Ndërkohë edhe Van Dijk ka bërë një sezon të artë me Liverpulin. Ai ka treguar se është një mburojë e fortë në mbrojtje dhe ka cilësitë e një lideri. 27-vjeçari nuk është dribluar asnjë herë këtë sezon.

Kjo ka ndodhur prej aftësive të mëdha, por edhe kujdesit, që ai ka për të hyrë në duele një me një. Ndryshe nga Mesi, Van Dijk nuk do kishte arritur gjë pa ndihmën e skuadrës. Fitimi i Champions League e favorizon jo pak.
Rikardo Kaka ka folur rreth kësaj çështje dhe si duket ka parë pak më shumë se ç’duhet Premier Ligën këtë sezon, duke humbur kështu magjitë e Mesit. Ose ngaqë Leo ka një dekadë që mrekullon, tashmë Kakasë nuk i bën përshtypje.

Ai mendon se argjentinasi nuk ka bërë sa Van Dijk për të fituar “Topin e Artë”. “Do të shohim kohën e mbetur se çfarë do të ndodhë. Gjatë bisedave të ndryshme kam analizuar se Van Dajk meriton të fitojë atë trofe individual. Pati një sezon të shkëlqyer dhe fitoi Champions League, duke luajtur në mënyrë të çmendur. Mendoj se ka ardhur koha ta fitojë një mbrojtës”, u shpreh Kaka.

Këpuca e Artë: “Një çmim i bukur, për skuadrën, ashtu si çmimi Zamora për portierin më të mirë. Është një vlerësim për ekipin, ndaj jam i lumtur që e kam fituar sërish”.

Champions: “Kam 5 Këpucë të Arta, 5 Topa të Artë, do ishte bukur nëse fitoja edhe Champions numër 5. Është një trofe special”.

Futbolli dhe familja: “Sapo u bëra baba, prioriteti ka qenë gjithnjë familja. E dashuroj futbollin dhe jetoj për të, por familja vjen mbi gjithçka. A mjaftojnë 3 fëmijë? Do donim edhe një vajzë, por është ende shumë herët”.

Dy çunat e tij më të rritur, Mateo e Thiago në Camp Nou: “E pëlqejnë shumë futbollin. Tiago kupton më shumë, sepse është më i rritur dhe diskutojmë për gjithçka në lidhje me futbollin. Është shumë kërkues, që tani ka nisur të më kritikojë, të më tregojë gjërat që nuk i pëlqejnë”.

Kur Barça humbet: “Më përpara nuk flisja nga nervat, por tani kam ndryshuar. Tiago nuk më lë të hesht, më pyet për gjithçka dhe pse nuk fituam. Flas shumë më tepër tani”.

Ter Stegen dhe Gjermania: “U befasova kur pashë që Ter Stegen nuk ishte titullar në Kupën e Botës, sepse vinte nga një sezon madhështor, por është çështje që nuk më përket”.

Guardiola: “Është e vështirë, e di, por do doja të punoja sërish me të. Është një ndër trajnerët më të mirë në botë”.

Ndryshimi mes penalltive dhe faulleve për Mesin: “Nëse ke barrikadë dhe distancë, është një lloj tjetër goditjeje dhe nuk ke përsipër presionin e detyrimit për të shënuar. Te penalltia ke shumë për të humbur dhe portieri është më i qetë, nuk i kërkon askush të presë me çdo kusht gjuajtjen”.

Golat e shumtë të pësuar nga Barça: “Këtë vit po luajmë me 4-3-3 sërish, vitin e shkuar luanim me dy linja me nga 4 lojtarë dhe linim pak hapësira, por ishte më e vështirë për të krijuar raste për shënim. Tani kemi më shumë zotërim topi dhe luajmë më mirë, por jemi më të zbuluar në mbrojtje.

Bacelona dhe të rinjtë e rritur në shtëpi: “Është diskutim i ndërlikuar, nuk e di a është e mundur që Barça të luajë me 11 lojtarë të rritur në Barcelonë, në Cantera. Do duhet kohë, ndoshta mund të ndodhë në të ardhmen. Shpesh duhet durim, të rinjtë tani marrin shumë oferta dhe duan të luajnë, nuk presin dot gjatë derisa të kalojnë në ekipin e parë.

Vendi i pestë për Topin e Artë: “Për të qenë i sinqertë, nuk i kushtoj shumë rëndësi Topit të Artë, edhe pse është një çmim i madh. E dija që këtë sezon nuk kisha shanse ta fitoja dhe nuk u befasova.

Dembele: “Në fushë është fenomen, varet gjithçka prej tij, i ka të gjitha mundësitë të bëjë ç’të dojë. Mund të bëhet ndër më të mirët në botë, por është i ri dhe po përshtatet me klubin dhe qytetin. Duhet lënë i qetë, ai i ka kuptuar gabimet e tij dhe i ka korrigjuar, ne do ta ndihmojmë të përqendrohet te futbolli”.

Reali pa Ronaldon: “Në fillim të sezonit thashë që Reali është klub shumë i madh, me shumë lojtarë të mëdhenj, por çdo klub do e ndjente mungesën e Ronaldos. Ai shënon shumë gola dhe të krijon shumë raste për shënim, ndaj nuk habitem nga vuajtjet e Realit. Rivaliteti me Ronaldon ishte shumë i shëndetshëm dhe shumë i bukur për tifozët”.

Nejmar: “Jemi miq, kemi pasur eksperienca të bukura së bashku, do ishim të lumtur nëse do kthehej. Megjithatë, është e ndërlikuar, PSG nuk e lëshon aq lehtë”.

This video of Ada Hegerberg is worth your time. This is why she is the first female winner of the Ballon D'Or. Sadly the video of the goon asking her to twerk will be watched more than this. pic.twitter.com/HxNTDrivrz

— Darren Cleary (@RadioCleary) December 3, 2018

Hegerberg, e cila ka qenë vendimtare me golat e saj për sukseset e Lionit, fitues i titullit në Francë dhe kampion Europe, la pas danezen Pernille Harder në votim, por u vu në siklet nga kërkesa e çuditshme e Solveig.

23-vjeçarja buzëqeshi tërë siklet dhe u shtang nga pyetja e Solveig, ndërsa më pas tha “jo” dhe tentoi të largohej nga skena, para se ish-ylli francez David Zhinola të ndërhynte dhe ta ftonte për një vallëzim, shumë më normal se “twerking”.

Pas ceremonisë së Topit të Artë Solveig kërkoi falje publike për batutën e tij: “I shpjegova është Adës dhe ajo më tha se e kuptoi që ishte një shaka. Gjithsesi, u kërkoj ndjesë gjithë atyre që mund të jenë ofenduar. Mbi të gjitha, përgëzime Anës”.

I explained to @AdaStolsmo the buzz and she told me she understood it was a joke. Nevertheless my apologies to anyone who may have been offended. Most importantly congratulations to Ada pic.twitter.com/DATdg0TfQk

— Martin Solveig (@martinsolveig) December 3, 2018

“Ai erdhi tek unë pas ceremonisë dhe ishte vërtet i trishtuar për atë që ndodhi. Nuk e konsideroj një ngacmim seksual, asgjë e tillë. Isha e lumtur që fitova Topin e Artë dhe e pranova me gjithë qejf vallëzimin e Ginola”, tha Hegerberg, e cila ka një mesazh për futbollistet anembanë: “Besoni te vetja, ky është mesazhi që kam për gjithë vajzat nëpër botë”.

Ndërkaq, tenisti Endi Mërej ka komentuar me tone të ashpra ngjarjen: “Ky është një tjetër shembull i seksizmit qesharak që ekziston në sport. Çfarë pyetjesh u bënë për Mbapé e Modriç? Vetëm për futboll. Për mua nuk ishte një shaka, më besoni, kam gjithë jetën në sport dhe niveli i seksizmit është i paimagjinueshëm”.

Andy Murray on women’s Ballon d’Or winner Ada Hegerberg being asked to twerk on stage tonight… pic.twitter.com/XWhchKnWvW

— Stuart Fraser (@stu_fraser) December 3, 2018