“Ky ekip nuk e meriton të jetë në këtë renditje. Jemi ende nervozë para porte, lojtarët duhet ta kuptojnë që duhet të luajnë me këmbët e tyre, por edhe me mendtë e stafit. Na ka munguar goli dhe duke pasur parasysh futbollistët që kemi, ata kanë luajtur mirë, në qarkullim topi. Gjithsesi, jam i kënaqur me lojën, përveç golit. Mos të harrojmë se edhe Kamza ka një ekip të mirë”, tha Bano në emisionin “Gol pas Goli” në Supersport.

“Fakti që na kanë kuotuar për të rënë nga kategoria nuk na tremb, por nuk është e ndershme. Nuk është gjë e madhe nëse del Lushnja, ekip i një bashkie, por kjo nuk do të thotë që të bëjmë qoka me Lushnjën. Nuk jam i kënaqur nga gjykimi. Meta dha në Kukës penallti, që ishte, ndaj nëse ishte edhe sot, duhej dhënë. Futbolli shqiptar është i rëndësishëm, jo kush bie e kush del kampion”.

“Mendoj se është e njëjta situatë, problemi është psikologjik dhe skuadra nuk i ruan dot ekuilibrat. Të jem i sinqertë, me 11 kundër 11 ishim të barabartë ose edhe superiorë. Pas kartonit të kuq shënuam, por pësuam dy gola foshnjarakë, që nuk na falen. E dorëzuam vetë ndeshjen, nuk është se na mundi kundërshtari. Është e drejtë që vendosin episodet, por është mëkat që falim kështu gola, ndërsa humbasim edhe raste të shkëlqyera, si ai i Pepës, i vetëm me portierin në zonë. Kjo është Superiore dhe nuk kemi mundësi të bësh kaq shumë. Na mbetet shumë punë për të bërë, në aspektin psikologjik dhe në atë të ekuilibrit të reparteve.

“Bëmë shumë gabime pasi kaluam në avantazh, pasime të gabuara, vendosje jo të sakta. Megjithatë, kemi kohë mjaftueshëm, ajo që po na ndodh ne do t’i ndodhë çdo skuadre. Sot kishim shumë episode kundër, kemi pësuar gola të pafalshëm.
“Merkatoja? Mendoj se na duheshin disa emra cilësorë, por dy lojtarë cilësorë kushtojnë mijëra euro në muaj, ndaj nuk është e lehtë të gjesh futbollistë me financat që kemi ne. Në fakt, kemi bëra përforcime të mira, Shkulaku është lojtar cilësor, por ashtu edhe lojtarët e tjerë që kemi afruar. Gjithsesi, nuk është justifikim që kemi skuadër pa lojtarë të paguar me shifra të mëdha, sepse jo gjithnjë fiton skuadra me pagat më të larta. Përndryshe, Partizani Laçi do të përfundonte 7-2 javën e shkuar”.

“Më vjen keq, kemi luajtur shumë dobët. Skuadra u paraqit keq, ishte shumë e karikuar psikologjikisht dhe nuk doli në lojën e vet, edhe pse përbërja është e mirë. Vllaznia ka një ekip cilësor, por golin e parë e dhuruam vetë dhe gjithashtu gabuam te pjesa e dytë. Ishte një ndeshje e hapur, nuk shënuam ne dhe ia doli Vllaznia, me dy episode. “Nuk është se kundërshtari dominoi, por gabuam shumë dhe nuk shfrytëzuam as pikën tonë më të fortë, goditjet standarde

“Mbijetesa? Ne besojmë, sepse skuadra nuk është e keqe dhe financiarisht klubi do të jetë korrekt deri në fund. Ekipi është cilësor, por ndoshta gabuam që nuk e përfunduam në kohë rikonstruksionin e stadiumit dhe tifozeria jonë e zjarrtë do të na jepte një ndihmë të madhe nëse do të luanim në Lushnje”.

Arjan Likja

Lushnja do të garojë në Superiore duke u mbështetur në buxhetin modest të Bashkisë, sikurse ka bërë në këto gjashtë sezonet e fundit. Ashtu si po konfigurohet skuadra deri në këto momente, është e qartë se objektivi do të jetë qëndrimi në elitë. Futbollistët me mjaft eksperiencë që kanë bërë të mundur ngjitjen e myzeqarëve në Superiore sezonin e kaluar i kanë dhënë besën Banos se nuk do ta tradhtojnë Lushnjen, pavarësisht ofertave që mund të kenë nga ekipe të tjera, madje prej një janë vënë nën urdhrat e teknikut lushnjar.

Meritë në këtë “po” të tyre ka edhe vetë kreu i pankinës verdhejeshile, që në një prononcim për “Sport Ekspres” tregon Lushnjen e sezonit të ri. “Sapo i kemi dhënë fund përgatitjeve për këtë javë dhe ne si staf teknik pak a shumë kemi kristalizuar në mendjen tonë se cili do të jetë grupi i futbollistëve që do të përfshijmë zyrtarisht në listën e federimive. U kam thënë futbollistëve se klubi do vazhdojë të sponsorizohet vetëm nga bashkia. Me këtë u kam lënë të kuptojnë të gjithëve se ekipi ynë nuk do të ketë luksin për të ofruar kontrata të majme financiare. Për këtë gjë kam gjetur mirëkuptimin dhe mbështetjen e të gjithë titullarëve që kisha në dispozicion në sezonin e kaluar. Mendoj se meritë për këtë mirëkuptim kanë futbollistët vendas, të cilët fanellën e Lushnjes e vlerësojnë me zëmër, duke i kaluar në plan të dytë financat. Të njëjtin mirëkuptim kam gjetur edhe me jabanxhinjtë Mone, Branica e Magani, të cilët janë bërë një me grupin e futbollistëve lushnjar.

“Afrimi i sulmuesit Brunild Pepa dhe i portierit Bejte kanë përforcuar më shumë cilësinë e grupit, ndërkohë që ne vazhdojmë të synojmë goditje të tjera në merkato. Java që vjen do t’i japë fund merkatos dhe konfigurimit të plotë të ekipit tonë. Kjo fazë do të finalizohet me zyrtarizimin e kontratave kokë për kokë me futbollistët dhe më pas do të shikojmë mundësinë e zhvillimit të fazë përgatitore në një vend ku ofrohen kushte komode stërvitjeje”, deklaroi Bano.