Ballkani

Skuadër e re për sulmuesin Magani, mbetet në Kosovë

Sport Ekspres — Mon, 29 Jul 2019 19:46:51 +0000

Futbollistët shqiptarë, nuk kanë ndërmend të largohen nga IPKO Superliga, edhe nëse ndërrojnë skuadër. Kështu ka ndodhur dhe me sulmuesin Artur Magani, i cili u largua nga skuadra e Feronikelit. Sulmuesi, i cili u shpall kampion i Kosovës sezonin e shkuar, ka firmosur për ekipin e Ballkanit, aty ku do të vazhdojë karrierën e tij.

Njoftimi i KF Ballkanit:

“Në përpjekje të vazhdueshme për konsolidim të skuadrës, në veçanti të sulmit para pak çastesh FC Ballkani ka arritur marrëveshje një vjeçare me futbollistin këmbëshpejtë Artur Magani.

Arturi është formuar si futbollist në shtetin amë, duke mbrojtur ngjyrat e ekipeve si KF Teuta, KF Shkumbini, ndërsa Superligën e ka shijuar me fqinjët nga Prizreni FC Liria dhe se fundmi tek kampioni i Kosovës KF Feronikeli.”

VIDEO | Supergol i Plakut, Llapi barazim spektakolar në miqësore

Sport Ekspres — Sat, 13 Jul 2019 17:54:44 +0000

Llapi dhe Ballkani kanë zhvilluar një takim miqësor sot, që është mbyllur në barazim 2-2. Plot 4 gola të shnëuar në këtë sfidë, por goli më i bukur, ishte padiskutim ai i Sebino Plakut. Ish-sulmuesi i Kamzës ekzekuton në mnëyrë të shkëlqyer një goditje dënimi në minutën e 78’.

Edhe pse në një distancë shumë të afërt dhe me një mur mbrojtës të lartë, Plaku nuk e ka aspak të vështirë të gjejë trekëndëshin e portës kundërshtare, duke lënë në vend portierin e Ballkanit dhe duke vendosur rezultatin final të sfidës në 2-2.Kjo ndeshje ishte shumë e luftuar mes dy skuadrave dhe ka pasur edhe një numër të konsiderueshëm tifozësh në stadium.

Ballkani – Llapi 2-2
Edvin Kuc, Arber Hoxha / Sebino Plaku 78’, Bujar Idrizi 34’

S’ka surpriza, Feronikeli dhe Trepça 89 në finalen e Kupës së Kosovës

Sport Ekspres — Wed, 01 May 2019 15:48:13 +0000

Feronikeli dhe Trepça 89 janë dy skuadrat finaliste të Kupës së Kosovës. Përballjet e kthimit nuk dhuruan surpriza me Feronikelin që mposhti 2 – 0 Ballkanin, ndërsa Trepça u mund 1 – 0 nga Vëllaznimi rezultat ky që nuk i prishi punë skuadrës nga Mitrovica që kishte fituar takimin e parë në Gjakovë me rezultatin e thellë 4 – 0.

Përveç trofeut, fitues i Kupës së Kosovës merr një biletë për në raundet kualifikuese të “Europa League”, një mundësi kjo që nuk u jepet asnjë prej skuadrave në kampionat, me përjashtim të fituesit që shkon në raundin e parë kualifikues të Champions League.

Feronikeli 2 – 0 Ballkani (Rezultati i përgjithshëm 4 – 1)
Shënues: Lladrovci 17’, Magani 82’

Trepça 89 0 – 1 Vëllaznimi (Rezultati i përgjithshëm 4 – 1)
Shënues: Gashi 25’

IKPO SUPERLIGA: Triumf i artë i Ferizajit, Liria në “humnerë”

Sport Ekspres — Mon, 22 Apr 2019 15:59:10 +0000

Ferizaj feston, pasi ka arritur të mundë me rezultatin 3-1 Flamurtarin e Prishtinës. Një fitore ndaj një rivali direkt, por sërish mbetet në zonën e ftohtë. Gjithsesi diferenca me Ballkanin, që barazoi pa gola me Lirinë sot, është vetëm dy pikë, çka e bën garën për mbijetesë mjaft të fortë në IPKO Superliga.

Prizrenasit, pas KEK-ut që po përgatitet për të luajtur një kategori më poshtë sezonin e ardhshëm, duket se do jenë skuadra e dytë që do lënë elitën e futbollit dardan. Edhe pse në shtëpi, nuk ia dolën të fitonin dot nga Ballkanit.

Për t’u rikthyer te fitorja e Ferizajit, ndeshja u zhbllokua pas 20 minutash lojë nga Shabani. Gjithsesi Flamurtari u kundërpërgjigj shpejt me anë të Grançov. 1-1 dhe fraksioni i parë i lojës nuk prodhoi gola të tjerë.

Ferizaj gjatë gjithë kohës ushtroi presion, duke arritur të godasë edhe shtyllën. Vetëm në fund do sigurohet fitorja. Qëndrim Dautaj ishte ai që shënoi golin e epërsisë dy minuta para fundit të kohës së rregullt. Në shtesë Demiri shënoi edhe golin e tretë dhe fitorja u hipotekua për vendasit.

IPKO Superliga e Kosovës – Java 28

Ferizaj-Flamurtari 3-1
Shënues: Shabani 21’, Dautaj 88’, Demiri 94’ / Grançov 25’
Liria-Ballkani 0-0

Trepça prek finalen e Kupës së Kosovës, triumfon edhe Feronikeli

Sport Ekspres — Wed, 17 Apr 2019 16:41:51 +0000

Janë luajtur dy sfidat e para gjysmëfinaleve të Kupës së Kosovës dhe si Trepça, ashtu dhe Feronikeli, kanë triumfuar në transfertë. Trepça shkatërroi 0-4 skuadrën e Vëllazënimit. Golat nga Hoti dhe Manaj në pjesën e parë i hapën udhë këtij suksesi, që u kompletua nga golat e Kaçiut dhe Traores në shtatë minutat e fundit.

Ndërsa ndeshja mes Ballkanit dhe Feronikelit, ishte më e luftuar. Miqëtë ishin në avantazh të dyfishtë për pjesën më të madhe të lojës, pasi Hoti dhe Zeka gjetën rrjetën, por goli i Berishës në minutën e 88’ e mban ende të hapur ndeshjen e kthimit, që do të luhen me datë 1 maj.

Kupa e Kosovës, rezultatet e gjysmëfinaleve të para

Vëllaznimi – Trepça ‘89 0-4
E. Hoti 23’, Manaj 45’, Kaçiu 83’, Traore 90’

Ballkani – Feronikeli 0-2
V. Berisha 88’ / Hoti 30’, Zeka 49’

Hoti shkëlqen me dopietë, Trepça siguron tri pikët

Sport Ekspres — Fri, 12 Apr 2019 15:40:47 +0000

Trepca 89’ ka mposhtur skuadrën e Ballkanit me rezultatin 2 – 0. Ekipi nga Mitrovica merr tri pikë të çmuara që e largojnë nga zona e ftohtë, kur kanë mbetur edhe gjashtë javë kampionat.

Protagonisti i takimit ishte 22-vjeçari Ëngjëll Hoti. Lojtari i rritur në Gjermani shënoi dy golat që i dhanë fitoren skuadrës së “minatorëve”.

Trepça 89’ 2 – 0 Ballkani
Shënues: Hoti 17’, 62’

Standings provided by Sofascore LiveScore

Ballkani dorëzohet në fund, Prishtina në festë

Sport Ekspres — Sun, 31 Mar 2019 13:54:42 +0000

Prishtina arriti një fitore shumë të rëndësishme në transfertë përballë Ballkanit. Mjaftuan dy gola të Meriton Korenicës për të mposhtur vendasit. 21-vjeçari nga Rahoveci shënoi golin e avantazhit në minutën e 72-të, nëpërmjet një goditje fantastike.

Ekipi nga kryeqyteti nuk u ndal dhe gjeti sërish rrjetën. Ishte përsëri Korenica që shënoi tre minuta përpara fundit, duke vulosur fitoren e miqve dhe duke ngjitur ekipin e Josës në vendin e dytë me 53 pikë, dy më pak se Feronikeli, që luan në orën 17:00 në fushën e Flamurtarit.

Ky ishte goli i tetë në kampionat për lojtarin ofensiv, i cili është golashënuesi më i mirë i ekipi të tij. Ballkani u thye pas dy barazimesh rresht dhe tani renditet në vendin e tetë me 29 pikë.

Ballkani-Prishtina 0-2
(Korenica 72’, 87’)

VIDEO | Ballkani ndal Llapin, Drita “blindon” vendin e katërt

Sport Ekspres — Sat, 16 Mar 2019 14:58:54 +0000

Llapi nuk ia ka dalë të mposhtë Ballkanin në shtëpi. Ndeshja përfundoi në barazim 1-1dhe ekipi nga Podujeva numëron 4 pikë më pak se Feronikeli kryesues, që pret nesër ekipin e Trepça ’89 në shtëpi.

Pikë e mirë për miqtë, të cilët renditen në vendin e gjashtë me 29 pikë. Ballkani shënoi shumë shpejt. Jetmir Topalli gjeti golin që në minutën e pestë, ndërsa Llapi barazoi shumë vonë. Mentor Zhdrella u tregua i saktë nga pika e penalltisë, duke i dhuruar një pikë ekipit të tij me golin e shënuar në minutën e 84-t.

Drita nuk u ndal as kundër Lirisë. Fitorja e katërt rresht për kampionët në fuqi, të cilët mposhtën 2-0 ekipin nga Prizreni. Filonit Shaqiri gjeti golin e avantazhit 11-të minuta përpara fundit, ndërsa Betim Haxhimusa vulosi fitoren gjashtë minuta më vonë.

Ky trepikësh e ngjit Dritën në vendin e katërt me 38 pikë, ndërsa Liria qëndron e parafundit me 24 pikë. Ndeshja midis Drenicës dhe Ferizajt u mbyll ashtu si nisi. Pikë e rëndësishme për miqtë, të cilët e kanë marrë vetën pas rikthimit të Sokolit në stol.

IPKO SUPERLIGA E KOSOVËS – JAVA 23

E shtunë, më 16 mars, ora 14:00

Drenica-Ferizaj 0-0

Drita-Liria 2-0
Shënues: Shaqiri 79’, Haxhimusa 85’

Llapi-Ballkani 1-1
Shënues: Zhdrella 84’ (pen) / Topalli 5’

Drita përmbys Ballkanin, fitore e artë për gjilanasit

Sport Ekspres — Tue, 05 Mar 2019 14:24:50 +0000

Drita ka marrë një fitore shumë të vlefshme dhe që e mban larg zonës së ftohtë. Kampionët në fuqi të Kosovës fituan me përmbysje në transfertë kundër Ballkanit, në një ndeshje që u mbyll me rezultatin e ngushtë 1-2.

Topalli ishte ai që hapi ndeshjen me një gol të realizuar që në minutën e 13-të. Drita u përpoq të barazonte, por në fraksionin e parë të lojës nuk ia dolën dot. Në pjesën e dytë ishte Neziraj ai i cili realizoi dhe vendosi baraspeshën.

Drita shfrytëzoi momentin e mirë dhe Nuabeze arriti të shënonte edhe golin e dytë dhe të fitores. Kështu bardhekaltrit shkuan në kuotën e 32 pikëve, duke u ngjitur momentalisht në vendin e katërt në kampionat.

IPKO SUPERLIGA E KOSOVËS – Java 21
E martë, më 05 mars, ora 13:30

Ballkani-Drita 1-2
Shënues: Topalli 13’ / Neziraj 57’, Nuabeze 70’

Morina merr për dore Prishtinën, Vilfor Hysa Gjilanin

Sport Ekspres — Sun, 11 Nov 2018 14:25:22 +0000

Prishtina është në rrugë të mbarë, pasi sot ka mposhtur me rezultatin 2-0 skuadrën e Ballkanit. Ekipi i drejtuar nga Mirel Josa ka shënuar dy her ënë pjesën e dytë të takimit dhe ai që hapi ndeshjen ishte Mario Morina.

Sulmuesi tiranas po kalon një formë shumë të mirë dhe këtë e tregoi edhe sot, kur me një goditje nga distanca e kaloi Prishtinën në avantazh. Goli i pestë në gjashtë ndeshjet e fundit për Morinën. Fitoren e hipotekoi Korenica, i cili realizoi edhe golin e dytë.

Gjilani i është falur Vilfor Hysës në takimin me Drenicën. Sulmuesi shtatshkurtër realizoi pak minuta nga fundi i takimit. Skuadra e kuqe ngjitet në këtë mënyrë në vendin e katërt në klasifikim. Tre pikë me shumë vlera për Gjilanin.

Trepça ’89 ka bërë detyrën ndaj KEK-ut, duke fituar me rezultatin 4-1. Miqtë befasuan me një gol të shpejtë të Gashit, por Mersini e vendosi shumë shpejt baraspeshën. Në pjesën e dytë ishte Rusi që gjeti dy herë rrugën e rrjetës për skuadrën nga Mitrovica. Në fund Manaj plotësoi “pokerin” për Trepça ‘89.

IPKO SUPERLIGA – JAVA 15

Gjilani-Drenica 1-0
Shënues: Hysa 84’
Prishtina-Ballkani 2-0
Shënues: Morina 65’, Korenica 69’
Trepça ’89-KEK-u 4-1
Shënues: Mersini 13’, Rusi 49’, 51’, Manaj 88’ / Gashi 8’

Feronikeli marshon me Rexhën, Llapi befasohet në shtëpi

Sport Ekspres — Wed, 31 Oct 2018 14:31:53 +0000

Feronikeli marshon dhe pret hapat falas të rivalëve. Skuadra nga Drenasi kaloi me sukses Drenicën, që e mposhti me rezultatin e ngushtë 2-1. Zhan Karioka, ish-mesfushori i Kukësit, ishte ai që shënoi golin e parë për skuadrën e drejtuar nga Zekerija Ramadani.

Gjithsesi Drenica nuk u dorëzua edhe me anë të Mëziut arriti të barazonte pak nga fundi i pjesës së parë. Me rezultatin 1-1 skuadrat iu drejtuan dhomave të zhveshjes. Feronikeli e kishte të qartë që duhet të fitonte dhe ia doli falë golit të shënuar nga Kastriot Rexha. Pikërisht për të zgjidhur “telashet” ia morën Dritës në verë goleadorin shtatlartë.

Llapi është befasuar në shtëpi nga Ballkani dhe ka humbur terren me Feronikelin kryesues. Një gol i shënuar nga Gashi i ka dhënë tre pikët skuadrës vendase dhe për skuadrën nga Podujeva ka marrë një goditje të rëndë.

Gjilani ka bërë detyrën ndaj KEK-ut të vendit të fundit, teksa ka fituar me rezultatin e pastër 2-0. Perez në pjesën e parë zhbllokoi ndeshjen, ndërkohë që Vilfor Hysa ishte ai që pak minuta para fundit të takimit i mbyll llogaritë e këtij takimi me golin e shënuar.

IPKO SUPERLIGA – JAVA 13

Gjilani-KEK-u 2-0
Shënues: Perez 33’, Hysa 86’

Feronikeli-Drenica 2-1
Shënues: Karioka 33’, Rexha 78’ / Mëziu 43’

Llapi-Ballkani 0-1
Shënues: Gashi 71’

Drita e Duros vazhdon ngjitjen, Flamurtarin rigjen fitoren

Sport Ekspres — Fri, 26 Oct 2018 14:03:08 +0000

Kampionët në fuqi të Dritës kanë fituar ndeshjen e katërt radhazi dhe vijojnë të ngjiten në tabelën e klasifikimit. Sot gjilanasit kanë bërë detyrën në transfertë kundër KEK-ut të vendit të fundit, duke fituar 1-2. Ka qenë sulmuesi Betim Haxhimusa ai që ka vendosur fatet e ndeshjes, duke shënuar në fillim dhe në fund të takimit.

Rikthehet te fitorja edhe Flamurtari, që ka mposhtur skuadrën e Ferizajt në transfertë. Vendasit shënuan të parët me anë të Berbatovcit dhe pjesa e parë u mbyll 1-0. Krasniqi për kuqezinjtë barazoi shifrat në të 55’, ndërkohë që Zylfiu e çoi rezultatin në 1-2 për skuadrën nga Prishtina.

Tre minuta nga fundi Krasniqi shënoi edhe golin e tretë, ndërkohë që më pas Mazrekaj goli i Mazrekajt pati vetëm vlera statistikore. Gjithçka u mbyll me rezultatin 2-3 për miqtë. Ballkani ka marrë tre pikë me vlera në shtëpi me Lirinë e Prizrenit. Manevski ishte autor i golit të vetëm të këtij takimi, që u mbyll 1-0.

IPKO SUPERLIGA – Java 12

Ferizaj – Flamurtari 2-3
Shënues: Berbatovci 28’, Mazrekaj 89’ / Krasniqi 55’, 87’, Zylfiu 68’
KEK-u – Drita 1-2
Shënues: Haxhimusa 7’, 94’
Ballkani – Liria 1-0
Shënues: Manevksi 80’

Drita e Duros luan “tenis” me Ballkanin, Llapi likuidon Gjilanin

Sport Ekspres — Wed, 17 Oct 2018 14:45:23 +0000

Drita dhe Llapi kanë fituar sot, duke marrë pikë me vlera për vazhdimësinë. Kampionët në fuqi mposhtën Ballkanin 6-1, ndërkohë që skuadra nga Podujeva kaloi me sukses Gjilanin me rezultatin 2-1.

Llapi me këtë fitore është ngjitur momentalisht në vendin e dytë, në pritje të Prishtinës që ende nuk ka luajtur. Kundër Gjilanit ata e zhbllokuan ndeshjen shumë shpejt, duke realizuar me të zakonshmin Alidema.

Pjesa e parë u mbyll me rezultatin minimal 1-0, ndërkohë që në fraksionin e dytë të lojës gjetën rrugën e rrjetës edhe Sinani e Zeqiri. Endrien Magani për Gjilanin ngushtoi shifrat në 3-1, rezultat me të cilin u mbyll i gjithë takimi.

Drita ka bërë detyrën kundër Ballkanit, duke marrë fitoren e dytë radhazi në kampionat. Hera e parë për ta këtë sezon. Haxhimusa dhe Gërbeshi me penallti shënuan dy herë në pjesën e parë, ndërkohë që më pas Shaqiri dhe Kukaj me autogol i çuan shifrat në 4-0.

Nuk mbyllet me kaq, pasi Krasniqi shënoi edhe golin e pestë për Dritën. Baftiu për Ballkanin shënoi golin e nderit, kurse Haxhimusa mbylli të gjitha llogaritë. 6-1 për skuadrën e drejtuar nga Shpëtim Duro.

IPKO SUPERLIGA – Java 10

Drita-Ballkani 6-1
Shënues: Haxhimusa 12’, 89’, Gërbeshi 36’ (pen.), Shaqiri 47’, Kukaj 59’ (aut.), Krasniqi 75’ / Baftiu 86’

Llapi-Gjilani 3-1
Shënues: Alidema 6’ , Sinani 55’, Zeqiri 66’ / Magani 76’

Feronikeli e Ferizaj në festë, gëzon edhe Duro me Dritën e tij

Sport Ekspres — Sat, 06 Oct 2018 15:27:09 +0000

Feronikeli i Zekerija Ramadanit marshon në krye të Ipko Superlika e Kosovës. Ditën e sotme ata kanë kaluar me sukses skuadrën e KEK-ut, duke e mposhtur me rezultatin 4-1. Shënuan Karioka, Fazliu dhe Magani, të cilët më parë kanë luajtur në Superiore.

Triumf edhe për Dritën e Gjilanit. Skuadra e drejtuar nga Shpëtim Duro fitoi vetëm në fund kundër Drenicës në transfertë. Bujar Shabani, ish-mesfushor i Skënderbeut, shënoi golin e parë për bardhekaltrit.

Pesë minuta nga fundi i takimit ishte Taulant Dajaku që barazoi shifrat, duke realizuar me penallti. Gjithsesi Drita nuk u dorëzua dhe mori një fitore jetike. Xhevdet Shabani, ish-futbollist i Teutës, shënoi golin që vendosi fatet e ndeshjes.

Në takimin tjetër mes Ballkanit dhe Ferizajit ishte Dren Gashi ai që shënoi në pjesën e dytë dhe i dha fitoren skuadrës së tij në transfertë. Pikë me vlera për Ferizajin.

IPKO SUPERLIGA – JAVA 9

Drenica-Drita 1-2
Shënues: Dajaku 85’ (pen.)/ B. Shabani 65’, Xh. Shabani 89’

Ballkani-Ferizaj 0-1
Shënues: Gashi 79’

Feronikeli-Kek 4-1
Shënues: Karioka 12’, Fazliu 19’, Magani 48’, ? / ?

Superliga e Kosovës: Feronikeli spektakël, Drita në “errësirë” totale

Sport Ekspres — Sat, 15 Sep 2018 17:19:15 +0000

Feronikeli është kthyer i frikshëm pas ndryshimit në stol, sepse pas largimit të Sulejman Starovës dhe afrimit të Zekerija Ramadanit loja dhe rezultatet janë përmirësuar në mënyrë të rrufeshme, çka tregon se skuadra ishte, por me sa duket nuk e ndiqte më trajnerin.

Sot Feronikeli shpartalloi 4-0 Dritën kampione në fuqi, që është në kaos total. Pa trajner, në bisedime me disa emra të njohur, skuadra nga Gjilani është pa busull, edhe për faktin se tashmë nuk e ndihmon as fati. Që në pjesën e parë Drita mbeti me 10 lojtarë, pasi Bujar Shabani doli me karton të kuq në minutën e 38-të.

Në pjesën e dytë, në 30 minutat e fundit të ndeshjes, shpërtheu furia e Feronikelit, duke shënuar katër herë. Nga dy gola i realizuan Mendurim Hoti (62’, 87’) dhe Kastriot Rexha (77’, 90’).

Zhgënjim total në Gjilan edhe për ekipin tjetër të qytetit, sepse Gjilani u mund 3-1 në shtëpi nga Ballkani. Mysafirët kaluan në epërsi në minutën e 16-të me golin e Visar Berishës me kokë. Gjilanasit i barazuan shifrat në minutën e 28-të me golin e Vilfor Hysës. Megjithatë, gjashtë minuta më vonë skuadra nga Suhareka e riktheu epërsinë me golin e Jetmir Topallit me gjuajtje me kokë. Ndërkaq, fitoren e Ballkanit e siguroi përfundimisht Egzon Shabani, në minutën e 73-të, kur shënoi me gjuajtje nga distanca.

Në renditjen e Superligës spikat Flamurtari befasues, ndjekur tashmë nga Feronikeli, por nesër Llapi i vendit të tretë pret pikërisht Flamurtarin.

Ballkani ndal vrullin e Prishtinës, ngec edhe Gjilani

Sport Ekspres — Tue, 11 Sep 2018 16:41:01 +0000

Janë mbyllur në barazim të dyja ndeshjes e ditës së sotme të Superligës së Kosovoës. Prishtina e Mirel Josës ka barazuar 1-1 në trasnfertën ndaj Ballkanit. Kryeqytetasit shkuan të parët në avantazh falë golit të sulmuesit Mankenda, ndërsa për vendasit, shifrat i barazoi Blend Baftiu.

Në barazim pa gola ka përfunduar dhe takimi midis Drenicës dhe Gjilanit. Katër ndeshjet e tjera të xhiros së katërt do të zhvillohen ditën e nesërme.

Java e 4-t

Sot

Ballkani – Prishtina 1-1

Shënues: Baftiu 72’ / Mankenda 54’

Drenica – Gjilani 0-0

Nesër

Kek-u – Trepaça 89

Ferizaj – Feronikeli

Drita – Llapi

Flamurtari – Lira Prizren