Dy futbollistët janë shokë të ngushtë prej vitesh dhe në prag të kësaj përballjeje kanë hedhur disa ngacmime me anë të komenteve në “Instagram”. Gjithçka ka filluar me një foto të postuar nga Manaj, që shoqërohej me mbishkrimin në gjuhën spanjolle: “Rikthehem me gëzim (alegria)”.

Bare “thumbon” i pari duke shkruar: “Mbaje alegrin deri të dielën vllai”, nuk vonon përgjigja  e Manajt, i cili i bindur se skuadra e tij do triumfojë, shkruan: “Vlla ‘Play off’ do e shihni në televizor ju”.

Në minutën e 29-të të takimit futbollisti shqiptar ngre këmbën në nivel me fytyrën e një prej lojtarëve të ekipit kundërshtar. Arbitri nuk hezitoi ti tregonte kartonin e kuq, pavarësisht lutjeve të Bares, i cili i thoshte se nuk kishte arritur ta shikonte lojtarin në momentin që ngriti këmbën.

Gjatë momentit të daljes nga fusha 21-vjeçari nuk arriti të përmbante dot lotët.

Lorenc Trashi u grumbullua për herë të parë në kombëtare, ndëra Ramadani u rikthye. Mendohej se do të ishte Keidi Bare ai që do të plotësonte mungesat në mesfushë, por për shkak se klubi i Malagas nuk është njoftuar 14 ditë më parë, Bare nuk është pjesë e listës së kuqezinjve.

Malaga luan sot Numancias dhe Keidi Bare është titullar. Po ashtu, mesfushori shqiptar do të luajë sërish të dielën me klubin spanjoll. Bare do të ishte një vlerë e shtuar për kombëtaren tonë, por mungesa e njoftimit kundrejt klubit para 14 ditësh ka bërë që Malaga ta mbajë lojtarin kuqezi, që e konsideron shumë të rëndësishëm.

E njëjta situatë ka ndodhur dhe muaj më parë, me Ivan Balliun. Mbrojtësi i Metz nuk u lejua nga klubi francez që të grumbullohet me kombëtaren, pikërisht nga mungesa e dokumentacionit të kërkuar, si në rastin e Bares dhe Malagës.

MOMENTI MË I MIRË – “E vërteta është që ndihem shumë mirë dhe mund të them se ky është momenti më pozitiv në karrierën time. Por, ka ende vend për përmirësime dhe duhet punuar më shumë. Është vetëm fillimi”.

FIRMA ME MALAGAN – “Ishte dita e fundit e merkatos dhe nuk e prisja një kalim këtu. Por agjenti më telefonoi dhe më kërkoi t’i bashkohesha, që të nënshkruaja. U nisa menjëherë, pa u menduar dy herë”.

PROBLEMI ME EMRIN – “Emri im është Keidi Bare. Keidi nuk është emër shqiptar. Është një emër që prindërit e mi e dëgjuan në TV dhe vendosën të më quanin kështu (qesh)”. 

TRAJNERI – “Marrëdhënie të shkëlqyera. Që në ditën e parë, kemi qenë shumë të lidhur. Më ka ndihmuar shumë dhe Muniz është një trajner shumë i zoti”.

IDHUJT – “Modriç, Iniesta! Dy mesfushorë të shkëlqyer dhe një inspirim për mua. Kur luaja te Atletiko, Koke dhe Saul ishin lojtarët që ndiqja, dy lojtarë shumë, shumë cilësorë”.

LOJA E KEIDI BARES – “Varet nga kundërshtari, por unë dua të bëj gjithçka. Të mbroj, të sulmoj, të ndërroj pozicion. Çdo gjë që më kërkon trajneri. Fakti që unë vrapoj në mesin e fushës dhe ndihmoj shokët e mi, më jep një kënaqësi të veçantë”.

NOFKA “PIT BULL” – “Ma thonë shpesh këtë. Shokët e mi te Atletiko më thërrasin të gjithë ashtu, ndërsa edhe një pjesë e ekipit këtu. Për mua s’ka rëndësi se si më thërrasin, kështu që mund të thonë si të duan (qesh)”.

KARTONËT E VERDHË – “Jam një lojtar që jap 100% në çdo lëvizje timen, prandaj mendoj se ndëshkohem shpesh me kartonë të verdhë. Disa herë gabojnë dhe arbitrat pasi janë njerëz. Gjithsesi jam i befasuar që në çdo lojë ato kapen me mua”.

FIILIMET – “Futboll kam filluar të luaj rrugëve me shokët e mi si të gjithë fëmijët e tjerë. Nuk kishim fusha ku të luanim. Më pas u futa në një ekip, ku trajneri ishte një shok i babait tim. Kam debutuar në moshën 16-vjeçare me Apoloninë në Kupë.”

SPANJISHTJA PERFEKTE – “E kam mësuar falë miqve të mi te akademia e Atletikos së Madridit. Ata më kanë ndihmuar shumë. Nuk ka shkuar asnjëherë ndonjë kurs ose diçka të tillë, vetëm kemi folur në seanca stërvitore dhe në ambientet e skuadrës”.

FTESA NGA KOMBËTARJA ? – “Po shpresoj që të marr një ftesë. Gjithsesi këtë e vendos Misteri (Panuçi). Mua më mbetet të tregoj veten në fushë.  Të gjithë kemi dëshirë që të luajmë për kombëtaren. Është një diçka shumë e bukur. Përjetoj një ndjenjë shumë veçantë kur vesh fanellën e kombëtares”.

PASAPORTA GREKE – “Po kam një pasaportë greke. Pa të nuk do të mund të luaja te Atletiko për të paktën dy vite. Familja ime ka jetuar në Greqi dhe vendosa të merrja shtetësinë, pasi është shumë e lehtë për të luajtur në Europë me atë pasaportë”.

VAR – “Mendoj se futbolli është më mirë pa VAR-in që harxhon shumë kohë gjatë ndeshjes. Nuk më pëlqen.”

ECURIA NË KAMPIONAT – “Nuk humbim prej 7 ndeshjesh dhe kjo është shumë e vështirë në një kampionat kaq të komplikuar si Segunda Divizion. Kam shumë besim te ky grup. Po punojmë mirë në çdo seancë stërvitore, ndërsa në marrim dhe pikët e nevojshme në ndeshje. Me punë mund të arrish gjithçka. Kemi një skuadër të mbushur gjithçka. Kemi një skuadër të mbushur me djem të mirë dhe kjo është më e rëndësishmja”.

REGJIMI I STËRVITJES – “Nuk kënaqem me pak. Një futbollist nuk i mjafton të punojë një orë në stërvitje. Për të bërë progres duhet të punosh shumë. Pa punë nuk mund të arrish asgjë. Babai ka qenë vetë futbollist dhe më ka thënë përherë këtë. Të rrish kot në shtëpi nuk të ndihmon. Mund të bëhesh një lojtar normal pa punë, por nëse sakrifikon mund të shkosh shumë larg. Githmonë në radhë të parë është puna, talenti nuk vlen hiçgjë nëse nuk punon.

JETA JASHTË FUTBOLLI – “Unë jam një futbollist gjatë 24 orëve të ditës. Ndonjëherë në shtëpi shikoj filma, por mbetem gjithmonë i fokusuar pas futbollit. Jam i varur nga ky sport, shikoj shumë ndeshje. Jetoj me familjen dhe kjo më ka ndihmuar shumë. Prania e tyre afër meje është shumë e rëndësishme për mua, pasi e kam lënë familjen time kur isha 11 vjeç dhe ishte një situatë shumë e vështirë për të gjithë ne. Para një viti ata erdhën të jetojnë me mua në Spanjë dhe të pasurit ata në shtëpi më ka lehtësuar shumë”, përfundoi bare.

Kartoni i parë erdhi në minutën e 42-të. Gjyqtari i takimit e ndëshkoi me të verdhë Baren, pasi futbollisti shqiptar lëvizi topin gjatë një faulli të dhënë për skuadrën kundërshtare.

Kartoni i dytë u dha në minutën e 58-të. Bare nuk u tregua i kujdesshëm gjatë dueli ajror duke hapur bërrylin. Lojtari i Las Palmas e bëri pak “teatër” pas kontaktit duke u shtrirë përtokë dhe gjyqtari kryesor Daniel Okon  nuk hezitoi t’i tregonte të kuqen 21-vjeçarit.

Mërgim Vojvoda gjeti sërish rrugën e golit në kampionatin belg pas dy vitesh pritje në fitoren e skuadrës Muskronit ndaj Sporting Sharleruas me rezultatin 3 – 0 . Goditja e mbrojtësit të përfaqësues së Kosovës u ndihmua nga një devijim i kundërshtarëve, çka bëri që topi të përfundonte në rrejtë.

“Ka disa probleme në pasimin poshtë, por është i palodhur në fazën mbrojtëse. I shkëlqyer dhe shumë punëtor. E ka ndihmuar skuadrën shumë në këto momente të vështirë dhe më është përgjigjur gjithmonë. Nuk ankohet dhe mendoj se do të luante edhe me një këmbë për mua (qesh).

Ka bërë dy ndeshje shumë të mira dhe shpresoj të ruajë këtë ritëm. Kur mendon se do të rritet akoma dhe më shumë, më mbush me shpresë se realisht do të krijojmë diçka të madhe së bashku te Malaga”,- përfundoi Muniz.

Një paraqitje madhështore, një “bishë” në mesin e fushës, aq sa pas ndeshjes të gjithë kishin në gojë vetëm 21-vjeçarin shqiptar. Një leksion për veteranët e ekipit, sepse me Baren në fushë mesfusha është shumë më agresive dhe dy fitore rresht nuk janë rastësi.

Trajneri Huan Munjiz foli edhe për Baren pas fitores ndaj Lugos: “Kur flasim që një lojtar i të rinjve bëhet titullar, është sepse ka treguar shumë gjëra. Nuk kishim asnjë dyshim. E ka merituar gjithçka po arrin, ka luajtur dy ndeshje shumë të mira“.

Tashmë talenti i Shqipërisë është titullar, varet veç prej tij që të konfirmohet te Malaga dhe të bëhet lojtar i rëndësishëm edhe te Shqipëria, aty ku jemi në emergjencë totale.

MCFTV| ? …Y con el ’35’… ¡Keidi Bare!

? ¡El jugador albanés debuta hoy como malaguista en #LaRosaleda! ?#VamosKeidi #MálagaLugo?? pic.twitter.com/jzqInyrSmJ

— Málaga CF (@MalagaCF) January 19, 2019

Bare luajti për 90 minuta në fitoren 2 – 1 ndaj Lugos. Skuadra e mesfushorit të kombëtares shqiptare u gjend në disavantazh, por në fund arriti të merrte tre pikët që e çojnë në krye të tabelës së Segunda Divizion, dy pikë larg ndjekësve të Granadës.

Ndërkohë, duket se 21-vjeçari po fiton dhe simpatinë e tifozëve që shkruan elozhe të shumta për paraqitjen e shqiptarit në rrjetet sociale. Gjithsesi, një kritikë për lojtarin mund të jetë raporti shumë i afërt me kartonët e verdhë, që nuk e shmangu dot as në takimin e sotëm.

Si pasojë, Bare qëndroi gjashtë muaj te skuadra e dytë, Malaga B, por tani në janar, ka mundësinë të kalojë te skuadra e parë e Malagës. Një dëmtim i gjatë i Havier Ontiveros ka bërë që Bare të promovohet te skuadra e parë, aty edhe ku është stërvitur këto dy ditë.

Ish-kapiteni i Shpresave me shumë gjasa do të luajë me rifillimin e kampionatit. Në gjysmën e parë të sezonit, Bare u grumbullua vetëm njëherë me skuadrën e parë, ku u aktivizua vetëm për pak sekonda.

Tani, Bare pritet të jetë pjesë e plotë e skuadrës dhe me shumë gjasa, do ta shohim me shpesh në formacionin e skuadrës së Malagës.

Skuadra e Atletikos po ashtu ka mbajtur një përqindje të kartonin në rast se mesfushori do të shitet në të ardhmen. Duhet theksuar se për Baren ka pasur interesim konkret nga Greqia, Danimarka, Angli dhe jo vetëm.

Një mundësi e mirë për lojtarin që të rritet dhe të ketë më shumë hapësira, pasi nuk po gjente dot minuta në ekipin e parë të Diego Simeones. Bare ka qenë i grumbulluar dhe nga skuadra e parë e Kombëtares. Për pak minuta pritet që të vijë dhe prezantimi zyrtar. Një hap i madh për Baren që tashmë do ta shohim më shpesh në fushën e blertë.

Mnesfushori i kombëtares shqiptare e teproi në atë takim, sepse në fillim të ndeshjes ofendoi rëndë, me sharje banale nga nëna, arbitrin e takimit, i cili e përjashtoi me karton të kuq dhe shënoi gjithçka në raportin e ndeshjes.

Komisioni i Disiplinës e ka dënuar sot me 8 ndeshje fierakun, si dhe me një ndeshje pezullim për kartonin e kuq, që do të thotë 9 ndeshje mungesë. Sezoni aktual merr fund, por edhe sezoni i ardhshëm do të nisë me pezullim për Baren, i cili duhet të nxjerrë mësime nga kjo histori, sepse në nivele kaq të larta nuk tolerohen sjellje të tilla rrugaçërore, aq më shumë që bëhet fjalë për një futbollist të ri, që synon të luajë rregullisht në ekipin e parë.

Mesfushori i kombëtares sonë doli me karton të kuq që në minutën e 15-të sot, në sfidën delikate kundër Deportivo La Korunjas B.

Atletiko kërkonte fitoren për të qëndruar pranë zonës play-off për ngjitje në Segunda, ndërsa Deportivo me 3 pikë merrte kreun e tabelës.

Kartoni i kuq ishte vendimtar, sepse në pjesën e dytë Deportivo dominoi dhe fitoi 4-1, duke nxjerrë jashtë gare Atletikon.

Mesfushori i kombëtares sonë është aktivizuar nga minuta e parë në ndeshjen e Kupës së Mbretit në Elçe, mbyllur 1-1.

Një orë në fushë për Baren, i cili luajti si mesfushor i djathtë, duke marrë vlerësime mjaft pozitive në media pas ndeshjes.

Simeone ka konfirmuar se ka shumë besim tek shqiptari, i cili dje ishte një ndër dy të rinjtë që gjetën hapësirë në formacion.

Tani shpresa e Bares është që të luajë më shumë në ekipin e parë, por në janar nuk përjashtohet huazimi, për të fituar eksperiencë e minuta.

Sot në mbrëmje Atletiko do të luajë ndeshjen e vajtjes së Kupës së Mbretit në Elçe dhe është momenti që Bare të debutojë, madje që nga minuta e parë, sipas raportimit nga agjencia spanjolle e lajmeve EFE. Mesfushori shqiptar pritet të luajë nga krahët së bashku me argjentinasin Niko Gajtan, me Augusto Fernández e Partej në qendër.

Së bashku me Baren, priten të luajnë nga minuta e parë edhe portieri Moja, mbrojtësi Sime Vrsaljko, sulmuesit Fernando Torres e Lusiano Vieto, por edhe mbrojtësi i ri Sergi Gonzalez. Kjo është kuptuar nga stërvitja e së hënës në ‘Ciudad Ëanda de Majadahonda’, ku binte në sy mungesa e shumë titullarëve, të lënë pushim.

Bare është një pikë kyçe te Shqipëria U-21, por edhe tek Atletiko Madrid B, ku është titullar fiks dhe në 8 ndeshje ka shënuar një gol këtë sezon.

Selta shënoi e para pas 68 minutash, por Bare evitoi humbjen dhe shënoi golin e parë personal për sezonin e ri, i pari gol zyrtar pas dy vitesh, sepse për herë të fundit kishte shënuar në tetor 2015, në një ndeshje të Youth League, fituar 7-1 ndaj Astanës.

Anton Cicani

Goli ndaj Liverpulit duket se e ka vendosur në një tjetër dimension. Tashmë, Kejdi Bare ka një përgjegjësi apo detyrë shumë të rëndësishme: të tregojë se ai gol dhe ajo paraqitje në “Audi Cup” të Gjermanisë (turneu prestigjioz u morrin pjesë Atletiko, Liverpuli, Bajerni dhe Napoli) nuk ishte rastësi, por “stigmata” e një ylli që po lind dhe të cilit po ia fërgon talentin një “gjeneral” si Diego Pablo Simeone. Por, për Kejdi Baren, që në jetën e tij, deri tani është mësuar t’i arrijë të gjitha me punë dhe sakrifica, ka qëndruar përpara tv edhe Kristian Panuçi, trajneri i kombëtares së Shqipërisë, që mori vendin e Xhani de Biazit. Dhe, në një prononcim ekskluziv për “Sport Ekspres”, ish mbrojtësi i Romës, i pyetur për Baren, dha një mesazh të rëndësishëm, që duhet të gëzojë mesfushorin fierak dhe familjen e tij, sidomos të atin Artan Bare, që ka qenë dikur futbollist…
“Më pëlqen shumë. E ndoqa me vëmendje ndeshjen Atletiko Madrid-Liverpul dhe m’u duk mjaft interesant. E kam parë edhe herë të tjera. Më duket një futbollist në rritje dhe që duhet të vazhdojë kështu si e ka nisur”.

Vajushi – Sakaq, i pyetur për një tjetër “beniamin” të tij, Armando Vajushi, që sigurisht ka kaluar një periudhë të vështirë mes dëmtimeve dhe formës së mirë që gjithmonë e më shumë ishte e vështirë të arrihej, ja se çfarë ka thënë Panuçi: “E kam nën vëzhgim, sepse e njoh shumë mirë dhe e di se çfarë mund të më japë. Natyrisht, ka pasur probleme fizike që e kanë ndaluar disi karrierën e tij, por tani është në rrugën e duhur për t’u rikuperuar dhe uroj që ta bëjë sa më shpejt. E ndjek me kënaqësi, pasi e kam pasur futbollist timin dhe e kam stërvitur. E di mjaft mirë se çfarë mund të më japë”.

Skema – Vajushi është lojtar krahu dhe skema e Panuçit është sidomos në krahë, por trajneri shpjegon se “nuk është çështje skeme por futbollistësh që ke në dispozicion dhe cilësitë e tyre tekniko-taktike. Natyrisht, skema mund të variojë”

Dyert e hapura – Një vëzhgim të qartë rreth të rinjve, sidomos te U-21, ku ka disa elementë të rëndësishëm dhe me të ardhme. Panuçi i monitoron dhe shprehet: “Po ndjek të gjithë, por në kombëtare, e kam thënë, dyert do të jenë e hapura. Nuk ka rëndësi se sa vjeç je, pra je i vogël në moshë. Nëse bën mirë dhe bie në sy, atëherë pse jo të mos grumbullohesh”.

Prrotagonist absolut te “colchoneros” në ndeshjen e Audi Cup kundër Liverpulit, Bare rrëfen për Supersportin emocionet.

“Jam shumë i lumtur që shënova përballë një ekipi shumë të madh si Liverpuli. Ishin emocione shumë të mëdha, sepse ishte goli im i parë me Atletikon dhe këtë moment e ëndërroja prej kohësh. M’u dha rasti dhe e shfrytëzova në maksimum. Shpresoj të vazhdoj kështu dhe të paraqitem sa më mirë në ekipin e parë të Atletiko Madrid.”

Keidi është bërë një lojtar i vlerësuar nga të gjithë në skuadër dhe pas ndeshjes vërshuan urimet: “Pas ndeshjes, për mua ishte një atmosferë shumë e mirë, shumë e bukur dhe shumë e veçantë. Më uruan shumë lojtarë, të cilët janë legjenda për klubin, si Fernando Torres dhe me radhë. Për golin më uruan trajnerët dhe lojtarët, të gjithë. U ndjeva pjesë e tyre. Më thërrisnin në spanjisht “goleador”, që do të thotë golshënues.”

Diego Simeone ka besim të madh tek ai, por djaloshi nga Fieri shfaqet modest dhe i matur: “Unë bëra vetëm detyrën që më takonte në fushë. Bëra atë që më kërkoi trajneri dhe shpresoj që ta kem bërë sa më mirë.”

Tashmë për Baren nisin ëndrrat e mëdha. Kapiten dhe lojtari më i rëndësishëm i Kombëtares Shpresa, tashmë ëndrra e radhës është debutimi me ekipin e parë të Shqipërisë: “Gjërat vijnë hap pas hapi. Do isha shumë i lumtur që të isha pjesë e Kombëtares së madhe. Por, unë do të shkoj atje ku do të më thërrasin dhe shpresoj të jap më të mirën atje ku do të jem. Nëse më grumbullojnë në Kombëtaren e madhe të jap maksimumin atje dhe nëse do të jem me ekipin Shpresa përsëri do të bëj më të mirë. Të jesh pjesë e Kombëtares së madhe është diçka shumë e veçantë. Fanella kuqezi është si një lëkurë e dytë për mua dhe e pres me padurim debutimin me ekipin e parë të Shqipërisë.”

Atletiko e Madridit barazoi dje 0-0 në një miqësore kundër Tolukas në Meksikë dhe gzeta El Mundo Deportivo ka bërë një analizë, duke e cilësuar mesfushorin shqiptar “surprizën e këndshme” të miqësores së parë sezonale për skuadrën e drejtuar nga Diego Simeone.

“Bare ka lënë përshtypje të mira në fazën përgatitore deri tani, është një futbollist që i pëlqen shumë Simeones sepse nuk kursehet kurrë në aspektin fizik. Mund të luajë thuajse në çdo pozicion në mesin e fushës, edhe pse gjithmonë ruan një profil mbrojtës. Përveç kësaj, ka një gjuajtje të mirë nga distanca dhe vizion të shkëlqyer loje. Së shpejti do ta njihni mirë. Tani është anëtar i Shqipërisë U-21, por pak i mbetet që të bashkohet me kombëtaren e madhe. Bare u fut në pjesën e dytë, luajti rreth 30 minuta ndaj Tolukas, duke shkëlqyer dhe duke tentuar edhe një gjuajtje nga distanca, që shkoi pak mbi traversë”, shkruan Mundo Deportivo.

Do të jetë një verë pa asnjë përforcim për Atletikon, që është dënuar nga FIFA të mos blejë asnjë lojtar, ndaj trajneri Diego Simeone do të bazohet te skuadra e sezonit të shkuar dhe tani e tutje do të jenë pjesë fikse e ekipit të parë edhe disa lojtarë të rinj, mes të cilëve bie në sy emri i mesfushorit tonë Keidi Bare.

Si zakonisht, Atletiko do të kryejë disa udhëtime, në Meksikë, Gjermani e Angli, për miqësore, ndërsa Bare do të ketë shansin të tregojë se e meriton të qëndrojë për sezonin e ardhshëm, edhe pse në janar Atletiko do të ketë mundësi të blejë lojtarë dhe nëse Bare nuk do të ketë minuta, mund të huazohet.

Bare flet edhe për të ardhmen: “E ardhmja? Tani për tani jam pjesë e Atletikos, ku do të jap maksimumin për të bërë sa më mirë dhe për të gjetur hapësira”.