Baku

“Edhe në Azerbajxhan jetojnë njerëz që e duan futbollin”

Sport Ekspres — Fri, 24 May 2019 21:28:05 +0000

Vendimi i UEFA-s për të luajtur finalen e Europa League në Baku ka hasur në kontestime të të mëdha. Udhëtimi i vështirë dhe mungesa e fluturimeve drejt Azerbajxhanit kanë bërë që qeveria e futbollit evropian të akuzohet për këtë si një vendim i pamenduar. Ajo që bëri më shumë zhurmë dhe krijoi debat ishte fakti se Mkitarian nuk arriti të udhëtonte për të luajtur, për arsye sigurie.

Aleksanër Ceferin, presidenti i UEFA-s është përgjigjur në mënyrë të drejtpërdrejtë. Ai shprehet se edhe qytetarët e Azerbajxhanit e meritojnë të shohin futboll në nivele të larta në vendin e tyre. Thotë se evitimi i futbollit prej konflikteve të tilla nuk duhet të ndodhë.

“Problemi i të drejtave të njeriut është problem edhe në vende të tjera. A do të thotë kjo se tifozët në Baku nuk duhet të shohin futboll të gjallë? Ka dhe atje njerëz që jetojnë dhe e duan futbollin. Nëse futbolli e lejon veten të ndalet në situata të tilla atëherë nuk mund të organizojmë asgjë në të ardhmen. Kemi arritur të menaxhojmë një Kampionat Evropian perfekt ne Francë, ku rrezikohej nga sulmet terroriste”, u shpreh Ceferin.

Situatë kaotike, lojtari i Arsenalit mungon në finale për shkak të politikës

Sport Ekspres — Sat, 11 May 2019 08:18:10 +0000

Skuadra e Arsenalit është shumë e shqetësuar sa i takon lojtarit të tyre, Henrik Mikitarian, pasi ky i fundit mund të humbasë finalen e Europa League përballë Çelsit, për shkak të tensioneve midis Azerbajxhanit, vendit ku do të zhvillohet finalja, dhe Armenisë, vendi i lindjes së Mikitarian.

Kapiteni i Armenisë dhe një nga lojtarët më të mirë të Arsenalit u detyrua të bëjë pushim dhe të mos grumbullohet në takimin kundër Karabakut më herët në grupet e Europa League, që të shmangeshin trazirat. Por finalja ndaj Çelsit është një ndeshje shumë më e rëndësishme se ajo përballë Karabakut.

Si pasojë, skuadra e Arsenalit ka nisur bisedimet me UEFA-n për të gjetur një zgjidhje për këtë situatë. Në stadiumin e Bakusë, pritet të ketë forca shumë të mëdha sigurie për finalen e Europa League.

Politika në mes, Arsenali në finale pa fantazistin

Sport Ekspres — Fri, 10 May 2019 13:40:19 +0000

Finalja e Europa League do të zhvillohet për herë të parë në Baku të Azerbaixhanit. Vendndodhja e eventit të shumëpritur nuk ishte idealja për skuadrën e Arsenalit, që ka në gjirin e saj futbollistin armen Henrik Mkihtarjan.

Situata e tensionuar gjeopolitike midis Armenisë dhe Azerbajxhanit nuk mund të anashkalohet edhe pse kemi të bëjmë thjesht me një ndeshje futbolli. Ligjërisht shtetasit armen nuk lejohet të shkelin ne territorin e Azerbajxhanit, por UEFA mund të ndërhyjë për të siguruar një përjashtim për 30-vjeçarin.

Gjithsesi, gjasat janë që futbollisti të mos pranojë të shkelë në territorin e Azerbajxhanit për shkaqe sigurie. Në vitin 2015, Mkihtarjan refuzoi të udhëtonte me Borusian e Dortmundit drejt Azerbajxhanit për një ndeshje të Europa League kundër Gabalës.

Urrejtja midis dy popujve është tepër e madhe për shkak të një konflikti për një sipërfaqe territoriale, për të cilin u zhvillua në luftë e shkurtër në vitet 90-të.

Foto të luftimeve Armeni – Azerbajxhan

Absurde, Arsenali: Zhgënjim i madh, çfarë t’iu themi tifozëve?

Sport Ekspres — Fri, 10 May 2019 09:20:06 +0000

Arsenali dhe Çelsi do të përballen mes tyre në finalen e Ligës së Europës, që zhvillohet në Baku të Azerbajxhanit me datë 29 maj. Stadiumi ka një kapacitet prej 68700 tifozësh dhe UEFA ka vendosur t’iu shpërndajë ekipeve nga 6 mijë bileta. Një numër shumë i vogël, që “Topçinjtë” e cilësojnë zhgënjyes.

“Jemi informuar nga UEFA se të dy klubet do të marrin nga 6 mijë bileta për finalen e Ligës së Europës. Po diskutojmë me ta që të marrim më shumë bileta për tifozët tanë. Kjo shpërndarje zhgënjyese na vë në vështirësi ekstreme me tifozët tanë besnikë.

Kemi rreth 45 mijë abonime sezonale dhe 180 mijë anëtarë zyrtarë. Shumë prej tyre na kanë ndjekur kudo dhe nuk do të kenë mundësinë për të shijuar finalen në stadium”, shkruhet në komunikatën e Arsenalit. Klubi nxori edhe çmimet e biletave që variojnë nga 26, 43, 78 dhe 121 sterlina.