Në fund të takimit, Balaj foli për mediet austriake ku zbuloi se në përshtatjen me kampionatin austriak po e ndihmon Hamdi Salihi, një sulmues ky që ka lënë gjurmë në futbollin e atjeshëm. Trajner Nestor El Maestro nuk i kurseu komplimentet për “bomberin” e rij, ndërsa shpjegoi se Balaj mund të kishte çuar shifrat në 2 – 0, po të mos kishte qenë për gjendjen jo të mirë fizike, diçka e pritshme kjo pasi Balaj vjen nga më shumë se dy muaj pa stërvitje.

“Ndeshja e parë, goli i parë, tre pikë. Ishte një fillim shumë i mirë, por mund të kisha bërë akoma dhe më mirë, gjithsesi gjëja më e rëndësishme është që morëm tri pikët. Sot mora përshtypjet e para mbi futbollin austriak. Nuk dija shumë mbi kampionatin, por Hamdi Salihi më ka dhënë disa këshilla dhe informacione mbi klubin dhe futbollin në vendin tuaj. Ai ka shënuar shumë gola këtu dhe të njëjtë gjë dua të bëj dhe unë”, tha Balaj pas ndeshjes

“Skuadra ime bëri një paraqitje shumë të mirë. Ishte një ndeshje e luftuar dhe këto fitore vlejnë shumë. Jam shumë i kënaqur me Balajn, është një sulmues dhe e bëri punën e tij. Pati një rast të shkëlqyer për të çuar rezultatin në 2 – 0, por nuk është ende në formën e duhur dhe u lodh shpejt”, tha trajneri i Shturm Grac.

Një kundërsulm i shpejt i skuadrës së Grac dhe një asist perfekt i Filip Huspek bënë që Balaj ta kishte të lehtë realizimin e këtij goli kundër vendasve të Volfsberger.

“Asnjëherë nuk është e lehtë të gjesh sulmues cilësor. Jam mëse i gëzuar që arritëm të bindnim Bekim Balajn për të ardhur te Shturm Grac. Është absolutisht një sulmues i një niveli të lartë. Krahas fizikut dhe atleticizimit, ai është një lojtar që vrapon shumë dhe i fortë në lojën në ajër”, tha drejtori sportiv Gynter Kraisl

“Shturm Grac është një klub tradite i Austrisë me fansa të zjarrtë. Kjo është diçka që më pëlqen. Tani e rëndësishme është që të integrohem sa më shpejt me pjesën tjetër të grupit. Mezi pres të filloj seancën e parë stërvitore”, tha Balaj

“Trajneri Nestor El Maestro vlerësoi sulmuesin shqiptar duke veçuar karakteristikat e tij fizike dhe eksperiencën e 28-vjeçarit. “Bekimi është një sulmues i fuqishëm,i cili me gjatësinë e tij na bën akoma më të fortë në lojën në ajër. Ka eksperiencë të shumtë në arenën ndërkombëtare që me siguri do të nevojë në ndihmë”.

Bundesliga austriake është kampionati i gjashtë i huaj në karrierën e 28-vjeçarit që më parë ka luajtur në Turqi, Çeki, Poloni, Kroaci Rusi. Balaj do të jetë gati për ta ndihmuar skuadrën e re në takimin hapës të Bundesligës, këtë të diel ndaj Sankt Pëlten.

Transferimi i Balajt tek ekipi austriak u krye me kosto 0 pasi kontrata e sulmuesit me klubin çeçen Ahmat mbaroi në fund të këtij sezoni.

Rinovimi mbetet ende një opsion në tavolinë, por një deklaratë e fundit e liderit çeçen, Ramazan Kadirov, ul ndjeshëm gjasat që dy shqiptarët të vazhdojnë të jenë pjesë e ekipit të tij.

Në një prononcim për mediet ruse, Kadirov tha:  “Klubet ruse duhet të besojnë më shumë te futbollistët vendas dhe të ndalojnë së paguari shuma më të mëdha për lojtarë të huaj. Është një çmenduri që një vend me 150 milionë banorë nuk mund prodhojë lojtarë“.

Skuadra e Ahmat Groznit ka 12 lojtarë të huaj. Pas deklaratave të Kadirov pritet që ky numër të reduktohet. Shqiptari tjetër i Ahmat, Bernard Berisha, ndodhet në një pozitë ndryshe nga Balaj dhe Roshi, pasi kontrata e tij përfundon në verën e 2020-ës.

Ditë pozitive dhe për ish-sulmuesin e Shpresave kuqezi, Taulant Seferi. Me skuadrën e Uinterthur në Zvicër, Seferi ka asistuar golin e dytë për ekipin e tij, që triumfoi 2-0 në shtëpi përballë Uil. Seferi luajti 87 minuta në këtë takim. Në Hungari, Hasani ka shënuar për ekipin e DVKT-së, që triumfoi në shtëpi me rezultatin 2-1. Sulmuesit shqiptar i mjaftuan vetëm 5 minuta që të gjente rrjetën.

Mbrojtësi i kombëtares, Ardian Ismajli, luajti 90 minuta për ekipin e Hajduk Splitin. Vetëm një karton i verdhë për mbrojtësin. Balaj dhe Roshi janë aktivizuar në Rusi me ekipin e Akhmat Groznit. Sulmuesi shkodran luajti vetëm 10 minutat e fundit të takimit, ndërsa Roshi që e nisi takimin si titullar, u zëvendësua në minutën e 62’.

Ky fakt ka ngjallur reagimin e ambasadorit serb në Rusi. Ai e sheh të habitshme vendosjen e flamurit të Kosovës në stadiumin rus. Duhet të përmendim që dy shtetet kanë marrëdhënie të mira me njëri-tjetrin dhe Rusia është një nga vendet që nuk e ka njohur akoma pavarësinë e Kosovës.

“Është shumë e habitshme paraqitja e flamurit të Kosovës në Ahmat-Arena. Ne presim që autoritetet lokale të reagojnë në përputhje me pozitën zyrtare të Federatës Ruse.”, thuhet në reagimin e ambasadorit serb, Slavenko Terziç.

E menjëhershme ka qenë përgjigja e klubit rus nëpërmjet zëdhënësit për shtyp, Ramazan Umarov. Ai e sheh të zmadhuar dhe të pakuptimtë deklaratën e ambasadorit serb.

“Nuk e kuptoj pse e thotë këtë. Ky flamur nuk u paraqit në stadium dje apo sot. Ai ka qëndruar i varur për disa vite aty. Tek ne aktivizohet Bernard Berisha, i cili luan për ekipin e përfaqësueses të Kosovës. Në stadium varen të gjithë flamujt e ekipeve përfaqësuese, që luajnë lojtarët tanë. Përveç Kosovës, janë flamujt e Shqipërisë, Kroacisë apo Senegalit. Pse bëhet kaq zhurmë për hiçgjë? Nuk e kuptoj politikën. Vetëm mund të them pse ai flamur është i varur dhe nuk e di nëse do të hiqet apo jo.”, u shpreh i Ahmat Groznit. Megjithatë, pak orë pas kësaj deklarate, klubi çeçen mori vendim për të mos mbajtur më asnjë flamur në ambientet e stadiumit.

“Rezultati 2-0 të lë një shije të keqe. Nuk donim t’i fillonim kështu eliminatoret. Bëmë një pjesë të parë të mirë, por pësuam një gol, që më shumë e dhuruam. Në pjesën e parë bëmë një lojë më të mirë se Turqia. Krijuam volum, sigurisht të vjen keq për atë gabim”.

“Kontakti ishte shumë i lehtë nuk ishte për penallti.  Topi u largua në sekondën e fundit dhe nuk bëra një goditje të pastër. Ndoshta me ato mundësitë që na u dhanë duhet të kishim shënuar dhe rezultati do të ishte tjetër”, tha Balaj.

Në minutën e 56-të ekipi i Ahmatit fitoi të drejtën e një 11-metërshi dhe te pika e bardhë u vu pikërisht Bekim Balaj. 28-vjeçari u tregua i saktë, duke festuar kështu golin e parë në kampionat për këtë sezon.

Një lajm mjaft i mirë edhe për kombëtaren tonë, pasi në prag janë ndeshjet kualifikuese për Euro 2020, ku do të përballemi me Turqinë dhe Andorrën.

Gjithsesi, në minutën e fundit të kohësh shtesë, vendasit e Kazanit gjetën rrugën e rrjetës me anë të Sagitov, por nuk pati kohë për festë, pasi arbitri e anuloi golin me justifikimin se topi kishte kaluar vijën fundore dhe akordoi një goditje nga këndi.

Pamjet filmike tregojnë se topi nuk kishte kaluar krejtësisht vijën dhe goli duhej të ishte konsideruar i rregullt , por drejtësia u vë në vend gjithsesi. Në goditjen e këndit që ishte dhe aksioni i fundit i takimit, Kazan shënon përsëri me anë të Sagitov dhe i gjithë stoli i skuadrës kalon nga ankthi në ekstazë. Natyrisht arbitri s’kishte si të prishte festën për herë të dytë.

Krahas përballjes së nesërme, dy lojtarët e kombëtares sonë do të kenë mundësi të aktivizohen dhe në dy takime të tjera para shpalljes së listës së Panuçit për ndeshjet e kualifikuese të “Euro 2020” kundër Turqisë dhe Andorrës, që do të zhvillohen më datë 22 dhe 25 mars.

Balaj ka qenë një ndër lojtarët më të grumbulluar nga Panuçi dhe me shumë gjasa ftesa për sulmuesin shkodran nuk do të mungojë as kësaj radhe.

Ndërkohë, situata me Roshin është krejt ndryshe. Mesfushori fierak ka pak javë që është kthyer në stërvitje të plotë me grupin pas një dëmtimi që e la jashtë fushave prej më shumë se pesë muajsh. Këto javë do të jenë vendimtare për të parë nëse 27-vjeçari do t’ia dalë të rikthehet në radarin e kombëtares.

Bomberi shkodran i dha avantazhin skuadrës së tij në atë fitore 2-0, duke shënuar golin e parë në minutën e 58’. 28-vjeçari vazhdon të tregojë se është një sulmues goli, duke i çuar një mesazh teknikut Panuçi, për një vend titullari te kombëtarja jonë kuqezi.

Miqësore

Akhmat Grozni – Dinamo Minsk  2-0
Shënues: Balaj 58′, Silva 65′

Me fitoren e sotme ekipi çeçen shkon në kuotën e 23 pikëve dhe largohet gashtë pikë larg zonës play-out. Me Odise Roshin e dëmtuar dhe Bekim Balajn që ka humbur prej javësh vendin e titulluart, Bernard Berisha është shqiptari që po merr më shumë minuta te Akhmat. Kampionati rus tani fillon pushimin dimëror që zgjat deri në muajin mars.

Zhvendosemi në kampionatin grek, ku Panionios, skuadra ku luan sulmuesi shqiptar Fiorin Durmishaj është ndalur në një barazim 1 – 1 kundër Levadiakos. Futbollisti vlonjat luajti për 90 minuta në këtë takim, por pa mundur të lërë shenjë.

Krasnojarsk është një qytet i madh në Siberi dhe aty Gavazaj tashmë po provon makthin e të ftohtit, sepse që në nëntor temperaturat kanë zbritur shumë gradë nën zero, aq sa sot ishte 24 gradë nën zero gjatë natës dhe -16 në mesditë.

Ju duken temperatura të ulëta? Atëherë shihni dhjetorin, sepse të shtunën temperatura më e lartë do jetë -16 gradë, ndërsa të mërkurën e ardhshme moti do jetë vrasës, me temperatura nga – 28 deri në -34 gradë.

Në fundjavë Jenisej do presë Ahmatin e Balajt, Roshit dhe Berishës, ndërsa Federata Ruae ka refuzuar prerë kërkesën që ndeshja të luhet në stadium të mbuluar, nga ata që përdoren për stërvitje ose futboll salle.

Bernard Berisha e Odise Roshi ka kohë që nuk luajnë dhe nuk do shkojnë ne Siberi, por Gavazaj e Balaj priten të paktën në stol, për një torturë 2-orëshe.

Sulmuesin duket se nuk është alternativë e preferuar nga trajneri, kjo deri diku e kuptueshme, pasi sulmuesi kuqezi golin e fundit në kampionat Balaj e ka realizuar në datën 21 maj të vitit 2017 dhe që atëherë nuk ka gëzuar asnjëherë në kampionatin rus.

27-vjeçari nuk zbriti në fushë për asnjë minutë, ndoshta i ndikuar dhe nga lodhja e nga udhëtimi dhe fakti që ishte në fushë të martën. Gjithsesi, goli me kuqezinjtë mund ta ndihmojë sulmuesin që të zhbllokohet dhe të nisë e ta ndihmojë skuadrën e tij, por i duhet të rifitojë besimin  trajnerit.

“Ne kishim shanset tona, krijuam raste dhe them se e merituam fitoren. E dinim se do të jetë e vështirë që të shënonim ndaj një skuadre si  Jordania, pasi ata do të luanin në mbrojte.  Ishte e vështirë për ne që të depërtonim dhe skuadra u tregua disi konfuze në disa momente”.

“Kemi pak ditë kohë për t’u rikuperuar për ndeshjen e ardhshme. Na penalizuan pak dhe dëmtimet. Tani na duhet të rikuperohemi për ndeshjen me Irzaelin. Hysaj ka luajtur një muaj shumë impenjativ ashtu si dhe Basha e Memushaj. Nuk doja që ti ngarkoja shumë”.

“Skuadra luajti mirë dhe u soll mjaft në mënyrë mjaft profesionale në fushë, Mund ta kishim fituar këtë ndeshje. Vendosa që sot të luanim me tre mbrojtës ,por e them sërish që dëmtimet na kushtëzuan”.

Uzuni bëri një ndeshje të mirë dhe ka mjaft kualitet. Po ashtu edhe Grezda bëri mjaft mirë.

Nga Rusia në Belgjikë. Sindrit Guri e ndoqi nga stoli fitoren e skuadrës së tij Ostendes ndaj Eupen. Trajneri nuk i dha asnjë minutë lojtarit kuqezi në këtë ndeshje. Edhe Bakaj në Bjellorusi nuk ka mundur që të lërë gjurmë në humbjen që skuadra e tij Shaktjor Soligorskit pësoi në transfertë me Islosh Minsk.

Në Greqi, Andi Lila ka fituar derbin me Migjen Bashën. Kavajasi ishte në fushë për 90 minuta, ndërsa Basha u zëvendësua në të 80-ën. Aris u mund nga Janina nga një autogol, por në pjesën e parë nuk miqtë humbën një 11-metërsh. Mërgim Mavraj nuk ishte i gatshëm as për këtë sfidë.

Megjithatë, lajme të mira vijnë edhe nga Rusia, sepse pas Odise Roshit, po rigjen formën optimale edhe Bekim Balaj.

Sulmuesi shkodran vuajti shumë në vjeshtë për një dëmtim që e la jashtë për një kohë të gjatë, por duket se ka punuar mjaft mirë këtë vit dhe fizikisht po kthehet në formë optimale.

Dje Ahmat Grozni luajti një miqësore në Antalia kundër Irtyshit nga Kazakistani, duke barazuar 1-1.

Në këtë takim Ahmati la pushim shumë titullarë, përfshirë Roshin, ndërsa Bekim Balaj luajti 90 minuta dhe Bernard Berisha 45 minutat e para.

Në një ndeshje me pak raste për shënim, Irtyshi shënoi në fund të pjesës së parë, ndërsa Balaj me 11-metërsh barazoi në minutën e fundit të ndeshjes.

Sot Ahmati do të luajë miqësoren e radhës, kundër Anzhit, me Odise Roshin që pritet të jetë titullar.

Vladimir Prenga

Një autogol i dha Ahmat Groznit fitoren 1-0 dje ndaj Rubin Kazanit, me ekipin çeçen që u kthye te fitorja pas një muaji pritjeje. Si për koinçidencë, ishte edhe dita e kthimit në fushë të Bekim Balajt. Sulmuesi shkodran më në fund ka lënë pas një dëmtim aspak të thjeshtë, që e mbajti larg fushave për disa javë dhe e detyroi të kryente një operacion. Balaj u aktivizua në minutën e 80-të, në vend të Bernard Berishës, ndërsa 5 minuta më vonë erdhi autogoli i Ozdoev. Pak minuta, por shumë të rëndësishme për sulmuesin shqiptar, i cili tashmë synon të kapë formën maksimale para ndeshjeve të kombëtares. Për “Sport Ekspres” Balaj flet pas rikthimit në fushë, duke u ndalur edhe te kombëtarja jonë…

-Bekim, riktheheni në fushë me Akhmat dhe në fakt me këmbë të mbarë, pasi skuadra juaj gjeti fitoren pas rreth një muaji. Si u ndjetë?

Normalisht dëshira ishte e mëdha të luaja dhe me thënë të drejtën më ka munguar fusha e blertë. U bënë 3-4 muaj që qëndroj jashtë nga një dëmtim i gjatë që kam pasur. Rrezikoja të kisha disa minuta, pasi kam vetëm një javë që stërvitem me ekipin. Më vjen mirë që luajta dhe arritëm të fitonim këtë ndeshje, që ishte e rëndësishme për ne. Tani duhet të shohim përpara dhe shpresoj të mos kem më probleme fizike, sepse më mungonte shumë fusha.

-Tashmë që jeni gati, besoj se mezi po prisni edhe të shënoni…

Të them të drejtën ndihem mirë, normalisht kam akoma shumë punë për të bërë për të arritur formën maksimale fizike. Gjithsesi kam filluar stërvitjen e plotë me ekipin dhe mendoj se do jem i gatshëm në të gjitha ndeshjet që do vijnë më pas.

-Do donit ta bënit më parë me Akhmat, apo me Kombëtaren?

Ndeshjen e radhës luajmë jashtë, në Shën Petersburg ndaj Tosnos. Shpresoj të kem më shumë minuta dhe pse jo edhe të shënoj. Pastaj janë ndeshjet e Kombëtares, por të shohim deri pas ndeshjes me Tosnos çfarë bëhet.

-Të fokusohemi te Shqipëria. Për shkak dëmtimi nuk ishit në dy ndeshjet e shkuara me Lihtenshtejnin dhe Maqedoninë. Si ju duk nga jashtë Kombëtarja?

I kam ndjekur ndeshjet e Kombëtares dhe besoj se është bërë një punë e mirë. Deri diku u arrit objektivi që kishim për vendin e tretë në tabelën e klasifikimit.

-Siç dihet, tashmë na drejton një trajner i ri si Kristian Panuçi. A keni komunikuar me të? Nëse po, çfarë ju ka thënë?

Kam bërë një bisedë me trajnerin para grumbullimit të fundit, pasi më pyeti për gjendjen që kisha. Isha i dëmtuar dhe nuk u bëra dot pjesë e ekipit për atë grumbullim.

-Besoj se nga ana juaj ka pasur një farë kurioziteti për mënyrën se si ai punon. Roshi do ju ketë treguar ndonjë gjë…

Normalisht kam folur me Roshin dhe më ka treguar. Është një trajneri i ri, shumë kërkues, punëtor. Tani të shohim, shpresojmë të kemi edhe rezultate.

– De Biazi është një kapitull i mbyllur për Shqipërinë. Tashmë epoka “Panuçi” ka nisur. Sa besoni te suksesi i Kombëtares në vazhdimësi?

Mendoj që për këto kualifikuese u arrit, pasi arritëm vendin e tretë. Në kualifikueset e tjera për Europian mendoj që do jemi në pozita deri diku të mira, që në hedhjen e shortit, ndoshta edhe me pak fat për të shmangur kundërshtarët e fortë. Gjithsesi dëshira dhe pritshmëria është e lartë nga të gjithë. Shpresojmë të bëjmë më të mirë, të marrim maksimumin dhe pse jo të kualifikohemi.

-Dy ndeshjet e radhës luhen ndaj Spanjës dhe Italisë. Është gati Balaj për to?

Kam vetëm dhjetë që bëj stërvitje të plotë. Ishin minutat e para pas një kohe të gjatë, pasi vij nga dëmtimi. Gjithsesi, kemi edhe një ndeshje para dy ndeshjeve të Kombëtares dhe do jetë trajneri ai që do vendosë nëse do jem pjesë e grumbullimit apo jo.

Ndërkaq, nuk luajti asnjë minutë Odise Roshi, gjithë ndeshjen në stol. Shqetësuese situata e mesfushorit tonë, perfekt me kombëtaren, por i mënjanuar në klubin e vet, ndaj me shumë gjasa në janar do të kërkohet sistemim në ndonjë klub ku t’i garantohen minuta.

Tani bilanci i lojtarëve tanë është negativ, edhe për shkak të dëmtimeve, por këto nuk fshehin problemet.

Bekim Balaj ka luajtur në 3 nga 6 ndeshjet e para të sezonit dhe titullar ka qenë në dy fitore në korrik. Gushti ka qenë fatal për të, sepse pësoi një dëmtim dhe tashmë po i ndjek ndeshjet nga stoli.

E njëjta gjë edhe për Odise Roshin, që tashmë ka lënë pas dëmtimin dhe sot në Shën Petërsburg u aktivizua pas pushimit, kur Zeniti kryesonte 1-0. Përfundoi 4-0 (3 humbje rresht për Ahmatin), me Roshin që nuk mundi të bënte shumë ndaj një rivali tepër superior, por fieraku duhet të shqetësohet për situatën e tij, sepse nuk ka luajtur asnjë ndeshje titullar këtë sezon. Edhe Bernard Berisha ka probleme: vetëm një ndeshje titullar 144 minuta në fushë në 6 ndeshje, shumë pak për një mesfushor i cili në Rusi ka shkëlqyer që kur ka shkuar, nga Skënderbeu.

Nga shqiptarët luajti vetëm Bernard Berisha, 76 minuta në fushë. Odise Roshi e Bekim Balsj munguan sërish për problene fizike dhe situata po bëhet shqetësuese për kombëtaren, sepse kanë mbetur pak javë nga ndeshjet kualifikuese të shtatorit dhe mungesa e tyre do të përbënte një problem të madh për trajnerin Kristian Panuçi.

Sot Ahmati mposhti 2-0 Dinamon e Moskës, duke marrë kreun e renditjes me pikë të plota pas 3 javëve të para dhe duke filluar të ëndërrojë, edhe pse realisht nuk synon më shumë se një vend në Europa League.

Gjithsesi, nuk po u buzëqesh fati shqiptarëve, sepse Odise Roshi e Bekim Balaj e kanë nisur me probleme fizike sezonin dhe munguan sot. Balaj luajti vetëm 45 minutat e para javën e shkuar në Rostov, ndërsa Roshi u dëmtua në pjesën e dytë të asaj sfide.

Sot luajti vetëm Bernard Berisha, i futur në minutën e 62-të, kur ndeshja ishte ende pa gola. Futja e mesfushorit të Kosovës shtoi ndjeshëm rrezikshmërinë në sulm dhe në minutat 80 e 83 erdhën dy golat e fitores.

Sot Ahmat Grozni fitoi në Rostov 1-0, me një gol të shënuar në minutën e 55-të nga Sadaev. Ky zëvendësoi pas pushimit Bekim Balajn, i vetmi shqiptar nga minuta e parë në fushë.

Ndërkaq, Odise Roshi u fut në minutën e 65-të dhe Bernard Berisha 11 minuta më vonë, duke u ndëshkuar edhe me karton të verdhë në shtesë.

Fillim perfekt për klubin çeçen, jo dhe aq për shqiptarët, sepse Balaj ishte i vetmi që luajti javën e shkuar (90 minuta), ndërsa sot asnjëri nuk luajti 90 minuta.