Sipas “La Voix du Nord”, ky interes i papritur i ekipit nga veriu i Francës vjen për shkak ta një problematike të nisur së fundmi midis klubit dhe një prej  mbrojtësve të djathtë, i cili ka ndërprerë çdo kontakt me ekipin. Balliu është një lojtar që e njeh mirë kampionatin francez, ku aktivizohet prej katër sezonesh.

Lens synon rikthimin në Ligue 1 dhe te Balliu kanë njeriun e duhur, pasi futbollisti i kombëtares shqiptare ishte një ndër lojtarët me më shumë minuta gjatë sezonit të kaluar, ku Metzi mbylli kampionatin në vendin e parë.

Kontrata e 27-vjeçarit me klubin francez mbaron në fund të këtij sezoni, çka e bën mbrojtësin e krahut një afrim interesant për shumë klube.

Nëse ky transferim realizohet me sukses, Dinamo do të jetë klubi i katërt i Balliut, i cili krahas Metzit ka luajtur në të shkuarën me Arokën në Portugali dhe Barcelonën B në Spanjë.

Jo vetëm kaq, por mbrojtësi kuqezi luajti 90 minuta dhe bëri një ndeshje shumë pozitive, duke ndihmuar skuadrën e tij në triumfin 2-1 përballë Shotero. Në Danimarkë, Velje ka triumfuar 3-0 kundër Horsens. Në radhët e ekipit danez aktivizohen dy futbollistët shqiptarë, Ramadani dhe Muçolli. Për këtë të fundit, nuk kishte asnjë minutë, ndërsa Ramadanit iu besuan vetëm 10 minutat e fundit.

Kristal Abazaj qëndroi 90 minuta në stol dhe nuk u preferua nga trajneri i Osijekut në Kroaci, ndërsa në Kategorinë e Dytë zvicerane, sulmuesi Seferi luajti 90 minuta për skuadrën e Uinterthurit.

Lorenc Trashi u grumbullua për herë të parë në kombëtare, ndëra Ramadani u rikthye. Mendohej se do të ishte Keidi Bare ai që do të plotësonte mungesat në mesfushë, por për shkak se klubi i Malagas nuk është njoftuar 14 ditë më parë, Bare nuk është pjesë e listës së kuqezinjve.

Malaga luan sot Numancias dhe Keidi Bare është titullar. Po ashtu, mesfushori shqiptar do të luajë sërish të dielën me klubin spanjoll. Bare do të ishte një vlerë e shtuar për kombëtaren tonë, por mungesa e njoftimit kundrejt klubit para 14 ditësh ka bërë që Malaga ta mbajë lojtarin kuqezi, që e konsideron shumë të rëndësishëm.

E njëjta situatë ka ndodhur dhe muaj më parë, me Ivan Balliun. Mbrojtësi i Metz nuk u lejua nga klubi francez që të grumbullohet me kombëtaren, pikërisht nga mungesa e dokumentacionit të kërkuar, si në rastin e Bares dhe Malagës.

Kanë ndikuar edhe dëmtimet, sepse Balliu ka pasur probleme, por tashmë është kthyer në nivel të shkëlqyer dhe është një lider i vërtetë te Metz.

Sot skuadra kryesuese e Ligës 2 franceze vizitoi Monakon, në 1/16-at e finaleve të Kupës së Francës, dhe ishte një triumf i vërtetë, sepse Metz fitoi 3-1. Paraqitje fantastike, me Metz që ishte gjithnjë në kontroll të ndeshjes dhe shënoi në minutën e 32-të, ndërsa nuk u trondit as nga barazimi i Falkaos në minutën e 40-të.

Në minutat 62 e 74 Metz i dha goditjet fatale skuadrës së drejtuar nga Tieri Henri, i cili tashmë realisht rrezikon vedin e punës, sepse askush nuk mund ta presë pafundësisht, përtej faktit që është një legjendë e klubit.

Ivan Balliu ishte kapiten në këtë ndeshje, një vlerësim i madh nga Metzi, për një lojtar besnik dhe me rendiment konstant, sa herë luan. Si mbrojtës i djathtë Balliu shkëlqeu dhe i shkoi edhe pranë golit në fundin e takimit, ndaj tashmë Panuçi duhet të mendohet mirë, sepse realisht Shqipëria nuk mund të ketë luksin ta lërë jashtë, aq më shumë që në kombëtare kemi krahun e majtë problem dhe ai ose Hysaj duhet të luajnë aty.

#CDF #ASMFCM L'aventure continue en @coupedefrance ! Les Grenats éliminent @AS_Monaco (1-3) au terme d'une solide prestation. Le compte-rendu de la rencontre ?? https://t.co/n77YMM0Xyv
? @AS_Monaco pic.twitter.com/21NGJRK1fN

— FC Metz ? (@FCMetz) January 22, 2019

Në takimin e djeshëm në transfertë përballë Orleans, Metz mori një fitore shumë të rëndësishme 0-1, sfidë ku Balliu luajti 90 minuta. Por nuk ishte një paraqitje e mirë për mbrojtësin kuqezi dhe gjëja që tërhoqi më shumë vëmendje ishte loja e ashpër që bëri ndaj kundërshtarëve.

Balliu u ndëshkua me karton të verdhë që në minutën e 14-të të takimit dhe në shumë raste, i shpëtoi kartonit të kuq, duke u “falur” në një farë mënyre edhe nga gjyqtari kryesor.

Balliu u vlerësua me notën 6 në përfundim të takimit, por shumë tifozë në rrjetet sociale nuk ishin aspak të kënaqur me ndeshjen që zhvilloi shqiptari, madje disa e krahasuan me ish-mbrojtësin e Realit, Pepe, i cili njihet në tërë botën si një mbrojtës i ashpër dhe që ka një marrëdhënie të mira me kartonët.

Në minutën e 101-të një kombinacion i bukur midis Balliut dhe sulmuesit Habib Dialo, çoi Metzin në avantazh me mbrojtësin shqiptar që shtyu topin drejt rrjetës.

Tani Metz kalon në fazën e 1/16 të kupës së Francës, ndërsa në kampionat skuadra nga verilindja e Francës vazhdon të kryesojë kampionatin dhe rikthimi në Ligue 1 duket se nuk do të vonojë më shumë se një sezon.

Mori vëmendje të madhe situata e Loret Sadikut, i cili fillimisht ishte në listën e trajnerit Panuçi, por më pas lojtari refuzoi të grumbullohej. Nuk ishte i këtij mendimi trajneri, i cili e konsideron pjesë të skuadrës për të ardhmes, edhe pse më vonë u pajtua me idenë se justifikimi i tij se nuk ishte në formën më të mirë duket disi mashtrim, duke parë se ai është një prej lojtarëve me më shumë minuta në skuadrën e tij.

A duhet ta lusim kaq shumë Sadikun, i cili refuzon sërish? Panuçi është i qartë, por vështirë se do të ketë një tjetër shteg për Sadikun. Vetë trajneri u shpreh: “Loret Sadiku, a është vërtet me probleme fizike, kur ndërkohë është titullar gjithnjë në Turqi? Në këtë moment duhet të ruaj ekuilibrat. Nëse pastaj ndonjë lojtar më gënjen, për të mos ardhur në kombëtare, është tjetër diskutim, ndoshta nuk e kupton rëndësinë e të luajturit në kombëtare. Ai më tha që nuk është mirë fizikisht, nuk e di nëse është i lumtur që luan vetëm në Turqi dhe jo në arenën ndërkombëtare. I thashë që kombëtarja është krejt ndryshe nga të luajturit te Kasimpasa, luan kundër kombëtareve më të mira në botë. Për mua nuk është problem, zgjedhjet e mia i bëj, në heshtje, fundja 11 lojtarë do t’i gjej për t’i hedhur në fushë. Uroj ta kërkojnë Reali e Barcelona, por është e vështirë që ta shohin te Kasimpasa, është më e lehtë që ta vënë re duke luajtur për Shqipërinë. E kuptoj zgjedhjen e tij, por unë nuk jam budalla, do vija në kombëtare me motor uji, me vrap. Ai më tha që duhet të mendohet, nuk tha që nuk do vijë. Secili vepron sipas mendjes së vet”.

Ishte disi më e befasishme ajo që tha për Kamer Qakën, kur u pyet se pse nuk ishte në grumbullim. Tekniku italian ishte i qartë duke deklaruar se futbollisti në fjalë është  treguar jo shumë profesionist.  Thirrje e qartë dhe e hapur për lojtarin që në një farë mënyre nënkuptonte “duhet t’i thërrasë mendje”.

“Qaka duhet të rritet pak, për të luajtur në arenën ndërkombëtare, sepse aty duhet më shumë karakter. E kam hedhur në fushë tre herë, dy herë më ka kërkuar ndërrim pas 10 minutash. Uroj ta bëjë hapin e madh, sepse përndryshe nuk më shërben. Duhet të rritet shumë si personalitet”

Temë delikate ishte dhe ajo e Ivan Balliut. Metz ka në dorë nëse mbrojtësi dot bashkohet me skuadrën apo jo, kjo për një arsye burokratike. FIFA e ka të qartë që klubet duhet të njoftohen 14 ditë para për një lojtar që e kërkon kombëtarja, ndërsa skuadra franceze është njoftuar vetëm 13 ditë para. Do të vijë apo jo, as vetë trajneri nuk e di. Ec e merre vesh se kush e ka fajin!

Situatë jo shumë normale, me kaq shumë çështje, pasi nuk po përmendim çështjen e Mavrajt, apo mungesën e Cikalleshi, të Panuçi e kishte gati arsyetimin  tij. Mungesa e minutave tani është bërë hit në konferencat e Panuçit, i cili edhe për Kaçen luajti të njëjtën “kartë”

Prishen planet e trajnerit Kristian Panuçi, i cili i kishte në planet e tij si mbrojtësin ashtu dhe mesfushorin. Skuadra vijon përgatitjet për ndeshjen e radhës me Izraelin, e programuar për t’u zhvilluar këtë të diel në orën 20:45.

“Për shkak të probleme fizike dhe konkretisht tërheqjeve muskulore të pësuara gjatë ndeshjes miqësore ndaj Jordanisë futbollistët e ekipit kombëtar, Frederik Veseli dhe Ylber Ramadani janë larguar nga grumbullimi i ekipit kombëtar për të vijuar me fazën riaftësuese. Trajneri i skuadrës përfaqësuese Kristian Panuçi, ndërkohë ka kryer menjëherë zëvendësimet e duhura”.

“Kështu brenda ditës së sotme skuadrës do ti bashkohen mbrojtësi Ivan Balliu dhe mesfushori Sabien Lilaj, të cilët do të jenë në dispozicion të skuadrës kombëtare, në vigjilje të ndeshjes zyrtare të datës 14 tetor ora 20:45 në Izrael. Shqipëria sipas programit, sot ka zhvilluar seancën e parë stërvitore, teksa do të ketë edhe një të dytë pasdite, por me dyer të mbyllura”.

Edhe Balliu kishte luajtur me luhatje fillimisht, por në Anzher shkëlqeu, duke fituar çdo duel në krahun e djathtë, ndërkohë që ndihmoi shumë edhe sulmin.

Për pasojë, sot prestigjiozja L’Equipe e ka përfshirë në formacionin më të mirë të javës, duke e vlerësuar me notën 7, si pak lojtarë në Ligën 1.

.

Balliu nuk di as italisht dhe është e çuditshme ta shohësh në stërvitje, me Panuçin që mban fjalim në italisht dhe dikush e përkthen në shqip, por Balliu vështron pa kuptuar asgjë.

Edhe në Spanjë janë kuriozë për historinë e Balliut, i cili në një intervistë për të njohurën Marca zbulon diçka shumë interesante: ai vetë nuk e dinte që ishte me prejardhje shqiptare, derisa e kontaktuan nga Shqipëria.

“Në prill më telefonuan dhe pata një takim me presidentin Armand Duka. Më pyetën për mbiemrin tim, sepse është shumë i zakonshëm në Shqipëri. Pastaj nisën kërkimet dhe rezultoi që nga ana e babait kisha prejardhje shqiptare. Diçka të tillë nuk e dija, sepse familja ime i kishte humbur kontaktet”.

Në fakt, debutimi i tij u vonua shumë: “Fola me ish-trajnerin De Biazi përpara sesa ai të largohej. Dëshironte që të luaja në ndeshjet e qershorit, por për çështje dokumentacioni nuk munda”, tregon ai.

Grumbullimi i tij me Shqipërinë nuk është rastësi. Shqipëria, që arriti një kualifikim historik në “Euro 2016” u prezantua në Francë me 11 “të huaj”: pesë shqiptarë të Kosovës, katër zviceranë, një shqiptar i Maqedonisë dhe një gjerman. Ndërkaq, Ivan Balliu u shndërrua në një nga debutuesit më të mirë të kampionateve më të rëndësishëm në Europë. Luajti 27 ndeshje me Metzin në Ligën e parë franceze, dha 5 asiste (ndër 8 lojtarët më të mirë debutues në ligat e mëdha), 90 krose (top 15) dhe 56 thyerje të aksioneve kundërshtare (top 20).

“Po më trajtojnë shumë mirë. Të gjithë janë shumë të këndshëm dhe po më ndihmojnë shumë. Jam shumë i kënaqur, për mua është një hap i madh. Do të luaj ndeshje të mëdha, kundër kombëtareve të mëdha dhe kjo më bën shumë të lumtur”, shton Balliu.

Në mënyrë kurioze, Balliun do ta drejtojë ish-mbrojtës i djathtë si Kristian Panuçi, që ka luajtur edhe në Spanjë. “Nuk kemi folur ende në mënyrë private. Kemi folur më shumë në nivelin kolektiv, por jemi shumë të afërt”.

Shqipëria ndodhet e treta në Grupin G dhe Panuçi synon ta ruajë këtë vend: “Trajneri kërkon të krijojë një imazh të mirë, duke luajtur bukur. E dimë që të shkojmë në Botëror është thuajse e pamundur, por duhet të punojmë për të përgatitur eliminatoret e Europianit të ardhshëm. Kemi lojtarë të mirë”, shton Balliu.

Në muajin e ardhshëm, Balliu do të përjetojë një ndeshje shumë speciale. Shqipëria do të vizitojë Spanjën dhe pak ditë më pas do të luajë me Italinë. “Janë ekipet më të mëdhenj të grupit. Nuk e di sa bileta do të më kërkojnë miqtë e familjarët. Që tani kanë nisur ta bëjnë”.

Ndeshja kundër Spanjës do të jetë shumë speciale: “Kam miq të mirë te Spanja. Kam luajtur me ta dhe shpresoj që t’i takoj sërish: Bartra, Sergi Roberto, Tiago Alkantara, edhe Isko. Do të jetë diçka argëtuese”, tha mbrojtësi. Balliu u krijua në akademinë e Barcelonës dhe luajti me ekipet e moshave që nga 12 deri në 21 vjeç

E SHKUARA TE BARCELONA – Balliu u rrit te akademia e famshme e Barcelonës, La Lasia. Ishte kapiten i të rinjve dhe arriti të grumbullohej dy herë në fazën përgatitore me ekipin e parë. “Kam udhëtuar si me Guardiolën, ashtu edhe me Vilanovën. Të dyve u jam shumë mirënjohës. Më ndihmonin, më korrigjonin dhe më flisnin, më bënin të ndihesha si një lojtar i ekipit të parë, pa asnjë dallim.

Në vitin 2013 erdhi largimi: “Në atë moment kisha përpara lojtarë si Dani Alvesh dhe Montoja dhe e kisha shumë të vështirë që të gjeja minuta. Për këtë, vendosa të gjeja një tjetër skuadër që do të më ofronte mundësinë të luaja rregullisht”, vazhdoi më tej lojtari kuqezi.

Balliu është rehatuar dhe përshtatur mirë te Metzi, ku luan prej dy vitesh, ndaj tashmë nuk ka dëshirë të lëvizë: “Më donin në Spanjë, por vendosa të rinovoj për 2 vitet e ardhshme, sepse e ndiej që më duan dhe jam i rëndësishëm te Metzi. Sezoni i shkuar ishte shumë i mirë”.