Balloteli

Mançini zbulon të përzgjedhurit, Baloteli jashtë liste

Sport Ekspres — Mon, 27 May 2019 18:55:28 +0000

Roberto Mançini ka bërë publike listën me të grumbulluarit për ndeshjet e muajit qershor, ku Italia do të vihet përballë Bosnjës dhe Greqisë në kuadër të kualifikueseve të “Euro 2020”. Siç është bërë traditë në “epokën” Mançini, lista është me një numër tejet të lartë, plot 33 lojtarë.

Pas një mungesë të gjatë janë rikthyer ntë kombëtare Andrea Beloti dhe Antonio Mirante, ndërsa ka ardhur një ftesë e parë për portierin e Atalantës Pierluixhi Golini, ky i fundit përfitoi nga një dëmtim i Donarumës.

Jashtë liste ka mbetur Mario Baloteli. Mançinin ka preferuar ti besojë emrave si Imobile, Kualjarela, Pavoleti dhe Ken.

Portierë: Alesio Kranjno (Kaljari), Pierluixhi Golini (Atalanta), Salvatore Sirigu (Torino), Antonio Mirante (Roma)

Mbrojtës: Françesko Açerbi (Lacio), Kristiano Biragi (Fiorentina), Leonardo Bonuçi (Juventus), Giorgio Kielini (Juventus), Matia De Shiljo (Juventus), Emerson Palmieri (Çelsi), Alesandro Florenci (Roma), Armando Izo (Torino), Gianluca Mançini (Atalanta), Alesio Romanjoli (Milan), Leonardo Spinazola (Juventus)

Mesfushorë: Nikolo Barela (Kaljari), Federiko Bernardeski (Juventus), Brajan Kristante (Roma), Zhorzhinjo (Çelsi), Lorenco Pelegrini (Roma), Stefano Sensi (Sasuolo), Marko Verati (Paris Saint-Germain), Nikolo Zaniolo (Roma)

Sulmues: Andrea Beloti (Torino), Federiko Kieza (Fiorentina), Stefan El Sharaui (Roma), Vinçenco Grifo (Frajburg), Çiro Imobile (Lacio), Lorenco Insinje (Napoli), Moise Ken (Juventus), Leonardo Pavoleti (Kaljari), Mateo Politano (Inter), Fabio Kualiarela (Sampdoria)

Merr fund “telenovela” Baloteli, kontratë 6-mujore me “gjigantin” francez

Sport Ekspres — Tue, 22 Jan 2019 17:57:15 +0000

E ardhmja e Mario Balotelit tashmë është vendosur. Sulmuesi italian tërhoqi interesin e shumë skuadrave në vendlindje, por në fund “Super Mario” ka pranuar ofertën e Olimpikut të Marsejës.

Sipas “RMC Sports”, para pak orësh palët kanë gjetur akordin për një kontratë 6-mujore, ndërsa ditën e nesërme transferimi do të marrë formë zyrtare, pasi italiani të kalojë me sukses analizat mjekësore.

Transferimi i Balotelit te Marseja nuk do të ketë asnjë kosto ekstra, pasi 28-vjeçari ka zgjidhur kontratën e tij me klubin e Nicës, ku luajti për 2 sezone e gjysmë. Te Marseja shpresojnë që italiani të jetë zgjidhja për repartin e sulmit, që këtë sezon ka qenë tepër problematik, pasi sulmuesit Kostas Mitroglu dhe Valer Zhermën kanë zhgënjyer përgjatë të gjithë sezonit.

Baloteli ndërron destinacion, bën gati rikthimin e bujshëm

Sport Ekspres — Tue, 08 Jan 2019 16:36:41 +0000

Mario Baloteli është një ndër emrat më të përfolur të merkatos së janarit. Italiani, i cili e ka vendosur tashmë që do të largohet nga Nica, fillimisht u mendua se do të kalonte te Olimpiku i Marsejës.

Gjithsesi, në raportitem e fundit në Francë, thuhet se sulmuesi nuk do të kalojë në Marsejë dhe duket se destinacioni i tij do të jetë diku tjetër. Së fundmi, është hapur pista e rikthimit në Serie A, teksa “Tuttosport” dhe “Rai”, kanë raportuar se Parma, Sampdoria e Sasuolo kanë shfaqur interes të madh për Balotelin.

Pritet për t’u parë vendimi që italiani do të marrë, por gjasat janë të shumta që një rikthim i tij në Serie A të ndodhë. Kujtojmë, 28-vjeçari ka luajtur më parë me fanllën e Interit dhe Milanit në futbollin italian.

Baloteli i “bllokuar” te Nica, Marseja dërgon ofertat qesharake

Sport Ekspres — Wed, 15 Aug 2018 15:57:59 +0000

Mario Baloteli nuk ka sesi t’i shpëtoj polemikave në çdo klub që shkon. Sulmuesi italian dhe agjenti i tij Mino Raiola pretendojnë që lojtari është i lirë, por klubi i Nicës dhe dokumentet ligjore tregojnë një tjetër histori. Tek ekipi francez janë të gatshëm ta shesin lojtarin për një çmim prej 10 milionë eurosh, por kjo klubet e interesuara për Balotelin po shfrytëzojnë situatën për të përfituar sa më shumë.

Marseja, skuadër që ka shfaqur interes më konkret ka dërguar dy oferta për sulmuesin italian, njëra më qesharake se tjetra. Oferta e parë ishte marrja e Balotelit me kosto 0 dhe si këmbim Nica do të merrte në një huazim me detyrim blerje 5 milionë € fantazistin Remi Kabela. Pra Marseja kërkonte që me një gur të vriste dy zogj, duke hequr edhe një lojtar të nivelit mesatar si Kabela, e duke siguruar shërbimet e sulmuesit italian.

Ndërsa ofertës së dytë i janë shtuar 2.5 milionë € për kartonin e Balotelit dhe një vlerë kartoni më e vogël për blerjen e Kabelës. Sido që të shkojnë tratativat, është e sigurt që Baloteli nuk do të luaj më për Nicë, pasi ai nuk ka marrë pjesë në asnjë seancë stërvitore që nga përfundimi i sezonit të kaluar.