Largimi i Lukas Dinj një vit më parë la Barcelonën pa një mbrojtës rezervë në rast dëmtimi të Zhordi Albës, i cili sezonin e kaluar u detyrua të luante një numër rekord prej 54 ndeshjesh në të gjitha kompeticionet. Me ardhjen e Firpos kjo problematikë ka marrë një zgjidhje përfundimtare.

? All the details about @@JuniorFirpo03, new Barça player
?? #ReadyToColor

— FC Barcelona (@FCBarcelona) August 4, 2019

Firpo ka lindur në Republikën Dominikane, por familja e tij emigroi në Spanjë vite më parë. 22-vjeçari është     aktivizuar rregullisht me grupmoshat e kombëtareve spanjolle dhe ishte një ndër lojtarët kyç të suksesit të Spanjës në Europianin e 21-vjeçarëve.

Deri në moshën 21-vjeçare, Firpo u aktivizua me ekipin B të Real Betis, por një shans i dhëna nga trajneri Kike Setien u shfrytëzua më së miri nga futbollisti i ri. Një ndër golat e pakët të karrierës së tij është pikërisht ndaj Barcelonës. Firpo shënoi golin e parë në fitoren shokuese 4 – 3 të Real Betis në “Camp Nou”.

Eksperienca e brazilianit te Barcelona ka rezultuar tepër zhgënjyese. Malkom është aktivizuar më së shumti si zëvendësues duke marrë vetëm 610 minuta në total gjatë sezonit të kaluar të kampionatit spanjoll, ku shënoi vetëm një gol.

Malkom pati oferta dhe nga dy klube angleze, por në fund zgjedhja e tij ishin kampionët e Rusisë, ku do të jetë blerja rekord në historinë e klubit.

?????? — ? «??????»! ??

????-????-??????? ? ?????????? ???? «?????????» ???????? ?????????? ? ???????? ???????????? ?????????????. ??? ???????????: https://t.co/eUVjBLAPux#??????????? pic.twitter.com/bh56ZJ74LO

— ?? «?????»? (@zenit_spb) August 2, 2019

“Klubi nuk ka projekt, s’ka një model që duhet ndjekur. E vetmja strategji i Bartomeut gjatë viteve të fundit ka qenë shpenzojë para që realisht klubi nuk i përballon dot për lojtarë që kanë dështuar krejtësisht. S’po punojmë më me “La Masian”. Në kohën time kjo ishte diçka thelbësore. Na u desh të ishim të duruar dhe t’u jepnim mundësi shumë lojtarëve”.

“Situata financiare e klubit është delikate. Barcelona gjithmonë ka blerë lojtarët më të mirë, por ka pasur gjithmonë një planifikim financiar. Bartomeu po falimenton klubin. Pse mendoni se është shtyrë projekti për rinovimin e Camp Nou”.

REAL MADRID –“Ata po shpenzojnë shumë të mëdha parash. Duan vetëm suksesin në Champions, nuk u interesojnë fare kampionati ose kupa. Nuk është një model që më pëlqen mua, por s’mund ta mohoj se kanë pasur një sukses të pabesueshëm gjatë viteve të fundit”.

Malkom është lojtari me vlerën me të shtrenjtë. Në Barcelonë shpresojnë që të fitojnë të paktën 40 milionë euro nga shitje e mëngjarashit, shumë kjo e njëjtë me atë që u shpenzua një vit më parë për të blerë kartonin e tij nga francezët e Bordosë.

Rafinja, i cili vjen nga një dëmtim synohet që të shitet për 20 milionë euro. Valencia dhe Fiorentina janë dy klubet më të të interesuara për brazilianin.

https://twitter.com/barcacentre/status/1155604879458615296?s=20

Në video të shpërndara në rrjetet sociale shikohen momentet e panikut që përfshinë futbollistin e famshëm. Menjëherë pas incidentit Mesi o shoqërua jashtë ambienteve të koncertit,

https://twitter.com/barcacentre/status/1155606804811976706?s=20

Por, në vitin 2012, kur Firpo ishte vetëm 15-vjeç, ka thënë disa gjëra aspak të mira për Lionel Mesin, që me shumë gjasa do e ketë shok skuadre. Mëngjarashi shkroi asaj kohe në rrjetet e tij sociale: “Bir k****. Po të isha në një fushë me ty, do të t’i thyeja këmbët!”

Sot, mbrojtësi i Betis ka shfrytëzuar “Mundo Deportivo” për të pastruar imazhin e tij: “Kam qenë thjesht një fëmijë. Po tallesha me një shokun tim që është fans i madh i Mesit. Nuk kam asnjë dyshim që Leo është lojtari më i mirë në botë”, tha mes të tjerash Firpo.

Golat e Temi Abraham dhe Ros Barkli i dhanë fitoren Çelsit. që shfaqi një formë shumë të mirë se katalanasit, diçka që pritej për shkak se grumbullimi i Barcelonës filloi më pak se një javë më parë në ndryshim nga londinezët që kanë më shumë se dy javë në fazë përgatitore. Golin e vetëm për katalanasit e shënoi Rakitiç me një goditje të fuqishme që përfundoi në trekëndëshin e portës së skuadrës angleze.

MIQËSORE  

Barcelona 1– 2 Çelsi
Shënues: Rakitiç 90+1’ / Abraham 34’, Barkli 81’

Së shpejti një tjetër emër i njohur do t’i bashkohet strukturave të kampionëve të Spanjës. Bëhet fjalë për holandezin Patrik Klajvert. Ish-sulmuesi i Barcelonës në vitet 1998 – 2004, do rikthehet në klubin katalanas në rolin e drejtorit të akademisë së klubit, ose siç e thërrasin në katalanasit,  “La Masia”.

Klajvert ka një karrierë të pasur si trajner moshash. “CV”-ja 43-vjeçarit është e pasur me posti si asistent në ekipe të ndryshme si AZ Alkmar, NEC, Tvente, kombëtarja holandeze dhe ekipi rezervë i Ajaksit, ndërsa kulmi karrierës ka qenë si drejtor sportiv i PSG-së për një vit në sezonin 2016/17.

Si po ndiheni në këto ditë të parë si lojtari i Barcelonës?

“Mirë, shumë mirë. Isha me pushime, por finalizimi i transferimit më stresoi shumë. Doja të vija sa më shpejt këtu. Shokët e ekipit më kanë pritur mirë, lojtarë, staf, doktorë etj. Po e shijoj këtë moment”

LARGIMI NGA ATLETIKO – “Nuk doja të largohesha me kaq polemika. U mundova t’i bëja gjërat siç duheshin me sa më pak zhurmë. Ishte një largim i dhimbshëm, siç ndodhi dhe me Real Sociedadin. Ato dy ekipe do t’i kem gjithmonë në zemër. Atletiko po ndërton një skuadër shumë të fortë dhe më një trajneri si Simeone ato do luftojnë deri në fund, është  e sigurt se do t’i hapin punë kujtdo. “El Cholo” (Simeone) ka bërë gjëra të pabesueshme me atë skuadër, i ka çuar në një nivel që s’do ia priste mendja.

27-vjeçari ka dhe dy vite të mbetura në kontratë dhe te Bajerni nuk kanë ndërmend të shesin, të paktën jo këtë merkato vere. Alaba shikohet si titullari i padiskutueshëm te bavarezët, ndërsa blerja rekord Lukas Hernandez do të luajë vetëm në qendër të mbrojtjes, duke mos rrezikuar vendin e Alabës.

Lajmi bëhet i ditur nga e përditshmja gjermane bild, që ndër të tjera ka zbuluar se kontakti midis Barçës dhe lojtarit filloi nga kompania që menaxhon austriakun dhe jo nga klubi katalanas.

Austriaku e ka thënë hapur se e intrigon fakti i të luajturit në një kampionat jashtë Gjermanisë. Megjithatë, transferimi i mëngjarashit s’do të jetë aq i lehtë pasi Alaba ka dhe dy vite të mbetura në kontratën me kampionët e Gjermanisë.

Një lojtar i kalibrit të 27-vjeçarit nuk mund të vijë pa 50 milionë euro, por në Barcelonë paratë nuk janë problem prej vitesh. Gjithsesi në fund përgjigja përfundimtare i takon drejtuesve të Bajernit, të cilët në rast të shitjes së mbrojtësit do duhet t’ia besojnë krahun e majtë francezit Lukas Hernandez, i cili është blerja rekord e klubit.

Katalanasit i kanë ofruar parisienëve kartonët e Usman Dembele dhe Filipe Kutinjos. Krahas dy futbollistëve, Barcelona është e gatshme të shtojë dhe 40 milionë euro në një këst të vetëm.

Largimi i Nejmar ka filluar të jetë temë diskutimi edhe nga kompanitë e basteve të cilat janë të mendimit që 27-vjeçari do të mbetet lojtari i PSG-së në fund të merkatos së verës.

Sajti i njohur “parisunited.fr”, ka zbuluar disa nga detajet e bisedës midis dy brazilianëve. Leonardo i ka bërë të ditur lojtarit se ai nuk do të largohet nga kampionët e Francës kundrejt një shumë më të vogël se 300 milionë euro.

Kjo kërkesë e PSG-së është e papërballueshme për Barcelonën. Katalanasit kanë shpenzuar 200 milionë euro për kartonin e De Jong dhe Grizman, çka e bën të pamundur një shpenzim të përmasave të tilla që do të vendoste një rekord të ri botëror.

Një ndër futbollistët me të cilët po negocionin drejtuesit katalanasit ishte braziliani Filipe Luis. 33-vjeçari, tanimë një lojtar i lirë, ishte i interesuar t’i bashkohej kampionëve të Spanjës në një kontratë 2-vjeçare. Megjithatë nuk ka qenë e shkruar që marrëveshje të konkretizohej.

E përditshmja katalanase “Mundo Deportivo”, raporton brazilianit i është bërë e ditur se interesi i Barcelonës për shërbimet e tij nuk ekziston më. Shkak për këtë vendim është bërë mosha e madhe e mbrojtësit që pak javë më vonë do të mbushë 34 vjeç.

Barcelona pritet të investojë te një lojtar i ri në moshë që do të jetë një konkurrent i denjë për Zhordi Albën.

Drejtori sportiv i kampionëve të Francës dhe njëkohësisht bashkëkombësi i Nejmar, Leonardo, ka vendosur të bëjë çdo gjë publike në lidhje me situatën aktuale që ekziston midis klubit dhe 27-vjeçarit. Në një intervistë për të përditshmen franceze “Le Parisien”, drejtuesi i lartë i PSG-së ka diskutuar për më shumë se një orë në lidhje me këtë çështje të nxehtë.

Cili është problemi midis Nejmarit dhe PSG-së?

Sot (dje), ai nuk ishte i pranishëm në stërvitje. Supozohej që do ishte kthyer nga Brazili, por nuk ka ndodhur kështu. Ai i dinte se duhej të paraqitej. Do shqyrtojmë se çfarë masash do të marrim, ashtu sikurse do kishim bërë për çdo punonjës tjetër të klubit”.

A ka pasur ndonjë shpjegim nga ana e tij për mosparaqitjen?

Ai ka pasur disa angazhime me një projekt të tijin në Brazil dhe një sponsor, por kjo nuk ishte data që ishte rënë dakord me klubin. Gjithsesi, ai ka luajtur lojën e tij të fundit më 6 qershor. Pushimet mbaronin më datë 8 korrik.

Kur do të kthehet Nejmar në stërvitje?

Nuk e di. Nuk e di akoma. E vetmja gjë që unë di është se ai nuk ishte i pranishëm në datën e planifikuar për fillimin e stërvitjes, 8 korrikun.

A ju ka thënë Nejmar se ku dëshiron të vazhdojë?

Kjo është diçka e qartë për të gjithë tani, por në futboll mund të thuash diçka sot e diçka tjetër të nesërmen. Është diçka e pabesueshme, por ky është realiteti i kësaj industrie ku ne punojmë

Keni mbërritur në 14 qershor në Paris, a keni folur me të?

Po kam folur. S’dua t’u tregoj çdo hollësi të bisedës. Kam folur dhe me babanë e tij. Është diçka që dihet nga të gjithë. Pozicioni i secilës palë është qartë. Megjithatë, në këtë moment që po flasim vetëm diçka është konkrete: Nejmar ka dhe tri kontratë me ne. Përderisa nuk kemi marrë një ofertë s’ka gjë për të diskutuar.

Përse mendoni se ka dëshirë të largohet ?

Iu përgjigja njëherë kësaj pyetje. Kur një lojtar kërkon të largohet nga një klub, po flas në përgjithësi, është diçka mëse normale e jetës së një futbollisti. Përse duhet ta përjetojmë këtë situatë si një përdhosje. Klubi ia ka dalë të bindë shumë lojtarë të qëndrojnë në të shkuarën. Në rastin e Nejmar, nuk është paraqitur në stërvitje, pra është faji tij. Kemi politikat tona të brendshme për raste të tilla. T’i themi gjërat siç janë, në shumë klube ndodh që lojtarët të mos paraqiten në ditën e parë të grumbullimit.

Situata e ofertave?

Nuk kemi marrë asnjë ofertë. Megjithatë është e vërtetë që kemi pasur disa kontakte të thjeshta.

Me Barcelonën?

Po.

Çfarë mund të thoni për strategjinë e drejtuesve të  Barcelonës ?

Ata na thanë që ishin të interesuar të blinin kartonin e lojtarit, por ne u thamë që nuk e kemi në shitje. Nuk e mendojmë që Barcelona është në një pozitë ku mund ta blejë lojtarin tonë.

Me cilat kushte do të pranonte PSG-ja transferimin?

Thjesht na duhet të flasim e të negociojmë. Kjo është e gjitha. Boll me pyetje për Nejmarin, ju lutem.

Një të fundit. A keni vendosur ndonjë afat për këtë çështje?

Kjo është me të vërtetë një çështje shumë e rëndësishme. Janë shumë gjëra në lojë. Së dyti, një rast i këtyre përmasave nuk është vetëm një çështje ndjenjash, është një çështje financiare.

Përfundimisht, a është e mundur që Nejmar të largohet këtë verë?

Nejmar mund të largohet nga PSG-ja, nëse vjen një që gëzon të gjitha palët. Por deri këtë moment, ne nuk e dimë nëse ka ndonjë klub që dëshiron ta blejë atë ose çmimin që mund të ofrojnë. Diçka e tillë nuk mund të kryhet brenda një dite. Kjo është e sigurt.

Pra PSG nuk dëshiron ta mbajë Nejmarin në skuadër me çdo kusht…?

PSG dëshiron të mbështetet në lojtarë që duan të qëndrojnë e të ndërtojnë diçka të veçantë. Nuk duam të kemi lojtarë që i bëjnë ndere klubit me praninë e tyre në skuadër.

PSG duhet të jetë më e pushtetshme se Nejmar, apo jo?

Nuk di ndonjë klub që ka dalë i fituar kur ka pasur një lojtarë të të fuqishëm se vetë klubi. Një klub duhet të ecë përpara, duhet të ketë kontroll mbi gjithçka. Këtu përfshihen edhe lojtarët më të rëndësishëm.

Si do ta punoni në merkato duke pasur parasysh situatën e paqartë me Nejmar?

Nuk ka plan “me Nejmar” dhe plan “pa Nejmar”. Realiteti është që ai ka një kontratë me PSG-në. Për momentin, nuk ka asnjë ofertë konkrete.

Barcelona kërkon që ta paguajë me këste shumën prej 120 milionë eurosh, një praktikë kjo që ndodh shpesh në lëvizjet e merkatos në mbarë botën. Megjithatë, te Atletiko e kanë bërë të qartë në mënyrë publike: Grizman largohet vetëm nëse 120 milionë eurosh paguhet i plotë.

Pavarësisht situatës të tensionuar te Barcelona besojnë se Atletiko do e zbusë qëndrimin e saj dhe për këtë klubi është i gatshë që t’i ofrojë madrilenëve në një shumë më të lartë se 120 milionë, por të ndarë në tri këste që do të paguhen në një periudhë 3-vjeçare.

Krahas firmës me De Jong pjesë e Barcelonës u bë dhe djali i adoptuar i Dursun, qendërmbrojtësi, Majk van Beijnen, i cili ka firmosur një kontratë 2-vjeçare me skuadrën B të kampionëve të Spanjës.

Rastet ku agjentët bëjnë marrëveshje të tilla janë të shumta. Një ndër rastet më të famshme është ai i Kakas, i cili  bindi drejtuesit e Milanit për t’i dhënë një kontratë vëllait të tij Digao, të njëjtën gjë bëri dhe Xhanluixhi Donaruma më vëllain e tij.

Klubi madrilen ka reaguar me anë të një komunikate për shtyp ku ka akuzuar Barcelonën dhe lojtarin për negociatat e hershme që kishin filluar midis palëve, që në mars, kur nuk lejohej as me rregullore. Në fund të komunikatës Atletiko ka njoftuar se Grizman duhet të paraqitet në fundjavë në ambientet stërvitore të klubit.

DEKLARATA E BËRË NGA ATLETIKO MADRID

Duke marrë shkas nga deklaratat e bëra sot nga presidenti i Barcelonës Zhozep Maria Bartomeu në lidhje me lojtarin tonë Antuan Grizman, Atletiko kërkon të bëjë publike detajet e mëposhtme:

Më datë 14 maj, Antuan Grizman informoi aksionerin Migel Anhel Hil, trajnerin Diego Simeone dhe drejtorin sportiv Andrea Berta mbi vendimin e tij për t’u larguar nga klubi në fund të sezonit. Në ditët e mëvonshme ne mësuam se lojtari kishte arritur një marrëveshje në muajin mars me Barcelonën, vetëm pak ditë pas eliminimit tonë në Champions League ndaj Juventusit, si dhe negociatat për kushtet e kontratës kishin filluar që në mes të muajit shkurt.

Lidhur me një deklaratë të bërë sot nga presidenti Bartomeu, ne duam të informojmë se është e vërtetë që ditën e djeshme ka pasur një takim midis Miguel Anhel Hil dhe drejtorit ekzekutiv të Barcelonës Oskar Grau. Në atë takim Barcelona shprehu dëshirën që të aktivizojë klauzolën e largimit të Antuan Grizman, sapo kjo klauzolë të zbresë nga 200 milionë euro në 120 milionë euro, ndër të tjera u kërkua një shtyrje e pagesës së klauzolës së lartpërmendur.

Natyrisht përgjigja jonë ishte negative, kjo për faktin se sjellja e klubit të Barcelonës dhe lojtarit ka qenë fyese për Atletikon e Madridit dhe fansat tanë.

Si rezultat i gjithë kësaj, sot, Atletiko Madrid, i ka kërkuar lojtarit nëpërmjet motrës së tij që është njëkohësisht agjente e Grizman, që ai të paraqitet të dielën në ambientet e klubit për të qenë pjesë e fazës përgatitore bashkë me pjesën tjetër të shokëve, diçka të cilën e ka të detyruar bazuar në kontratën që ekziston midis palëve.

Me anë të kësaj komunikate për shtyp , Atletiko Madrid dëshiron të shprehë pakënaqësinë e madhe për sjelljen e  Barcelonës, që bindi lojtarin tonë të shkëputej nga ne gjatë zhvillimit të sezonit, në një moment kur klubi ishte në garë në Champions League, por edhe në kampionat ndaj vetë Barcelonës, diçka kjo që mendojmë së është në shkelje të rregullave të vendosura për periudhat e negociatave për lojtarët dhe që cenojnë integritetin e garës.

Megjithatë, pas kaq e kaq shumë kohësh, ka zhgënjyer dhe vetë ai. Në takimin e “Copa America” ndaj Katarit, argjentinasit iu dha një shans i shkëlqyer për të çuar shifrat në 2 – 0, por si rrallëherë e majta e “pleshtit” e fluturoi topin mbi traversë. Fundja, askush nuk është perfekt.

https://twitter.com/AyodejiX2/status/1142901006952517633

Kubo ka qenë në të shkuarën pjesë e akademisë së Barcelonës, por kjo gjë u bë në shkelje të rregullores së FIFA-s, çka detyroi atë dhe dhjetra fëmijë të tjerë që të riktheheshin në vendet e tyre të origjinës.

Nëse katalanasit duan ta rikthejnë në klub mesfushorin me tipare sulmuese do të jetë një operacion i kushtueshëm, pasi drejtuesit e Tokios nuk pranojnë të negociojnë poshtë klauzolës prej 8 milionë eurosh që është vendosur në kontratën e lojtarit.

https://www.youtube.com/watch?v=D2murVGwZmE

Në dy vitet e fundit 32-vjeçari ka qëndruar në huazim te skuadra e Bashakshehirit në kampionatin turk. Mesfushorit ka dhe një vit në kontratë, por dëshira e drejtuesve është që ta shesin për një shumë minimale.

Megjithatë, edhe kjo gjë po rezulton mjaftë e vështirë. Turan nuk është më lojtari që jemi mësuar ta shikojmë kur shkëlqente të Atletiko dhe kjo gjë dihet mirë nga të gjithë. Si të mos mjaftonte kjo rënie në formë e turkut, Turan njihet për problematikat e shumta jashtë fushe.

Paga prej 7 milionë eurosh po bëhet pengesë për transferimin e lojtarit. Asnjë klub nuk pranon t’i ofrojë një kontratë me kushte të ngjashme. Nëse situata qëndron e njëjtë, drejtuesit e Barcelonës s’do kenë zgjidhje tjetër përveç se ta çojnë lojtarin në ekipin rezervë për pjesën e mbetur të sezonit.

“Guardiola tha pak kohë më parë se Barcelona qëndron besnike filozofisë së lojës së tij, por unë nuk mendoj kështu. Me të në krye po kalonim një moment akoma më të mirë se tani. Është e vërtetë se Barcelona nuk largoi asnjë prej lojtarëve të boshtit të skuadrës, por sot kënaqemi vetëm me golat e Mesit, atëherë ishte ndryshe”.

GRIZMAN – Laporta nuk la pa përmendur dhe bisedimet për Antuan Grizman. Sipas ish-presidentit refuzimi i verës së kaluar nga francezi është një veprim i pafalshëm për të.“Nëse një lojtar do të bënte mua atë çfarë Grizman i bëri vjet Barcelonës, unë kurrë s’do tentoja të merrja përsëri në ekip.”

Ngjyrat ikonë të klubit “blaugrana” mbeten të pandryshueshme, por në vend të vija vertikale ose horizontale është përzgjedhur një dizajn me kuadrate. Në rrjetet sociale tifozët e ekipit katalanas janë shfaqur të dyzuar me shumë vetë që shprehën pakënaqësi.

Largimet e Lukas Dinj dhe Pako Alkaser nuk u zëvendësuan me prurje të reja, diçka kjo që pritet të ndryshojë gjatë kësaj merakoje vere. Sipas së përditshmes katalanse “SPORT”, drejtuesit e Barcelonës kanë filluar bisedimet për transferimet e Rodrigo Morenos dhe Rafael Guerreiros.

Sulmuesi i Valencias, Moreno, është bindur nga oferta e katalansve, ndërsa tani negociatat po kryhen në rang drejtuesish. 28-vjeçari nuk e ka problem të qëndrojë i dytë në radhë pas uruguaianit Suarez.

Mbrojtësi Guerriero ka vetëm një vit të mbetur në kontratë me Dortmundin. Përveç rolit si mbrojtës i majtë, portugezi është i aftë të luajë dhe si mefushor ose sulmues krahu. Megjithëse dëmtimet e shpeshta janë një disavantazh për 25-vjeçarin, Guerreiro mbetet një lojtar cilësor që ka ende shumë vite karrierë.

“Nuk ishte e thënë fillimisht. Fillimisht më duhet të uroj Valencian, dolën kampion me meritë. Në pjesën e dytë tentuan medoemos të shënonim, por pavarësisht përpjekjeve të djemve goli nuk erdhi”.

“Ky sezon nuk është një dështim. Nuk kemi bërë shkëlqyeshëm, por kemi bërë shumë mirë. Luftuam deri në fund dhe për Kupën e Champions-in. Çdo vit synojmë që të arrijmë objektivat më madhorë”.

MERKATO – “Çdo vit do të vijnë lojtarë të rinj në klubin tonë. Për momentin De Jong është një blerje e zyrtarizuar. Duke filluar nga nesër do punojmë për blerjet dhe shitjet që do bëjmë. Nuk është momenti për të thënë kush do qëndrojë e kush jo”.

VALVERDE – “Ka kontratë edhe për një sezon. Sot skuadra punoi fortë dhe krijoi shumë mundësi”.

Barcelona u tregua më e rrezikshme në minutat e para të takimit, por në ndryshim nga Valencia, efikasiteti nuk ishte pika e fortë e Barcelonës në mbrëmjen e sotme.

Kjo është Kupa e tetë që Valencia fiton në historinë e saj më shumë se 100-vjeçare. Humbja e sotme mund t’i kushtojë shtrenjtë trajnerit Ernesto Valverde, i cili pavarësisht se fitoi kampionatin ka zhgënjyer në Champions dhe tanimë në Kupë.

FINALJA E KUPËS SË MBRETIT  

BARCELONA 1 –  2 VALENCIA
Shënues: Mesi 73’/ Gameiro 21, Rodrigo 33’

Lojtari më i përfolur për t’u larguar nga kampionët e Spanjës është portieri holandez Jasper Silesen. “Gardiani” i katalanasve ka justifikuar besimin e dhënë nga trajnerët në çdo rast që i është dhënë mundësia.

Megjithatë, tri vite në stol kanë bërë të vetën dhe holandezi e ka bërë të qartë se i mungon të qenit një titullar i përhershëm. Sipas gazetës sportive “Super Deportes”, Valencia është në bisedime për të blerë 30-vjeçarin.

Portieri brazilian Neto pritet të largohet drejt kampionatit anglez ku interesi për të është i lartë, ndërsa Silesen do t’u kushtojë rreth 20 milionë euro, shumë e konsiderueshme, por bëhet fjalë për një portier të një klasi shumë të lartë.

Me anë të një postimi në llogaritë zyrtare të klubit në rrjetet sociale, klubi madrilen ka bërë të ditur se lojtari ka shprehur dëshirën për t’u larguar nga ekipi “rojiblancos”.

.@AntoGriezmann ha comunicado al club que no seguirá como rojiblanco la próxima temporada.

— Atlético de Madrid (@Atleti) May 14, 2019

Destinacioni i ardhshëm i 28-vjeccarit do të jetë Barcelona. Në ditët në vazhdim pritet që klubi katalanas të aktivizojë klauzolën e largimit prej 120 milionë eurosh.

Barcelona luajti thuajse me më të mirët, duke dominuar totalisht ndaj Getafes, ndërsa Arturo Vidal shënoi golin e parë dhe Lionel Mesi shtoi të dytin në fund, goli i 34-t në kampion për argjentinasin, Këpuca e Artë e Europës.

Real Madrid pësoi një humbje 3-1 në transfertën baske kundër Real Sociedad. Një karton i kuq i qendërmbrojtësit Vajeho bëri që loja të merrte tatëpjetën. Një detaj tjetër interesant i këtij takimi ishte dhe lënia jashtë grumbullimit të sulmuesit uellsian Gareth Bejl nga ana e trajnerit Zidan.

Në pjesën e poshtme të tabelës, llogaritë janë të përfunduara me Hueskën, Rajo Vajekanon dhe Zhironën që do të rikthehen në Segunda Divizion. Këta të fundit mbahen ende në lojë nga matematika, por duhet një mrekulli e padëgjuar më parë që të ndërrojnë vendin me Seltën e vendit të 17-të, që në avantazh të saj një golevarazh 6+ dhe një ndeshje të lehtë në letër.

Barcelona 2 – 0 Getafe
Real Sociedad 3 – 1 Real Madrid
Valencia 3 – 1 Deportivo Alaves
Zhirona 1 – 2 Levante
Betis 2 – 1 Hueska
Atletiko Madrid 1 – 1 Sevija
Bilbao 3 – 1 Selta Vigo
Vijareal 1 – 0 Eibar
Rajo Vajekano 1 – 2 Real Vajadolid

Sipas “Catalunya Radio”, një kandidat i ri për stolin e klubit katalanas është Ronald Kuman.
Trajneri holandez e njeh mirë ambientin pasi ka qenë një ndër futbollistët më të shquar të klubet në fillim të viteve 90, ndërsa ka pasur edhe një eksperiencë 2-vjeçare si zëvendës trajneri, kur trajneri i Barcelonës ishte bashkëkombësi i tij Luis Van Gal.

Aktualisht, Kuman është trajneri i kombëtares së Holandës, ku ka kryer një punë të shkëlqyer. Marrëveshje me federatën holandeze mund të prishet në këmbim të një shumë të caktuar monetare, që sigurisht nuk përbën problem për financat e një klubi gjigant si Barcelona.

A mendoni se rezultati do të ishte i njëjtë nëse do të luhej në një stadium të boshatisur?

“jo! S’ka shanse. Ne e dimë se ky klub është një përzierje e atmosferës, emocioneve, dëshirës dhe futbollit cilësor. Nëse heq një nga këto, asgjë nuk funksionon e kam thënë dhe më parë”.

“Për mua ky klub ka një zemër të madhe. Sot po na rrihte zemra sikur ishim të çmendur. Mund ta dëgjoje këtë anembanë botës. Jam i gëzuar që u dhamë njerëzve këtë eksperiencë, gjithashtu jam i gëzuar që më jepet një shans tjetër për të rregulluar gjërat”.

Në intervistën për BT SPORT në përfundim të takimit, Klop u shpreh se nuk i kishte ndodhur kurrë që të shikonte diçka të tillë në futboll.

“Thjesht të fitonim ishte e vështirë, por me këtë rezultat dhe pa pësuar gol është thjesht e pabesueshme. Ky Liverpul nuk ndalon kurrë, nuk fiket kurrë. Ky Liverpul jep gjithçka në çdo moment. Ishte diçka e madhe, nuk e përballoj dot këtë emocion”.

“Këta djem janë të pabesueshëm. Pashë Milnerin teksa po qante në fund. Në jetën time kam parë shumë ndeshjen futbollit, por asnjëherë një ndeshje si kjo. Kur u bë goli i katërt, Ben Udbërn më pa dhe më tha: Çfarë po ndodh. Kjo është pjesa më e bukur e futbollit. Jeta ka gjëra shumë më të rëndësishme, por kjo atmosferë që krijuam sot është shumë e veçantë”.

“Përzierja e potencialit dhe zemrës së lojtarë ishte diçka që se kisha parë kurrë më parë. Për këto lloj ndeshjeje të duhet të kesh besim. Origi dhe Shaqiri nuk kanë luajtur shumë këtë sezon, ishte e rëndësishme që bënë atë lloj paraqitjeje. Kjo tregon se çfarë është e mundur në futboll”.

Mediet me bazë në Madrid “AS” dhe “MARCA” mbajnë pak a shumë të njëjtin qëndrim, ndërsa katalanasit “SPORT” dhe “El Mundo Deportivo”, i kujtojnë të gjithëve se skuadra e tyre nuk nxori asnjë mësim nga eliminimi i vitit të fundit me Romën.

MARCA: VETËFLIJIM NË “ANFIELD”

AS: TRAGJEDI E BARÇËS NË “ANFIELD”

SPORT: ROMA NUK ISHTE NJË ËNDËRR, SHPËRBËRJE E BARÇËS NË “ANFIELD”

EL MUNDO DEPORTIVO: BARCELONA SHPËRBËHET SËRISH, MIRUPAFSHIM CHAMPIONS

Bëhet fjalë për komunën e Rekanatit, vendi ku më shumë se më shumë se 155 vite më parë lindi stër-stërgjyshi i Leos, Anxhelo Mesi, i cili më pas mori rrugën e emigrimit për në Amerikën e Jugut si shumë italianë të tjerë të asaj kohe.

Drejtuesit e Komunës, ndoshta të shtyrë nga paraqitje fenomenale e 31-vjeçarit kundër Liverpulit menduan për një dhuratë të veçantë: Një certifikatë votimi!

Në postën e argjentinasit ka mbërritur ky dokument i nënshkruar nga komuna, që i lejon atij të votojë në zgjedhjet komunale të këtij vite, por edhe në zgjedhjet e vlefshme për parlamentin evropian.

Tekniku bask ka vlerësuar lojën e skuadrës së dhe ka kujtuar se kualifikimi për në finale mbetet i hapur.

NDESHJA – “Është një rezultat i mirë ndaj një skuadre të fortë. Na u desh të vuanim shumë që të mos pësonim gol. Janë një skuadër e madhe. Kanë mbetur edhe 90 minuta. E dimë çfarë na pret. Vitin e kaluar u eliminuam në çerekfinale pasi kishim një avantazh prej tri golash. Pra kualifikimi për ne finale mbetet krejtësisht i hapur, Liverpuli do të na e bëjë shumë të vështirë”.

MESI – “Leo të befason gjithmonë. Goditja e dënimit ishte nga një largësi e madhe. Unë nuk isha i sigurt nëse do të provonte të gjuante. Nuk e di se si e bën, por në momentet më të vështira ai përherë e tregon veten. Ai ka aftësinë t’i mbajë kundërshtarët në ankth gjatë të gjithë kohës. Është lideri i kësaj skuadre”, tha Valverde.

Trajneri i Liverpulit e cilësoi të jashtëzakonshme mënyrën se si luajti skuadra e tij, megjithatë gjermani e pranon se në këtë sport luhet për të shënuar gola.

“Futbolli i tillë është. Në këtë sport duhet të shënosh gola dhe ata e bënë tri herë këtë gjë, ndërsa ne asnjëherë. Paraqitje e skuadrës ishte e mirë, djemtë bënë një ndeshje të mirë. Më pëlqeu paraqitja, por nuk më pëlqeu rezultati. Në këtë lojë nuk merren nota, e vetmja gjë që vlen është rezultati”.

RASTET E HUMBURA – “Çfarë mund të them. Është e lehtë të flasësh për golat. Mënyrë se si i krijuam ato raste për shënim ishte e jashtëzakonshme. Mënyra se si u hapëm probleme ishte e jashtëzakonshme. Nuk e di a jemi në gjendje të luajmë më mirë se kaq”.

“Ndeshjen tjetër e luajmë nën disavantazhin e tre golave, gjithsesi le të riaftësohemi e të shkojmë të luajmë kundër Njukasëll. Loja ka mbaruar, çfarëdo që të them unë nuk e ndryshon rezultatin. Do të ndeshemi sërish, të shohim ç’do të ndodhë. Ia kemi bërë shumë të vështirë vetes”, përfundoi Klop.

Megjithëse lojtari është rikthyer disa herë në stërvitje me grupin, problemi është rishfaqur në çdo rast. Sipas së përditshmes spanjolle “AS”, drejtuesit e klubit katalanas nuk kanë ndërmend të durojnë dhe për këtë arsye e kanë vendosur lojtarin në shitje.

Sikur të mos mjaftonin lajmet e merkatos, 25-vjeçari i lindur në Kamerun së fundmi ka pësuar një dëmtim tjetër në stërvitje që mbyll në mënyrë të parakohshme sezonin e tij me skuadrën “blaugrana”.

Forma e mirë e dyshes Pike-Lenglet dhe një blerje e mundshme e holandezit De Ligt janë dy ndër faktorët kryesorë që kanë shtyrë kupolën drejtuese të katalanasve për të.

Si për rastësi pak sekonda para se Roberto të zëvendësohej në stadium filloi të përhapej lajmi se Ajaksi kishte shënuar golin e avantazhit. Tifozët e Barcelonës kanë një raport vëllazëror me klubin holandez, me të cilën ndajnë një legjendë si Johan Krujf. Natyrisht ka plot arsye për të urryer Juventusin si për shembull eliminimi i dhimbshëm i 2017-ës dhe fakti që kanë në skuadër rivalin e tyre historik, Kristiano Ronaldon.

Braziliani mbylli veshët si për të simbolizuar që nuk i interesojnë kritikat e shumtë të shtypit dhe tifozëve në rrjete sociale, që presin më shumë nga ai për shkak të 160 milionë eurove që u shpenzuan për të.

Në intervistën në përfundim të takimit kolegu Serxho Buskets u shpreh: “Nuk e kam parë gjestin që bëri. Di që festoi me gëzim dhe dëshirë. Ishte një gol i rëndësishëm për shkak të kritikave të shumta që ka marrë. Kutinjo është një ndër lojtarët më të mirë në planet”.

Gjesti u komentua dhe nga trajneri Valverde: “Nuk e di çdo të thotë gjesti i Kutinjos. Përgjigjen për kritikat ai dha, pikërisht ai gol që shënoi”, tha Valverde.

Mrekullia që Mançester Junajtid kreu në Paris, bëri që “djajtë e kuq” të shpresonin në një përsëritje të asaj nate magjike… Fatkeqësisht në ndryshim nga PSG, Barcelona ka një lojtar që nuk të lë të ëndërrosh, madje ata e njohin mirë, pasi i ka bërë të derdhin lot në dy finale Champions-i.

Lionel Mesi shfrytëzoi një gabim të Eshli Jang në minutën e 16-të dhe më pas mori topin duke bërë atë lloj “magjie” që vetëm ai di ta bëjë. Katër minuta më vonë David De Gea i dhuron golin e dytë me një gafë trashanike.

Në pjesën e dytë rrugën e rrjetës e gjen Filipe Kutinjo, që çon shifrat në 3-0. Tani Barcelonës i duhet të presë takimin mes Liverpulit dhe Portos për të mësuar kundërshtarin e radhës.

Barcelona 3 – 0 Mançester Junajtid              
Shënues: Mesi 16’, 20’, Kutinjo 61