga trajneri Mauricio Sarri.

Sipas raportimeve të fundit në mediat italiane, drejtuesit e londinezëve kanë gjetur marrëveshjen me klubin nga Sardenja, por Barela duket se nuk është dakord për një lëvizje të tillë. Presidenti i Kaljarit, pasi ka gjetur marrëveshjen me Çelsin, thuhet se po e shtyn lojtarin për një kalim në Angli.

Gjithsesi, momentalisht lojtari nuk është dakord. Tashmë, mbetet për t’u parë në rast se Barela do të ndërmarrë një vendim tjetër. Kujtojmë, mesfushori është një ndër lojtarët më të rëndësishëm të Kaljarit prej dy sezonesh e gjysmë, madje në këtë aktual ka mbaruar dhe shiritin e kapitenit.