Megjithatë, ndodh dhe e kundërta. Historia njeh plot raste ku partneret e sportistëve të ndryshëm kanë tradhtuar në kurriz të bashkëshortëve. Në listën e mëposhtme keni disa nga atletët e njohur që kanë pësuar këtë eksperiencë krejt të pakëndshme

Kevin De Brujn – Karolin Lijnen, “ish” e dashura e Kevin De Brujn ka pranuar tradhtinë ndaj mesfushorit belg. E dashura e mesfushorit u përfshi në një lidhje me portierin e njohur Tibo Kurtua. Në intervistën ku tregoi këtë sekret të jetës së saj, Lijnen tha këtë  veprim e bëri si një formë hakmarrje, pasi pak javë më parë ajo mori vesh se De Brujn e tradhtonte prej kohësh me një prej shoqeve të saj më të ngushta.

Vladimir Kliçko – Në vitin 2009 Vladimir Kliçko filloi një lidhje romantike me aktoren 20-vjeçare Hajden Panëtier. Çifti pati një fëmijë në vitin 2014 dhe gjithçka dukej perfekte, derisa pak muaj më parë ukrainasi zbuloi se aktorja e famshme amerikane e tradhtonte prej vitesh. Divorci erdhi menjëherë dhe Kliçko arriti të siguronte kujdestarinë e vajzës së çiftit pas një procesi të gjatë gjyqësor. Paraqitje, zgjuarsi dhe para pafund, nëse e pëson Vladimir Kliçko, atëherë askush nuk është sigurt.

Majk Tajson – Mbetemi te boksierët. Majk Tajson është ndër ata njerëz që nuk mban sekrete. Amerikani e kujton shpesh në interviste tradhtinë e nga “ish” e dashura. Në fund të viteve 80-të, ish-boksieri i famshëm u trondit kur pa në shtëpinë e të dashurës së tij, Robin Givers, një djalosh të ri të quajtur Bred Pit, asokohe një aktor mesatar, shumë larg statusit prej “superstar” që gëzon gjatë ditëve të sotme. Normalisht Pit nuk doli pa pasoja nga kjo ngjarje, por asgjë serioze. Mund të thuhet se Pit është një njeri me fat, pasi një Majk Tajson i nevrikosur në kulmin e formës fizike do ishte një makth për këdo.

Kristian Lel (2 herë) – Ish-futbollisti i Bajernit të Mynihut Kristian Lel është sportisti që e ka pësuar më keq nga të gjithë.  Në vitin 2010 Lel akuzoi legjendën gjermane Mikale Balak për një lidhje jashtëmartesore me të dashurën e tij Daniela. Madje Kristian Lel zbuloi se Daniela kishe mbetur shtatzënë nga kjo marrëdhënie. Gjithsesi për habinë e të gjithë asnjëra palë nuk vuajti pasoja nga kjo ngjarje. Martesa e Balak vazhdoi normalisht, ndërsa Kristian Lel e fali të dashurën  e tij. Megjithatë, historia bëhet akome dhe më e çuditshme  2 vite më vonë kur mediet gjermane zbulojnë disa mesazhe midis Danielës dhe futbollistit të njohur gjerman, Mesut Ozil, përsëri Lel nuk e vrau shumë mendjen, duke preferuar të mos prishë martesën me modelen gjermane. Ndoshta Lel është njeriu më me faj në këtë histori.

Pas Lampard dhe Çeh një tjetër legjendë e bluve të Londrës mund të kthehet në “Stamford Bridge”. Mikael Balak pritet të jetë ndihmësi i Lampard në skuadrën e Roman Abramoviç. Gjermani po përfundon kursin e liçensimit si trajner dhe do të jetë krahu i djathtë trajnerit të ri të Çelsit.

Një ndër ata që kanë mbajtur qëndrimin me kritik ka qenë Mikael Balak. Ish-mesfushori i kombëtares gjermane ka renditur të gjitha dëshimet e fundit të kombëtares gjermane dhe klubeve të Bundesligës dhe ka thënë se është e qartë që diçka nuk po shkon në futbollin gjerman.

“Dështuam në Botëror, dështuam në Ligën e Kombeve, ndërsa në çerekfinalet e Champions League s’do të kemi asnjë skuadër gjermane. Kjo tregon qartazi s’po i bëjmë gjërat siç duhet. Kam dëgjuar shumë vetë që mundohen t’i shmangen problemet, por unë nuk e kuptoj pse s’duhet t’i themi gjërat troç”, tha Balak.

BAJERNI NË KRIZË? – “Mendoj se ky debat është zmadhuar, pasi Bajerni ka qenë shumë dominues në vitet e fundit dhe diferencat e tyre me pjesën tjetër të Bundesligës janë të mëdha. Është mbresëlënëse se sa dominues kanë qenë ata në vitet e fundit dhe sa shpejt e fitonin kampionatin. Nëse ndalet ky lloj dominimi, kritikat janë të pashmangshme. Duhet t’u përgjigjen kritikave me fitore”.

A KA SKUADRA LIDER ? – “Në futboll e sotëm ka gjithmonë e më pak liderë. Sot respektohet grupi dhe trajneri. Në të shkuarën lojtarët kishin më shumë vendimmarrje në fushën e lojës, pra kishin më shumë autonomi dhe si rezultat mund të flitej për lider të vërtetë.

DORTMUND – “Borusia ka një ambient të mirë dhe një trajner që meriton shumë respekt. Lojtarët kanë mësuar shumë shpejt nga ai. Luajnë një futboll që përveç se po u jep rezultate, është dhe i bukur për t’u parë. Ata e nisën sezonin me më pak presion se Bajerni, ndërkohë që nuk kanë pasur probleme me dëmtimet si bavarezët. Por, janë një skuadër shumë e re dhe mbetet për t’u parë se si do të vijojë sezoni tyre”, tha Balak.

Balak ishte një prej atyre që mendonte se koha e Lëv në krye të Gjermanisë kishte ardhur në fund, por Toni kros i ka dalë në mbrojtje trajnerit të tij, madje duke aluduar se ish-futbollisti i Kombëtares ka pasur një dëshirë për ta pasuar timonierin aktual në krye të skuadër. Një sulm i hapu dhe i papritur nga ana e mesfushorit të Realit të Madridit.

“Secili ka mendimin e tij të ndryshëm. Ka nga ata që thonë se pas një suksesi të madh ja vlen më shumë të largohesh, por ka dhe nga ta që nuk duhet të vazhdosh kur kalon një moment të vështirë. Balak besoj se e ka menduar një ndryshim, pasi ai ndoshta donte vendin e Lëvit. Jam i bindur se do të rikthehemi në rrugën e mbarë me Lëvin. Ai ka treguar gjithnjë se mund të bëjë mirë dhe kemi pësuar një rritje progresive nën drejtimin e tij”.

“Bajerni do të mobilizohet edhe më shumë prej ndeshjes me PSG-në. Mbi të gjithë, reparti ofensiv i parisienëve do të dojë të tregojë se janë aq të fortë sa për ta fituar trofeun e kampionëve të Evropës. Mendoj se për lojtarë si Riberi dhe Roben është një mënyrë fantastike për t’i treguar dyshes Nejmar-Mbape se çfarë mund të bëjnë. Për Bajernin, barazimi do të ishte një rezultat i mirë. PSG-ja ka më shumë presion prej investimeve që ka bërë në merkaton e verës”, – ka thënë Balak, duke kujtuar 402 mln eurot që klubi kryeqytetas do të paguajë gjithsej për dy sulmuesit e lartpërmendur.

“Hames? Shumë i mirë, por i mungon dinamika. Ka fat që me trajnerin ka marrëdhënie të mirë. Nojer? Më mirë që u dëmtua në fillim të kampionatit. Duhet të ruhet para Botërorit”, – ka shtuar legjenda gjermane e futbollit.