Baloteli

Salvini e kërcënoi, Baloteli i përgjigjet: Merru me problemet e vërteta

Sport Ekspres — Thu, 11 Jul 2019 13:24:04 +0000

Mario Baloteli dhe ministri i punëve të brendshme në Itali janë vënë në konflikt prej disa ditësh. Futbollisti italian i ofroi një personi 2000 euro për të zhytur në det me një motor. Gjithçka u filmua në video që më pas u përhap me shpejtësi në internet.

Imagine a world without Mario Balotelli. ??

Super Mario apparently paid a local bartender €2,000 to drive a moped into the sea. ??#Balotelli #OptusSport pic.twitter.com/BIWofJfudc

— Optus Sport (@OptusSport) July 7, 2019

Salvini më pas reagoi duke thënë se do ta kishte arrestuar direkt ish-sulmuesin e Milanit për këtë veprim që ndot ambientin. Nuk ka munguar as kundërpërgjigja e Balotelit, i cili i ka dhënë një këshillë politikanit italian.

28-vjeçari ka postuar një foto në rrjetet sociale ku shfaqet një tubacion ujërash të zeza që shkarkohen në bregdetin italian. Në mbishkrim “Super Mario” ka shkruar: Përqendrohu te problemet e vërteta, apo mos ndoshta duhet të jem unë ai që duhet të ndërhyj menjëherë!

Baloteli në telashe, basti i çmendur i hap punë me policinë

Sport Ekspres — Mon, 08 Jul 2019 19:10:45 +0000

Mario Baloteli mori si shumë herë vëmendjet e medieve anembanë botës për shkak të një ngjarje tejet të çuditshme ku protagonist ishte vetë ai. Sulmuesi italian shpërndau në llogarinë e tij një “Instagram” një video ku i premtoi një personi 2000 euro nëse ai do të zhyste motorrin e tij në det.

Në fund personi ra dakord dhe Baloteli e mbajti fjalën duke i dorëzuar 2000 eurot. Mirëpo, kjo shaka në dukje e papërfillshme e ka vënë futbollistin dhe tri persona të tjerë në telashe me shtetin italian.

Mario Balotelli has made headlines in Italy again as he paid a local bar owner in Naples €2000 cash to drive a Vespa into the sea…

Easiest €2k ever ???

[IG: mb459] pic.twitter.com/TjF4Z76nPU

— Footy Accumulators (@FootyAccums) July 6, 2019

Mediet italiane kanë mësuar se lojtari dhe tre personat e pranishëm në ngjarje janë denoncuar në polici për nxitje krimi dhe nxitje kumari të paligjshëm. Lajm ky që nuk do ta gëzojë aspak sulmuesin, por e sigurt është që e kundërta do ndodhë me avokatin e tij.

Mançini zbulon të përzgjedhurit, Baloteli jashtë liste

Sport Ekspres — Mon, 27 May 2019 18:55:28 +0000

Roberto Mançini ka bërë publike listën me të grumbulluarit për ndeshjet e muajit qershor, ku Italia do të vihet përballë Bosnjës dhe Greqisë në kuadër të kualifikueseve të “Euro 2020”. Siç është bërë traditë në “epokën” Mançini, lista është me një numër tejet të lartë, plot 33 lojtarë.

Pas një mungesë të gjatë janë rikthyer ntë kombëtare Andrea Beloti dhe Antonio Mirante, ndërsa ka ardhur një ftesë e parë për portierin e Atalantës Pierluixhi Golini, ky i fundit përfitoi nga një dëmtim i Donarumës.

Jashtë liste ka mbetur Mario Baloteli. Mançinin ka preferuar ti besojë emrave si Imobile, Kualjarela, Pavoleti dhe Ken.

Portierë: Alesio Kranjno (Kaljari), Pierluixhi Golini (Atalanta), Salvatore Sirigu (Torino), Antonio Mirante (Roma)

Mbrojtës: Françesko Açerbi (Lacio), Kristiano Biragi (Fiorentina), Leonardo Bonuçi (Juventus), Giorgio Kielini (Juventus), Matia De Shiljo (Juventus), Emerson Palmieri (Çelsi), Alesandro Florenci (Roma), Armando Izo (Torino), Gianluca Mançini (Atalanta), Alesio Romanjoli (Milan), Leonardo Spinazola (Juventus)

Mesfushorë: Nikolo Barela (Kaljari), Federiko Bernardeski (Juventus), Brajan Kristante (Roma), Zhorzhinjo (Çelsi), Lorenco Pelegrini (Roma), Stefano Sensi (Sasuolo), Marko Verati (Paris Saint-Germain), Nikolo Zaniolo (Roma)

Sulmues: Andrea Beloti (Torino), Federiko Kieza (Fiorentina), Stefan El Sharaui (Roma), Vinçenco Grifo (Frajburg), Çiro Imobile (Lacio), Lorenco Insinje (Napoli), Moise Ken (Juventus), Leonardo Pavoleti (Kaljari), Mateo Politano (Inter), Fabio Kualiarela (Sampdoria)

Baloteli mesazh Mançinit: Tani mendoj vetëm për Italinë

Sport Ekspres — Mon, 11 Mar 2019 09:06:39 +0000

Transferimi te Olimpiku i Marsejës ka “ringjallur” Mario Balotelin. Sulmuesi italian ka shënuar pesë gola në gjashtë paraqitje me skuadrën franceze, duke treguar një formë të mahnitshme.

Goli i fundit erdhi ditën e djeshme në ndeshjen ndaj Nicës, ekip ku luajti për dy vite e gjysmë. Ndarja midis të dyja palëve nuk isht ajo idealja dhe sulmuesi nuk kishte e si të mos festonte pas goli që zhbllokoi sfidën.

Në përfundim të takimit Baloteli u shpreh për mediet franceze se prioriteti tij tani është rikthimi në kombëtaren italiane: “Gjëja më e rëndësishme për mua në këtë moment është sigurimi i një ftesë në kombëtare. Në dy vitet e fundit kam pasur shumë koklavitje, herë jam ftuar e herë jo. Tani jam i përqendruar te Marseja dhe shpresojë që ftesa nga kombëtarja të vijë”.

Zyrtare | Baloteli te Marseja, “SuperMario” kopjon francezin Sise’

Sport Ekspres — Wed, 23 Jan 2019 16:10:41 +0000

Mario Baloteli është zyrtarisht lojtar i Marsejës. Sulmuesi italian ka nënshkruar një kontratë të shkurtër 6-mujore me ekipin marsejez, pasi Patris Viera e largoi me forcë nga skuadra e Nisës. Baloteli ka luajtur për shumë skuadra në Evropë dhe me vitet e arta që po i kalojnë, kjo lëvizje pasqyron saktë zhvillimet e karrierës së “SuperMarios”.

Te Interi, konsiderohej si talenti më i madh italian, por lëvizja te Mançester Siti dhe zënkat me Mançinin bënë që karriera e tij të pësonte një rënie të lirë. U rikthye te Milani, ku ishte lider i skuadrës, por zgjodhi të largohej sërish drejt Premier Ligës, ku dështoi me ekipin e Liverpulit.

U rikthye te Milani si huazim gjashtë muaj, më pas përfundoi te Nisë. Me kombëtaren e Italisë, i ka “shkëputur” raportet dhe tashmë, e sheh veten te Marseja. Mediat franceze janë të bindura se nëse ekipi marsejez nuk do të kishte probleme në sulm, as nuk do të kishin hedhur sytë nga Baloteli. Një mëkat për një futbollist që dikur konsiderohej si shpresa e Italisë.

FOTO: GettyImages

Te Marseja, Baloteli ka marrë numrin 9, fanellë që është mbajtur nga një prej lojtarëve më të mirë francez, Zhibril Sise’. Ndoshta, “SuperMario” do të përsërisë lavdinë që Sise’ përjetoi me skuadrën marsejeze.

Merr fund “telenovela” Baloteli, kontratë 6-mujore me “gjigantin” francez

Sport Ekspres — Tue, 22 Jan 2019 17:57:15 +0000

E ardhmja e Mario Balotelit tashmë është vendosur. Sulmuesi italian tërhoqi interesin e shumë skuadrave në vendlindje, por në fund “Super Mario” ka pranuar ofertën e Olimpikut të Marsejës.

Sipas “RMC Sports”, para pak orësh palët kanë gjetur akordin për një kontratë 6-mujore, ndërsa ditën e nesërme transferimi do të marrë formë zyrtare, pasi italiani të kalojë me sukses analizat mjekësore.

Transferimi i Balotelit te Marseja nuk do të ketë asnjë kosto ekstra, pasi 28-vjeçari ka zgjidhur kontratën e tij me klubin e Nicës, ku luajti për 2 sezone e gjysmë. Te Marseja shpresojnë që italiani të jetë zgjidhja për repartin e sulmit, që këtë sezon ka qenë tepër problematik, pasi sulmuesit Kostas Mitroglu dhe Valer Zhermën kanë zhgënjyer përgjatë të gjithë sezonit.

E ardhmja e Balotelit? Presidenti i Nicës sqaron gjithçka

Sport Ekspres — Mon, 24 Dec 2018 16:24:34 +0000

Sezoni i tretë i Mario Balotelit në Francë, po rezulton një katastrofë e vërtetë. Zero gola, probleme me trajnerin, zënka me shokët e ekipit dhe një raport inekzistent me presidentin e Zhan-Pier Riviere. Ka qenë pikërisht ky i fundit që ka thyer heshtjen, duke folur për të ardhmen e lojtarit më të paguar të skuadrës së tij.

Mario ka bërë shumë për ne në dy sezonet e para. Këtë viti është disi me e komplikuar për arsye që tashmë dihen nga të gjithë. Për momentin, si ne dhe, por dhe ai, ndodhemi një situatë delikate. Në merkaton e janarit do të shikojmë se ç’mund të bëjmë me kontratën e tij. Do i vlerësojmë gjërat me qetësi”, tha president i klubit të Nicës.

Marrëdhëniet midis sulmuesi italian dhe klubit u përkeqësuan gjatë merkatos së verës. Një ofertë e Marsejës futi palët në sherr, pasi agjenti i Balotelit, Mino Raiola, pretendonte se lojtari të tij i kishte mbaruar kontrata, por dokumentet e firmosura nga Baloteli nuk i jepnin të drejtë.

FOTO | Baloteli tallet me Mylerin dhe kujton gjysmëfinalen e makthit gjerman

Sport Ekspres — Sat, 15 Dec 2018 14:14:54 +0000

Tomas Myler bëri një ndërhyrje horror në ndeshjen me Ajaksin në mesjavë. Sulmuesi i Bajenrit jo vetëm që e dëmtoi lojtarin e holandez, Taliafikon, por u ndëshkua me karton të kuq.

Nuk kishte si të mos merrte vëmendjen edhe nga Mario Baloteli, i cili njihet se është në personazh që nuk i kursen shakat. Përmes një postimi në “Instagram” Baloteli është tallur disi me lojtarin gjerman.

Në foto shihet momenti kur Myler ndërhyn me takë, por në anën tjetër nuk është Taliafiko, por “SuperMario”, në një moment ku ka festuar golin e shënuar ndaj Gjermanisë në gjysmëfinalen e Europianit të vitit 2012. Në foton e dytë shihet sërish Baloteli në të njëjtën pozë, por Myler i shtrirë në tokë, i dëmtuar. Një thumbim i dyfishtë nga ana e lojtarit italian, i cili edhe një herë tjetër tregoi klas, por jashtë fushe tani.

https://www.instagram.com/p/BrYqU2CnXUT/?utm_source=ig_embed&utm_campaign=embed_loading_state_control

Mbaron “telenovela” Baloteli, gati kalimi te gjiganti francez

Sport Ekspres — Fri, 20 Jul 2018 14:13:57 +0000

Mario Baloteli dhe situatat problematike janë një dyshe e pandashme. Por, duket se më në fund do të ketë paqe për sulmuesin italian, i cili në muajt e fundit kishte pasur përplasje me presidentin e klubit të Nicës në lidhje me vlefshmërinë e kontratës së tij. Ditën e djeshme mediet franceze raportojnë se gjithçka është rregulluar dhe “Super Mario” ka marrë dritën jeshile për të kaluar te skuadra e Olimpikut të Marsejës.

Skuadra franceze ka vendosur të luajë pastër duke vendosur të paguajë një shifër të konsiderueshme për të evituar përballjen në gjykata me klubin e mëparshëm të Balotelit, Nicën. Ekipi i drejtuar nga Rudi Garsia do të synojë të rikthehet në Champions League pas katër vitesh mungesë.

Për Balotelin ky kalim mund të konsiderohet si kapërcim i madh në karrierë pas një kalvari dështimesh në skuadrat e Mançester Sitit, Milanit dhe Liverpulit.